教育王國

標題: 個仔忙過奧巴馬，我好心痛! [打印本頁]

作者: yovin 時間: 10-2-2 18:49 標題: 個仔忙過奧巴馬，我好心痛!

一個小二男生 7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡，晚上早點睡，結果功課做得不理想)
7:00-7:45吃飯和洗澡
7:45-9:15或9:30做功課(平均7-8樣)
9:45我放工回家，自己抓飯15分鐘
10:00-10:45練琴(五級)他喜歡的，但一定要我陪同在身旁)
10:45-12:00我同他對功課(唔明即教)、溫書、閱讀...總之1小時15分都唔夠用。
12:00一定要他睡覺。

SAT
11:00-12:00英文補習
1:00-1:45學琴
我們回家讀書(即是我同他補習、通常溫定默書)
6:00-7:00補普通話
7:30去外婆家吃飯，FAMILY NIGHT

SUN
他上午看電視、玩玩電腦
下午做兩份卷(他要求我出卷，他自己怕成績差，他話班中有些同學，唔合格會在學校哭起來)
4:30 全家出街吃喝玩樂

我同丈夫叫(求)他減少一些課外活動，星期一至五專注讀書，早些睡，他不肯放棄。我只要求他考班中十名內便可，雖然做到，他知道自己讀書唔叻，成日叫我陪他溫習，有時連我都好累。問他覺唔覺得辛苦，他竟然答:[在好學校讀書，係辛苦咖啦!]聽到好心酸，見他這樣忙好心痛!
我應該怎樣做?請各位給我意見好嗎?

作者: HPChingchingma 時間: 10-2-2 19:43

原帖由 yovin 於 10-2-2 18:49 發表
一個小二男生 7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

在文中我看到是你太依從你小朋友的意見. 如 .

我試過叫他不要睡
但一定要我陪同在身旁
即是我同他補習、通常溫定默書
他要求我出卷 .
成日叫我陪他溫習

文武雙全確是每一位家長對小孩期望 , 但不是每一位小朋友都能兼顧 . 你是仔仔的父母 , 如心痛 , 心酸就梗淨, 肯定的替他決定減去一些活動 . 況且大多幾年後, 想再玩都可以 . 如羽毛球, 彈鋼琴這類 .

只有 7 歲的年紀應是快快樂樂 , 為何似足一個面對會考, 高考的 17, 18 歲的青年人 ??

是否你們在他幼兒時己灌輸了一些意識給他, 而不自知 ??

作者: overview 時間: 10-2-2 22:08

He should go to bed at 9:30-10:00 pm the latest. Really can't believe such a small child go to be at 12:00 !

原帖由 yovin 於 10-2-2 18:49 發表
一個小二男生 7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

作者: bb-bu-bu 時間: 10-2-2 22:33

其實佢好學你應該開心, 不過真的不懂分配時間, 有一些可以長大d先再學, 如果去左一間叻嘅學校, 專注學業行頭, 其餘課外活動不能同一時間太多, 日日都十二點瞓, 唔怪之得佢一定要小睡, 你都辛苦, 如果捱出病來, 吃幾多補品都補唔返, 如果一定要日日打羽毛球, 晚上一定要放棄練琴, 省返四十五分鐘早d瞓, 亦可以同佢講, 如果d功課做得好, 唔係點錯, 咁對功課嘅時間短左, 先可以練琴, 咁樣早返一個鐘頭瞓, 上課先有精神聽書, 有d野一定要幫佢分析, 解釋比佢聽要決擇, 而唔係有精神就用到盡, 咁樣好易病(你同佢都係)!

作者: IRON 時間: 10-2-2 22:35

既然佢都慣左"谷", 又ok既, 好過想谷又谷唔起.

相比我仔仔真係好hea.......星期一至六有2日游水, 星期三piano, 星期五奧數, 星期六英文, 岩岩cut埋國語, 星期日休息.

每朝6:30起身, 7:30返到學校; 4:00放學返黎食野, 彈琴, 功課, 6點已經可以玩/睇書, 8:45沖涼上床, 9:00-9:45傾計, 10點前訓著.

一日就係咁過啦, 我仲覺無乜時間一齊玩, 只有星期六先可一齊玩下大富翁, 因星期日一定係郊外遊.

[ 本帖最後由 IRON 於 10-2-2 22:38 編輯 ]

作者: goodmama2003 時間: 10-2-2 23:57

提示: 作者被禁止或刪除內容自動屏蔽

作者: stccmc 時間: 10-2-3 01:28

提示: 作者被禁止或刪除內容自動屏蔽

作者: happyvalley 時間: 10-2-3 09:30

好進取形的學習態度，只是欠缺適當的工作分配，學校成績一定好高，所以加上能夠安排自我的時間，真是想像到學業的成果。

有一點就是，我覺得只有進取，但缺乏與同學之間的合作經驗，我們雖要學習和多掌握與人分享呢，建立多些人際接觸。

作者: homingm 時間: 10-2-3 09:42

七歲人仔晚晚十二時才睡覺，這樣的作息時間十分不健康。既然對仔仔深感心痛，作為父母就應該懂得如何取捨

作者: judy 時間: 10-2-3 09:55

原帖由 yovin 於 10-2-2 18:49 發表
一個小二男生 7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

我有以下建議，唔知你合唔合聽。

1. 羽毛球减為三堂，周日ニ堂，周末一堂。小朋友要做運動，但不能操咁多。我見一小朋友，小五全港三甲，打嬴我讀中四的阿大。依家膝部受傷，打唔到波。佢阿媽俾醫生罵到喊。周末一堂用來代替電子遊戲時間。

2. 盡量要求在飯前做完功課。

3. 8:30前應可吃完飯、水果和小休。彈45分鐘琴，余下時间看書。10:15前睡覺。

4. 媽媽可對功課，小錯由得佢，教師自會改。如果重複犯錯，可在早上提一提。

5. 不要補習了，一小時補唔到甚麽。星期六時間可以好舒服。看書，唔放心，可以温一下默書，80分足矣！

6. 除了到外婆家吃飯外，也要到家婆家吃(除非先生不要)。你要為孩子樹立榜樣，他將來才會帶新抱回家。

7. 星期日，看書，打吓波，自由活動。做卷？考試前先做一做吧。

我這時間表，睡得足，照顧了原有的活動，且多了10小時以上睇課外書。成績應比原來進步。

作者: Skywan 時間: 10-2-3 10:06

小朋友P.2己經咁忙? 咁早起床咁晚睡, 日日系咁...莫講話小朋友la 連青少年都未必頂到, 就算頂到都好吾健康, 好傷身。睡眠時間只得6-7小時, 小朋友不是最少應該睡8小時咩? 小朋友正值成長及發育時期開紿, 都無比足夠時間佢 recover 長遠好易崖出病!

