教育王國

標題: 可否share一下 links同 heep hong 的私人s 位? [打印本頁]

作者: nokia6300 時間: 10-1-13 22:15 標題: 可否share一下 links同 heep hong 的私人s 位?

因應該下期排到我囝囝了,但其實有d"甲涉",返 links方便好多!

作者: ling619 時間: 10-1-14 14:01

I like links more than heep hong
links hoilday跟公眾假期放(紅日)
but heephong holiday跟幼稚園假期放期
and I can stay the centre see the son in class.
l like the teacher,anytime call them
they is very wellcome and helpful
so far OK in Links traning .
Heep hong I don't know because I no go to there , waiting list is long ,
other I thing is good but I don't like holiday only.

thanks

作者: apple~y 時間: 10-1-15 11:23

我想停n1,轉私人s位
links 是那間?
耀能,樂天邊間好
我見價錢大約$7500,
我唔清楚市價,價錢合理嗎??

作者: muimui5 時間: 10-1-15 12:14 標題: Want to know more about the class at Links

原帖由 ling619 於 10-1-14 14:01 發表
I like links more than heep hong
links hoilday跟公眾假期放(紅日)
but heephong holiday跟幼稚園假期放期
and I can stay the centre see the son in class.
l like the teacher,anytime call them
they is ver ...

Is you child in the 學習基礎小組？
I'm been on the waiting list of this for 3 months. Just want to know more. I made a post on comment about this course of Links before but so far no return.

How long your child has been there?

Doyou think the training is adequate or you still take other 1 vs 1 training?

Are the coaches relatively experienced or green?
Does the adivce of 兒科医生 help a lot?

Is this course very effective in reducing self-stimulating behaviour?

作者: pipi331 時間: 10-1-15 12:55

提示: 作者被禁止或刪除內容自動屏蔽

作者: nokia6300 時間: 10-1-15 13:23 標題: 回覆 3# apple~y 的文章

我都想知why wor????

作者: apple~y 時間: 10-1-15 14:51

原帖由 nokia6300 於 10-1-15 13:23 發表
我都想知why wor????

我真係好傷心,呢兩日不停流淚
唔知點講起.......
昨天同仔仔評估,醫生話仔仔社教能力弱,同人無溝通
眼神接觸小,自閉症傾向,
但仔仔係屋企好多時好合作,又鍾意望人
好多指領都明白
醫生話社教能力弱,同人無溝通會影響學習
但認為仔仔情況輕微,因為醫生要求仔仔做的事情
仔仔有些都做到,可能我係他身邊就真係聽話D
傷殘津貼都唔比,

其實我以為他番n1一直都好好,因為送他番學無喊
又無賴濕褲
老師又無講什麼,我問過一次仔仔上堂情況
就叫我做評估,什麼都沒說
打電話去學校問又話老師當值
又唔得閒
我c6咪話學校無講什麼,即係仔仔問題不大
好啦到評估完我主動(次次都係我主動問)同老師講番
一講係0甘話仔仔上堂點差點差,唔望老師,
唔識講0野(明明係我面前都有主動講)
全班只係得我仔仔一個0甘
又話遲D肯定係自閉症
我真係唔知仔仔上堂情況0甘差
點解唔一早同我講??番0左4個月啦
即係番N1幫唔到仔仔
一早同我講0甘差咪即轉,去燒

所以想轉........

其實仔仔一出生,我就擔心自閉症
因為我有親戚小朋友係自閉症
大家,長輩有比較,所以我好清楚自閉症徵狀
到他3個月大好鍾意望人,同人笑
到近排主動講好多單字,擔心0左2年
我以為放下心頭大石
發展慢總可以追番.......點知
我唔係唔接受,係傷心,難過........
出街買0野諗諗0下又眼濕濕,真係無用

希望轉私人s位,有幫助啦
我同c6大家有共識,
我知c6都好傷心,因為他一直希望有第2個小朋友
努力儲錢
可能仔仔無福氣有弟弟,妹妹
唔好意思打0左0甘多0甘長.......

[ 本帖最後由 apple~y 於 10-1-15 15:21 編輯 ]

作者: nokia6300 時間: 10-1-15 19:41 標題: 回覆 7# apple~y 的文章

我同你既情況好似wor...

