教育王國

標題: 請教各位既私人語言治療師(機構)係咪咁??? [打印本頁]

作者: pollybell 時間: 10-1-22 12:38 標題: 請教各位既私人語言治療師(機構)係咪咁???

請教各位既私人語言治療師(機構)係咪咁???
人房訓練時不準父母或其他人陪同小朋友入內...........態度強硬.

作者: winglongyan 時間: 10-1-22 13:23

唔係,因要家長在過程中學習,回家教小朋友.

原帖由 pollybell 於 10-1-22 12:38 發表
請教各位既私人語言治療師(機構)係咪咁???
人房訓練時不準父母或其他人陪同小朋友入內...........態度強硬.

作者: nokia6300 時間: 10-1-22 13:48 標題: 回覆 1# pollybell 的文章

我唔係ka,同仔仔一起上的,係要學st點教,因有功課ka!
而阿仔返 pst 就姑娘會同20-25分鐘比仔仔自己入去,學習separation,之後媽媽再入去,姑娘會再同bb play 一次教埋我係屋企點教同埋bb有咩要 follow

不過我係 links 見個d好似小組同 1:1 都係小朋友自己上的

[ 本帖最後由 nokia6300 於 10-1-22 13:52 編輯 ]

作者: pollybell 時間: 10-1-22 14:34

我都覺得應該要一齊上,老實講果1個鐘有鬼用咩,我買既係技巧,好似方死人地去偷師,又無筆記乜都無,小朋友響入面鬼知佢做乜,我個仔又要我陪佢入,唔俾入就喊,跟本浪費時間,佢當然無所謂,你咪喊到夠先開始,反正鐘就照計.之前都有參加其他私人機構,都可以一齊上,呢次呢間真係閉門做車.所以問下大家一般係咪咁.

作者: apple~y 時間: 10-1-22 14:39

原帖由 pollybell 於 10-1-22 14:34 發表
我都覺得應該要一齊上,老實講果1個鐘有鬼用咩,我買既係技巧,好似方死人地去偷師,又無筆記乜都無,小朋友響入面鬼知佢做乜,我個仔又要我陪佢入,唔俾入就喊,跟本浪費時間,佢當然無所謂,你咪喊到夠先開始,反正鐘就照計. ...

是那間中心??
你仔仔唔係巳經追番同齡,點解仲上語言治療呀??

作者: pollybell 時間: 10-1-22 15:35

係追返,所以我唔係個個星期去上,一個月可能上一兩堂,睇下有無多些技巧教個仔句子多些組合,例如多個名詞同動詞既組合,即比較複習既句子.再加上我個仔下年會全英文上堂,咁我唔教學校都模仿唔倒,所以去買佢地既技巧,點知比人搵左笨,算啦....當豪比佢,邊間唔講啦,你放心唔係你果間,你報樂天是嗎.

[ 本帖最後由 pollybell 於 10-1-22 15:39 編輯 ]

作者: amon28 時間: 10-1-22 17:49

我仔個間係最初一齊上,ST要教你技巧方法,但上上吓就開始常試自己上,因為父母都開始掌握技巧,最初都唔得會喊,個ST都冇堅持要自己上晒,會慢慢試將時間加長,自己上15分鐘,之後我入去,日子久了,仔仔自己上晒,跟住ST會同我講點樣教,講真阿仔自己上會比較注心,有我在就會好依賴和會分心,你仔仔會會都係咁,所以ST堅持父母不可以入去,你試吓同個ST傾吓啦,未必一定唔好

原帖由 pollybell 於 10-1-22 15:35 發表
係追返,所以我唔係個個星期去上,一個月可能上一兩堂,睇下有無多些技巧教個仔句子多些組合,例如多個名詞同動詞既組合,即比較複習既句子.再加上我個仔下年會全英文上堂,咁我唔教學校都模仿唔倒,所以去買佢地既技巧,點 ...

作者: pollybell 時間: 10-1-22 18:49

我同佢講過,佢都係講呀仔自己上唔會依賴我,但我上第一堂已經咁迫呀仔,三九唔識七小朋友會不安,再加上我又唔係定期成日黎,呀仔轉頭都唔知你乜水啦.迫佢做咩先.我想個仔在開心既環境學語言,無想到攪到咁不歡.

原帖由 amon28 於 10-1-22 17:49 發表
我仔個間係最初一齊上,ST要教你技巧方法,但上上吓就開始常試自己上,因為父母都開始掌握技巧,最初都唔得會喊,個ST都冇堅持要自己上晒,會慢慢試將時間加長,自己上15分鐘,之後我入去,日子久了,仔仔自己上晒,跟住ST會同 ...

