教育王國
標題: k2小朋友嘅家長...你地會幫小朋友報邊間小學?? [打印本頁]
作者: pianocalvin 時間: 10-1-13 08:49 標題: k2小朋友嘅家長...你地會幫小朋友報邊間小學??
大家有冇諗定心儀嘅學校呢??
作者: hcshiu 時間: 10-1-17 19:19
一個星期以來，似乎看的人多，寫的人卻沒有一個。是不是大家都沒有心儀的學校？
我為女兒報小學這個過程中，很有一個感覺是，大家都不會跟別人講，我試過被其他家長問幫女兒報過那些學校，但當我問番轉頭時，就支吾以對，好似要我估謎語一般；感覺就好似說了任何消息給其他家長知，自己的子女便少了一點機會，數學上，這是對的，但實際上，當大家都坦然去談這個問題，大家談得多，對升小學這件事又清楚些，大家交流一下對各學校的心得，知道多一些學校開放日的消息，報多一兩間小學，對大家的子女的入學的機會和益處卻大得多。
請不要誤會我在說大家的不是，其實大部份家長都是差不多的心態，實在無可厚非，我只想大家可以想通之後，多一點溝通吧。
原帖由 pianocalvin 於 10-1-13 08:49 發表 
大家有冇諗定心儀嘅學校呢??
作者: hcshiu 時間: 10-1-19 18:13
我想總要有人走出來先說。我經過差不多一年為女兒報小學既經歷，我發現一般來說，家長都會認為以下這些普遍是心儀學校（排名不分先後）：
直資／私校（傳統教學模式）：
保良局陳守仁
聖保羅小學（銅鑼灣果間）
聖保羅男女（黃竹坑果間）
男扙萃小學
女扙萃小學
扙萃小學
英華小學
九龍塘宣小
德望
培正
民生
聖芳濟各
九龍塘學校
直資／私校（國際教學模式）：
保良局蔡繼有
優才
播道
音小
培僑
官津：
喇沙
瑪利諾
協恩
馬頭涌官小
天神嘉勒撒
聖羅撒
除左以上熱門心儀學校之外，各區都可能有各自既出名心儀學校，大家應該了解一下自己果區有無好學校，至於怎樣才算好，大家各有標準。
大家不彷討論下。
原帖由 pianocalvin 於 10-1-13 08:49 發表
大家有冇諗定心儀嘅學校呢??
作者: jojoplanet 時間: 10-1-20 12:01
查實我個仔只係K1但都想問有無資料過去畢業生考到咩私樓/直資?
原帖由 hcshiu 於 10-1-19 18:13 發表
我想總要有人走出來先說。我經過差不多一年為女兒報小學既經歷，我發現一般來說，家長都會認為以下這些普遍是心儀學校（排名不分先後）：
直資／私校（傳統教學模式）：
保良局陳守仁
聖保羅小學（銅鑼灣果間）
聖保羅男女（黃竹坑果間）
男扙 ...
作者: hcshiu 時間: 10-1-20 13:01
校務處貼左張報表，黎緊家長日，你可以看看。又一村無家長會，我地一屆同另一屆家長無乜溝通，所以我地K3家長都唔係好知之前果屆既派位結果。
原帖由 jojoplanet 於 10-1-20 12:01 發表
查實我個仔只係K1但都想問有無資料過去畢業生考到咩私樓/直資?
作者: pianocalvin 時間: 10-1-21 01:25
我個囝比較活躍...我諗我會幫佢報一d活動教學嘅學校,傳統學校唔係咁啱佢,其實我都幾鍾意"優才"依間學校,我會揀幾間直資/私校試吓...其實都幾驚...聽個街坊講...佢個囝考咗幾間直資都唔收....自己都有d擔心....加上我個囝係細b...更加擔心
作者: hcshiu 時間: 10-1-21 17:25
如果你想入優才，咁你要去睇下佢地點面試。
我聽過有對立既意見，有家長話個子女坐唔定，要讀活一點既學校，也有家長話就要找間傳統既學校管下佢，決定視乎家長點睇。
我個女都係細女，而我既經驗係，除左小部份學校（例如培正）講明唔收細仔細女之外，大部份學校都接受細仔細女報名，問題反而係個小朋友係唔係附合學校既期望或要求。但係簡單來說，個小朋友有禮貌，開朗，肯係陌生人面前講野，喜歡睇書，聽故事及講故事，部份要求高既學校要求學生學術上達某個程度，例如數學既簡單加減數，英文對答甚至串字。
我今年聽過有例子話個小朋友之前係Ｋ２重讀（唔係又一村學生），咁即係超大仔大女，但係一間私校都唔收，所以係唔係大仔大女，唔係最重要既因素。
如果你小朋友仲係Ｋ２，你應該有足夠時間準備。
原帖由 pianocalvin 於 10-1-21 01:25 發表
我個囝比較活躍...我諗我會幫佢報一d活動教學嘅學校,傳統學校唔係咁啱佢,其實我都幾鍾意"優才"依間學校,我會揀幾間直資/私校試吓...其實都幾驚...聽個街坊講...佢個囝考咗幾間直資都唔收....自己都有d擔心....加上我 ...
作者: bearbear2003 時間: 10-1-22 16:26
My boy is K2, I will prepare for
保良局陳守仁
民生
聖芳濟各
Lai Yin
培僑
in first stage
作者: hcshiu 時間: 10-1-22 19:28
以我認知，禮賢同培僑都唔太著重學術，聖芳濟各同陳守仁都好睇學術，而民生就好遲先接受報名，但佢地有幼稚園，我都未知佢地會收幾多外面學生，同埋會點樣面試。
原帖由 bearbear2003 於 10-1-22 16:26 發表
My boy is K2, I will prepare for
保良局陳守仁
民生
聖芳濟各
Lai Yin
培僑
in first stage
作者: skytek 時間: 10-1-24 22:29
原帖由 hcshiu 於 10-1-17 19:19 發表
...感覺就好似說了任何消息給其他家長知，自己的子女便少了一點機會 ...