星期一至五己經咁忙, 連星期六、日都吾放過?

現在人人話要比小朋友自行選擇以便倍養佢 "呢样嗰样", 有些事不應有選擇就不要比佢選擇或決定, 有時候家長要做家長應該 "決定" 。

另一方面, 你可能覺對佢的要求吾高 "只要求他考班中十名內便可" 家長都知小朋友"讀書唔叻"，你的要求便做了一個無型的壓力比小朋友, 為了達成家長的祈望, 便要盡力做到最好, 沒有 "天資的聰穎" 便要 "忘羊補驢" (不喜勿插, 我自己讀書都有同學游下游下, 成日玩又吾温習, 但佢考試不比我們這些勤力人差, 每次老師平語都是 "天資的聰穎, 惜未能專心向學")其實你小朋友好好, 好乖好孝順, 佢好"石"你。你又咁心痛, 不如再商量下同佢減少一兩項活動及重做一個好的時間表吧!

有些意見, 你的時間表好進取, 但決乏 "小朋友之間真正互動時間" 不如加一些 plays time 的課外活動, 這样既可以學習人與人相處又可以玩樂放鬆。啊! 還有星期日應該用來家庭樂, release!

再者去到 P.3 的功課又多又深咁仲忙, 到時如何是好?

原帖由 yovin 於 10-2-2 18:49 發表
一個小二男生 7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

[ 本帖最後由 Skywan 於 10-2-3 10:23 編輯 ]

作者: wunma 時間: 10-2-3 11:07

提示: 作者被禁止或刪除內容自動屏蔽

作者: goodmama2003 時間: 10-2-3 11:16

提示: 作者被禁止或刪除內容自動屏蔽

作者: EMILY03 時間: 10-2-3 12:09 標題: 回覆 1# goodmama2003 的文章

太年幼而沒有足夠睡眠 , 再加上一星期四天兩小時的羽毛球訓練 , 跟本沒精神學習 , 現在是二年班就咁樣 , 再上高年班 , 點應付 ? 我朋友的兒子今年小二 , 每晚 9: 30 睡覺 . 所有功課溫習全部自己攪掂 , 考全級第一 (是一間好多人都話辛苦的學校) , 我亦相信有足夠睡眠 , 上課才能專心 , 做起事來事半功倍 !

作者: grace_xian 時間: 10-2-3 12:24

想比你, 我囝的課外時間真少

現在只有週六游泳一堂, 週五小童軍, 週三圍棋, 週二長笛半小時

晚晚會在九點半上牀
成績不差, 全班前五之內

要合理分配時間, 千萬不要再咁落去
大人要給足够指引給小朋友, 而不是由小朋友牽引大人

作者: goodmama2003 時間: 10-2-3 12:36

提示: 作者被禁止或刪除內容自動屏蔽

作者: Schoolbus26 時間: 10-2-3 12:43

哇! 前十名?? 咁係你要求高, 可能平時你不知不覺比左些壓力個仔, 要佢考前十名, 其實在一些名校, 你要個仔考前十名, 係要做好多野, 其實可能係你要求高. 七歲開開心心, 成績平均便可, 而家谷到咁, 我怕後繼無力去.

作者: IncyWincySpider 時間: 10-2-3 12:58 標題: 離譜!

我不會相信一個正常的小朋友會”要求”家長給他大量課外活動, 出卷, 練琴, 令自己忙至深夜.
即使他”真的”有要求, 只是家長給孩子灌輸了錯誤訊息, 絕對是家長有問題.

我自己有小朋友, 亦認識不少有孩子在傳統名校或地區名校唸書的家長朋友. 我們的星期日是family day, 盡量讓孩子的腦袋好好休息.
我們根本不用安排大量課外活動/補充給孩子做, 但會鼓勵他們多看課外書, 每星期寫點東西. 他們每晚多數在9時多, 最晚頂多是10:00便上床睡覺. 我所認識的孩子, 大多數成績相當不錯.

也許我用詞太直接, 但這post實在叫人反感.
這家長宜好好自我檢討, 孩子還在發育階段, 需要足夠休息.
他還有很長的學習路, 現在迫得太緊, 將來他一旦脫離妳的控制, 便很容易失去學習動機和興趣, 那時妳後悔已太遲.

最後忠告: 請不要再傷害孩子, 誤導其他家長!!

作者: 幸福女子 時間: 10-2-3 13:39

小朋友冇錯係需要獨立自主, 有自己性格, 但七歲小朋友分析能力始終唔及大人, 做家長既應該係從旁提點而唔係比佢牽住走, 雖則你話"求"過佢, 但我感覺你係由得佢多D, 因為你冇堅持...

要一下子改晒個時間表好難, 你可以同佢傾下, 慢慢逐D逐D改, 揾一個你地認為最好既安排...

我小朋友先得個2歲幾3歲, 見倒個時間表..我真係想叫救命! 學業固然緊要, 但有足夠休息同食野, 先可以時常refresh自己, 腦筋都會靈活D...

作者: brian61950 時間: 10-2-3 13:44

唔忍心有2種
1.明知有問題但執迷又久不久後侮
2.根本唔會比呢啲事發生

教署和垃圾會應考慮立法規管小朋友的溫書和課外活動時間,過份的應檢控虐兒.

作者: irisdog 時間: 10-2-3 13:49 標題: 回覆 1# brian61950 的文章

做你個仔真可憐...

作者: 芝麻街 時間: 10-2-3 13:51

原帖由 IRON 於 10-2-2 22:35 發表
既然佢都慣左"谷", 又ok既, 好過想谷又谷唔起.

相比我仔仔真係好hea.......星期一至六有2日游水, 星期三piano, 星期五奧數, 星期六英文, 岩岩cut埋國語, 星期日休息.

每朝6:30起身, 7:30返到學校; 4:00放學返黎食 ...