作者: apple~y 時間: 10-1-22 21:34

你真係一個勤力媽媽,好好心機教小朋友
無得陪上堂收費會唔會平些??
仲有其實語言治療上門訓練定去中心訓練效果邊樣好呢??

我都要比心機,同仔仔做訓練
仔仔下個月開始上堂啦!!

作者: SandraLo 時間: 10-1-22 22:02

原帖由 pollybell 於 10-1-22 14:34 發表
我都覺得應該要一齊上,老實講果1個鐘有鬼用咩,我買既係技巧,好似方死人地去偷師,又無筆記乜都無,小朋友響入面鬼知佢做乜,我個仔又要我陪佢入,唔俾入就喊,跟本浪費時間,佢當然無所謂,你咪喊到夠先開始,反正鐘就照計. ...

ST 一般都wellcome mommy一齊上, 學埋返去同佢响屋企操練, 如小朋友太黐mommy影響專注, 可能要求小朋友自己上, 但都可以睇到佢上的, 未聽過冇得睇！

作者: pollybell 時間: 10-1-22 22:09

你讚錯我啦,邊個想勤力,不過唔勤力唔得個度慘,教佢講野已經講晒我要講幾年既野,要不停講不停描述佢做緊乜,我做緊乜,又要大聲又要節拍慢,真係好辛苦,但可以點?????鬼叫我係佢亞媽咩.

無得陪上堂無得平,同市價差唔多$580 45分鐘.上門會再貴些大約貴多兩舊.其實無話去邊訓練好,最主要係個語言治療師,經驗好緊要,千其唔好搵幾年貨仔果些,同埋我地小朋友細,好多時唔合作,所以有經驗面對小朋友情緒好重要,唔係小朋友唔合作,個治療師又無反應,DEAD AIR每分鐘都同你計緊架,你知小朋友扭起上黎起碼都幾分鐘,跟住心情唔好跟住就好難再繼續.我個仔就遇過,個治療師真係無符,上幾堂轉過另一位,處理得不知幾好,我個仔不知幾聽佢講,就算唔聽,都唔會攪到亞仔唔耐煩.所以要搵個有經驗同夾個仔,不過都要試下先知架.

你要俾心機呀,你個仔唔太差,人地教十次我地咪教100次羅.最緊要自己盡左力,就盡左父母既責任架啦,日後佢係人係鬼都無悔無(忄感),諗野盡量正面些,正所謂久病床前無孝子,BK得到既安慰可能令你暫時睇開點,但時間長左自己又諗埋一邊,所以自己既正面思想好重要,你日日心情靚,個仔學野都快些.

原帖由 apple~y 於 10-1-22 21:34 發表
你真係一個勤力媽媽,好好心機教小朋友
無得陪上堂收費會唔會平些??
仲有其實語言治療上門訓練定去中心訓練效果邊樣好呢??

我都要比心機,同仔仔做訓練
仔仔下個月開始上堂啦!! ...

作者: pollybell 時間: 10-1-22 23:45

如果早知我唔去啦,JOIN 左10堂.上左四堂社交一堂語言,喊足咁多堂,喊重要俾說話我聽又話唔獨立又呢又路,2歲幾要幾獨立,返學都要連續返幾日先唔喊啦,我個仔重唔係日日見住你,想佢跟你會唔會要求高左呀.我之前報果些都可以陪真係估佢唔倒.

原帖由 SandraLo 於 10-1-22 22:02 發表

ST 一般都wellcome mommy一齊上, 學埋返去同佢响屋企操練, 如小朋友太黐mommy影響專注, 可能要求小朋友自己上, 但都可以睇到佢上的, 未聽過冇得睇！

作者: Capricorn2521 時間: 10-1-23 12:27

Totally agree with you.

我都試過同導師意見有分歧，加上導師講明是亞仔固執不聽教，又話佢有的辦法都教曬我，現在只有見招拆招，好似冇咩信心咁...(可能我成日問佢野，已經將佢榨乾了，哈哈)。佢又將我仔(2.5歲)同另一個5歲學生比較，傻傻地，咁比一定差。依家停咗，上緊社交訓練小組。我感覺幾好，不需要成個鐘夾著佢做野，我可以在旁教佢其他小朋友做緊d mug，叫佢依家我地要做mug，學習輪流等候。其實佢有一半時間都不聽話同喊，不過見佢一堂比一堂喊少咗，我相信群體學習對佢好有幫助，各家長互相支持及包容，對我也是好的。不過，小組2月底上完，3月會同亞仔試吓上個別pst，因為較全面。我個仔依家好肯講野，仲唱歌，聽從日常指令都ok。不過，理解力差，不太明我地講mug，所以溝通不好。仲有d行為情緒及自理都要train好d。

想請問吓你st是如何train小朋友社交的 ? 我以為社交只可以用小組形式train。

原帖由 pollybell 於 10-1-22 22:09 發表
你讚錯我啦,邊個想勤力,不過唔勤力唔得個度慘,教佢講野已經講晒我要講幾年既野,要不停講不停描述佢做緊乜,我做緊乜,又要大聲又要節拍慢,真係好辛苦,但可以點?????鬼叫我係佢亞媽咩.

