教育王國

標題: 是否一定讀劍鳴? [打印本頁]

作者: LMCK 時間: 10-2-3 17:17 標題: 是否一定讀劍鳴?

我比仔仔做大仔, 06年12月的, 讀遲左一年, 今年9月先上K1.

劍鳴 - 由PN(英普班)直升上K1. 學術好.  亦近屋企.  但唔可以有太多課外活動, 因學費貴.

譚歐陽笑芳 - 全英文教學, 但要坐校車, 或屋企附近坐小巴來回亦可.  有學劵, 可以上多小小課外活動.  但老公對印度籍小朋友無咩好感, 怕仔仔近得多會好曳.

禮賢 - 著重聖經教導, 老師出名的好.  半條龍, 有朋友的仔女讀緊/讀過, 讚不絕口. 佢女女入左協恩小學, 有學劵, 近屋企, 步行五分鐘到達.

如果target上傳統小學, 其實係咪一面倒繼續劍鳴原校上K1呢?  我老公係SFA old boy, 係咪好大機會會收仔仔讀小一呢?  如果係的話, 係咪是但一間幼稚園都ok呢?  如果都係的話, 我諗我會選讀禮賢.  如果唔係, 讀劍鳴就穩陣d.

[ 本帖最後由 LMCK 於 10-2-3 17:24 編輯 ]

作者: NICOLE123 時間: 10-2-3 17:40

SFA 你指係聖方濟各 ?
佢唔係計分架喎
old boy 唔知有無用.

作者: LMCK 時間: 10-2-4 14:27

係指聖方濟各啊. 咁即係話old boy未必有著數了. 咁係咪要讀番劍鳴喇?

作者: FloliMom 時間: 10-2-4 16:00

聖方濟各唔係津校，不過如果爹地係old boy可能都有少少著數，但這點最好由當事人分享。

譚歐陽笑芳和禮賢我唔清楚，不便致評。

聖方濟各出名學術水平高，小一已讀小二英文同小二數，數學和常識是用英文教的，星期六有劍橋course讀，考小學時要考筆試。從學術方面來看，劍鳴的課程也較深﹝K3讀小一數學及小一英文，中文也深，功課量及程度都是「強勁」的﹞，學生考這小學是有優勢，前年收了很多劍鳴的學生。如果你囝囝將來要升讀SFA，相信劍鳴的訓練，可以為他奠下穩固的學術基礎，有助他銜接過渡，讀起上來會輕鬆一點。不過，你也不必擔心「劍鳴」會很「谷」，學校是循序漸進，學生是自少培養，會應府得來的。

[ 本帖最後由 FloliMom 於 10-2-4 16:01 編輯 ]

作者: meowmeow 時間: 10-2-8 23:56

據我知道, 今年KM英普班有好幾個考入了SFA.

作者: LMCK 時間: 10-2-9 00:11 標題: 回覆 1# meowmeow 的文章

多謝你地的分析及回應. 最近先知原來我有朋友宜家在SFA做校工, 當年有一D教過我老公的老師而家仲在SFA工作, 有D就升左職, 有D就part time教書. 好有趣

作者: elmolly 時間: 10-2-9 00:30

原帖由 LMCK 於 10-2-9 00:11 發表
多謝你地的分析及回應. 最近先知原來我有朋友宜家在SFA做校工, 當年有一D教過我老公的老師而家仲在SFA工作, 有D就升左職, 有D就part time教書. 好有趣 ...

如果你target係SFA, 又有d把握入到, 都唔一定要讀KM, 不過如果讀其他學校, 你要自己操練下仔仔, SFA出名深, 入到都要"坐得暖"個位

作者: LMCK 時間: 10-2-9 09:21

原帖由 elmolly 於 10-2-9 00:30 發表

如果你target係SFA, 又有d把握入到, 都唔一定要讀KM, 不過如果讀其他學校, 你要自己操練下仔仔, SFA出名深, 入到都要"坐得暖"個位

其實都唔係一心要仔仔一定入SFA, 只係佢都好近我屋企同埋我以為爸爸係old boy所以收番的機會會好大, 但原來佢唔係計分的.

但讀KM就進可攻退可守, 考到好小學固之然好, 但考唔到, 起碼仔仔都唔難適應小學的生活. 學你話齋, 入到都要坐得暖先得.

我有朋友的仔仔今年考到SFA的小一, 到時隨時都可以再問下佢有關SFA的事.

作者: Tabobo 時間: 10-2-9 10:40

I also like KM very much and plan to give up another offer and stay here. I highly recommend KM. Though it's not as famous as other traditional kindergarten, the teachers are really caring. I feel so thankful to them when I see my daughter's improvement after studying there.

作者: bobo1314 時間: 10-2-9 10:40

我老公個女今年讀聖方濟各小一，上學期派成績表，全班考尾幾，個班主任講差幾分已相差十幾名，耐何老公個朋友老婆雖然係全職主婦，但完全唔“谷“小朋友，結果就搞成甘！所以，個人認爲，選程度深kindergarten,家長可以相對唔使教甘多同埋唔使甘辛苦！

作者: FloliMom 時間: 10-2-9 11:24

請問係你老公個女定係你老公個朋友個女讀聖方濟各呢？佢之前係咪讀啲玩樂為主定係都有啲功課嘅幼稚園呢？如果差幾分已相差十幾名，咁可能阿女都唔係太差，只是競爭太激烈吧！

原帖由 bobo1314 於 10-2-9 10:40 發表
我老公個女今年讀聖方濟各小一，上學期派成績表，全班考尾幾，個班主任講差幾分已相差十幾名，耐何老公個朋友老婆雖然係全職主婦，但完全唔“谷“小朋友，結果就搞成甘！所以，個人認爲，選程度深kindergarten,家長可以相對唔使教甘多 ...

