教育王國

標題: 一年級家長攞成績表, 有問題想問 [打印本頁]

作者: 喧嘩 時間: 10-1-13 11:04 標題: 一年級家長攞成績表, 有問題想問

小女今年小一, 老師從來冇主動打黎講佢學校情況, 我都冇特別打去, 諗住冇乜大事, (但係小事就好好好好多), 諗住家長日先講, 第一次家長日就係攞成績表果日, 通告大大隻寫住唔可以超過五分鐘, 我就覺得好唔滿意, 話晒第一次見家長, 要了解小朋友啱啱適應小學lee半年學校情況+派成績五分鐘講晒, 一人得兩分半鐘講嘢, 想問下你地間學校係點? 係咪咁叫正常?

作者: GiGiMum 時間: 10-1-13 11:48

My daughter 's school has 10 mins.

Better than yours.

作者: 龍舌蘭 時間: 10-1-13 12:07

一班3x~40人, 一人5分鐘, 差唔多啦...都預左會講多幾句, 10分鐘到啦... 到時有人排隊, 妳都唔好意思講太耐架...
可以同老師講, 再約個時間講下嘍.. 或是約最尾個位..

作者: 喧嘩 時間: 10-1-13 12:24

佢地小班, 唔過三十人, 佢冇預左講多幾句, 大大隻寫住五分鐘, 唔好阻住下一個, 遲到要排尾, 我諗我去到攞完成績表, 乜都唔洗講, 同佢約個時間就差唔多, 可能我亞女好多小問題, 唉, 知係咁, 我就一早係唔係都打去啦, 最慘我個女果間係私校, 用錢買佢d時間都得果五分鐘, 洗唔洗ar?
都唔知係咪得我一個咁笨, 平時唔識打去學校同老師溝通

原帖由 龍舌蘭 於 10-1-13 12:07 發表
一班3x~40人, 一人5分鐘, 差唔多啦...都預左會講多幾句, 10分鐘到啦... 到時有人排隊, 妳都唔好意思講太耐架...
可以同老師講, 再約個時間講下嘍.. 或是約最尾個位.. ...

作者: parentslove2 時間: 10-1-13 13:12

Our school is better, teacher talked with parents and students together over 30 mins. They separate some parents' meeting on weekdays even if parents' available.

This is a very good communication with class teacher.

作者: Yau_Cheung 時間: 10-1-13 13:25

Relax! No news is good news.

原帖由喧嘩於 10-1-13 11:04 發表
小女今年小一, 老師從來冇主動打黎講佢學校情況, 我都冇特別打去, 諗住冇乜大事, (但係小事就好好好好多), 諗住家長日先講, 第一次家長日就係攞成績表果日, 通告大大隻寫住唔可以超過五分鐘, 我就覺得好唔滿意, 話晒 ...

作者: 一家三口 時間: 10-1-13 14:03

原帖由喧嘩於 10-1-13 11:04 發表
小女今年小一, 老師從來冇主動打黎講佢學校情況, 我都冇特別打去, 諗住冇乜大事, (但係小事就好好好好多), 諗住家長日先講, 第一次家長日就係攞成績表果日, 通告大大隻寫住唔可以超過五分鐘, 我就覺得好唔滿意, 話晒 ...

我囡間學校有15分鐘, 仲可以約埋其他科老師(但通常唔會約當天, 因為冇時間) 所以我次次都係電話聯絡其他科老師.

作者: Sherryko9 時間: 10-1-13 17:24

嘩!你間學校可以講成30分鐘呀!小班得好緊要?分幾多日講?
囡囡間是津校,家長日只得5至10分鐘,不過有时有D家長會超時,有D就無物野好講,拉上補下.試過有老師擺定個計時器,可能比家長睇多D!亦有老師到時會自動起身送客,各適其適.
如果有問題,平時可以打電話去找老師,老師會在空閒時間答家長;小朋友無物特別事情,家長都唔會打去問,=no news is good news!同幼稚園兩回事.

原帖由 parentslove2 於 10-1-13 13:12 發表
Our school is better, teacher talked with parents and students together over 30 mins. They separate some parents' meeting on weekdays even if parents' available.

This is a very good communication wi ...

作者: bb86 時間: 10-1-13 17:35

AGREE!!

原帖由 Yau_Cheung 於 10-1-13 13:25 發表
Relax! No news is good news.

作者: IRON 時間: 10-1-13 20:01

我仔仔都係私校, 27人一班, 平時班主任都會打黎傾下, 當然特別事一定會打啦, 開學到而家收過約6次電話.