不過真係會唔開心ka,一陣好啦,我岩岩先cheer up番自已!

唔好理仔仔係咪a-features,早一點training,會好大help,我而家都唔知阿仔a唔a,都唔理喇,見佢有進步已是好開心的事了!

你間kg d 老帥真係........maybe 佢地怕d家長唔接受,所以都唔敢講,不過去到呢d位,如果我係你,都maybe退學先,再睇下返咩training好,係呢,cac比埋 services你??

我家都好多bb的,我mami有7個 grandkids ka,咪又係得我仔有problem.....唔比較極d人都總有野講呢,不過actually佢地都係worry bb姐.....

老公又想生多個,但呢d唔唸住喇,比d心機凑阿囝先lor

你好好同c6傾下,唔好灰心呀!!十卜你呀

作者: nokia6300 時間: 10-1-15 21:40 標題: 回覆 3# apple~y 的文章

btw...we can't comment the school fee of private S seat is reasonable or not, to me...it is crazyily expensive ah ><

but to be honest, it is a general prive ranged from 7K-7.5K, Links, Heep Hong, and SAHK also launched this program for special kids, see weather the location is ok for you.

my son is now taking a 2-hr course per week in LINKS, so far ok and this is the only program that my son take himself. your son may try this course after school, it is 4-6.

作者: pipi331 時間: 10-1-16 01:40

提示: 作者被禁止或刪除內容自動屏蔽

作者: Capricorn2521 時間: 10-1-16 11:05

我又咁睇喎...... 我地成日話不好理個病症名稱...只要對佢弱點加強訓練。"你仔仔係屋企好多時好合作,又鍾意望人
好多指領都明白"......聽落情況又吾太壞啫。小朋友都好醒目，選擇性回應，知道家人是需求供應者，其他人就不理。不過不代表我贊成這種態度。我都覺得要教返佢要打招呼及日常禮貌。你可以試吓在他面前同d鄰居，看更叔叔或清潔嬸嬸打招呼，然後要求佢都一樣做。

另外，老師係咁投數，佢冇心機教你個仔，我都建議退學啦。老師冇heart，又點教小朋友聽話呀? 不好話特殊小朋友啦，正常小朋友都有不聽話同情緒問題，老師都要處理，或者跟家長溝通，這是她們的責任。

安慰說話不講啦...其他家長都說了......努力 !!

原帖由 apple~y 於 10-1-15 14:51 發表

我真係好傷心,呢兩日不停流淚
唔知點講起.......
昨天同仔仔評估,醫生話仔仔社教能力弱,同人無溝通
眼神接觸小,自閉症傾向,
但仔仔係屋企好多時好合作,又鍾意望人
好多指領都明白
醫生話社教能力弱,同人無溝通會影 ...

作者: apple~y 時間: 10-1-16 14:18

多謝大家意見,支持
我巳經爬番起身,我會叫自己唔好再喊

其實我身邊屋企人,朋友無人覺得佢有問題
好似上次幾位朋友來我家探仔仔
我就教佢叫人姐姐,教0左幾次都主動叫姐姐
好鍾意望我D朋友,佢睇公仔書我朋友問他
又指比人睇,之後大家又抱0下佢,又唔抗拒
平時出入屋企見到管理員,都會肯講bye bye或叫EE
去奶奶屋企玩叫佢都好有反應
平時叫佢坐定定,佢就真係坐定定
想要東西點頭
所以無諗過,想像唔到番學係第2個人
老師覺得係自閉症,樣樣都差

同校長傾,人0地都唔信仔仔屋企係0甘
以為我幻想,有幻聽
又話家長主觀覺得自己小朋友一定無問題
大佬我有親戚小朋友係自閉症
我奶奶平時見佢,都時時叫佢個名
要佢望番過來
如果問題0甘大,佢0地實講啦
好彩現階段無人發覺有問題
所以我無同其他人講,唔想大家擔心
唔想比自己0甘大壓力