無得陪上堂無得平,同市價差唔多$ ...

[ 本帖最後由 Capricorn2521 於 10-1-23 12:51 編輯 ]

作者: pollybell 時間: 10-1-23 20:06

單獨社交訓練其實只不過輪流時間無小組等咁耐,其實好多同語言訓練重複晒,小組可能3-6人,單獨就得治療師同小朋友,而呢種形式就套用落佢返學時同,同學玩既模式度,其實學校都有教好鬼多餘,我覺得小組比較好,成個鐘對住個治療師大人都悶,其實都係學共同專注,輪侯.

題外話今日同呀仔又去上語言,我今日堅持要入去,呢間野真係好唔掂,跟本唔懂得如果處理小朋友既反應,我上堂時個治療師一定要呀仔做佢指定既訓練,我個仔唔做就不停同佢講耶穌,又鬧佢嚇佢,攪到佢又喊,當時好想同呀仔走,唔上就算,等佢講成十分鐘重講,我開始忍唔住同佢理論,下刪幾千字,講完心中知道佢真係無料到,讀死書,唔轉搏,又唔認識兒童既心態.跟住佢照我方式同呀仔做訓練,咪得羅,呀仔又合作,乜都肯講肯做,都唔知咩人黎,超級把鬼.

出到reception我老公上左黎接我地,原來重有新驚起,驚到飛起,老公話佢等我地時聽到三個治療師既對話,A-話果個XX上堂發脾四,真係煩.B-我果個咪重衰叫佢拍手又唔拍,好呀唔拍你成堂同我坐響度.C-和應.我老公話係都自己響房講有家長都咁講野,無愛心,幾衰都有.我咪同老公講個仔今日又咪咁,唔做就坐響度,講耶穌又鬧呀仔,變態架.成班都無資格做幼兒教育,無奈性無愛心.講完.

原帖由 Capricorn2521 於 10-1-23 12:27 發表
Totally agree with you.

我都試過同導師意見有分歧，加上導師講明是亞仔固執不聽教，又話佢有的辦法都教曬我，現在只有見招拆招，好似冇咩信心咁...(可能我成日問佢野，已經將佢榨乾了，哈哈)。佢又將我仔(2.5歲)同另一個5歲 ...

作者: SandraLo 時間: 10-1-23 22:56

原帖由 pollybell 於 10-1-23 20:06 發表
單獨社交訓練其實只不過輪流時間無小組等咁耐,其實好多同語言訓練重複晒,小組可能3-6人,單獨就得治療師同小朋友,而呢種形式就套用落佢返學時同,同學玩既模式度,其實學校都有教好鬼多餘,我覺得小組比較好,成個鐘對住 ...

嘩, 你教番佢教你仔都得, 倒不如你自己入去上, 叫佢教你, 你再返屋企教, 咁起碼阿仔唔會有bad experience先！

作者: DaisyDaisy 時間: 10-1-23 22:59

can you pm me which ST? it sounds scary for having such poor staff.

Thanks.

作者: pollybell 時間: 10-1-23 23:10

就憑佢?????一個鐘我諗佢無貨俾我啦,跟本由此至終就係無貨拖時間.

原帖由 SandraLo 於 10-1-23 22:56 發表

嘩, 你教番佢教你仔都得, 倒不如你自己入去上, 叫佢教你, 你再返屋企教, 咁起碼阿仔唔會有bad experience先！

作者: pollybell 時間: 10-1-23 23:18

我好想開佢名,但我無財力呢??你知BK試過好多單會員被人告誹謗,我自問果幾千蚊無左都唔肉痛,但聽完我老公講,如果其他家長真係死慳死底俾小朋友去上堂,咁就真係無陰公,如果大家既小朋友已經搵左語言治療機構,但未決定邊間既,你可以PM我問下係咪呢間,我只會答你,好定唔好.請大家見諒.

原帖由 DaisyDaisy 於 10-1-23 22:59 發表
can you pm me which ST? it sounds scary for having such poor staff.

Thanks.

作者: amon28 時間: 10-1-24 00:01

點解一定要join咁多堂,唔係續個月計?十堂又可以上社交咁得意?可否講邊區

原帖由 pollybell 於 10-1-23 23:18 發表
我好想開佢名,但我無財力呢??你知BK試過好多單會員被人告誹謗,我自問果幾千蚊無左都唔肉痛,但聽完我老公講,如果其他家長真係死慳死底俾小朋友去上堂,咁就真係無陰公,如果大家既小朋友已經搵左語言治療機構,但未決定 ...

