教育王國
標題: 今天派了成績表 [打印本頁]
作者: bb20040225 時間: 10-2-26 21:29 標題: 今天派了成績表
今天派了成績表,巳有心理準備唔合格, 小女今年3年級, 小二巳經留了一年, 接到成績表, 都是預期之結果, 中英數都唔合格, 唔知今年會唔會再留??? 各位家長唔知有咩方法，佢學校都有輔導，而且是小班，只有１１人
作者: yuki123lam 時間: 10-2-27 12:30
我都收到仔仔既成績表, 都係預期之內.....中,英,數,平均分都唔合格.....今年已經小四喇, 往後既路真係好難行....我都唔知仲可以做 d 咩去幫佢..................
原帖由 bb20040225 於 10-2-26 21:29 發表 
今天派了成績表,巳有心理準備唔合格, 小女今年3年級, 小二巳經留了一年, 接到成績表, 都是預期之結果, 中英數都唔合格, 唔知今年會唔會再留??? 各位家長唔知有咩方法，佢學校都有輔導，而且是小班，只有１１人 ...
作者: bb20040225 時間: 10-2-27 17:38
hello,
yuki 唔知你學校有冇輔導班, 及考試調適, 我女學校都算有, 而且老師好好人, 好有愛心
作者: yuki123lam 時間: 10-3-1 09:52
bb20040225,
學校有調適俾仔仔, 測考有加時, 一星期其中四日有半小時加輔班教中英, 功課量又有減少, 默書又有範圍通知, 不過仔仔班有 30 人, 唔算小班教學, 學校其它小朋友成績好厲害, 大部份小朋友平均分有九十幾分, 餘下小部份八十幾分以上, 仔仔係呢間學校讀得好辛苦, 因為課程比較深, 不過老師, 學校各方面都比其它學校更有愛心, 好體諒仔仔既情況, 亦都好照顧佢, 所以係我唔同仔仔轉校既原因之一, 不過下年就五年級, 我真係好擔心佢............. 妳女女情況點呀, 平時做功課快唔快呀.....
原帖由 bb20040225 於 10-2-27 17:38 發表
hello,
yuki 唔知你學校有冇輔導班, 及考試調適, 我女學校都算有, 而且老師好好人, 好有愛心
作者: loklok0104 時間: 10-3-2 13:49
我大仔都派左成績表, 是我預料中事, 中文唔合格, 英文緊緊合格, 其他兩科都OK(78, 87), 其實我都好唔開心, 及擔心......明明之前同佢溫到好熟好熟, 但考試成績都唔理想, 佢既問題係如果出番同樣問題既卷, 佢會識答, 但如果稍為轉另一個角度去問同樣既問題, 佢已經唔識, 錯晒. 我睇到份卷好無奈...... 
我係在職媽媽, 家中仲有個2歲大既細仔, 我係一手自己教小朋友功課及溫習, 我覺得真係好心力交瘁, 往往花好多時間, 心機係個仔身上, 但出離結果卻令人覺得失望, 我都知佢係最需要人地去鼓勵, 支持, 我係明架, 因為佢行緊每條路, 都有佢媽咪陪佢一齊走, 我都感到需要身邊既人去支持我, 所以我明白佢.
後來我學識調節自己, 既然神賜這個兒子給我, 我便要好好去帶領他行出光明人生路, 希望大家在未來的日子能夠再裝備自己, 幫到小孩! 
作者: yangyang8 時間: 10-3-4 11:39
我個都是考第尾,我就泥比佢激到癲,
作者: 浩朗媽媽 時間: 10-3-11 14:12
bb20040225,
我想問下你女兒讀邊間學校呀? 我想同個仔轉校)
作者: honeysara 時間: 10-3-17 16:19
原帖由 loklok0104 於 10-3-2 13:49 發表
我大仔都派左成績表, 是我預料中事, 中文唔合格, 英文緊緊合格, 其他兩科都OK(78, 87), 其實我都好唔開心, 及擔心......明明之前同佢溫到好熟好熟, 但考試成績都唔理想, 佢既問題係如果出番同樣問題既卷, 佢會識答, ...