我想不一定, 因為我發覺又一村的家長比較靜: 瀏覽的多, 發表的少。 第二: 問題局限於K2的家長, 變成有"資格"回覆的家長, 數量上已大打折扣。
作者: hcshiu 時間: 10-1-25 00:08
其實K2既家長應該開始同其他家長多點互相交流。K2過左一半啦，面試將會係今年十月左右開始，即是家長只有九個月準備，而K2下學期既成績表，又要用黎申請小學，如果想有D證書獎項來報名，亦都只係餘下呢幾個月，所以大家應該開始緊張要做野。而家家長很少唔緊張，所以其實有些家長可能都係到做緊準備。
可能大家仲有其他途徑交流，所以呢到好靜。我自己咁耐都係係學校門口同相熟既家長傾升小學問題同交流消息，可能有部份家長都係咁掛。
我舊年都有係facebook又一村學校家長個group登學校開放日同報名日期消息，但回應就一個都無，可能各家長已經有所行動。我都覺得無所謂，而家如果我知道有呢D消息，我都會係果到登出黎，亦很老實講，我今年就緊係無好似舊年咁緊貼各小學網站，睇下有無升學資料，然後登出黎。
我都係果句，唔洗介意自己唔出聲，或找藉口解釋點解唔出聲，因為大部份香港家長都係咁；對不起，我就真係唔相信而家D家長都咁緊張子女學業，會因為自己靜而唔出聲；我見到呢個題目睇既人咁多，我相信各家長都好想知其他家長有乜心儀學校，去留意下，但係要講自己心儀既學校，可能自己真係無，如果有，可能已經去左各小學既討論區問料，也不必再番黎呢到再講。
原帖由 skytek 於 10-1-24 22:29 發表
我想不一定, 因為我發覺又一村的家長比較靜: 瀏覽的多, 發表的少。 第二: 問題局限於K2的家長, 變成有"資格"回覆的家長, 數量上已大打折扣。
作者: Ivy.cheung 時間: 10-1-25 14:08
等我都講吓, 我囝囝而家K2, 其實我都仲係未有深入了解小學問題. 老實講, 我連邊間係私立, 邊間係直資, 邊間係官立都未知嗰D媽媽.
我而家住紅磡區(好似係35區), 諗住考英華或者再多一、兩間以防萬一.
想問句, 係咪直資收咗又交留位費後, 就不用大抽獎? 不過, 如果英華真係會收我個囝, 無大抽獎都唔介意啦 (而家先發住夢先).
作者: hcshiu 時間: 10-1-25 19:24
英華差不多係九龍，除左男扙萃之外，最多人想入既男校直資私立小學，聽說今年要有三輪面試，面試當然包括學術問題，所以如果你想報讀，我想你都開始要同你囝囝準備一下。
35區只有七間小學，間間都差不多，如果係囝囝，仲少左間女校，最多人想入應該係馬頭涌官立，另外四間係黃埔裡面，都係差不多。
直資不理校區，所以你可以放心去選擇。
原帖由 Ivy.cheung 於 10-1-25 14:08 發表
等我都講吓, 我囝囝而家K2, 其實我都仲係未有深入了解小學問題. 老實講, 我連邊間係私立, 邊間係直資, 邊間係官立都未知嗰D媽媽.
我而家住紅磡區(好似係35區), 諗住考英華或者再多一、兩間以防萬一.
想問句, 係咪直 ...
作者: Ivy.cheung 時間: 10-1-26 09:42
哈哈, 我都知英華一定多人報, 所以咪話發住夢先囉. 我想問問而家要同囝囝準備D嘜 ? 可否提供些意見, 謝 !
原帖由 hcshiu 於 10-1-25 19:24 發表
英華差不多係九龍，除左男扙萃之外，最多人想入既男校直資私立小學，聽說今年要有三輪面試，面試當然包括學術問題，所以如果你想報讀，我想你都開始要同你囝囝準備一下。
35區只有七間小學，間間都差不多，如果係囝囝，仲少左間女校，最 ...
作者: bearbear2003 時間: 10-1-26 11:26
I have started the preparation already. Get my son to study activites with certificate, collect the information for interview and put a time table list to submit application form since early can be this June.
作者: bearbear2003 時間: 10-1-26 11:31
Yes, 聖芳濟各同陳守仁都好睇學術, they have paper examination for 2 hours for 聖芳濟各.民生 I would like to try because my husband's family all graduated from there, so as back up.
原帖由 hcshiu 於 10-1-22 19:28 發表
以我認知，禮賢同培僑都唔太著重學術，聖芳濟各同陳守仁都好睇學術，而民生就好遲先接受報名，但佢地有幼稚園，我都未知佢地會收幾多外面學生，同埋會點樣面試。
...
作者: CSF820 時間: 10-1-26 12:42
提示: 作者被禁止或刪除 內容自動屏蔽
作者: hcshiu 時間: 10-1-26 18:01
根據校長講，好似話係明年年頭就會完成，如果係咁，應該係你囝囝入讀後半年內完成，所以影響應該不大。如果你唔放心，我建議你打電話去學校跟校長談談。
原帖由 CSF820 於 10-1-26 12:42 發表
不好意思、又一村収了我仔仔讀全日(2010-k1),我唔知好唔好又掛心學校エ程影響讀書、any one can advise, pls help!
作者: hcshiu 時間: 10-1-26 18:05
如果有心想入以學術為重的學校，咁就要靠家長啦。
另外，民生好遲先接受申請，好似遲過統一派位公佈結果，所以民生真的只可以作為後備，要事先有其他私校直資做底，否則，如果統一派位派得唔好，家長都幾驚。
原帖由 bearbear2003 於 10-1-26 11:31 發表
Yes, 聖芳濟各同陳守仁都好睇學術, they have paper examination for 2 hours for 聖芳濟各.民生 I would like to try because my husband's family all graduated from there, so as back up.
...
