教育王國

標題: 藍田啟思一問 [打印本頁]

作者: chaiwanconnie 時間: 10-2-25 17:25 標題: 藍田啟思一問

藍田啟思收左我仔仔, 下年讀K1, 請問程度如何, 英文得唔得, 派小一派得好唔好?

有無藍田啟思學生家長可以分享一下呢? 謝謝

作者: princess_sumyin 時間: 10-2-26 14:33 標題: 回覆 1# chaiwanconnie 的文章

我個女依家讀緊K1
其實間學校係活動教學，只是weekend有功課，程度唔深，小朋友好開心

老師方面我覺得普通啦．．．英文老師幾好，我個女發音準確，但中文老師就有d懶音。不過啟思係著重中文同小朋友的表達能力的，所以佢地的英文唔算深，只教A-Z、生字同短句！因為呢個係陸趙鈞鴻的教學理念！

佢地有d自費的課外活動比你join, 如英文、畫畫、音樂．．．每種大約千多元一個學期

升學方面呢，好講真，我識的家長大部份都同小朋友考直資（如真道、優材），佢地會驚小朋友去傳統小學唔適應。而啟思係有直屬學校ga.叫啟基學校，都是活動教學，不過點樣入／有冇優先我就唔知啦！另外如果要在區內派位就邊間都冇所謂，因為都是抽獎嘛！

啟思好唔好就睇下你想要乜啦，想小朋友開心、冇壓力、主動學習的話，我覺得啟思ok!但想程度深，第時考名校的話，你就要自己跟得好足，另外同佢join class啦！而我就是好擔心啟思升學的問題，我個女係一d成日要做功課的人，要fully occupied佢，我成日要自己比野佢做！所以我下年會如佢轉間有小學直升的學校！

作者: chaiwanconnie 時間: 10-2-26 17:29

Thanks a lot!!

原帖由 princess_sumyin 於 10-2-26 14:33 發表
我個女依家讀緊K1
其實間學校係活動教學，只是weekend有功課，程度唔深，小朋友好開心

老師方面我覺得普通啦．．．英文老師幾好，我個女發音準確，但中文老師就有d懶音。不過啟思係著重中文同小朋友的表達能力的，所以佢地的英文唔算 ...

歡迎光臨教育王國 (/)