loklok0104
我同妳差唔多都係在職媽咪，大女certify咗有讀障成績當然唔好提...有調適的就會全部合格, 冇調適的多數全軍覆沒. 我自問好比心機教佢又有2個輔導員跟住都冇進展
精神科醫生直頭叫我唔好抱任何希望. 佢話這類小朋友比其他人讀多2,3倍時間但成績都唔會好! 其實佢默書，測考時我仲驚過佢. 我都有壓力
現在最怕係5歲的細女都有讀障問題, 到時我就真係死幾次都唔掂!!! 我都有考慮幫個女轉校(佢已經讀4年級) 報名表已經交咗不過都唔知轉唔轉好, 我本來想叫佢轉一間程度低好多的學校但怕佢入中學考唔倒好學校. 但現在讀緊的小學佢又跟唔上,加上d同學個個成績都好好就睇唔起d成績差的同學...我個女成日比人'蝦' 所以佢都好唔開心. 唉! 真係轉又煩唔轉又煩!
作者: winniethe718 時間: 10-3-21 01:46
睇到你地咁辛苦.我就好似睇到自己到囝囝個情況咁.請問你地個小朋友會唔會因為自己有學障唔開心.比自己好大壓力.
佢今年小一.第一學期除左數學科科都三十分以下.第二學期成績出左黎.進步左科科都40分以上.但佢見到啲成績好唔開心...
作者: honeysara 時間: 10-3-22 14:49
大人同小朋友都會唔閞心 最慘係個囡開始有放棄私態度. 因為真係讀得辛苦又冇回報.
作者: yuki123lam 時間: 10-3-22 17:24
我個仔上年已經開始放棄自己喇, 唔交功課, 測考唔做卷, 成日問我點解自己做功課會甘慢, 人地又唔會.........等等, 我真係好心痛, 聽日開始又測驗喇, 我只希望科科合格就足夠喇, 唔知我呢個願望要等多幾多年先實現呢..........
原帖由 honeysara 於 10-3-22 14:49 發表
大人同小朋友都會唔閞心 最慘係個囡開始有放棄私態度. 因為真係讀得辛苦又冇回報.
作者: honeysara 時間: 10-3-23 12:43
我個囡都係明天開始測驗! 我仲擔心過佢仲有好多嘢未讀 今晚希望可以早d收工返去同佢讀書. 加油呀!
作者: loklok0104 時間: 10-3-24 15:06
我個大仔學校有抽離課室加時，但對於佢離講係有唔開心，佢會覺得比人差，有自卑。
你地會點樣附導小朋友呀？
作者: honeysara 時間: 10-3-25 08:42
我會同阿囡講因為老師想佢做卷時專心一點所以特別安排另一個課室比幾個小朋友考,佢又幾接受wor!
作者: judy0101hk 時間: 10-4-21 10:49
我覺得應該教署要每區設有二三間特別班for 讀障學生, 因為他們要長期訓練及職業治療, 對這班小朋友先會得到公平教育機會, 一般學校用一般方法教讀障學生, 根本係錯配, 又或者應該每間學校應有老師備有專業教讀障學生的能力, 多給同學及家長支援!