作者: hcshiu 時間: 10-1-26 18:08
而家有些學校係唔收證書同portfolio既，好似陳守仁，蔡繼有，禮賢等等，所以面試表現先係最影響學校收唔收。
原帖由 bearbear2003 於 10-1-26 11:26 發表
I have started the preparation already. Get my son to study activites with certificate, collect the information for interview and put a time table list to submit application form since early can be t ...
作者: hcshiu 時間: 10-1-26 18:12
據說，英華除左面試學術問題，仲會出Ｄ奇怪問題比個細路諗，你根本無辦法同個細路準備答案，但係其實學校係想睇下個細路肯唔肯諗野，會唔會一問，唔識就即刻講唔知，所以又要肯講野，又要肯思考。
咁即係你要同個細路溫下習，係學術方面追，又要問下佢Ｄ問題，鼓勵佢去思考。
原帖由 Ivy.cheung 於 10-1-26 09:42 發表
哈哈, 我都知英華一定多人報, 所以咪話發住夢先囉. 我想問問而家要同囝囝準備D嘜 ? 可否提供些意見, 謝 !
作者: CSF820 時間: 10-1-27 12:38
提示: 作者被禁止或刪除 內容自動屏蔽
作者: hcshiu 時間: 10-1-27 20:15
如果你意思是指又一村既老師有無愛心？我就覺得，又一村既老師好有愛心，照顧得好好。
至於你問派小一呢個問題，其實有好多因素，首先唔講果Ｄ有亞哥家姐讀緊直入果Ｄ，官津要睇校區，直資私校要睇父母有無另外幫子女報下其他課外活動，參加什麼比賽等等，所以我又唔知點去評派得好唔好。
我只可以講，老師好有愛心，用既課本係主流課本，至於升小一既準備，如果你有心要去報直資私校，得失就要睇個細路本身，同埋家長會點去幫個細路。我同個女去好多興趣班，都會見到九龍塘名幼稚園既學生同班，其實，佢地都係一樣咁做，讀邊間幼稚園可能並不是最決定性。
原帖由 CSF820 於 10-1-27 12:38 發表
老師有無愛心、派小一好不好。
作者: CSF820 時間: 10-1-28 12:55
提示: 作者被禁止或刪除 內容自動屏蔽
作者: hcshiu 時間: 10-1-28 20:09
我都成日聽到有意見話，咁細個讀全日好慘，跟著我會想，如果番學好似我地打工咁，就真係番少D好過番多D，但係細路番學，尤其係又一村，其實都係玩之麻；每個家庭環境不同，有人會覺得回到家有一個傭工甚至有老人家，兩個人對一個小孩，點會唔好得過係學校兩個老師對廿幾人吖？咁跟著你要問，如果個細路係屋企，會有那些人陪他，是母親或是傭工？如果傭工照顧，會唔會貪方便，比個細路係咁睇電視？定係你已經另有活動安排，要傭工帶出帶入？我女是獨女，回到家中都係自己一個人玩，有傭工同佢玩，我又唔放心，又唔知囡囡會唔會學到佢D怪怪既廣東話或英文，反而返到學校，有老師睇著，有定時定刻活動，又有同學仔陪，學下點同人相處，我就覺得好好。
又一村扣了學卷之後，全日大概每個月三千元。半日我唔係好清楚，好似係千三四元。全日班係比半日班貴千幾，但係如果你將呢千幾元當係包平日番學日既午餐，加埋午睡照顧洗床單，加埋醒左既playgroup錢，託兒錢，你又會覺得都算抵。我女讀書咁耐都係全日，我就從來唔覺得佢慘，係慘定唔係慘，係大人先會諗，係大人先會有期望，所以先會諗到係慘，細路只要有得玩，有得食，又邊會覺得慘？
原帖由 CSF820 於 10-1-28 12:55 發表
非常多謝宝貴意見、全日學費＋什費扣除學巻要多少錢？
其實我囝囝本身讀緊鑽石山附近N1全日、有Ｄ朋友話讀半日好Ｄ吾使甘慘、如讀半日我需要請工人。
有Ｄ話讀番鑽石山平D扣完學巻＄１５００、餘下Ｄ錢上課外話動、ｐｌｓ advise!點選擇
...
作者: poison 時間: 10-1-29 01:30 標題: 回覆 1# hcshiu 的文章
Hi hcshiu,
常常見在又一村學校的討論區發表意見，可見你是十分有心的家長。你的小朋友好像剛完成了報小一的情況。可否分享一下你的經歷？我的女兒已K2，我正積極準備如何報考小一。你有何分享呢？
poison
作者: hcshiu 時間: 10-1-30 02:49
對，我女報小學既過程已經去到等統一派位既階段，當結果出埋，我地就會幫女兒選一間小學比佢去讀。成個過程有好多方面，我都唔知點講起。其實，我真係好想又一村學校可以有家長組織，等不同級別既家長可以多點溝通，分享下教養心得，選校升學資料等等。我女只會係又一村讀多半年，我想也沒有足夠時間為又一村組織什麼，希望之後既家長可以有突破吧。
整個報讀小學既過程，其實豐儉由人，你可以做好多野，你亦可以乜野都唔做，全決定於作為家長點睇，同埋每個家庭不同既背景同條件。以下有些問題，你可以去想一想：
一，你有沒有心儀學校？如果有，係官津定係直資私校？如果係官津，你子女係自行收生夠唔夠分數？例如有哥哥姐姐係到講？如果自行收生唔夠分多，咁你係唔係住係心儀學校同一區？
二，如果你既心儀學校係直資私校，咁你知唔知佢睇學業，定係睇個細路本質？如果學校係睇學業，例如語文，數學，理解，表達能力，你子女有沒有這些能力？你會唔會幫佢係果Ｄ地方補一補？如果學校係睇細路本質，你有無幫佢陪養好既性格等等？你覺得有無需要讀面試班？你既經濟能力是否負擔得起多年學費？
三，你覺得你子女最好係讀傳統學校，國際學校模式既學校，活動教學既學校？想唔想，同埋你子女可唔可以係壓力下學習？
四，你覺得一間好學校是怎樣的？一間適合你子女的學校又是怎樣的？你對學校既教學語言，宗教，師資有什麼期望？你對學生既家庭背景有沒有要求？
五，你有沒有心儀既中學？佢係唔係同你心儀小學係一條龍？同唔同校區？你心儀間小學可唔可以派到入去？
你可以先想想以上問題，跟著多搜集資料，例如開始要去睇學校開放日，包括果Ｄ你未必係你想入果Ｄ，為的是你可以有多些資料比較。每個小朋友都係不同，不要只問別人想讀那一間，我可以簡簡單單的話比你知最多人談論同埋最多人想入既學校，但係真係岩唔岩你子女，就真係要你作為家長去考慮啦。
原帖由 poison 於 10-1-29 01:30 發表
Hi hcshiu,
常常見在又一村學校的討論區發表意見，可見你是十分有心的家長。你的小朋友好像剛完成了報小一的情況。可否分享一下你的經歷？我的女兒已K2，我正積極準備如何報考小一。你有何分享呢？
poison ...