派表日仔仔多數15分鐘, 主要係想知佢係上堂情況, 同學相處, 食飯, (小一時問埋去廁所), 情緒......老師都講得好仔細, 睇成績表老公先睇操行, 滿意再睇成績, 聽埋有乜獎狀, ok可閃.

試過前面個家長傾左8個字.

作者: miffy 時間: 10-1-17 18:23

提示: 作者被禁止或刪除內容自動屏蔽

作者: overview 時間: 10-1-17 18:54

而家d老師係家長日, 真係唔多鍾意家長多問, 可能工作真係好繁重, 一班40人, 每位家長10分鐘都要400分鐘, 都成7小時架. 好似亞仔老師同班仔講叫你家長唔好問考試衰咩, 佢話會禮貌照答, 但班仔就死緊,so亞仔千吩萬咐我唔好多問.

原帖由喧嘩於 10-1-13 11:04 發表
小女今年小一, 老師從來冇主動打黎講佢學校情況, 我都冇特別打去, 諗住冇乜大事, (但係小事就好好好好多), 諗住家長日先講, 第一次家長日就係攞成績表果日, 通告大大隻寫住唔可以超過五分鐘, 我就覺得好唔滿意, 話晒 ...

[ 本帖最後由 overview 於 10-1-17 20:36 編輯 ]

作者: IRON 時間: 10-1-17 20:31

成績好唔代表操行好, 情緒好, 同學相處好.

成績唔好就想聽下老師有咩建議, 係邊方面可配合改進.

原帖由 miffy 於 10-1-17 18:23 發表
我唔明有咩講.......成績表上成績好, 唔洗講都知讀得好, 成績表上成績唔好, 唔洗講都知要努力些...........老師實講乖唔乖, 唔洗問~~

我兩分鐘走人~~

作者: overview 時間: 10-1-17 20:41

呢d問題, 照計3幾分鐘都答晒!

一班咁多學生, 老師真係好難知道邊d同學相處有問題, 點答你呢? 上堂又係坐定定, 除非你果個特別頑皮, 否則都未必在老師眼內.

成績唔好問老師, 都應該係統一answer: 努力d, 專心d, 做多d exercises, 再唔係就叫你帶小朋友check吓有否學障, 真係問左等於無問, 不過家長緊係想了解小朋友係學校活動既情況, 人之常情, 無錯喎!

原帖由 IRON 於 10-1-17 20:31 發表
成績好唔代表操行好, 情緒好, 同學相處好.

成績唔好就想聽下老師有咩建議, 係邊方面可配合改進.

[ 本帖最後由 overview 於 10-1-17 20:43 編輯 ]

作者: 丸媽媽 時間: 10-1-17 21:20

原帖由 Yau_Cheung 於 10-1-13 13:25 發表
Relax! No news is good news.

原帖由 bb86 於 10-1-13 17:35 發表
AGREE!!

AGREE x 2!!

作者: miffy 時間: 10-1-17 21:49

提示: 作者被禁止或刪除內容自動屏蔽

作者: IRON 時間: 10-1-17 22:03

我唔知其他學校, 只係講我仔仔學校.......小一時個班主任見我地真係拎個file出黎, 好詳細講仔仔既每項情況, 然後講其他科任老師對仔仔既評語; 之後叫仔仔當住我地面講對自己既評價, 有邊d欣賞自己既地方, 有邊d需努力既地方, 之後請我地對佢講鼓勵既說話, 佢亦講欣賞仔仔既說話, 俾我既感覺好似上左堂eq課.

p.s. 小一時仔仔無頑皮仲係唔多聲果只, 老師真係好細心, 成績同操行都令人滿意.

原帖由 overview 於 10-1-17 20:41 發表
呢d問題, 照計3幾分鐘都答晒!

一班咁多學生, 老師真係好難知道邊d同學相處有問題, 點答你呢? 上堂又係坐定定, 除非你果個特別頑皮, 否則都未必在老師眼內.

成績唔好問老師, 都應該係統一answer: 努力d, 專心d, ...