作者: 浩朗媽媽 時間: 10-4-22 09:52
好贊同~~~同希望政府立法
作者: yywhk 時間: 10-5-6 12:21
見到咁多位sis都有呢個心結......我真係好明白你地o既心情。媽咪都希望自己仔女成績理想，但往往事與願違！希望我一ｄ經驗可以幫到大家。
我自己都有個讀障仔，今年Ｐ６。但好好彩佢早在Ｐ１已接受評估，情況唔算好嚴重，加上佢本身性格好有毅力，我又有時間幫佢，所以成績一向唔算差，我已經知佢可以入到英中嘞。今日，我相信佢已經克服到呢個障礙，或者係己經習慣咗自己同其他人唔同，要帶住呢Ｄ困難上學習之路。
想當初小一時，一課書有大半ｏ既字，我要捉住佢逐個字同佢作一個故事幫佢記住，但過幾日又可能唔記得。到今日，佢會有方法自己温書，默書前我幫佢默一次就可以應付了（通常７０－９０分左右，但唔好要求佢１００分，因為有ｄ好淺ｏ既字佢都會無端端寫錯，要滿分真係要花好多時間，唔值得）。
我唔講太多細節，怕悶親大家，但大原則始終係少批評（他的分數），多讚賞（他的努力），多鼓勵（他要參與課本以外的活動），假如成積進步咗，那怕只係一分，都要給予肯定。
初小頭幾年我真係好辛苦，自己一定要時常調節要心急去追成績ｏ既心態，改為懂得欣賞孩子面對困難努力學習的態度，慢慢就會見到成果。我强調一定要給孩子在學校成績以外的一個空間去發展佢的個人專長。否則，孩子經常只面對（學業上的失敗），没有嚐到成功的滋味是很難建立自信和去堅持努力的。
作者: 喧嘩 時間: 10-5-6 17:03
有冇家長可以話俾我知喺邊度做到評估? 最緊要可靠, 價錢唔係問題, 萬分感激
作者: yywhk 時間: 10-5-6 23:36
我係經學校安排,由教育局教育心理學家做架.
原帖由 喧嘩 於 10-5-6 17:03 發表
有冇家長可以話俾我知喺邊度做到評估? 最緊要可靠, 價錢唔係問題, 萬分感激
作者: 喧嘩 時間: 10-5-7 01:19
咁我冇學校安排喎, 咁點ar?
我個女而家小一, eg:中文雙字個隹字左右調轉, 成日抄錯字, b, d, j,c 成日左右反轉, 數學細個就5,2,7 果d會調轉, 大左就冇, 但係搬字一定錯, 橫式54-23, 佢可以轉去寫直式個54變左45, 又或者文字題果d全部搬錯晒d數字58當50, 串一個字俾佢聽, 佢唔可以一次過記晒, 寫兩粒, 再問你, 寫兩粒再問你, 寫字位置分佈唔好, 記憶力好短暫, 上堂成日企左起身, 坐唔定, 同埋唔專心, 到而家都係, 請問各位有經驗媽咪, 我係咪要帶佢去check check? 我check過d 資料,話有可能係遺傳, 但由於我地果代冇話做lee d評估, 但係我老公係果d, 睇前唔睇後,睇嘢, 填form成日都有漏 ,成日俾我丙就係講個電話號碼佢知, 要佢即時打, 佢永遠都唔可以一次過記住, 要分開三次同佢講, eg: 98765432, 你講完之後會問你, 987乜話, 我99仲衰, 要一隻一隻字同佢講, 但係佢得五十幾歲炸喎 , 我見又話要醫生紙轉介, 咁唔通我走去普通診所叫佢寫紙就可以? 佢又唔識我個女, 咁點寫? 有d唔明
原帖由 yywhk 於 10-5-6 23:36 發表
我係經學校安排,由教育局教育心理學家做架.
作者: loklok0104 時間: 10-5-7 16:59
我好開心大仔今次下學期大測中文/英文進步左好多呀! 今次係我全程同佢溫, 無補習老師幫忙, 加上工人姐姐回鄉2星期, 我一邊湊弟弟, 一邊同大仔溫書, 真係人都癲, 超辛苦. 但佢有進步, 再辛苦都係值得!
大家都要努力呀!
作者: loklok0104 時間: 10-5-7 17:02
原帖由 喧嘩 於 10-5-7 01:19 發表
咁我冇學校安排喎, 咁點ar?
我個女而家小一, eg:中文雙字個隹字左右調轉, 成日抄錯字, b, d, j,c 成日左右反轉, 數學細個就5,2,7 果d會調轉, 大左就冇, 但係搬字一定錯, 橫式54-23, 佢可以轉去寫直式個54變左45, 又 ...
你可以打電話去學校社工, 將你個問題反映俾佢地知, 要求學校幫你小朋友做評估. 如自己出去出面私人做評估好貴架!