作者: CSF820 時間: 10-1-30 23:09
提示: 作者被禁止或刪除 內容自動屏蔽
作者: hcshiu 時間: 10-1-30 23:25
其實當時好簡單，又一村地方大，我想九龍塘果間迦南都應該無又一村咁大，課程我又知道又一村開始時會淺Ｄ，但最終會追番上去。
原帖由 CSF820 於 10-1-30 23:09 發表
請問點解您當初選又一村,如迦南(全日)與又一村(全日)點選擇?
作者: ChongChong28 時間: 10-2-2 18:42
我的女兒K2,但實在不知如何步署,學校又未開始有聲氣,通常各小學幾時開始有open day/發佈會??
作者: hcshiu 時間: 10-2-3 03:40
正如我之前說，你可以做很多野，也可以不做那麼多。如果你相當有信心你女兒入到某一間官津小學，例如因為有哥哥姐姐讀緊，又或父母是校友，咁基本上你什麼都不用做，在自行收生時報了便可，又或是你根本不想要交學費，你只想你女兒讀某幾間官津，你只須看看統一派位和自行收生是否很大機會便入到，你也不須要做什麼。問題只是，你心目中想女兒入讀的學校，是否直資私校吧，又或你對自行收生和統一派位沒有信心，怕派了一間不合你心意的小學，你想穩陣一點，報些直資私校作後備，你便要開始步署了，尤其是那些好睇學術成績，個人素質那些。
現在已經有很多小學不斷有開放日，如果你有心儀小學，大可打個電話去問他們有沒有和幾時有開放日。相對，很多很出名的名校反而沒有開放日的，反正大把人爭著去讀。又一村會在K3開學時才會開家長會，教家長點去報小學。
不久之前，我看報紙報導，在最多人爭的九龍塘41區，有些小學是很少甚至沒有人在自行收生時入紙申請，即是說，如果你覺得那些小學都既可以接受，又可入到41區校網，你根本不須要做什麼，在自行收生時，走去交表即可。
原帖由 ChongChong28 於 10-2-2 18:42 發表
我的女兒K2,但實在不知如何步署,學校又未開始有聲氣,通常各小學幾時開始有open day/發佈會??
作者: winniehobb 時間: 10-2-3 04:02
Dear Hcshiu,
I am thinking to let my kid to study K1 in this coming year. Your information is really helpful to us.
Really appreciated that some parents like you to speak up, giving advice and doing some co-ordination work for 又一村.
I understand that maybe the education of 又一村 comparatively is lower than those SC, KV, etc. I have already prepared to join the 興趣班.
Can I know what 興趣班 you let your kid to join? Can you recommand some?
If I aim to let my child to go 蔡繼有, what kind of 興趣班 you would recommand? Any good English can be recommanded?
Thanks so much!!
作者: hcshiu 時間: 10-2-3 10:11
首先，如果你要你小朋友入讀蔡繼有，佢地面試都會問一點學術野，例如簡單英文，但係就一定無話深到要考九龍塘宣小果類學校咁深，佢地係唔收portfolio既，即是好睇個細路仔本身，我覺得佢地會收那些適合呢個模式既學生，即是主動，有膽量同自信心企出黎講野（包括中英文）既小朋友。
既然蔡繼有唔睇證書，你唔洗太刻意要讀果Ｄ有證書既課程，反而係可以練到個細路可以敢企出黎講野果Ｄ，我就會建議參加話劇（最好係英文），溝通（學表達能力同係眾人面對講野），英文（多Ｄ機會同外國人用英文講野，唔係為要去考什麼英文試果Ｄ），音樂（唔一定係鋼琴，因為已經無乜學校再睇鋼琴），以上呢Ｄ興趣班，我囡囡都有參加，到Ｋ２開始，仲有讀普通話同學游水。如果你都想考埋其他重視學歷既小學，如男女拔萃，陳守仁，宣小等等，你都可以考慮公文式或珠心算等等，可能會好一點點，但我囡囡都無讀呢兩樣。
原帖由 winniehobb 於 10-2-3 04:02 發表
Dear Hcshiu,
I am thinking to let my kid to study K1 in this coming year. Your information is really helpful to us.
Really appreciated that some parents like you to speak up, giving advice and doing ...
作者: winniehobb 時間: 10-2-6 02:50
Dear Hcshiu,
Thanks so much for your information. It is really helpful.
另外, 我想問有音樂但唔一定係鋼琴，咁唱歌同dancing 算唔算呢?
我個女鐘意呢2樣野.
Thanks.