我個囡(p.3)都好hea, 二,四游校隊 , 六/日早上就同個細佬一齊游出面嘅泳隊, 星期五就學鋼琴(考四級)同古箏(上年七月學,今年四月考三級)

個仔就星期四踢波, 星期五鋼琴, 星期六下午跆拳道,
六/日早上游水 ( 本來佢有鼻敏感, 游水之後, 真係好左好多 )
佢地兩個都會係六點食晚飯, 之後練琴練古箏, 睇圖書, 有時温默書...... 九點半前就一定上床瞓覺.

作者: rosenok 時間: 10-2-3 13:56

日出而作, 日入而息, 現代人未必做到

10PM-2AM是睡眠的黃金時間, 在黑暗的環境睡眠
可產生大量的退黑色素, 成長激素, 和可以修補受損的細胞,
好像賣護膚品和健康食品廣告, 這護膚品和健康食品是自費的, 要自已爭取

自己睡眠不足, 都會難以專心, 影響工作, 長期處於睡眠不足, 更會影響身心, 到時想補都難, 補返都有"達喇"

有18般武藝是好,但健康更重要

為甚麼護士和空姐會容易有 ~癌, 因為晚上未能休息, 暴露於燈光和紫外線, (每星期一晚), 日子有功,不是即時看到的"好"處
以上例子可能夸張了,癌的成因複雜, 休息只是其中之一

作者: Joe媽媽 時間: 10-2-3 14:03

原帖由 yovin 於 10-2-2 18:49 發表
一個小二男生 7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

去到高小/ 中學點算?? 我們做父母有得揀的, 我亞仔都主動要求學很多東西. 但無必要之東西可以不給他學. 健康之作息時間亦很重要. 我仔以前鋼琴/ 普通話/ (英皇)補習班/ 足球隊/ table tennis/ 校園電視台/ 泳隊.

但升上六年班開始, 成績緊要過一切, 而且功課量亦真的多了很多, 跟本沒有時間再上其他興趣班. 老實說, 中學亦只是看學術成績, 甚麼特異功能亦只是給參考用吧了, 我仔現在只上 :
- 鋼琴 (今年考6級, 不想放棄)
- 普通話 (因我不懂教)
- 校園電視台 (學校一定要)
*** 其他時間留下來休息/ 行山/ 去街/ 打機...

作者: SueBeeCheung 時間: 10-2-3 14:12

咁様既生活, 唔好話係小朋友, 連大人都頂唔順, 更何況係一個七歲小朋友

樓主, 既然知道有問題, 應該及早handle,以免後悔莫及,

望子成龍,係人都想, 但不可過於急進. 從你的post, 知道你個仔其實已經好自覺, 何不寬容彈性D?

作者: Ca-mama 時間: 10-2-3 15:04

樓主,唔好話係你,我呢個過路人都覺心痛

長期睡眠不足係會影響發育同專注力

我覺得應該減少課外活動，儘量９：３０前睡覺

作者: lauerica 時間: 10-2-3 15:12

他竟然答:[在好學校讀書，係辛苦咖啦!]
你個仔可能係神童，咁細個識得階級觀念，知道乜野先叫好學校？係呢？你個囝都邊間好學校呀？

作者: KiddyPrince 時間: 10-2-3 16:39

this is scarry......how can you expect a 7 years old to have only 7 hours of sleep and grow healty?

Come on parents...their brain, their physical need REST....

at thhage of 7, they need at least 10 hours of sleep........

we the parents should decide what is good for the kids upbringing....(of course teh kid play a role too)...but for the sake of the kids' development, 10 hours is a must!!!

hope you can work out a better schedule with your son and yourself!

作者: happyvalley 時間: 10-2-3 17:07

樓主，我地都明顯『反對超時工作』，所以唔會將小朋友的身心健康作交換條件。

作者: 大內密探 時間: 10-2-3 17:20

家長唔想佢學佢又點去學呀, 自己諗下啦。

作者: happyvalley 時間: 10-2-3 17:45

原帖由 大內密探 於 10-2-3 17:20 發表
家長唔想佢學佢又點去學呀, 自己諗下啦。

有時我地當時覺得幾好，但又會覺得無問題，呢 d 魔鬼與天使，真係時時分分都係個頭到轉轉轉，所以常常要事後自我檢討，與其她/他人多分享，大家實在是唔知點做先好嗎。

作者: ALAL 時間: 10-2-3 19:44

Schedule of weekday is too tight. Weekend is OK. Perhaps can you change one badminton class to weekend ! And according to what I see from students of famous schools, their mother drives them everywhere to attend classes to save time.

作者: yovin 時間: 10-2-3 21:00 標題: 我是樓主

謝謝你們的回應。我可能用錯方法教他，使他變成現在的情況。

小時侯的他覺得我好叻(以前我是記者，他常在電視見到我)?我答:其實媽媽唔叻，只是因為我勤力。別人讀一次，我起碼讀三次，三次唔得，我會讀十次，只要努力便會做到。
我想他記了入腦。

又有一次(五歲)，他問我唔讀書會怎樣?我答:唔讀也可以，但長大了也必須工作，自力更生，但可能要做勞力的工作。他問我什麼是勞力工作，我竟然同他去幫大廈(亞姐)倒垃圾，倒到三樓，他頂不住哭起來了。我教他做什麼工是你自己決定的，而且要珍惜一元一角。自始，他用心向學。有一次，我見到他溫英文字典(小學版)。
但他不是勁叻的小朋友，我唔幫他溫讀，成績只會一般，小學P1第一次測驗有98、100、92可惜中文52分。他話同學問他分數，他回答時好醜怪。於是，他叫我幫他溫中文。我於是每晚教他，星期日出TEST俾他，考試中文86(其他9X)。老師在全班同學前讚揚他。下學期考第五，做埋班長。他就叫我出劵出埋其他科，他喜歡做，有時他仲會出劵叫我做。
有晚我病倒床上，我話起唔到身教他，他自己搬書桌入房，係我床邊讀中文。

他小時成日同表哥、表姐們玩。表哥學界第一又全級考第一，表姐又係玩學界(年年有獎學金)，自小一起玩，他又要入校隊打學界。
我日日要求他放棄打波，早些睡，見他哭住求我，我........(今日我又叫他打一天好嗎?結果哭成淚人)

仲有他又喜歡彈琴，仲係有天份(學兩年五級)，唔想埋沒他的音樂材能。這是他唯一的天賦。

唔幫他每晚溫功課唔得，例:今日有條MATHS:有6元、3元和2元的郵票各一枚，共可組成多少種不同的面值?我唔教唔得。他班中有一、兩個同學可能媽媽唔幫，平均分得4X。

他不是有階級觀念，而是他知道中國好多小朋友無書讀，我同他說:香港小朋友好幸福，人人有一所好學校，叫他珍惜讀書，不要怕辛苦。

但我知道他的作息時間有問題，所以聽吓意見?其實我真的唔想打波入校隊，我再計畫吓，聽多一點意見。

作者: lauerica 時間: 10-2-3 21:19

我竟然同他去幫大廈(亞姐)倒垃圾，倒到三樓，他頂不住哭起來了。
其實你做得阿媽，係咪應該有返多少常識？垃圾有好多細菌，咁細個小朋友抵抗力又弱，好易感染到病菌，如果真係因為咁病左，你會點呢？有時另類教學，都要小心為上。

作者: overview 時間: 10-2-3 21:25

睇你認為學業緊要定入校隊緊要囉, 總之一入校隊, 深似海, 日日做咁多時間操練, 邊有其他時間及精力做功課.