作者: yywhk 時間: 10-5-7 17:10
睇完你D描述, 我估你都係帶囡囡去做評估好Ｄ。據我所知，（但已經成五年前的資料），有以下兩個途徑：
１。經學校轉介－你試吓問學校老師或者社工，懷疑囡囡有讀寫障礙，學校其實應該有一份＂教育局發出的估量表？（唔記得正式叫法），老師可以按學生現時情況填表，然後得出一個分數，決定學生是否需要接受（敎育局）正式評估。
２。揾私家醫生，最好係小朋友睇開Ｏ既家庭醫生（要好有心，有醫德嗰Ｄ喎），佢地應該都會幫到手轉介去有關政府部門。
其實當年我囝小一入學冇耐就知道唔多對路，（佢間幼稚園係好少功課嗰種，所以問題唔太明顯，但我一向都已經覺得佢係同人地唔同，怪怪地囉），學校社工告知我以上兩個途徑可以做評估。當時我揀咗２，點知十月尾左右開始排（大口環），排到三月先見醫生。醫生初初仲要話冇問題，好在我有備而戰，帶齊囝囝平日Ｄ温習簿，幼稚園小學Ｄ功課簿，俾醫生睇佢寫一行生字，都會寫吓寫吓一筆筆咁甩晒ｄ筆劃。卒之醫生初步評估佢可能係讀障，安排佢全面身體檢查（包括見物理治療同職業治療師）。
但最後大口環Ｏ既醫生係寫信ｒｅｃｏｍｍｅｎｄ 番學校要跟進呢個ＣＡＳＥ，即係冇正式評估，但好彩囝囝學校一早安排咗教育局同其他學生做評估，咁知道囝囝情況後，就安排佢搭單同其他人一起响當年五月做埋。所以我囝囝係小一就ＣＯＮＦＩＲＭ咗讀障。
但你要有心理準備，而家先問，唔知趕唔趕到今年做嘞。
Ａｎｙｗａｙ，我覺得唔理佢係唔係，你都當佢係咁嚟幫同教先啦，當年我個囝未ｃｏｎｆｉｒｍ，我都係自己睇Ｄ書，學吓點幫佢温習。因為就算Ｃｏｎｆｉｒｍ咗，學校都唔一定提供到幾多支援，都係靠自己教多ｄ。
原帖由 喧嘩 於 10-5-7 01:19 發表
咁我冇學校安排喎, 咁點ar?
我個女而家小一, eg:中文雙字個隹字左右調轉, 成日抄錯字, b, d, j,c 成日左右反轉, 數學細個就5,2,7 果d會調轉, 大左就冇, 但係搬字一定錯, 橫式54-23, 佢可以轉去寫直式個54變左45, 又 ...
作者: yywhk 時間: 10-5-7 17:18
呢ｄ掌聲俾你囝囝ｏ既！！
呢ｄ係俾你ｏ既！！
原帖由 loklok0104 於 10-5-7 16:59 發表
我好開心大仔今次下學期大測中文/英文進步左好多呀! 今次係我全程同佢溫, 無補習老師幫忙, 加上工人姐姐回鄉2星期, 我一邊湊弟弟, 一邊同大仔溫書, 真係人都癲, 超辛苦. 但佢有進步, 再辛苦都係值得!
大家都要努力 ...
作者: loklok0104 時間: 10-5-7 17:56
原帖由 yywhk 於 10-5-7 17:18 發表
呢ｄ掌聲俾你囝囝ｏ既！！
呢ｄ係俾你ｏ既！！
謝謝你既掌聲鼓勵呀!
其實我都覺得咁次好意外, 因為由於今次無補習老師既幫忙, 我又要分身湊弟弟(2Yrs), 所以同佢溫得好辛苦, 成日溫溫吓我又要去攪弟弟D野, 根本唔可以一氣苛成同佢溫, 變左好多時要佢自己自覺去做練習, 大仔雖然有學障, 唔夠人叻, 但佢勝在肯俾其他小朋友花更多時間去溫習.