作者: hcshiu 時間: 10-2-6 10:16
還原基本步，首先你要問自己點解你要比個女去學音樂？如果只為報考小學，除非你可以係面試前攞到某樂器全港第一，否則，用處不大，我記得有間小學講明，四級以下既綱琴證書係唔洗交。既然唔係用黎報小學，我自己既想法係個女學音樂真係有個音樂底子，將來要學任何樂器都易些上手，另外，音樂係可以陶冶性情，如果佢第時開心唔開心，都可以去彈下琴，舒發下情緒，呢個反而係同佢一生人有關。
所以你可以不用理會小學算與不算，只要你女有樣與音樂有關的活動，其實都無問題。可以的話，比你女試下學樂器，睇下佢有無興趣，有既，咪比佢學落去。至於唱歌同跳舞，其實你真係唔洗理小學睇唔睇，你個女喜歡，學得開心，佢跳得好，自然會增加你女既自信心，聽說有小學會係面試時叫小朋友天才表演，如果你個女識多Ｄ野，佢有信心，自然又會做得好些。
原帖由 winniehobb 於 10-2-6 02:50 發表
Dear Hcshiu,
Thanks so much for your information. It is really helpful.
另外, 我想問有音樂但唔一定係鋼琴，咁唱歌同dancing 算唔算呢?
我個女鐘意呢2樣野.
Thanks. ...
作者: kkk2000 時間: 10-2-6 15:36
我是k3的家長, 希望在此平台share experience about P1 interview. 我仔仔考了4間直資, 有TSL and Wong Kam Fai取錄了, 在面試過程中, 我發覺小朋友當日的表現是最重要的, 而這些表現又關乎平日的訓練, 有無禮貌, 是否合群, 有無聽清楚指令, 是否懂得適當的發言等, 這些都是要日積月累的訓練, 而變成習慣。至於是否要有很高的學術成就, 我覺得如你的小朋友是嬴了一些有名氣的xx全港比賽, 作用就大。但一般來說，只要足夠就可以。的確, 又一村比起九龍塘的幼稚園來說，課程是較淺，若要考一些注重學術的小學, 如九龍塘小學, 聖芳濟各等, 你就要讓小朋友在外進修一下, 但說到品德培育方面，就真的不錯。其實, 現在很多的小學面試, 都是著
重品德及對日常生活, 怎至是社會的認知, 所以我覺得父母應當著重此訓練, 比起學術的深淺來應付小一面試有用得多.或者給點信心大家, 以我所知, 今年都有小朋友考到CKY and St. Paul co-edu 這類受家長歡迎的學校. 希望又一村的家長繼續努力吧!
作者: hcshiu 時間: 10-2-7 04:35
我個女考小一既結果係崇真，禮賢，九龍塘學校，德望，蔡繼有都收左。
我也很同意kkk2000所說，對很多小學來說，他們看學生既本質是比學術還重要，就算臨面試前半年去參加面試班，老師都係會同家長講個細路要有禮貌，說話要成句講，說話要有信心，對身邊既事物有認識，大部份意見可以說係人都知，如果個細路由小到大都係小霸王，無禮貌，不聽人說話，排隊等候會坐唔定，同其他小朋友玩唔識分享，會搶玩具，會攪其他小朋友，可以想像面試的機會不大了；如果家長由孩子小時做起，其實要應付面試實在不難。
當然，如果心儀既小學係果Ｄ重學術既，家長當然要另外再找些課程給孩子補一補吧。其實去到Ｋ３，我發現又一村的課程，是真的可以銜接到小學，例如Ｋ３所寫既中文，其實唔淺，加減數都要做了，之不過考小學時，有學校都會問加減數，所以家長如果要報睇學術既小學，要自己先教吧。
原帖由 kkk2000 於 10-2-6 15:36 發表
我是k3的家長, 希望在此平台share experience about P1 interview. 我仔仔考了4間直資, 有TSL and Wong Kam Fai取錄了, 在面試過程中, 我發覺小朋友當日的表現是最重要的, 而這些表現又關乎平日的訓練, 有無禮貌, 是 ...
作者: jojoplanet 時間: 10-2-7 21:37
咁你諗住比囡囡讀邊間呀?
可唔可以分享下你幾時開始課外活動同安排咗咩呢
原帖由 hcshiu 於 10-2-7 04:35 發表
我個女考小一既結果係崇真，禮賢，九龍塘學校，德望，蔡繼有都收左。
我也很同意kkk2000所說，對很多小學來說，他們看學生既本質是比學術還重要，就算臨面試前半年去參加面試班，老師都係會同家長講個細路要有禮貌，說話要成句講，說話 ...
作者: hcshiu 時間: 10-2-8 09:50
而家都未決定到，因為首先要決定讀唔讀蔡繼有，因為成個學習過程會完全唔同，如果唔讀，就要睇下餘下幾間邊間適合，我同太太都仲係到傾緊。
其實課外活動就由細個playgroup開始已經有，而我既著眼點又唔係要幫個女去考小一，反而係想個女有全面既發展，所以音樂，體育，語言，畫畫等等都有；另外，又一村每個學期既課外活動，我都由得囡囡自己決定要學什麼，所以乜都比佢試下。
而家盡量安排課外活動係平日放學之後去，而家還會參加既活動有普通話，游水，英文，音樂同埋畫畫，課外活動之後就可以回家食晚飯，因為囡囡係學校番全日，所以下午可以睡足精神先去上課外活動，否則係星期六日佢無午睡就去上課外活動，可能會很累。最緊要要明白，個個細路不同，有不同的需要，你都要睇下自己個小朋友係邊方面你覺得要去學，唔一定要樣樣都學既。
原帖由 jojoplanet 於 10-2-7 21:37 發表
咁你諗住比囡囡讀邊間呀?
可唔可以分享下你幾時開始課外活動同安排咗咩呢
作者: jojoplanet 時間: 10-2-8 13:00
我個仔只係k1..中英文都一定要比佢學..但一切都而家好似尚早, 因為佢係細b...早排想比佢上下英文oral但佢問口都唔肯入..家長日同先生傾過, 佢話要同小朋友有公識先好..否則佢一抗拒佢以後都唔會去..所以我而家乜都做唔到...