我同c6商議後,如果仔仔番學上堂情況樣樣都0甘差
0甘不如上私人s位,全方位訓練
計劃上到9月K1開學先停,到時再睇情況
醫生比我選i/e位,我最後選排e位
醫生都話ok,不過提我要加強訓練仔仔社交,溝通能力
話仔仔學習能力係好好,不過係選擇性學習
即係無興趣就完全唔理,唔so,有些固執
呢方面都要訓練番
叫我出去搵私人訓練幫手
到k1開學情況會好好多
呢幾個月咪慳自己同c6,

我應該會3月比仔仔番樂天
本來想番耀能,不過現在無位
樂天最快有位,交通接送都方便
參觀過中心,感覺都好好
希望黃金時期幫到仔仔

係呀醫生話見我仔仔case
話親戚有小朋友自閉症,都會排快D見
不過都係話暫時無顯示自閉症同遺傳有關
都係原因不明

總之大家互相支持

作者: nokia6300 時間: 10-1-16 19:19

見到你開心番就好了!!

我仔有nursery收喇(不過有d遠,interview過程中,老師唔又睇阿仔wor,我已經講左佢大小肌有delay問題ka la,佢仲話而家多左學生有呢d問題,佢地個schedule會有大小肌時間,小組又分開同d未咁講野既小朋友做類似st既 training,好似返緊s位咁wor!!),但見你仔仔個case,而家又心大心細究竟應比佢返n1好定再加強training等s位 or k1 (depends on time).

因為我仔情況真係好似你仔仔wor,係屋企可以聽指令,有反應,出街都同人hi,byebye的,最差還是大小肌,如番左學又跟唔上,又真係好鬼side時間wor!

我自己真係好鬼煩,有學校收又唔開心,冇又唔開心......><

定係唔理三七二十一,返鬼左先呢?

作者: pollybell 時間: 10-1-17 16:35

apply-y

唔好太擔心,其實語言遲緩既小朋友,社交能力一定弱,這個係必然,社交差唔代表,影響學習,社交差可能唔識撩人同他人玩,比較被動,其實你老公都講得無錯,學校無投訴問題應該唔大,你小朋友在學校,學唔學倒野,你應該知道,老師問題係一定會同其他同學比較,問題係有無進步,還是返到去乜都學唔倒,K1都收返佢,應該問題唔係你想像咁差.其實老師講既野唔好太介懷,每個人同樣表達一樣野,可能你聽既感受完全兩回事.不過如果可以盡快同仔仔做下私人語言治療先,此終學校老師講野會比較快,好多時佢明白但跟唔切點樣學講野.或者你可以同老師溝通下,盡量同仔仔講野時節拍慢小小.效果應該會有改善.

作者: pollybell 時間: 10-1-17 16:43

我係你卜倒去讀,唔係咁多KG,咁有HEART,大部份都搵水行先,學生唔勁唔醒都唔收,最好乜都識晒先返學,唔好理咁多,到時如果你仔仔進展得好好,去返下,都無妨.S位都唔係乜都好........你應該明白我意思.

原帖由 nokia6300 於 10-1-16 19:19 發表
見到你開心番就好了!!

我仔有nursery收喇(不過有d遠,interview過程中,老師唔又睇阿仔wor,我已經講左佢大小肌有delay問題ka la,佢仲話而家多左學生有呢d問題,佢地個schedule會有大小肌時間,小組又分開同d未咁講野既 ...

作者: pipi331 時間: 10-1-18 01:11

提示: 作者被禁止或刪除內容自動屏蔽

作者: apple~y 時間: 10-1-18 12:04

仔仔番學係有進步,當然同佢D同學仔比較會有好大距離
知道仔仔係比較慢,呢點我一直清楚明白
但我一直認為要比D時間小朋友不停吸收,進步
不能心急
加上仔仔學生手冊表現事項,都有好多個tick,無投訢
試過全部係tick
比我錯覺仔仔番得真係有幫助

但老師一講番,就係表現勁差
一講無樣0野係好,樣樣就係差差差...
總之話全班得我一個仔仔0甘
聽到我真係心痛,個心好實
原來上堂情況0甘差,我又幫唔到仔仔
老師都唔會全班人就我仔仔一個
上堂節奏跟唔到,仔仔都好難吸引,理解
就算日日番全日都無意思
我決定比仔仔番出面私人訓練