原帖由 yovin 於 10-2-3 21:00 發表
謝謝你們的回應。我可能用錯方法教他，使他變成現在的情況。

小時侯的他覺得我好叻(以前我是記者，他常在電視見到我)?我答:其實媽媽唔叻，只是因為我勤力。別人讀一次，我起碼讀三次，三次唔得，我會讀十次，只要努力便會做到。
...

作者: happyvalley 時間: 10-2-3 21:32

原帖由 yovin 於 10-2-3 21:00 發表
謝謝你們的回應。我可能用錯方法教他，使他變成現在的情況。

小時侯的他覺得我好叻(以前我是記者，他常在電視見到我)?我答:其實媽媽唔叻，只是因為我勤力。別人讀一次，我起碼讀三次，三次唔得，我會讀十次，只要努力便會做到。
...

好媽媽真的會教到好孩子，如果是我，例如現在的我教囡囡，我就取舍興趣為上，因為可以健立意志，可受壓，與人建立溝通，在小時就可培養好自信心，創造未來的學習動機。

成績只要達到基本要求就可以，因為語文要日子有功，數要多作深度思考，都不是一朝一夕的，但如果根建得穩，那怕將來沒有粗大的樹幹和滿載綠葉呢。

所以我會撰打球和練琴為主，當然要定於九時半上牀。

作者: eviepa 時間: 10-2-3 22:28

Yovin,

望子成龍是無可厚非的，甚至是值得鼓勵的。不過，甚麼方法才可以令子女成材呢？我情願採用較慢，但愉快的方法去令他們進步。

在呈分試前的小學裡，分數重要嗎？考十名內重要嗎？我對此嗤之以鼻。

我選擇了前些時候很出名的臻美黃乾亨小學給女兒，沒有默書、沒有測驗、考試沒有分數、名次，沒有任何往績。在呈分試前我鼓勵她考試完全不溫書，我常向女兒解釋，分數不是一個準確量度學術的指標。只要父母不看重成績，我看不到任何理由孩子會視分數如珍寶。

如果妳真的覺得孩子極度辛苦，妳可以學一學我，將分數、名次拋開，並教育兒子。如果覺得在名小學中考十名內才合妳心水，那麼繼續這樣勞役他吧。

在BK裡，鼓吹愉快學習的，我大概是第一人，愉快學習也可以是有效學習。就在這論題發言的也有好幾位我相熟的，可以用快快樂樂的方法教得學術水平很高的孩子，但用的不是傳統的方法，不是妳熟悉的方法。

我可以告訴妳，我囡囡小學裡沒有補過習，沒有做過一本補充練習，六年間溫書總時數還不到100小時，學校功課量很少，每天快快樂樂地渡過。但她升中時也是band 1。另外，一體一藝也發展得不錯。

如果我囡囡有令郎那麼有鬥心，她的成就肯定比現在大得多，而且每天都同樣快快樂樂地渡過。

eviepa

作者: lauerica 時間: 10-2-3 23:01

原帖由 eviepa 於 10-2-3 22:28 發表
Yovin,

望子成龍是無可厚非的，甚至是值得鼓勵的。不過，甚麼方法才可以令子女成材呢？我情願採用較慢，但愉快的方法去令他們進步。

在呈分試前的小學裡，分數重要嗎？考十名內重要嗎？我對此嗤之以鼻。

我選擇了前些時候很出名 ...

唔係個個有你個女咁叻，五年班先開始溫習、讀書，升中重入到band 1中學，真係可喜、可賀！

作者: hhma 時間: 10-2-3 23:02

我仔中一啦, 要返學既日子都係10點訓覺

如果佢唔係打badminton, 唔係叫你出卷, 而係打機, 睇不良漫畫, 什至索K, 你會唔會"求"唔到佢唔做呀???

作者: eviepa 時間: 10-2-3 23:11

唔係個個有你個女咁叻，五年班先開始溫習、讀書，升中重入到band 1中學，真係可喜、可賀！

我相信在小學裡，溫書並非一種有效提升學術的活動，幾年前我出過一個論題叫《溫書是一種高投入、低回報的活動。》有詳細討論。http://forum.baby-kingdom.com/vi ... page%3D1&page=1

反而愉快地閱讀才是高效能的活動。我囡囡不溫書，不默書，但看很多書，幾年下來，便勝過普通的孩子。

作者: thomas_dad 時間: 10-2-3 23:20

Hi，Yovin！

從妳字裡行間，感受到妳有一套特別的方法去教導孩子，而在很多地方亦有很好的效果。我認為每個小朋友的能力和命運都不同，真的有一些孩子會比較懂事和成熟，可能妳兒子便是其中一個。我是一個會用盡千方百計，期望能栽培兒子成材的父親，我會像你般用身體力行的方式教導，如讓他親身體會一下辛苦的滋味，不會顧慮太多不必要的潛在風險。

旁人的意見和目光雖然有其道理及參考價值，但畢竟孩子們在不同的環境、不同的期望、不同的能力和基礎及充滿變數的情況上，大部份人認為是對的時候不見得都一定是對。沒有誰比父母更清楚該為兒子做甚麼、不該做甚麼和為自己的孩子負責，這當然包括健康、學業和任何方面。

但是，足夠的睡眠還是必需的，我自己會儘量安排他在21:00-22:30前入睡。

[ 本帖最後由 thomas_dad 於 10-2-3 23:36 編輯 ]