原帖由 hcshiu 於 10-2-8 09:50 發表
而家都未決定到，因為首先要決定讀唔讀蔡繼有，因為成個學習過程會完全唔同，如果唔讀，就要睇下餘下幾間邊間適合，我同太太都仲係到傾緊。
其實課外活動就由細個playgroup開始已經有，而我既著眼點又唔係要幫個女去考小一，反而 ...
作者: hcshiu 時間: 10-2-8 16:51
你囝囝係細仔，仲係K1，其實真係唔洗急。係唔係你囝囝唔肯自己入去課室？如果有人陪，係唔係就肯入呢？老師講得岩，你如果同佢去課外活動，你囝囝唔肯入，影響仲深遠。咁你首先問自己，係唔係可以遲D先上果D班，如果真係要上，可唔可以上D親子班，另外，咁細個，你又唔
一定要上專教中英文，可以選擇一D講英文為主既興趣班，等你囝囝首先習慣聽英文指令，習慣同外國人溝通。慢慢佢習慣左上興趣班，又大一點之後，你再同佢上真正語言班。
我囡囡以前參加過尖沙咀新世界中心既Little Gym體操班，同九龍塘Kid's Gallery既藝術班，都係做下運動，畫下畫，老師都係同學生講英文既，都幾好架，某個年紀之下既體操班仲係親子班添。男仔多好動，體操班佢可能好開心，但係佢又不知不覺中要同導師用英文溝通，去研究下啦。
原帖由 jojoplanet 於 10-2-8 13:00 發表
我個仔只係k1..中英文都一定要比佢學..但一切都而家好似尚早, 因為佢係細b...早排想比佢上下英文oral但佢問口都唔肯入..家長日同先生傾過, 佢話要同小朋友有公識先好..否則佢一抗拒佢以後都唔會去..所以我而家乜都做 ...
作者: winniehobb 時間: 10-2-9 00:39
原帖由 kkk2000 於 10-2-6 15:36 發表
我是k3的家長, 希望在此平台share experience about P1 interview. 我仔仔考了4間直資, 有TSL and Wong Kam Fai取錄了, 在面試過程中, 我發覺小朋友當日的表現是最重要的, 而這些表現又關乎平日的訓練, 有無禮貌, 是 ...
Congratulations!! It is good to hear that the students from 又一村 got a very good result.
By the way, could you plesae tell us if you let your kid to participate any other extra-curricular activities after school?
Thanks.
作者: winniehobb 時間: 10-2-9 00:45
原帖由 hcshiu 於 10-2-7 04:35 發表
我個女考小一既結果係崇真，禮賢，九龍塘學校，德望，蔡繼有都收左。
我也很同意kkk2000所說，對很多小學來說，他們看學生既本質是比學術還重要，就算臨面試前半年去參加面試班，老師都係會同家長講個細路要有禮貌，說話要成句講，說話 ...
Congratulations!! 你個女考到咁多間真係叻呀!!我個女金豬年細女, kind competition!! 真係好worry!!
听你咁講, 其實又一村課程唔淺架wor!
我想知多少少野。又一村英文科係味Net Teacher kar?
同埋如果想俾個女參加英文Drama 班， 有無好介紹呢?
唔好意思， 好多問題。
Thanks.
作者: hcshiu 時間: 10-2-9 07:11
平心而論，又一村係用主流教科書，加上工作紙，中英文寫字簿，Ｋ３加埋數學練習簿，相比九龍塘名幼稚園，當然都係淺，但係都係果句，我覺得又一村注重小朋友全面發展，多過偏重學術，所以如果家長覺得都係唔夠，可以自己為子女找課外班。又一村有兩位外藉老師，但教咁多班，我覺得好可能都係要班主任幫手教下。
英文話劇，我個女都有上九龍塘Kids' Gallery既話劇班，係英文既。
原帖由 winniehobb 於 10-2-9 00:45 發表
Congratulations!! 你個女考到咁多間真係叻呀!!我個女金豬年細女, kind competition!! 真係好worry!!
听你咁講, 其實又一村課程唔淺架wor!
我想知多少少野。又一村英文科係味Net Teacher kar?
同埋如果想俾個 ...
作者: jojoplanet 時間: 10-2-9 12:01
阿仔細時有同佢返playgroup係要大人陪既..咁因為佢一向既印象返學係有大人陪所以到佢返又一村時要一個人佢喊咗3個月呀....其實我揾呢間都可以大人陪不過佢連門口都唔肯入我唔迫佢..但有時行過會問下佢入去玩下好無..佢會話好.等我大個先啦咁囉...
原帖由 hcshiu 於 10-2-8 16:51 發表
你囝囝係細仔，仲係K1，其實真係唔洗急。係唔係你囝囝唔肯自己入去課室？如果有人陪，係唔係就肯入呢？老師講得岩，你如果同佢去課外活動，你囝囝唔肯入，影響仲深遠。咁你首先問自己，係唔係可以遲D先上果D班，如果真係要上，可唔可以上D ...
作者: hcshiu 時間: 10-2-9 19:37
有時細路唔肯自己去上堂，係因為佢地覺得無安全感，可能佢會覺得如果而家父母行開左，係唔會番黎既，所以你一開始就要佢一個人入課室，佢係唔肯既。
如果要解決呢個問題，如果你可以做到既話，試下同你仔參加一Ｄ親子班（或playgroup，最好係逐次比錢果隻），跟著係上堂之前，你同個仔講話你可能會係中途去洗手間，好快會番。到真係上堂既時候，當佢玩得興高采烈既時候，你就係同個仔講話要去洗手間，留佢一個人係班裡面，咁你一出去，真係好快就番黎，等佢知道你出去係會好快番黎，慢慢你將你出班房既時間越加越長，咁佢就會慢慢適應，同埋明白，你真係會番黎既，適應左之後，要適應自己一個人入去課室上堂，你同佢講，其實任何時候你都係門口，你要比佢知道你係門口，例如企係門外，佢可以係玻璃見到你，咁佢又會放心，到最後，你個仔又再大Ｄ，你就同佢講，你會係放學既時候係門口等佢。當佢覺得你真係做到，佢就會慢慢習慣。
原帖由 jojoplanet 於 10-2-9 12:01 發表
阿仔細時有同佢返playgroup係要大人陪既..咁因為佢一向既印象返學係有大人陪所以到佢返又一村時要一個人佢喊咗3個月呀....其實我揾呢間都可以大人陪不過佢連門口都唔肯入我唔迫佢..但有時行過會問下佢入去玩下好無.. ...
