教育王國

標題: 自閉小朋友.進步後又退步點算? [打印本頁]

作者: ipk 時間: 10-2-18 15:10 標題: 自閉小朋友.進步後又退步點算?

阿仔剛剛過左三歲生日
而家讀緊協康會學校,因為校長好人早收佢
所以已經讀左九個月

佢早幾個星期,
情急之下開過金口講「奶奶」兩個字
我開心到即刻讚佢
佢當然係無反應.

佢識聽人講野~叫佢個名有時都望人
不過佢好無耐性
成日係屋企亂爬亂跑

除訓覺外無一分鐘停低

佢識用嘴仔鍚人,不過只係鍚婆婆~

佢返左學之後其實有進步
不過進左之後即退步,

點算好?

有無A仔父母有同樣困景?

作者: rpang001 時間: 10-2-21 18:02

原帖由 ipk 於 10-2-18 15:10 發表
阿仔剛剛過左三歲生日
而家讀緊協康會學校,因為校長好人早收佢
所以已經讀左九個月

佢早幾個星期,
情急之下開過金口講「奶奶」兩個字
我開心到即刻讚佢
佢當然係無反應.

佢識聽人講野~叫佢個名有時都望人
不過佢好 ...

佢算唔算係過度活躍或專注力缺乏？
如係的話可能係一d自我刺激的行為....

香港最為認可改善行為的方法[尤其自閉証]係 Applied Behavior Analysis (ABA) 藉着重點重覆性的動行去改善日常行為,這類包括日常言語/職業治療,缺點係行為改善較為生硬及欠缺靈活.

都係由這方面着手為基本功

作者: anan3388 時間: 10-3-15 12:35

小朋友進一步退兩步都係常有既事, 有時又會無先兆咁突然進步(可能係發展到左), 我覺得做家長只可以宏觀d去睇, 繼續做返正確既事去幫佢, 而把成果交俾個天啦...

至於想令學左既可以鞏固得好 d 的話, 唯有多 d 唔同場景唔同情況都去練習同一樣既, e.g. 學顏色咁, 可以用拼版, pizzle, 串珠, 甚至出街去 supermarket 睇生果時認埋 color, 應該會有幫助既... 不過唔好心急, 始終自閉/自傾小朋友要好多幫助先學到一樣野...

另, 佢似乎都幾活躍, 學校有無同你提佢感統有無既問題?

作者: Capricorn2521 時間: 10-3-15 15:15

吾係掛... 進一步退兩步... 好大件事喎。我估你意思係 ”進兩步退一步”。

因為我個仔近來都有退步的情況，d大脾氣/固執多咗....唉... 其實2個導師都話佢有potential...可以更好，就係佢d脾氣/硬頸 block 咗佢嘅進度....唉... 令我此刻有d灰心.... 似乎導師們都要我強硬地對佢。

其實我一路都係強硬對待，可能見佢有進步就放柔了，想同佢關係好d, close d......依家睇黎又要做返一個"惡媽媽"了......

原帖由 anan3388 於 10-3-15 12:35 發表
小朋友進一步退兩步都係常有既事, 有時又會無先兆咁突然進步(可能係發展到左), 我覺得做家長只可以宏觀d去睇, 繼續做返正確既事去幫佢, 而把成果交俾個天啦...

至於想令學左既可以鞏固得好 d 的話, 唯有多 d 唔同場 ...

作者: anan3388 時間: 10-3-16 15:39

進一步退兩步係唔奇喎, e.g. 佢本來可以成句背出黎, 又變左只係單字, 甚至唔出聲~ 本來感統好似無乜大問題, 又突然浮左 d 未見過既問題出黎~ 但, 有些教左好耐無進展既, 又會無拿拿彈左出黎~

以前仔仔好靜下, 無乜表達情緒, 好似好"乖"咁; 依家多左, 但就好似無咁乖; 咁你話佢係進步定退步呢? 行為上好似退步左, 但係情緒上係進步左, 只不過下一步就要教佢適當咁表達自己既情緒。成長唔係一條直線, 就算一般小朋友都會學左唔記得左~

ABA 唔係唔好, 但唔係萬能, 尤其係人際互動同埋社交, 在實際既場景上係咪可以有效用呢? 我認為係要靈活運用唔同既治療方式, 針對返小朋友既情況而定

我諗脾氣大同固執係要睇下有無咩引發到佢既情緒, 另外, 最好可以慢慢教到佢用比較適當既方式表達, 不過, 都係要好有耐性慢慢教..

作者: Capricorn2521 時間: 10-3-17 14:37

佢發脾氣嘅原因就係吾想聽大人話。你都講得啱，要教佢正確的情緒表達方式。

依家開始，我會這樣.....情況可以的話，如抹面....佢反抗，我會叫佢講”吾抹"，佢一定會跟我講，然後我會話：”啱啦，要講比媽咪知你吾想抹，媽咪就不抹啦。”同時，我會停手吾抹 (其實我已經好快手抹完了

)。

另一方面，我認為佢都要學習聽指示/服從，吾可以次次都就佢。要佢知道發脾氣吾可以得到佢想要嘅野，仲冇人理佢tim。所以依家我的對策(昨天開始)，我會將一條calbee薯條(佢至愛)剪成5份，要求佢合作，完成一個task會比一份佢，我覺得這樣好過我叫破喉嚨去叫佢做野。也習慣比佢知道聽我話係有好處，漸漸地(當佢大d)將薯條變為星星貼紙，再set一個目標比佢。(佢係視覺性的)

原帖由 anan3388 於 10-3-16 15:39 發表
進一步退兩步係唔奇喎, e.g. 佢本來可以成句背出黎, 又變左只係單字, 甚至唔出聲~ 本來感統好似無乜大問題, 又突然浮左 d 未見過既問題出黎~ 但, 有些教左好耐無進展既, 又會無拿拿彈左出黎~

以前仔仔好靜下, 無乜 ...

歡迎光臨教育王國 (/)