作者: Lovely媽咪 時間: 10-1-18 11:22

我都好怕啲家長攞完成績表就不停咁問好多嘢,攪到排後面既見到咁樣就唔蝕抵又講好耐,我試過一年明明11點見,攪到12點都未排到我,條龍排到去隔離班,最終校長出聲,但之後個啲就好慘,因為原本每人10分鐘,但就因為呢啲人攪到後面個啲每人得番3-5分鐘

其實如果真係有好多嘢想傾,點解唔約個時間同老師慢慢傾呢

作者: 喧嘩 時間: 10-1-18 19:05

我每個月俾得幾入仟蚊學費, 係想得到好d的教育, 成績表上乜都寫晒, 洗鬼叫家長去咩? 不如派俾小朋友自己攞返屋企咪得囉, 乖唔乖, 我對左佢六年半, 唔洗佢講我都知, 我唔想平時郁d就煩住d老師, 想俾空間佢地, 所以先諗住家長日先問, 我亦唔想阻住其他家長, 所以先對五分鐘時間有意見, 如果我係果d講極唔收, 我都唔洗理佢俾我幾多分鐘啦, 而佢安排果五分鐘對一個從來冇接觸老師的小一家長, 我覺得太小, 我想問的問題唔係lee d一睇就知道的事, 而係想了解我俾左咁多錢, 學校俾左d乜我個小朋友, 幫到我個小朋友d乜, 例如:
點解學校千叮萬囑叫我地唔好幫佢地執書包, 就算見佢地唔記得帶嘢, 都唔好攞返學校, 就算攞返都會照記錄在案, 但係俾我睇到的, 小女一次又一次欠交, 老師都冇去了解或者勸喻, 咁小朋友一路都唔覺得一回事, 佢地究竟想點, 定係開頭鬆, 之後會.......?
亞女做功課寫錯字, 佢唔會擦, 刪左佢就算, 我成日都同佢講咁樣好唔專重老師, 講佢咪改囉, 唔講佢照交, 冇人會話佢, 花lee花碌, 想問下老師真係咁鬆?
亞女phonic老師話佢唔專心, 唔俾佢升班, 教我點點點, 仲問我學校有冇講過lee個問題, 我想家長日問老師了解lee個問題囉, 我己經拖左一排, 如果我知家長日咁少時間, 我就一早同佢講lee件事
亞女數學差, 當我真係問佢點算, 佢叫我去做多d練習, 補習等, 我會問佢學校有乜幫到佢囉, 如果乜都叫我補習, 我不如讀津校, 另外搵人單對單教佢咪仲好, 我唔係乜都冇做, 我有俾小朋友學公文數, 但係都冇幫助, 想老師幫忙, 班主任係教數的
只係以上求期幾點, 我諗我唔夠時間囉, 冇錯, 可以約過另一個時間同老師傾, 但係點解佢地唔安排多d時間呢? 我只係想問下大家學校的安排

原帖由 miffy 於 10-1-17 18:23 發表
我唔明有咩講.......成績表上成績好, 唔洗講都知讀得好, 成績表上成績唔好, 唔洗講都知要努力些...........老師實講乖唔乖, 唔洗問~~

我兩分鐘走人~~

作者: overview 時間: 10-1-18 20:05

如果小朋友係讀私校, 我都同意你既睇法. 正如你去睇私家醫生,都係希望問多兩句. 不過學校話5分鐘, 都唔會真係咁rigid, 我會問晒所有既嘢才罷休.

不過私校因好多家長都有要求, 期望, 而且課程深且教得快, 所以大把人要補習, 成績差固然要補, 成績叻一樣照補, 希望處處比人強. 你問老師都應該幫唔到什麼, 都係自強
不息吧!

原帖由喧嘩於 10-1-18 19:05 發表
我每個月俾得幾入仟蚊學費, 係想得到好d的教育, 成績表上乜都寫晒, 洗鬼叫家長去咩? 不如派俾小朋友自己攞返屋企咪得囉, 乖唔乖, 我對左佢六年半, 唔洗佢講我都知, 我唔想平時郁d就煩住d老師, 想俾空間佢地, 所以先 ...

[ 本帖最後由 overview 於 10-1-18 22:22 編輯 ]

作者: miffy 時間: 10-1-18 21:29

提示: 作者被禁止或刪除內容自動屏蔽

作者: silvia_ng 時間: 10-1-18 22:49

我地等見老師時就睇小朋友考試卷, 入到去冇成績表睇。老師只係問考試卷有冇問題, 我答左一句話冇, 咁佢就單刀直入話學術方面冇問題, 咁就傾下仔仔既成為問題。

其實佢都係想係我面前"兇"下呀仔, 話如果再犯就罰留堂云云, 我就馬上話ok。之後我又投訴幾句呀仔唔肯溫書, 做功課慢, 老師又話佢幾句+兇多兩野, 一場大龍鳳做完就散水。

5-8分鐘應該攪掂。樓主見左老師未? 如果未見, 你大可以問下老師可唔可以得閒搵佢電話傾, 我仔學校老師都幾易搵, 有時我都會打比佢問幾句架。

作者: IRON 時間: 10-1-19 08:44

非常理解, 小一時我都有好多野想問, 不過係迎新日已經問左d, 之後班主任都跟得好貼, 時不時會打黎傾下, 有時接放學見到佢又會傾2句, 所以到派表時反而我地無乜野好問.