作者: goodmama2003 時間: 10-2-3 23:25

提示: 作者被禁止或刪除內容自動屏蔽

作者: eviepa 時間: 10-2-4 00:22

Hi，Yovin！

從妳字裡行間，感受到妳有一套特別的方法去教導孩子，而在很多地方亦有很好的效果。我認為每個小朋友的能力和命運都不同，真的有一些孩子會比較懂事和成熟，可能妳兒子便是其中一個。我是一個會用盡千方百計，期望能栽培兒子成材的父親，我會像你般用身體力行的方式教導，如讓他親身體會一下辛苦的滋味，不會顧慮太多不必要的潛在風險。

旁人的意見和目光雖然有其道理及參考價值，但畢竟孩子們在不同的環境、不同的期望、不同的能力和基礎及充滿變數的情況上，大部份人認為是對的時候不見得都一定是對。沒有誰比父母更清楚該為兒子做甚麼、不該做甚麼和為自己的孩子負責，這當然包括健康、學業和任何方面。

但是，足夠的睡眠還是必需的，我自己會儘量安排他在21:00-22:30前入睡。

這種取向很嚇人，亦是香港孩子痛苦的最大來源。

作者: 丁丁* 時間: 10-2-4 00:23

陰公

才小二生, 7 歲, 已經日日要忙過大人

原帖由 yovin 於 10-2-2 18:49 發表
一個小二男生 7歲

作者: do-re-me 時間: 10-2-4 01:50

可否練琴和溫書隔日進行? OR練琴20分鐘足夠啦.

作者: aryee 時間: 10-2-4 10:10

原帖由 HPChingchingma 於 10-2-2 19:43 發表

在文中我看到是你太依從你小朋友的意見. 如 .

我試過叫他不要睡
但一定要我陪同在身旁
即是我同他補習、通常溫定默書
他要求我出卷 .
成日叫我陪他溫習

文武雙全確是每一位家長對小孩期望 , 但不是每一位小 ...

good observation & interpretation

樓主，既然你都發現問題所在，點解唔做d野﹖

作者: AAma 時間: 10-2-4 10:12

樓主,

你是好媽媽, 身體力行, 用心教導, 不過小朋友身心健康應該放首位, 你已發現有問題就應當機立斷, 你要比你小朋友清楚知道你感受~你好心痛, 你擔心甚麼. 你小朋友比較成熟, 佢愛你, 佢會接受你意見的.

作者: judy 時間: 10-2-4 10:35

唔幫他每晚溫功課唔得，例:今日有條MATHS:有6元、3元和2元的郵票各一枚，共可組成多少種不同的面值?我唔教唔得。他班中有一、兩個同學可能媽媽唔幫，平均分得4X。...

你可以叫佢做咗識果啲，唔識嘅等你回家幫佢。

作者: aryee 時間: 10-2-4 10:45

樓主，你可以set一個條件比仔仔，晚上10pm前一定要訓著，即係9:30pm靜止一切活動，準備刷牙上床。如果佢可以9:30pm完成所有野，請繼續，否則練波同練琴只可揀一樣。

樓主，最初覺得你仔最大問係衝得太行，唔夠休息，睇完你第二段回應，覺得唔夠精神休息都其次，佢唔輸得先大鑊，樣樣好勝既心態只會害左佢。佢好積極，識得搵好既模仿對像，亦明白下左苦工有收成，於是就樣樣都下苦工，不甘落後於人。但呢個諗法會害左佢，應該幫佢接納自己既長短，樣樣同身邊人比較並希望勝之，世界咁多野，點能樣樣同人比，辛苦自己還事小，最怕將來一有失敗，將會經不起風浪。你個小朋友，應該學習多d挫敗，學習放棄，等佢知道量力而為，接受自己，多過繼續幫佢上位。

我小朋友細個都好勝，我成日同佢捉棋，食晒佢d棋，一d都唔留情，佢最初喊架，而家係笑住輸比我，比多d挫敗佢，係等佢將來承擔風浪，逆境自強，我唔想佢將來因為一時失敗走去跳樓。生命既質素更勝成就。

[ 本帖最後由 aryee 於 10-2-4 10:50 編輯 ]

作者: judy 時間: 10-2-4 11:21

又有一次(五歲)，他問我唔讀書會怎樣?我答:唔讀也可以，但長大了也必須工作，自力更生，但可能要做勞力的工作。他問我什麼是勞力工作，我竟然同他去幫大廈(亞姐)倒垃圾，倒到三樓，他頂不住哭起來了。我教他做什麼工是你自己決定的，而且要珍惜一元一角。自始，他用心向學。有一次，我見到他溫英文字典(小學版)。

Yovin,

下次唔好再做呢啲。係心里學上，有一種叫暗示(有錯請指正)。即是說你叫他別"這樣"、別"那樣"，小朋友只會記住"這樣"、"那樣"的場景，將來會被暗示着走向"這樣"、"那樣"的路。

要成功，就要正面思想。劉邦、項羽見秦始皇出巡，一個話大丈夫應當如是，一個話吾可以取而代之。假若劉邦、項羽被父輩帶去參觀奴隶起居，告誡佢地努力，我想他們未必有咁嘅成就。

在這里，Eviepa的教女方式係正面思想的表表者，佢個女應只是中才以上(請原諒)，佢得，你冇可能唔得。退而求其次，我想我的時間表應合乎中庸之道了，試吓。

現在，文武全才係人所共求嘅，我見過一推鉛球的短頭發大隻女，佢換條長裙，又可彈起豎琴來。你仔仔之課外活動適中，琴也要日日練，只要改变一些習慣，10點睡覺不是難事。

求學不是求分數係至理名言，讀多點課外書，知識的深度和廣度一定比做練習好好多。對孩子人格培養也好好多。我不相信少練習、讀課外書會影响成績。如果真有其事，現在才小二，成績高低，沒有甚麽大不了。

[ 本帖最後由 judy 於 10-2-4 11:23 編輯 ]

作者: fatfatchuchu 時間: 10-2-4 11:26

提示: 作者被禁止或刪除內容自動屏蔽

作者: yovin 時間: 10-2-4 12:02 標題: 樓主回應

DEAR EVIEPA,
每晚我和他對功課、溫習、閱讀的方法如下:
1看他功課錯了什麼，在題號上用螢火筆點上，要他找出自己錯在哪兒，他自己找到(我會題他，這是你大意了，要記得啊!)。如他不知錯什麼，表示他不明白，我便用心去指導，不說答案，讓他真正明白。對功課OK。2我會問他當日有沒有不明白老師教的，有我會教他，(通常沒有)因為他說會留心上課，因為他喜歡老師，而且從他口中我知老師教得生動。
3之前我說他中文不好，我用的方式正是你說的(鼓勵閱讀)。我叫他在學校圖書館或家中書庫(以前是記者，所以家中有大量書和剪報)找一篇他興趣有中文讀給我聽，跟住一起研究和找答應。好似上個月，他找到世界大戰的文章，我用了一個星期去簡單讓他知道是什麼。而小朋友又多野問，例如:他看到圖片問我原子彈爆發後D煙為什麼好似草菇?有時我都唔識答，我叫他用心讀書，長大後話給我知。