作者: jojoplanet 時間: 10-2-10 12:45
係呀我都覺得佢係無安全感..先生話佢比較慢熱呀..係需要d时間佢仲細....但係佢係公園見到小朋友就好開心咁同人地一齊玩架啦.....
不過都好過佢比先生話佢係學校曳因為佢未開學前我屋企人睇佢平時行為估佢一定係學校坐唔定周圍走但先生話佢係學校好乖..我都好安樂啦..
原帖由 hcshiu 於 10-2-9 19:37 發表
有時細路唔肯自己去上堂，係因為佢地覺得無安全感，可能佢會覺得如果而家父母行開左，係唔會番黎既，所以你一開始就要佢一個人入課室，佢係唔肯既。
如果要解決呢個問題，如果你可以做到既話，試下同你仔參加一Ｄ親子班（或playgroup， ...
作者: kkk2000 時間: 10-2-17 12:23
Thank you very much.
My son have extra-curriular - English, E.nopi, Drawing and Drama when he was K1 and K2.
原帖由 winniehobb 於 10-2-9 00:39 發表
Congratulations!! It is good to hear that the students from 又一村 got a very good result.
By the way, could you plesae tell us if you let your kid to participate any other extra-curricular activit ...
作者: Jeco 時間: 10-3-9 17:50
提示: 作者被禁止或刪除 內容自動屏蔽
作者: kkk2000 時間: 10-3-9 21:12
約$2500 一個月. 值不值得看你想小朋友在學校得到些什麼? 因為York and YYC是完全兩間不同類型的學校.
原帖由 Jeco 於 10-3-9 17:50 發表
可唔可以話我知你哋既小朋友係出面參加既課外活動合共費用幾多呀? 我仲矛盾緊係YYC讀+出面報多啲活動好 OR YORK 好呢? 但讀YORK, 到K2再報埋劍橋課程連其他雜費每月費用合共6千幾, 值得嗎? ...
作者: hcshiu 時間: 10-3-10 06:18
我個女每個月都係二千五左右。
其實值唔值，係你想做到乜效果，同埋其實你想做乜。如果你為培養子女興趣，增加子女學術表現，到最後你係覺得呢Ｄ係子女既終生興趣，還是純為報直資私校小學。
但我小小既意見係，如果你係後者，想幫子女入小學，你要諗下你想入果間，係想收Ｄ乜條件既學生。咁你再去決定點去做。
原帖由 Jeco 於 10-3-9 17:50 發表
可唔可以話我知你哋既小朋友係出面參加既課外活動合共費用幾多呀? 我仲矛盾緊係YYC讀+出面報多啲活動好 OR YORK 好呢? 但讀YORK, 到K2再報埋劍橋課程連其他雜費每月費用合共6千幾, 值得嗎? ...
作者: Jeco 時間: 10-3-10 10:03
提示: 作者被禁止或刪除 內容自動屏蔽
作者: hcshiu 時間: 10-3-10 19:35
聽講今年英華要過三次面試，有二三千人去報，咁你要睇下點可以係咁多人裡面被取錄。九龍塘小學競爭無咁大，但都要兩次面試，第二次仲面試埋家長，其實都係一樣，學術，同埋個人素質都好重要。
原帖由 Jeco 於 10-3-10 10:03 發表
如果我想囝囝入到英華、九龍塘小學的話呢? 我唔識點樣去了解果間小學需要啲咩條件, 我應該點樣可以知架?
作者: kkk2000 時間: 10-3-10 21:37
今年我也有同小兒報考英華, 可惜不成功, 其實我是有點失望. 因為英華是我首選, 很多的部署都是朝向英華的方向而行, 所以我是很希望他能入300名 for second interview, 可惜是未能成功, 反覆思量後, 可能他Interview的時間, 正是他狀態較差, 而且他當天心情不大好, 唉! 算了吧! 就當小兒與英華少了點緣份. 雖然如此, 但我仍然無悔選擇又一村, 否則便沒有現在那麼愉快的他呀!!!
作者: Jeco 時間: 10-3-10 22:22
提示: 作者被禁止或刪除 內容自動屏蔽
作者: hcshiu 時間: 10-3-11 16:26
這是一個很難決定的問題，真的要你去看，自己的孩子適合讀那一類的小學，並且那些學校會點樣面試，咁你先能夠決定你要怎樣安排。
我自己的意見是，如果你太過重視一些面試所考既野，如果考唔到，你之前既努力就一點沒有價值，但如果你幫孩子準備既野係對佢一生都有用的，咁就算考唔到，都仲係有價值既，如何取捨，你自己要為孩子決定。
另外，我今年聽番黎既意見，就算讀SC既學生，今年面試小學既結果都唔係咁好，所以，面試既結果，我自己會覺得孩子本身既表現，係比讀那一間幼稚園重要，而那些表現，除了幼稚園之外，重有好多途徑可以做到。
原帖由 Jeco 於 10-3-10 22:22 發表
多謝你既意見! 我都好相信又一村幼稚園會比到小朋友有3年愉快學習生活, 但擔心既係升小一問題! ~.~ 所以york & 又一村幼稚園 中取捨!