老實講我係預左佢今次唔及格, 佢上次中文只有56分, 今次有73分, 而英文上次61分, 今次都有75分呀, 所以覺得超開心呀!
呢份係佢俾我最好既母親節禮物
作者: 喧嘩 時間: 10-5-9 01:39
唔該晒, 我都打左去同班主任講, 講完冇乜反應, 只係話都似喎, 可以去check下, 咁又冇教我點做, 咁我再問佢有冇資料俾我, 佢先話問下有關老師再覆我
作者: judy0101hk 時間: 10-5-10 16:54
我剛剛上完一個Course -支援讀寫障礙學生, 當中有d係(Student is 老師)上堂態度-不知所謂, 但真係要睇那d老師有無心教, 亦都要自己要有心理準備, 要長期練習
作者: 喧嘩 時間: 10-5-10 19:07
唔好意思, 咁多位, 班主任已經覆左我, 佢話由於學校係私校關係, 所以不能轉介政府部門跟進, 而佢地就俾左一仟零一間的私營機構單張我, 咁我可以點? 我而家真係需要幫忙喎, 唔係掉抵左我就算掛? 我聽你地講話學校有專門幫lee d同學, 點解我冇? 定係果位老師唔知? 唔通讀私校就唔可以有讀障咩? 我選擇左私校, 已經減輕左政府負胆, 點解有需要果陣唔俾我去睇? 唔通讀私校就要睇私家呢? 死啦, 有冇好的私人機構介紹, 我好怕去左d 謀人寺
唔該晒
作者: sohappy 時間: 10-5-11 09:51
私小是沒有政府資助架, 我小朋友小一讀私小, 學期尾在cac評估後, 我同佢轉津校插班小二.
你可以睇私家醫生寫介紹信去排cac, 但好耐先見, or 要快就去協康會.
原帖由 喧嘩 於 10-5-10 19:07 發表
唔好意思, 咁多位, 班主任已經覆左我, 佢話由於學校係私校關係, 所以不能轉介政府部門跟進, 而佢地就俾左一仟零一間的私營機構單張我, 咁我可以點? 我而家真係需要幫忙喎, 唔係掉抵左我就算掛? 我聽你地講話學校有 ...
作者: loklok0104 時間: 10-5-11 10:17
原帖由 喧嘩 於 10-5-10 19:07 發表
唔好意思, 咁多位, 班主任已經覆左我, 佢話由於學校係私校關係, 所以不能轉介政府部門跟進, 而佢地就俾左一仟零一間的私營機構單張我, 咁我可以點? 我而家真係需要幫忙喎, 唔係掉抵左我就算掛? 我聽你地講話學校有 ...
如老師覆你私小係無政府支援學習困難既小朋友, 我建議你要盡快轉去一個津校, 因為有學習困難既小孩係學習上係一個長遠作戰, 如津校confirm有學障, 學校會因應而有所調適, 如係測驗/考試時, 老師會讀大題目, 將時間加時, 有D還會將字體放大, 學校亦會有有關既課堂俾小朋友.
就算你係出面搵左私人機構做評估, 但係學校小朋友亦得唔到支援, 長遠對小朋友亦無得益.