我唔敢同屋企人
實比佢0地話我係咪癲0左,比0甘多錢出面番
係咪有錢無定使
一定會話大大0下自然會識
好彩我,c6諗法一致,大家都係為仔仔好
今年過年原本封$20利是,
現在要慳比仔仔封$10利是比人算啦!!

nokia6300
間學校都幾好,你可以比仔仔試0下番兩,3個月
睇0下情況係點

pollybell ,pipi331
多謝你0地詳細分析
我0地一齊努力

[ 本帖最後由 apple~y 於 10-1-18 12:12 編輯 ]

作者: nokia6300 時間: 10-1-19 09:21

多謝你地既回覆,我都沒excuse唔入呢間kg了!不過黎緊仲有2間可以interview,一間都係 i 位既kg,到時再睇下點先,因為呢間會再近一點我屋企!

不過我想問下你地,到時小朋友入左學校,真係點先可以知佢有冇問題呢??如apple-y 的case來說,真係好慘!!$$$是其中問題,但浪費左小朋友既黃金期真係追唔番!!

因 n1 只教自理呢d,唔教knowledge,我都唔知點check佢跟唔跟到!

作者: nokia6300 時間: 10-1-19 09:25 標題: 回覆 17# apple~y 的文章

點解既評語學校可以差得咁遠呢???你間kg係咪好野黎ka?可能同其他 kids比較大d,會嗎?

anyway,如決定左退學就好好plan一下佢既 training,唔好唔開心啦,仲細,進步空間都好大呢,人地講咩,唔好理啦!(...呢樣我都學緊,進步中..haha)

heep hong 有d weekend playgroup 3 月會開新一期,你睇下報唔報左d 先啦,好鬼full ka!

作者: pollybell 時間: 10-1-19 10:39

你放心開學老師會經常報告小朋友既學校情況比你知,有問題會同你了解返,再去改善.到適應晒返學,學校會每段時間有評估小朋友學習既能力,所以你一定知道.如果退學都係一個月通知,又唔洗交晒全年學費,無話浪唔浪費黃金期既,一定要比佢試下無人擔保讀S位,就一定學倒野,N1除左自理,有認字,常識學,例如教認電器,天氣冷有咩可以保暖,點樣煲飯,SUPER MARTKET有咩買.......之類.

作者: Capricorn2521 時間: 10-1-19 11:10

除了老師教學的stimulation之外，我覺得小朋友之間的互動同樣重要。雖然自己小朋友現時未發力，吾太叻，但係所謂近朱者赤，近墨者黑，有個role model在身邊點都好d。而且一試無妨，如果自己小朋友真係差好遠，老師不可能瞞得你好耐。你要多發問，看她們有多了解你的小朋友。如有類似投訴說話，可請教老師如何跟進。而且小朋友返學後一定有一些改變，如多說話，唱歌，有d會多發脾氣，或多咗痴著媽咪，這些可作為你與老師之間的話題。

原帖由 pollybell 於 10-1-19 10:39 發表
你放心開學老師會經常報告小朋友既學校情況比你知,有問題會同你了解返,再去改善.到適應晒返學,學校會每段時間有評估小朋友學習既能力,所以你一定知道.如果退學都係一個月通知,又唔洗交晒全年學費,無話浪唔浪費黃金期 ...

[ 本帖最後由 Capricorn2521 於 10-1-19 11:32 編輯 ]

作者: pollybell 時間: 10-1-19 11:39

近朱者赤，近墨者黑...........十萬個認同.你講既野正正就係我同亞仔既班主任既溝通方式.

原帖由 Capricorn2521 於 10-1-19 11:10 發表
除了老師教學的stimulation之外，我覺得小朋友之間的互動同樣重要。雖然自己小朋友現時未發力，吾太叻，但係所謂你放心開學都老師會經常報告小朋友既學校情況比你知,有問題會同你了解返,再去改善.到適應晒返學,學校會每段時間有評估小朋友學習既能力,所以你一定知道.如果退學都係一個月通知,又唔洗交晒全年學費,無話浪唔浪費黃金期既,一定要比佢試下無人擔保讀S位,就一定學倒野,N1除左自理都有,認字,常識學,例如教認電器,天氣冷有咩可以保暖,點樣煲飯,SUPER MARTKET有咩買.......之類.，有個role model在身邊點都好d。而且一試無妨，如果自己小朋友真係差好遠，老師不可能瞞得你好耐 ...