就是這樣大家都喜歡每晚的親子閱讀，所以時間不夠。我要返工，9:45才可與他見面，一定要做些大家都開心的事，我好珍惜這點滴的時間。
學校的課本留到星期六才好好認真溫習了。

DEAR LAUERICA,
為什麼叫兒子幫手倒垃圾是沒有常識?我兒時家中很多用品是在垃圾場中找的，我六歲時第一張桌子就是在垃圾堆中和媽媽一起搬回家，那時我妹妹得四歲?
你知嗎?至今，還有很多小朋友沒人照顧，在綠色的大垃圾箱上跳上跳落。

DEAR 各位,

我沒有望子成龍的心態，但他一定不可做寄生蟲。而班中十名內是我們定的目標，做不到也不會打罵，我喜歡鼓勵和稱讚。
時間安排上，我在正視，希望與他達成共識，做一個美好的虎年時間表。祝大家身體健康，新年快樂!

作者: chan803 時間: 10-2-4 14:00

原帖由 yovin 於 10-2-4 12:02 發表
...
我沒有望子成龍的心態，但他一定不可做寄生蟲。而班中十名內是我們定的目標，做不到也不會打罵，我喜歡鼓勵和稱讚。
時間安排上，我在正視，希望與他達成共識，做一個美好的虎年時間表。祝大家身體健康，新年快樂!

不如你諗清楚對一個小二學生, 以下各項的重要性再安排時間表啦:

- 充足睡眠
- 班中十名內
- 課外活動 / 入校隊
- 孩子的意願

作者: nadal 時間: 10-2-4 14:58

我不認為你用錯方法，只是有些時間管理和執行上的問題
假如我的兒子問我唔讀書會怎樣? 我也會告訴他同一個答案

你兒子態度正確，但方法錯誤
積極進取是一件好事，但也別忘記 "羅馬不是一天建成的"

事有輕重緩急之分，睡眠對成長中的孩子尤其重要
重要的事情當然優先，所以每晚必須10點上床

我想，要午睡不是因為羽毛球訓練，反過來是因為每晚12點才睡

作者: gordon12 時間: 10-2-4 16:27

原帖由 yovin 於 10-2-2 18:49 發表
一個小二男生 7歲
MON-FRI
7:00起床-上學
3:00放學
3:00-5:00有四日打羽毛球(他想入校隊)
餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...
:45我放工回家，自己抓飯15分鐘
10:00-10:45練琴(五級)他喜歡的，但一定要我陪同在身旁)
10:45-12:00我同他對功課(唔明即教)、溫書、閱讀...總之1小時15分都唔夠用。
12:00一定要他睡覺。

嘩! 7歲星期一至五都咁夜訓..... 若係我小朋友...一定支持唔住!

作者: gordon12 時間: 10-2-4 16:34

同意!

原帖由 IncyWincySpider 於 10-2-3 12:58 發表
離譜!

我不會相信一個正常的小朋友會”要求”家長給他大量課外活動, 出卷, 練琴, 令自己忙至深夜.
即使他”真的”有要求, 只是家長給孩子灌輸了錯誤訊息, 絕對是家長有問題.

我自己有小朋友, 亦認識不少有孩子在傳統名校或地區名校唸書的家長朋友. 我們的星期日是family day, 盡量讓孩子的腦袋好好休息.
我們根本不用安排大量課外活動/補充給孩子做, 但會鼓勵他們多看課外書, 每星期寫點東西. 他們每晚多數在9時多, 最晚頂多是10:00便上床睡覺. 我所認識的孩子, 大多數成績相當不錯.

也許我用詞太直接, 但這post實在叫人反感.
這家長宜好好自我檢討, 孩子還在發育階段, 需要足夠休息.
他還有很長的學習路, 現在迫得太緊, 將來他一旦脫離妳的控制, 便很容易失去學習動機和興趣, 那時妳後悔已太遲.

最後忠告: 請不要再傷害孩子, 誤導其他家長!!

作者: stccmc 時間: 10-2-4 23:01

提示: 作者被禁止或刪除內容自動屏蔽

作者: ernestchow 時間: 10-2-5 00:37

原帖由 rosenok 於 10-2-3 13:56 發表
日出而作, 日入而息, 現代人未必做到

10PM-2AM是睡眠的黃金時間, 在黑暗的環境睡眠
可產生大量的退黑色素, 成長激素, 和可以修補受損的細胞,
好像賣護膚品和健康食品廣告, 這護膚品和健康食品是自費的, 要自已爭取 ...

提外話,乜空姐.蘐中容易生cancer,那日以繼夜的藝員,又唔太多生cancer

作者: RabbitJump 時間: 10-2-5 01:23

本來唔想 comment 但我的確替你的孩子心痛

唔知有無人睇過上年有一集新聞透視, 內容是講香港的學童
睡眠時間比國際標準低, 兒童十二歲以下要每天瞓10.5小時才足夠,可是香港的平均數是8.5 - 9.5. 兒童睡眠不足會影響腦部發育, 而且會減低認知能力及專注力, 另外還會導致癡肥, 早排聽見政府開始關注到, 還考慮全港所有學校
遲半小時上課

如果你真想望子成龍, 請由今天開始給他多一點休息時間

原帖由 yovin 於 10-2-2 18:49 發表
一個小二男生 7歲
MON-FRI斗
7:00起床-上學
3:00放學
3:00-5:00有四日打羽毛球(他想入校隊)
餘下一日奧數(學校選入)
5:45回家
5:45-7:00小睡75分鐘(他話打完波太累，一定要睡一會兒。我試過叫他不要睡， ...