作者: yywhk 時間: 10-5-11 17:48
我唔肯定私校係咪唔可以轉介政府部門，因為私校唔收政府津貼啫，唔代表可以完全脫離教育局規範喎。呢Ｄ照道理係校方應該會按指引辦事，作出適當安排。
不如你抽Ｄ時間，直接打去教育局有關部門查詢，唔好靠學校嘞。反正有其他家長建議你同囡囡轉校，你一併查詢埋係唔係可行啦。
萬事起頭難，要搞呢Ｄ事，初頭真係會好煩好煩架，但俾少少忍耐，慢慢就會有頭緒。
另外，我囝囝當年响大口環初步評估有讀障時，醫院安排咗社工見我，嗰位社工都俾咗唔少資料我，但今日都可能ＯＵＴＤＡＴＥＤ。你不妨都循呢個途徑試吓揾資料。
個人經驗覺得，最幫到小朋友Ｏ既會係肯放時間認識學障同親自幫小朋友Ｏ既家長（但唔係人人都可以抽到呢Ｄ資源）。其次有唔少社區組織都有專門社工負責呢方面，佢地會提供學習班俾家長同小朋友。另外學校就好睇個別，有Ｄ有輔導小班，有Ｄ有調適，有老師專門負責，但有Ｄ就會好積極咁。。。勸你轉校。
我都好怕會入錯謀人寺，所以冇考慮過揾私人機構，個人揾過Ｏ既社區組織有：協康會，小童群益會，救世軍，聖雅各福群會等，（可能仲有但一時唔記得）。佢地有Ｄ係優先收已評估咗係讀障，但有位剩都收懷疑個案，有Ｄ係來者不拒。
希望以上資料幫到你 ，加油呀！你咁硬淨，一定捱到Ｏ既！
（我睇咗婆媳版。。。。俾Ｄ人嚇親
）
原帖由 喧嘩 於 10-5-10 19:07 發表
唔好意思, 咁多位, 班主任已經覆左我, 佢話由於學校係私校關係, 所以不能轉介政府部門跟進, 而佢地就俾左一仟零一間的私營機構單張我, 咁我可以點? 我而家真係需要幫忙喎, 唔係掉抵左我就算掛? 我聽你地講話學校有 ...
作者: 喧嘩 時間: 10-5-11 18:49
唔該晒各位, 我有朋友都問過OT, 佢地話就算出面搵私家評估完, 有嘢都係最好轉介番政府部門, 會FOLLOW得好D, 連OT都唔讚成我搵私家, 我試下再搵多D資料, 不過喺LEE方面冇乜人幫到我, 所以唔好意思要麻煩大家
作者: 喧嘩 時間: 10-5-11 18:56 標題: 回覆 2# yywhk 的文章
sorry, 嚇親你, 經過今次之後, 我以後都唔會再開post ,我而家好後悔, 我本來諗住呻下, 點知俾人講下講下, 自己又越講越多, 我怕影響到個女, 因為佢d朋友&同學仔媽咪都認識我
等我問下協康會同教育署先, 先唔該, 有事再請教
作者: yywhk 時間: 10-5-11 23:24
咪傻啦,唔駛同我講SORRY. 我唔好意思就真,雖然好明白你O既心態,(同病相憐),但我真係唔敢搭咀,佢地有D人講嘢，真係好
。我唔識你，但字裏行間，我ｆｅｅｌ到你係好ｓｅｎｓｉｂｌｅ ａｎｄ ｒｅａｓｏｎａｂｌｅ，而真正認識你ｏ既人，亦唔應該基於一個ｐｏｓｔ改變對你ｏ既印象。唔好咁多擔心，而家全心幫囡囡啦。
唉! 鬼唔想搞好婆媳關係，一家人開開心心咩，但佢地
針唔拮到肉，我地就久唔久好似俾人用刀拮咁！
連呻吓都唔得，其實清官難審家庭事，我唔知嗰ｄ係咁鬧人ｏ既又以為自己係咪又可以判人有罪／錯。
Ａｎｙｗａｙ，要加油呀！係幫囝囡跨越讀障Ｏ既時候，又可能會有Ｄ針唔拮到肉Ｏ既人响旁邊指指點點，要忍呀！
原帖由 喧嘩 於 10-5-11 18:56 發表
sorry, 嚇親你, 經過今次之後, 我以後都唔會再開post ,我而家好後悔, 我本來諗住呻下, 點知俾人講下講下, 自己又越講越多, 我怕影響到個女, 因為佢d朋友&同學仔媽咪都認識我
等我問下協康會同教育署先, 先唔該, 有事 ...