作者: nokia6300 時間: 10-1-19 12:05

tks pollybell and Capricorn2521,

明白了,還是要多溝通,希望老師可以 honestly 地 comment 啦!因為好好笑的,我仔去呢間 kg 見時,佢地真係唔係好在意我仔的情況wor,只問一般佢食呀,訓呀呢d野!我都估佢收得唔多學生,所以收得一個得一個!

anyway,試一試喇!

作者: apple~y 時間: 10-1-19 12:14

呢件事上我一直好怪自己....

由仔仔開學老師係無同我講過什麼
平時我接送放學,老師多數講今日有無賴濕褲,有無扭眼訓
我有時問0下有無扭計百厭，想打開話題
老師有時就話仔仔好乖,一句起兩句止
有時我同老師講話仔仔係屋企開始講單字
老師都話係呀,再努力呀!!無再講什麼

加上開學初期,仔仔未戒片,次次係學校去toilet勁喊
校長就時時叫我快D戒,係0甘捉住我講,
我就用0左3日時間同仔仔戒0左
連老師都大讚,話仔仔無點賴濕褲,去toilet好合作無再喊
呢件事之後老師無再講什麼,完全無投訢
我,c6都覺得仔仔係有進步,諗住都ok
真係唔係學校形容唔望人, 十問9唔應
係之後我再主動問一次,仔仔上堂情況
校長先話提議我同小朋友去做評估
我就話一早巳經排隊等見醫生,
等校長叫我先評估死得啦
好啦話評估完再睇0下點.........
一講就........

做媽媽真係好大壓力
行一步都諗....諗......諗,會唔會再行錯下一步
今時今日我都好怪自己

[ 本帖最後由 apple~y 於 10-1-19 12:26 編輯 ]

作者: nokia6300 時間: 10-1-19 12:34 標題: 回覆 24# apple~y 的文章

都唔好咁唸啦,向前看吧!

你仔仔之前有冇返開d playgroup 定有d training?當時情況點ka?我有一個姑娘都講ka,有d 小朋友 maybe 要到2yr先睇到問題的,唔好唔開心啦!

仔仔一定有進步的!!

作者: pipi331 時間: 10-1-19 13:06

提示: 作者被禁止或刪除內容自動屏蔽

作者: Capricorn2521 時間: 10-1-19 14:50

無謂內咎，吾試過又點知吾得呢? 一般學校會在入學3-6個月先同家長講發展問題(我的前st說的)。學校要時間觀察，是否小朋友未能適應，定係發展問題。我見亞仔d女同學朝朝都喊到好似比人打咁，成2-3個月都係咁，近排先好d咋。

不過個校長又過份d，話你幻想幻聽，說話都要有技巧，顧及別人感受。
同埋 "仔仔學生手冊表現事項都有好多個tick，無投訴，試過全部係tick” 真係又好奇怪 !!!!!
"老師

又無講什麼,我問過一次仔仔上堂情況,就叫我做評估，什麼都沒說。打電話去學校問又話老師

當值，又唔得閒”這樣都好有問題 !!!!

綜合來說，我不覺得你失職，只係覺得學校處理得不當。

原帖由 apple~y 於 10-1-19 12:14 發表
呢件事上我一直好怪自己....

由仔仔開學老師係無同我講過什麼
平時我接送放學,老師多數講今日有無賴濕褲,有無扭眼訓
我有時問0下有無扭計百厭，想打開話題
老師有時就話仔仔好乖,一句起兩句止
有時我同老師講話仔仔係 ...