作者: Fion_Chan 時間: 10-2-5 02:05

樓主9:45至放工，又要顧及親子又要顧及功課，延遲了孩子上床時間，相信她都好為難，我有些感同身受。

她的處境，好些我都經歷過。下午午睡，晚上12:00至睡，我自己細細個就係咁，自我感覺其實OK，睡醒做功課特別精靈。不過有點忠告，這情況會越來越嚴重，晚上會越來越遲睡，午睡時間會越來越長，記得到會考時，我差不多是讀通頂去考試，考完試回家睡足8個鐘。到大學時實在自己都頂唔住和一般人相反既作息時間。

現在自己有孩子，我都是OT到9點10點回家，孩子幼稚園時返半日，都用過睡午覺呢招，等晚上既親子時間有番1個鐘。但現在孩子上小學，我還是聽從老師建議，10:30前要他們睡。

樓主孩子因為打波要午睡，無可厚非，但都可以keep番佢早睡，習慣了便不會睡不著。親子/溫書時間少了，便是你自己過唔過到自己個關既問題，陪佢練琴其實都OK，陪溫書......我大膽建議你刪左去，以睡前講故事代替--->要佢上床、熄哂燈、蓋上眼至開始講故事，講D溫柔舒服既故事，不要刺激的(做阿媽要預備定，黑麻麻無本書在手，要靠記性、創作)，講完再傾下計便要佢訓。佢訓之後，至檢查佢功課，有錯或要提醒佢既貼post-it，第二日早上提到就提，提唔切就算，記低/影印左要佢注意的地方，等佢第二日放學阿媽未返前自己睇番(其實佢有1.5小時做功課，都算好充足，佢又咁生性，可以自行做D溫習既野，唔使阿媽陪，完全唔識至等9:45來問你)。

我個仔都會因為一時成績差要求我出卷比多D練習佢，我會叫佢早D訓，上堂精靈D，聽明哂老師既說話，就唔使多做練習都追得上。

看來你本身都係有得搏會搏盡個類，但阿仔本身都係咁性格，你自己就要放番輕鬆D。

作者: Parisienne 時間: 10-2-5 09:04

唔同家長真係有唔同睇法。
不過睡眠的確係對孩子成長好重要！
yoyin，我覺得妳仔仔真係好懂性，妳應該值得安慰。但太早"懂性"嘅孩子對佢本身而言未必係件好事。喺一個偏向著重IQ嘅競爭社會中，EQ嘅培養亦好重要。妳仔仔咁細個就咁執著，我覺得呢樣嘢先至係妳要小心處理。佢條路仲有咁長，如果妳唔引導佢有不同嘅價值觀，將來佢嘅壓力就只會有增無減。
另外，五歲叫佢幫阿姐倒垃圾，倒到三樓，佢頂唔順喊....呢種教學方式我不願置評。但我相信當時佢除左體力上嘅'頂唔順'外，心理上亦都'頂唔順'，所以佢喊。我唔係心理學家，但我相信唔同歲數有唔同嘅心理資素。妳話妳兒時好多家俬都由垃圾堆中搬回家，當時妹妹只有四歲，所以妳覺得無問題。但妳有無諗過當時嘅妳係習慣同接受咗呢個生活環境，所以妳同阿妹都有心理條件去承受。但係妳個仔唔同(除非妳閒時有帶佢去搬垃圾啫？？)如果唔係，佢真係會嚇親，繼而產生恐懼感，驚死讀唔成書就要一世倒垃圾！呢種'恐懼'好就可以鞭策佢，萬一唔好就成為一種無形嘅心理壓力。
我認為呢種生活體驗用在一個十歲左右嘅孩子可能會正面同適合啲。
其實，有無必要咁快就咁'直接地'show個真實嘅世界比佢睇呢？五歲.... 唏!倒不如還返個童年比佢啦！有夢想，有創意，活潑有童真....好過一味怕自已追唔上趕唔上別人。如果只有成敗，長大後生活視野會好狹窄，到頭來會好迷失，因為跟本唔知究竟為咗乜...
話比佢知: 用勞力生活嘅人雖然辛苦，但亦可以活得快樂。

原帖由 Fion_Chan 於 10-2-5 02:05 發表
樓主9:45至放工，又要顧及親子又要顧及功課，延遲了孩子上床時間，相信她都好為難，我有些感同身受。

她的處境，好些我都經歷過。下午午睡，晚上12:00至睡，我自己細細個就係咁，自我感覺其實OK，睡醒做功課特別精靈。不過有點忠告，這 ...

作者: 五歲仔 時間: 10-2-5 10:01

樓主:

我好羨慕你有個仔好生性，佢應該係對自己好有要求、有鬥心和專注力強的小孩。相信將來他一定有很大成就。其實，他的時間表，你可以參考佢表哥、表姊的時間表，因為我覺得你地的生活和教養方法比較接近。究竟佢表哥、表姊的作息時間表是怎樣的呢?

我覺得唔同人係有唔同的生活方式，尤其係一些資優的，有些（並非全部都係）資優的小孩係比一般的兒童食得少d或睡得少d，因為佢地忙於佢地的學習。我都有朋友的女的時間表係好誇張，分秒必爭的。中學入左St. Paul Co-Edu，成績及課外活動一樣出色，原來背後係付出左好多，十分耕耘、十分收獲。

至於倒垃圾的教育，是否會影響佢的心理，真係要由專家去評論。不過，我又不擔心細菌方面，相信樓主都會做好事後的清潔工夫。有時候，去老人院做義工或到醫院探人仲多細菌和病毒啦！

請問樓主你住邊區呢?學校又在邊區呢？

[ 本帖最後由五歲仔於 10-2-5 20:52 編輯 ]

作者: pony媽媽 時間: 10-2-5 10:34

12:00am睡一定不可以。對孩子的健康和成長都有問題。你的孩子品性很好, 孩子當中有的真的可以好定性, 我的囝囝也是較為定性的一個, 他也是7歲, 但已經好緊張自己的功課, 因為他想從中得到老師和家人的肯定和讚賞...

我囝囝都很自律地練琴, 不過就未有5級咁多, 我和先生都不想像催谷似的盡快考級, 只想讓他把彈琴作為興趣, 轉換一下心情的工具(relax 作用), 他的興趣也很多, 羽毛球、象棋、國際象棋...而且更想深入礸研, 叫我幫他報有關的興趣班, 我也很高興他喜歡玩動腦筋的東西, 但他現在每天上學, 功課, 練琴, 最早9:30pm睡覺(他在同學仔當中較遲睡, 有些8:30pm已睡), 早上起床也很不容易.....最後只答應他暑假才報名。

所以, 家長要為了孩子著想, 適當地提出拒絕也是無可厚非的吧!