作者: pollybell 時間: 10-1-24 00:44

佢話我個仔JOIN,6堂語言就夠,4堂社交.我咪JOIN羅,語言慢影響社交呢個我清楚明白,好合理.所以JOIN左十堂.邊區都無謂講,沙塵滾滾殺錯良民就唔係咁好.

原帖由 amon28 於 10-1-24 00:01 發表
點解一定要join咁多堂,唔係續個月計?十堂又可以上社交咁得意?可否講邊區

作者: Capricorn2521 時間: 10-1-25 11:21

睇完最後果段，幾個治療師的對話，更覺得家長不要以為把孩子送到所謂"專業人仕"的手上訓練便以為可以安心。自己要不斷學習之餘，更要不斷觀察及思考。

以前...未評估前(仔仔22-23個月)...我叫工人帶仔仔去一些改善行為/情緒的課程(以為是terrible two)，佢地話工人帶一樣，我要返工。一星期2天，我工人其實好好，好盡責。不過導師同工人的匯報不同，我吾知信邊個。導師又沒有家居建議，只係叫我盡快去評估(其實不需要佢叫，我一直等緊24個月去評估)，令我覺得好含糊，d錢洗咗都吾知為mug。所以1.5個月後停咗，以後我就堅持自己星期六同仔仔一起上堂。最多上堂問多d，返屋企勤力d自己教。

仲有，如果小朋友係合作，聽話或易教的話，我地家長都吾需要，輪侯幾個月，長途沷涉，幾佰元一個鐘，每星期來見那些"專業人仕"，你估我地好想來打擾你嗎？

多謝你的分享。我暫時不需要問你是那間中心，因為不是一次過比10堂。

原帖由 pollybell 於 10-1-23 20:06 發表
單獨社交訓練其實只不過輪流時間無小組等咁耐,其實好多同語言訓練重複晒,小組可能3-6人,單獨就得治療師同小朋友,而呢種形式就套用落佢返學時同,同學玩既模式度,其實學校都有教好鬼多餘,我覺得小組比較好,成個鐘對住 ...

作者: June04 時間: 10-2-1 21:47

Dear Pollybell,

would u pls PM the details of the centre. Thanks a lot.

原帖由 pollybell 於 10-1-24 00:44 發表
佢話我個仔JOIN,6堂語言就夠,4堂社交.我咪JOIN羅,語言慢影響社交呢個我清楚明白,好合理.所以JOIN左十堂.邊區都無謂講,沙塵滾滾殺錯良民就唔係咁好.

作者: isabella825 時間: 10-4-18 00:22

hi, pollybell

I want to take a course at links (領思兒童發展中心), may i know this centre is good or any suggestion? My system can't pm you, so you can
pm me? thanks for help!

作者: cksy_bb 時間: 10-4-29 00:35

HI, Pollybell,
你可否告知我係邊間呀,因我仔有迫切需要搵治療,等唔倒政府禁耐,佢有語言,專注同情緒問題,但不是自閉症,(因之前反拹康會,不過一週只有一堂,佢同時又反緊學,我都諗住加多一堂比佢,最多唔反一日學囉,但無計,無其他好d幼稚園收,因為佢係0710bb,學位唔夠,又多競爭,唉我壓力都好大,又要反工,你有無意見可以提供下呀,佢而家間學校好衰,衰到無可再衰.你pm我話我知邊間trainning centre禁衰可以嗎

作者: 豬_兜兜 時間: 10-5-4 10:37

邊間啊??
死啦...我都join左4堂小組
你pm 我啦....thanks

作者: anlywan 時間: 10-5-4 13:10

我都好想知啊!但我PM唔到你啊!你可以PM我嗎?
我仔仔現在LINKS上緊但進度麻麻,,現正想番樂天試吓...請問呢两間可以嗎?
以前我番過STEP就唔太喜歡..

原帖由 pollybell 於 10-1-23 23:18 發表
我好想開佢名,但我無財力呢??你知BK試過好多單會員被人告誹謗,我自問果幾千蚊無左都唔肉痛,但聽完我老公講,如果其他家長真係死慳死底俾小朋友去上堂,咁就真係無陰公,如果大家既小朋友已經搵左語言治療機構,但未決定 ...

作者: annaanna 時間: 10-5-4 15:43

我o係step上過小組，個人認為唔太好...

始終都係協康好

不過o岩o岩join左個寫前技巧，係耀能o既，勁平﹗400蚊10堂﹗之前去過果個centre上st 小組，都ok o架

歡迎光臨教育王國 (/)