作者: muimui5 時間: 10-1-19 17:22

Apple~y:

我都剛剛同囡囡quit 咗N1，2月開始返樂天，唔知會唔會跟你BB做同學？

囡囡開学前未做評估，我當時都好期望佢返N1後會開竅，尤其係語言，但N1對佢幫助真係好微。学校冇投訴；但我是在職媽咪，老師在頭1個月都要我Call才有feedback，次次都話佢坐唔定，成日攪儲物架同垃圾桶，唔講嘢。近兩个月手冊乜都冇寫，我每一兩星期Call老師佢都係講返差唔多的問題。我評估後有考慮過同學校講，但C6認為老師好passive，講咗反而一於等我走，所以冇啦。我交退學信前一日個老師話囡囡近來時時咬手，又在無厘頭的情況下講：「123…」。其实依啲A仔既自我刺激行為同 “學舌”佢都好似唔aware；仲話囡囡唔講嘢，唔知佢究竟啲嘢識唔識；但口吻唔似擔心囡囡學唔到嘢。

囡囡經常放学在校車瞓着，今个月頭有一日工人話佢瞓醒時吐了一枝蠟筆出來，可知佢在Nursery連安全都係疑問，你話几心痛？個校長打來瞭解退學原因時都只係話:「你囡囡太好動太好奇，如果你希望校方照顧多啲，我吡哋可以嘗試配合。」都唔知依間Nursery 上上下下是冇心定冇料，所以我只係話安排咗更適合囡囡的學校。

囡囡在Links 的小組返得好好，同喺大班的表現判若兩人，我本來排緊佢既「學習基礎班」，但因為班同Nursery太唔夾，都係盡快入Intensive Course先，起碼在1對3的情況下唔會隨便放嘢入口都睇唔見。

希望大家的BB在「小幼苗」報大大進步。

作者: apple~y 時間: 10-1-19 22:03

話番轉頭如果比我再選我都會比仔仔試番N1,正如pollybell話唔試過點知得唔得,總會有進步問題係多定小,唔會話浪費黃金期，不過係我選錯了學校給仔仔

呢件事我只係同一位好朋友傾過
她是做幼兒教育,佢給我很多很多意見
她都見過仔仔都係覺得係語言慢先影響同同齡社交弱，
無明顯自閉症徵狀
她都有同我講小朋友最吸收黃金期係２至３age
仔仔現在２７個月大，所以仲有時間
其實我同c6分折過都覺得仔仔真的不是十分差
如果仔仔情況０甘差，我０地兩邊家人實出聲
呢D都無得騙人
那天醫生評估都係話仔仔情況輕微
不過因為語言慢，社交弱，唔多肯望醫生
醫生先寫懷疑自閉症傾向
醫生仲叫我唔好介意呢個字眼
之後仔仔都有同醫生講bye bye
我都時時叫自己樂觀些

來緊k1間學校開學時班主任會有家訪
話係了解小朋友須要，性格
呢個安排都唔錯

muimui5，pipi331
你們排了政府什麼服務？？
pipi331你仔仔現在上什麼訓練？？有進步嗎？

capricorn2521
你仔仔發展上出了什麼問題呀？？

muimui5
係呀仔仔３月番樂天
到時有機會大家交流０下心得

係呢你０地小朋友以前bb時期有無周圍爬
我睇過嬰兒書話，話bb時期有爬小朋友比無爬小朋友遇到學習障礙問題比率係小好多
我仔仔１０個月大開始爬，爬到完全放手識行為止

[ 本帖最後由 apple~y 於 10-1-19 22:27 編輯 ]

作者: pipi331 時間: 10-1-20 01:01

提示: 作者被禁止或刪除內容自動屏蔽

作者: muimui5 時間: 10-1-20 11:21 標題: 覆Apple~y 29#

我去年11月同囡囡報名排I位，唔知今年8/9月有I位未；会俾N1 or K1？好希望Intensive Course可以train到囡囡坐定，otherwise入到I位一樣跟唔上。

排I位都係想身邊下有Role Model，將來如果進步得多，轉normal Kg人哋易接受点，我都預咗佢会Repeat一年來適應。CAC Suggest啲心理医生、眼耳科同ST都唔知等到幾時，無謂！

囡囡依家Eye Contact同對日常生活指令反應好咗好多，但感统問題嚴重咗，前庭覺、本體覺、手口觸覺都好渴求，我都好怕佢遲啲由自傾改被classified為自閉。佢啲感统問題攪唔好，就成日有自我刺激行為，想坐定學嘢好難。