睇黎我地俾果幾千蚊抵過妳喎. (講下笑喳)

原帖由喧嘩於 10-1-18 19:05 發表
我每個月俾得幾入仟蚊學費, 係想得到好d的教育, 成績表上乜都寫晒, 洗鬼叫家長去咩? 不如派俾小朋友自己攞返屋企咪得囉, 乖唔乖, 我對左佢六年半, 唔洗佢講我都知, 我唔想平時郁d就煩住d老師, 想俾空間佢地, 所以先 ...

作者: chan803 時間: 10-1-19 16:21

原帖由喧嘩於 10-1-13 11:04 發表
小女今年小一, 老師從來冇主動打黎講佢學校情況, 我都冇特別打去, 諗住冇乜大事, (但係小事就好好好好多), 諗住家長日先講, 第一次家長日就係攞成績表果日, 通告大大隻寫住唔可以超過五分鐘, 我就覺得好唔滿意, 話晒 ...

咁你下學期咪唔好乜都等到家長日至問/傾 law.

學校有叫你地平時無乜大事唔好搵老師咩?

作者: 喧嘩 時間: 10-1-19 20:53

講真, 我絶對唔覺得自己有咁多要求, 如果係, 我一早打左去俾老師啦, 洗鬼等家長日咩? 我就係唔想好似人地覺得你俾得起錢好巴閉咩, 郁d又咁又咁, 所以我唔會咁做, 只係想家長日同老師傾就夠, 如果好似幼稚園有15分鐘, 我覺得好ok囉, 但係唔係囉, 其他津校私校都唔會咁, 而俾人寫手冊, 我個女係好誇張果隻, 佢地叫唔好理ma, 咁咪聽學校話囉, 但係到頭來咪佢又佢欠, 佢有佢唔理, 咁我係咪有責任問學校想點呢? 佢地唔俾壓力小朋友, 想鬆到幾時, 佢地唔俾我咪俾囉, 就係咁大把, 我只係想配合學校, phonic升唔到班唔係能力問題, 佢話我個女專注力唔好, 唔專心, 係phonic亞sir叫我同老師傾, 而家仲可以幫到佢, 遲d 就好難, 亞sir仲問讀邊間學校, 叫學校留意下佢, 人地phonic一班仲多人過亞女學校, 人地都可以約我地見, 可以講出亞女問題, 我係有責任將lee個問題講俾老師聽, 我讀私校唔係買名牌心態, 係為個女好, 我唔係要佢爭乜爭物, 我只係想佢學到嘢, 就係咁, 喺我能力範圍俾到最好佢, 我冇諗過讀私校唔洗補習, 我係話我可以再將d學費錢搵人一對一教佢, 我知佢數差都有俾佢讀公文, 咁老師見佢成績差會唔會有d 乜幫到佢, 亞女英文我都搵專人單對單返屋企同佢補, 佢地辦校係教育唔係搵錢, 成績差就踢而唔幫, 如果我個女係讀lee d咁的學校, 我唔洗佢踢, 我會踢走佢先
我只係想同學校有足夠的溝通, 我想同學校相配合, 我亦唔想做一個每事問, 每事煩的家長, 可能我唔夠主動, 又或者老師見我冇特別搵佢, 所以以為我冇乜特別想問
其實亞女間學校人人都話d 老師好好, 佢地都叫我主動搵佢地, 佢地好有耐性答, 完全願意接觸我地, 好似有個同學仔家長佢小朋友中文好差, 佢都搵過老師, 老師解釋好詳細同埋仲安慰佢, 佢叫我主動搵佢地了解後之後會改觀

原帖由 miffy 於 10-1-18 21:29 發表
唔好介意........我知你比得起幾千蚊學費, 所以有咁多要求............不過全校家長都係比緊幾千蚊學費...........班主任又一班只得一個, 我怕你期望過高。

基本上學校派成績表番黎比小朋友我都ok嘅, 我仔學校一年 ...

作者: 丸媽媽 時間: 10-1-21 01:23

我大囝已經小學畢業,由小一起已經係問題多多果類學生,但係經驗話我知,學生好多問題,老師給予的意見往往只係"行貨"...反而多些與"同路人"家長交流,分分鐘可得到更具體有效方法幫到仔女。如果針對情緒或學習態度,找學校社工幫忙可能來得更實際。

作者: KT0603 時間: 10-1-21 14:00

提示: 作者被禁止或刪除內容自動屏蔽

歡迎光臨教育王國 (/)