作者: Jeco 時間: 10-3-11 21:35
提示: 作者被禁止或刪除 內容自動屏蔽
作者: hcshiu 時間: 10-3-11 22:34
我知好多家長，覺得語言證書，比賽獎項，音樂樂器級數等等，仲有面試班，可以幫到小朋友得到學校垂青。但幼稚園只可以幫細路係某些方面，其他方面其實都要靠父母額外既資源，係出面找課程。
但我既認知係，除非你細路係某樣野既全港第一，否則小學都唔係好睇，所以很多都差不多等如無用。咁，你話係咪好難決定呢？
原帖由 Jeco 於 10-3-11 21:35 發表
多謝你! :)
但你說的 "除了幼稚園之外，重有好多途徑可以做到" 即係咩呀?
作者: Jeco 時間: 10-3-12 16:28
提示: 作者被禁止或刪除 內容自動屏蔽
作者: hcshiu 時間: 10-3-12 19:50
其實每一間學校都有佢既長處短處，最重要係真係知道佢地既長短處係乜，之後，你要清楚你今天做個決定，是因為你喜歡某一間學校的長處，而你亦明白佢既短處，接受或你有你既方法去解決，咁就得啦。否則，到將來，你會不斷有人問你，點解你選這間而不選那一間，到時你被人問得兩問，心裡面動搖，最後重轉埋學校添，辛苦既，最終係你子女。
我女今年Ｋ３，明年你細路黎讀，我地呢一班家長已經走左，咁我都唔會好似而家咁經常睇呢個討論區，到時你再想問野，可能要PM我先得啦。
原帖由 Jeco 於 10-3-12 16:28 發表
多謝你哋係依到分享又一村幼稚園 & 小一派位既情況...其實一直我都好掙扎揀york or 又一村幼稚園...經過睇完你哋既心得...覺得考小一真係唔係唔係讀咩幼稚園為先要! 仲要加培養 及 另補, 就算讀york的話都一樣...所 ...
作者: Jeco 時間: 10-3-12 23:55
提示: 作者被禁止或刪除 內容自動屏蔽
作者: hcshiu 時間: 10-3-13 02:46
唔洗客氣。我只係覺得，大家為人父母，都係想子女好，可以幫到其他人，尤其係小朋友，何樂而不為。
父母之間可以互相交流、幫助，子女見到就會學到同其他小朋友分享。我唔想見到個細路大個，讀大中小學時，同學之間係個個收收埋埋，問功課無人幫，但係個個就番屋企勁補習，有野唔出聲咩？我地既細路長大後，面對係整個世界既挑戰，佢地需要既，係多些同路人，唔係競爭者。
好似講過，又離題，恕我多口水。
原帖由 Jeco 於 10-3-12 23:55 發表
多謝你! 我依兩日都特別留意依到既post...知你無論對學校/對各家長既提問都真係好用心! 亦見到好多家長對又一村能教到小朋友有禮貌、品德及有快樂既校園生活..當中既評價都好好!!! :) 日後當遇到有問題時...我會pm ...
作者: Jeco 時間: 10-3-13 09:38
提示: 作者被禁止或刪除 內容自動屏蔽
作者: kkk2000 時間: 10-3-17 14:32
好一句 "細路長大後，面對係整個世界既挑戰，佢地需要既，係多些同路人，唔係競爭者" 我很認同和感動.
原帖由 hcshiu 於 10-3-13 02:46 發表
唔洗客氣。我只係覺得，大家為人父母，都係想子女好，可以幫到其他人，尤其係小朋友，何樂而不為。
父母之間可以互相交流、幫助，子女見到就會學到同其他小朋友分享。我唔想見到個細路大個，讀大中小學時，同學之間係個個收收埋埋，問 ...
作者: 高齡牛師奶 時間: 10-5-28 14:16
hschiu
睇晒d Post,覺得你d資料對我幫助好大.嚟緊我小朋友會 Interview K1 PM Class
小兒一直都在荃灣區讀緊 N全日班.不過 K1想幫佢轉半日.加上都想試下出面嘅學校, 睇完你回應，幫左我好多, 又一村的確係一個唔錯嘅選擇.如果有 AM Class就最好不過添 !!
作者: hcshiu 時間: 10-5-29 01:41
高齡牛師奶，你好。如果我提供既資料，可以幫到你既，我都覺得好開心。
由N班轉K1，我知係好多家長會轉校，我女讀N既時候，我地住係紅磡區，所以我女係讀黃埔既幼稚園，之後入讀又一村既K1，我地亦搬走左。我之後帶個個女番我女讀N班既幼稚園，同老師傾，老師話原來只得一個同學升K1，其他全部轉走左，所以如果你係升K1既時候轉校，影響係好細，因為就算留係到，可能都會有好多同學會走，你個仔都係要適應好多陌生既面孔。但係有幾多轉走，可能一間間唔同，你可以問番高你仔一級既家長，就最清楚。
至於你想個仔轉讀又一村，其實你睇到有什麼原因，令你覺得你肯咁遠由荃灣過黎讀又一村，雖然有巴士（如40）同埋校巴，但係都要少至半小時車程。
另外，由全日班轉下午班，對你個仔既起居習慣，轉變應該係最大，因為下午班上堂既時候，應該係你個仔而家係N班午睡既時候。如果真係讀既話，你個仔只得一個暑假去適應唔係學校食午飯，同埋唔瞓午睡；下午班應該係下午一點返學，咁即是你要十二時十五分左右，由荃灣乘車返學，咁亦既是你個仔要十二時前食完午飯，咁又得唔得呢？
我唔知你而家仲可唔可同又一村話想讀番全日或上午班，如果得既，咁你都試下排下啦，到話收你讀下午班，你先至決定啦。
原帖由 高齡牛師奶 於 10-5-28 14:16 發表
hschiu
睇晒d Post,覺得你d資料對我幫助好大.嚟緊我小朋友會 Interview K1 PM Class
小兒一直都在荃灣區讀緊 N全日班.不過 K1想幫佢轉半日.加上都想試下出面嘅學校, 睇完你回應，幫左我好多, 又一村的確係一個唔錯嘅 ...
| 歡迎光臨 教育王國 (/) |
Powered by Discuz! X1.5 |