作者: Capricorn2521 時間: 10-1-20 11:29

我小朋友語言慢，半年前被評估為自傾，都係果d吾望人吾理人好固執。不過經過我好努力的配合同訓練，依家佢成日會主動撩我地(家人)玩，不過在學校都只能守一部份的守則，最差是離坐，要老師捉佢返去。不過，現時2-3歲班，我只當學校是一所有小朋友跟他一起玩耍及互動的場所，學術及常識，我暫不會催谷(前導師說的，他現在要學的是基本功如說話溝通，食飯及去toilet)。而n1吾係一定要讀，很多幼兒教育學家都建議3歲先返學，因為有些幼兒未必ready。其實這半年來，除了根據導師的建議訓練之外，我也有自己的一套，我平時說話時會好大聲(不等於沒禮貌)來刺激他的聽覺，同佢玩就玩得好癲，當自己係小朋友。佢不聽話時我會好惡咁罵佢，也會打，目的要佢警覺其他人的反應，同要聽大人話。而且他要負責一些自己的事情外，也要做些簡單的家庭工作如放衣服及分配筷子。

我老公的3個外甥仔在幼兒時都有發展問題，所以我可以同佢d家姐地傾。依家一個17歲，係自閉症，好怕羞。一個15歲，正常，文靜d，佢媽咪話佢幼稚園時成日吾出聲，又比同學欺負，依家就駁少d咀都好難。另一個7歲，學習遲緩要補習，幼稚園時又係吾出聲。幾個家姐都話我個仔仲細，說話已經比表哥果時叻，要3-4歲先知。不過，我都不能掉以輕心，但也不用太擔心。

我個仔以前都係周圍爬的。不過我有個朋友個仔就係不爬，平衡力差，成日摔倒。反而我個仔就身手敏捷，大小肌都發展得好好。

原帖由 apple~y 於 10-1-19 22:03 發表
話番轉頭如果比我再選我都會比仔仔試番N1,正如pollybell話唔試過點知得唔得,總會有進步問題係多定小,唔會話浪費黃金期，不過係我選錯了學校給仔仔

呢件事我只係同一位好朋友傾過
她是做幼兒教育,佢給我很多很多意見
...

[ 本帖最後由 Capricorn2521 於 10-1-20 12:03 編輯 ]

作者: apple~y 時間: 10-1-20 12:43

muimui5
希望我0地小朋友番樂天會有進步啦!!
我都有同中心導師傾過仔仔個case
佢0地話一般番2至3個月都會見到明顯進步

capricorn2521
你都好叻教到仔仔進步0甘多
我都係自己一手一腳教仔仔0野
有時同佢沖涼就會問0下佢身體部位,唱ABC
0甘佢都會指比我睇,又時跟0下我發音講
我真係睇到仔仔有進步
至少佢有學習動機

我就係男家親戚有小朋友係自閉症
他的徵狀十分明顯
自閉症有徵狀全部有晒
6age先開金口講0野,讀政府S位
佢0地都見過我仔仔
我只係話見佢講0野慢,所以比佢番N1當玩0下
親戚話仔仔眼神交流好好,仲主動叫我放心
所以仔仔出生以來男家那邊都會好留意,好緊張仔仔反應
仔仔又真係無明顯自閉症徵狀,
如果仔仔真係問題0甘大,我都騙唔到人,奶奶實出聲
我奶奶話c6當年差不多3age先講0野
我怕大家擔心,所以屋企人唔覺我就唔講啦

pipi331
我都排0左e位,醫生仲幫我約語言治療師
不過仲未覆我,幾時有期,都係資源問題啦
你放心,我評估時個醫生好好人(我排籃田0個間智能中心)
都係睇仔仔即場反應再同我詳細分析
個醫生仲話我0地都接受小朋友問題
話有D家長真係接受唔到事實
叫我0地唔好理個字眼點寫,集中加強訓練小朋友弱項

[ 本帖最後由 apple~y 於 10-1-20 12:54 編輯 ]

作者: yinglongma 時間: 10-2-15 03:45

各位媽媽, 可以分享一下links即是哪一間, 樂天又是哪一間, 可提供多些資料嗎? 因我仔仔剛排了s位, 想了解多d. 謝謝.

作者: nokia6300 時間: 10-2-15 09:59 標題: 回覆 34# yinglongma 的文章

pls see the below links:

http://www.joyfulclass.com/

http://www.linkscdc.com/content/view/115/44/lang,zh/

歡迎光臨教育王國 (/)