[ 本帖最後由 yywhk 於 10-5-11 23:31 編輯 ]
作者: 喧嘩 時間: 10-5-12 13:15 標題: 回覆 1# yywhk 的文章
最後我請求左個超級版主幫我刪晒整個post, 因為我覺得佢地越講越離譜, 咬住我唔放, 仲將我個post copy埋上去自由講場再插, 仲插埋我以前回應的post, 我講左句, 我唔想個女嫁左之後衰過未嫁果陣, 起碼要大家背景差唔多....., 我唔會想個女嫁個左之後要同埋6299迫喺公屋一齊住, 咁佢地就話喺咁插我, 話我歧視....., 又話唔俾屋村仔第日點點點......, 唉, 俾人斷章取意喺咁插, 真係好慘
唔回應都啱gar, 有人講明唔評論我, 只係講左佢的諗法, 都俾人插到死, 總之同佢地諗法唔同就唔得啦
我只係知養兒100歲, 長憂99, 我盡我能力俾最好的佢, 我唔係要乜嘢回報, 我只係覺得lee d喺我責任, 我生佢出黎要佢開心, 唔係要佢受苦, 我都唔知錯咩
我頭先打左去教育局啦, 轉左好多個電話都解答唔到我, 佢地只係答到我私校真係冇支援, 咁我最後就打左去協康, 而家填左form fax左去, 唔洗醫生紙, 大約三個月喎. 佢果度有分唔同評估, 我都唔知選讀障啱唔啱, 注意力不足又喺另一到喎, 其實我個女成績唔係好差, 有八九十分, 寫字亦都好快, 不過醜, 咁應該唔洗搵ot評估掛? 但係我想同佢做埋注意力不足囉, 等佢地再覆我, 唔該晒
多謝你聽我呻
作者: oknsca 時間: 10-5-30 23:21
http://www.dhcas.gov.hk/cindex.html
上呢個網,跟住做啦!我仔都排緊期做評估(約半年)!我仔讀直資都做得(佢本來話讀直資唔做得,因學校巳有心理學家);姑娘話讀私校一定做得(因學校冇得follow).......有唔明可以pm我!
[ 本帖最後由 oknsca 於 10-5-30 23:25 編輯 ]
作者: sohappy 時間: 10-5-31 10:23
應該只做評估, 是沒有school follow up services的, 我小朋友p1讀私校, 我在cac評估, 可以參加cac自己攪的活動,但佢地講明直資/私校是沒有school service support, 所以我p2轉津小.
如果你讀直資, 評估報告要交學校, 睇下學校會唔會比錢買service給小朋友, 我聽聞有直資好好有support的, 所以要問清楚學校.
作者: oknsca 時間: 10-5-31 22:40
多謝你的留言!我仔學校有support...不過因為要照顧的學生太多,校方要家長自己揾機構做評估...証實有學障的才follow!原帖由 sohappy 於 10-5-31 10:23 發表
應該只做評估, 是沒有school follow up services的, 我小朋友p1讀私校, 我在cac評估, 可以參加cac自己攪的活動,但佢地講明直資/私校是沒有school service support, 所以我p2轉津小.
如果你讀直資, 評估報告要交學校, ...
作者: 喧嘩 時間: 10-6-3 17:17
但係要醫生轉介信先book得, 其實都好奇怪, 關醫生咩事, 學校轉介信就差唔多, 讀寫障礙, 又唔係智力問題, 點去睇醫生? 我始終都覺得唔關醫生事, 我去睇醫生我都覺得怪, 不過anyway唔該晒, 我都係等協康算啦, 其實我排左協康之後有耐, 香港大學有人打俾我, 話可以安排做評估, 不過佢地就係學生, 但在場有導師睇住, 我反而心郁郁想搵佢地, 因為我覺得學生反而有心機好多, 而且即場有導師矯正佢地, 我覺得又會認真d, 價錢佢都唔知, 佢只係話一定平過出面, 但係要視乎父母收入黎收費, 不過有上限, 我記得好似話最多都係三四仟蚊, 我落左名, 睇下邊到快d
作者: oknsca 時間: 10-6-4 20:56
普通註冊西醫就得喇!你話懷疑小朋友有呢方面嘅問題,佢就識寫喇!
| 歡迎光臨 教育王國 (/) |
Powered by Discuz! X1.5 |