作者: sofiamama 時間: 10-2-9 11:41

KM 係我心儀嘅幼稚園之一，會同小朋友去面試。
但我想問清楚KM是由PN直升上K1嗎？
學費每月多少呢？

原帖由 LMCK 於 10-2-3 17:17 發表

劍鳴 - 由PN(英普班)直升上K1. 學術好. 亦近屋企. 但唔可以有太多課外活動, 因學費貴.

作者: abbiemama 時間: 10-2-9 12:11

唔係直升㗎,我問過一位KM小朋友的家長,大約70%PN嘅小朋友收番上K1.

原帖由 sofiamama 於 10-2-9 11:41 發表
KM 係我心儀嘅幼稚園之一，會同小朋友去面試。
但我想問清楚KM是由PN直升上K1嗎？
學費每月多少呢？

作者: LMCK 時間: 10-2-11 18:30

原帖由 sofiamama 於 10-2-9 11:41 發表
KM 係我心儀嘅幼稚園之一，會同小朋友去面試。
但我想問清楚KM是由PN直升上K1嗎？
學費每月多少呢？

PN學費好似係$3,480. 書簿費分上下學期比, 每期千零蚊. 茶點要自己帶, 所以無茶點費.

作者: LMCK 時間: 10-2-11 18:36

原帖由 Tabobo 於 10-2-9 10:40 發表
I also like KM very much and plan to give up another offer and stay here. I highly recommend KM. Though it's not as famous as other traditional kindergarten, the teachers are really caring. I feel ...

tabobo, 你女女係咪Catherine呀, 因為最近睇過學校派的相集, 而家再睇到你女女張大頭相, 所以認得佢, 佢應該同我仔仔同班的(N1CP), 而上summer playgroup佢地都係同一組的. 所以我記得你女女的名.

你問下你女女知唔知邊個係Marcus? 佢應該知的, 我仔仔係好鐘意唱歌果個.

作者: Tabobo 時間: 10-2-11 19:47

NICE TO MEET YOU MARCUS MAMMY ~

今日你有無去 KM 搞個花市呀 ?

頭先比你仔仔張相比 CATHERINE 睇, 佢叫得出 MARCUS 個名呀 ! 不過 CATHERINE 唔係好識講野, 好少提學校發生的事, 不過佢真係讀得好開心, 今日行完花市更加欣賞老師的心機, 更加唔捨得呢間學校呀 !

所以, 真係好推介呢間幼稚園 !

作者: LMCK 時間: 10-2-11 22:29

原帖由 Tabobo 於 10-2-11 19:47 發表
NICE TO MEET YOU MARCUS MAMMY ~

今日你有無去 KM 搞個花市呀 ?

頭先比你仔仔張相比 CATHERINE 睇, 佢叫得出 MARCUS 個名呀 ! 不過 CATHERINE 唔係好識講野, 好少提學校發生的事, 不過佢真係讀得好開心, 今日行 ...

你係家長義工所以可以去呀? 我無去呀, 學校都無通知家長可以參加. 我o係另一個thread見到有媽咪係做義工所以會去幫手囉. 不過見Marcus帶左好多手作仔返黎, 所以覺得學校同家長都花左好多心思去預備.

Catherine居然認得Marcus呢張大頭相, 好叻女喎. 我仔講野都ok的, 不過都唔多講學校既野, 今日我問佢係學校玩咩, 佢同我講玩pat pat, 玩肚臍, 比佢激死.

你去唔去親子旅行呀(馬灣), 如果去, 到時可以傾下計了.

作者: shootingstar 時間: 10-2-12 07:23

你今年有無考培正? 如果遲一年先入學, 做大大仔, 我會搵一D一條龍又出名的幼稚園.

SFA係私校, 每間kg只得幾名考入, 你仔仔要好top先得 (又要睇埋臨場表現和彩數), 而且舊生的仔女不一定有著數.

你的case, 讀劍鳴較穩陣, 因為你地無宗教分/舊生分 (私校唔計), 報津校無保障, 找間程度較深的kg較安全.

作者: LMCK 時間: 10-2-12 13:16 標題: 回覆 1# shootingstar 的文章

培正唔收我個仔呀, 但就算收都唔會讀, 因為我老公唔鐘意佢係中文學校, 佢甚至叫我唔好去in添.

你講得啱呀, 所以都係留番係KM穩陣d.

作者: share123 時間: 10-2-18 14:04

原帖由 sofiamama 於 10-2-9 11:41 發表
KM 係我心儀嘅幼稚園之一，會同小朋友去面試。
但我想問清楚KM是由PN直升上K1嗎？
學費每月多少呢？

我地舊年系只要填表留唔留位,不存在學校給不給予學位的問題. 大約70%留下的,應該是自願留下,因為有d同學仔會去左SC, KV,甚至去鑽石山靈糧堂都有.

作者: child13 時間: 10-2-19 12:21

提示: 作者被禁止或刪除內容自動屏蔽

作者: share123 時間: 10-2-19 13:33

原帖由 child13 於 10-2-19 12:21 發表
留KM好D呢

KM都好好,不過去左SC,每日有來自英國的老師教英文,小朋友d英文好聽好多.

歡迎光臨教育王國 (/)