作者: Little_cy 時間: 10-2-5 19:07

12點至訓太夜喇.
我個女.. 我以為佢忙, 原來有其他人仲忙.
我個女朝早一早番去, 3.30打鐘放學, 番到黎4.45到... 跟著hea一陣, 通常半個鐘到開始做功課, depends on 個日多吾多.. 平均5樣到, 我要佢食飯前儘量做曬.
每個星期3 就7.15pm學琴.
食完飯, 幫佢睇下功課, 佢pack書包, 沖涼, 自己活動一陣, 9.30前要佢上床訓架喇. 我想佢起碼有8-9小時睡眠.
而學畫畫, 就星期6先至進行.
時間係冇咩可以溫到, 米星期6 日, 拎出黎幫佢溫下咁.

或者樓主, 會吾會你將你小朋友既平日活動減小會好d呢

作者: CFaHB 時間: 10-2-6 00:56

樓主, 小朋友唔夠訓易病又發育得唔好, 生長黃金時期, 過左就後悔莫及啦 ~

你仔仔咁明白, 以上同佢直講, 教下佢取捨啦, 呢個情況, 根本無可能長期維持
琴 ..... 真練小d都得
運動 ..... 真係天份行先, 再講努力, 要學習輕看得失

做 exercises, 做卷 .... 貴精不貴多, 反而要有多d閱讀同思巧的relex時間, 玩, 亦係學習的一種 .....

小孩子學習這條漫長之路, 真係要一邊步處, 一邊檢討, 共勉之 ~

[ 本帖最後由 CFaHB 於 10-2-7 21:51 編輯 ]

作者: 大內密探 時間: 10-2-6 11:23

我諗唔同小朋友有唔同既特質, 你既小朋友好有鬥心係一件好事, 所以每個父母都有唔同既方法去教導子女, 其他人既意見只係作為參考。
但我十分同意睡眠係好重要既, 希望你可以搵到平衡點, 等囝囝自己同意去再分配課外活動同作息既時間啦。
大家一齊努力。

作者: KitBo 時間: 10-2-6 12:38

打波時間太多了, 呢個世界有幾多個係十項全能, 主攻一樣有成績的, 其他就當是調劑一吓生活吧了, 攪到個仔半死, 讀書成績也不會太好. 我覺得成績始終要放第一位(所以一定要有充足睡眠), 其他再興趣的次序作取捨或減少d啦!

[ 本帖最後由 KitBo 於 10-2-6 12:40 編輯 ]

作者: Kanba 時間: 10-2-26 14:42

5:45-7:00小睡
12:00－7:00大睡

時間是顛倒些，加起來都有八小時睡眠。但錯過了十時至十二時的黃金時間。為了與媽媽一起彈琴讀書而犧牲，花不來。

不知道爸爸能否分擔一點照顧兒子?

或者改變一下生活吧：

不再小睡，晚飯前完成功課。晚間叫爸爸（如果他比你早回家）陪他練琴看書。九點正睡覺。

你擔心他功課又要親自督導的話，那你也早點睡（十一點前），明早六時起來教他吧。

週未不要安排補習溫書了，救命。去玩，去讀有趣的課外書吧。

作者: do-re-me 時間: 10-2-26 21:24

原帖由 Kanba 於 10-2-26 14:42 發表
5:45-7:00小睡
12:00－7:00大睡

時間是顛倒些，加起來都有八小時睡眠。但錯過了十時至十二時的黃金時間。為了與媽媽一起彈琴讀書而犧牲，花不來。

不知道爸爸能否分擔一點照顧兒子?

或者改變一下生活吧：

不再小睡，晚飯前 ...

我女平時大約9:30-10點睡, 約11點才完全入睡. 我睇完你話10-12時是睡覺的黃金時間, 我現在安排我女9時上床, 那10時就一定睡著了. 早上5時起身一齊讀書. 而我自己係夜睡人, 平時2點才睡(因老公夜睡). 如果睡了, 567點一定起唔倒身. 所以夜晚唔睡, 等我女返左學(7:30)先睡, 我女放學我就起身. 實行了兩日, 好似都ok. 你話好唔好?

作者: 黃巴士 時間: 10-2-26 21:56

原帖由 do-re-me 於 10-2-26 21:24 發表

我女平時大約9:30-10點睡, 約11點才完全入睡. 我睇完你話10-12時是睡覺的黃金時間, 我現在安排我女9時上床, 那10時就一定睡著了. 早上5時起身一齊讀書. 而我自己係夜睡人, 平時2點才睡(因老公夜睡). 如果睡了, 567 ...

吓, 你自己D時間咁倒轉嘅!! 夜晚唔瞓???

個女5點咁早起身?? 個女要1個鐘頭至可入睡??

作者: Kanba 時間: 10-2-26 22:31

生活顛倒對你自己都不好，早些睡吧。你老公咁辛苦要咁夜睏，你都不好等佢了。

作者: do-re-me 時間: 10-3-1 21:35

我女真係很難入睡果D人, 似佢爸爸. 有咩方法?

作者: 黃巴士 時間: 10-3-1 23:13

原帖由 do-re-me 於 10-3-1 21:35 發表
我女真係很難入睡果D人, 似佢爸爸. 有咩方法?

咁佢平時夠鐘上床瞓覺時唔攰嘅咩??

作者: do-re-me 時間: 10-3-2 00:24

原帖由 黃巴士 於 10-3-1 23:13 發表

咁佢平時夠鐘上床瞓覺時唔攰嘅咩??

做功課就在枱面瞓著, 上床瞓覺就心思思想玩, 死忍住眼瞓. 坐車就3秒瞓著.

[ 本帖最後由 do-re-me 於 10-3-2 00:27 編輯 ]

作者: 黃巴士 時間: 10-3-2 12:39

原帖由 do-re-me 於 10-3-2 00:24 發表

做功課就在枱面瞓著, 上床瞓覺就心思思想玩, 死忍住眼瞓. 坐車就3秒瞓著.

咁, 其實佢都係攰, 只係有得玩, 頂住唔瞓.
上床時, 有無靜態活動 - 如看課外書/講故事之類??

我囝囝都係, 如果個日時間太急, 太多嘢做, 個腦仔太多嘢唸, 佢都反而瞓唔著, 我要幫佢安靜返心神&放慢返節奏, 佢至可入睡.

黃巴士

歡迎光臨教育王國 (/)