教育王國

標題: 韻律泳 [打印本頁]

作者: MMM888 時間: 10-2-23 14:07 標題: 韻律泳

想請教下有無家長比女女學韻律泳,
我上網搵資料比較少,唔知有無人可以比意見我.

謝謝.

作者: MC1128 時間: 10-2-23 22:18 標題: 回覆 1# MMM888 的文章

小女上過兩年泳總的暑期班,十分便宜,全期只需百多元,不另收泳池入場費,但師資比率是一比十以上,時間十分密集,每星期兩至三堂,若入選青苗繼續學,每周要抽三四日時間練習.小女很喜歡這項運動,但時間上實在應付不來,若你選這項運動,支出一定比其他運動少,十分經濟實惠,但我估計要放棄其他課外活動,否則真得難以兼顧學業.

作者: MMM888 時間: 10-2-24 09:58

MC1128

多謝你的回覆,原來你女女參加過泳總的暑期班,我之前都係網上搵倒上年的資料,今年我都會留意一下入表時間,唔知道呢到係米要抽籤呢???
想問下係米上暑期班就會有機會入選青苗??
你女女現在無學了,是嗎???

原帖由 MC1128 於 10-2-23 22:18 發表
小女上過兩年泳總的暑期班,十分便宜,全期只需百多元,不另收泳池入場費,但師資比率是一比十以上,時間十分密集,每星期兩至三堂,若入選青苗繼續學,每周要抽三四日時間練習.小女很喜歡這項運動,但時間上實在應付不來,若 ...

作者: MC1128 時間: 10-2-24 18:22 標題: 回覆 3# MMM888 的文章

要先上一星二星三星,才有資格入選青苗,不算多人爭,只要你早一點入表，毋須抽簽，但要試水，要先學會游泳及踩水．
相對其他運動，入選韻律泳青苗不算難，小女的朋友上完三星後順利入選．若時間許可，一次暑期已可上完一星及二星，換言之最快大半年已可入青苗．

作者: MMM888 時間: 10-2-25 09:55

多謝你甘詳盡的解釋,
甘來緊我要留意定泳總的暑期班消息.
我見工聯會都韻律泳班,不過唔知多唔多人報,
到時又睇下報唔報倒啦.

我女女現在7歲,學左游水都年半,
你女女當年第一次參加一星時幾大呀???

原帖由 MC1128 於 10-2-24 18:22 發表
要先上一星二星三星,才有資格入選青苗,不算多人爭,只要你早一點入表，毋須抽簽，但要試水，要先學會游泳及踩水．
相對其他運動，入選韻律泳青苗不算難，小女的朋友上完三星後順利入選．若時間許可，一次暑期已可上完一星及二星，換言之 ...

作者: MC1128 時間: 10-2-25 15:39 標題: 回覆 5# MMM888 的文章

小女是二年級暑假時上一星,當時都是七歲,應是全班最細，三年級上二星,現年四年級．
入選青苗的朋友仔當年亦是二年級暑假時一次過上完一二星,三年級時上三星,到而家已曾代表香港參賽.
如果有興趣長遠發展,強烈建議參加泳總,因為始終泳總的代表才是香港代表隊.

作者: MMM888 時間: 10-2-25 16:11

甘你女女現在無玩啦???佢甘鍾意米好可惜law...
仲想問下甘當初報一星二星時,淨係得暑假學,甘平時係米學返普通游水班???

原來可以一次過報晒一二星,等我今年都試試先,
係米泳總通常係九龍公園訓練,因都見過佢地訓練,好好睇.

我女女好鍾意游水,見韻律泳又好靚,所以想試一試,
真係好多謝你的資料呀.

原帖由 MC1128 於 10-2-25 15:39 發表
小女是二年級暑假時上一星,當時都是七歲,應是全班最細，三年級上二星,現年四年級．
入選青苗的朋友仔當年亦是二年級暑假時一次過上完一二星,三年級時上三星,到而家已曾代表香港參賽.
如果有興趣長遠發展,強烈建議參加泳 ...

[ 本帖最後由 MMM888 於 10-2-25 16:14 編輯 ]

作者: MC1128 時間: 10-2-25 17:16 標題: 回覆 7# MMM888 的文章

係呀,佢好鐘意水,但平日訓練太密集真的吃不消,部分堂在平日晚上,我晚上要返工,無辦法接送.其實最近都有三星班,但真的無時間.囡囡已學懂三種泳式,已沒有上泳班操水.佢仲有其他課外活動,除非佢肯放棄,否則好難攪.
除九公外,一星二星的班有不同的地點可揀,我記得有保安道,將軍澳,維園等
但去到三星和青苗,選擇少好多

作者: MMM888 時間: 10-2-26 09:33

甘又係,已經小四,學校的野已經好忙,
仲要平日再去訓練真係會無乜時間,
甘你女女個位同學仔又要返學又要訓練,
我捻佢可以代表香港出賽應該訓練得仲密,
甘點應負???

原帖由 MC1128 於 10-2-25 17:16 發表
係呀,佢好鐘意水,但平日訓練太密集真的吃不消,部分堂在平日晚上,我晚上要返工,無辦法接送.其實最近都有三星班,但真的無時間.囡囡已學懂三種泳式,已沒有上泳班操水.佢仲有其他課外活動,除非佢肯放棄,否則好難攪.
除九 ...

作者: MC1128 時間: 10-2-26 15:27 標題: 回覆 9# MMM888 的文章

朋友仔的媽咪說,不能再加新活動,其他早已存在的活動,採取隨遇而安的態度,例如學琴,已不打算考琴.

歡迎光臨教育王國 (/)