教育王國
標題: 考試成績唔好, 父母個心好難受 [打印本頁]
作者: bingo09110 時間: 10-1-5 14:39 標題: 考試成績唔好, 父母個心好難受
收到小女考試成績了, 2年級數學科考試48分,唔合格. 這一刻個心好難受,點解會這樣.
每天放學到補習社, 回家吃飯後, 都會同她溫習1.5小時, 但臨考試昤, 己溫好哂,都ok, 點知她考了不合格.現在很想取消她的所有課外活動,連星期6, 都上補習社, 溫功課.點解她我成績是一時一樣的.
有沒有家長, 可提供一些意見呢？
作者: Terry280905 時間: 10-1-5 14:55
原帖由 bingo09110 於 10-1-5 14:39 發表 
收到小女考試成績了, 2年級數學科考試48分,唔合格. 這一刻個心好難受,點解會這樣.
每天放學到補習社, 回家吃飯後, 都會同她溫習1.5小時, 但臨考試昤, 己溫好哂,都ok, 點知她考了不合格.現在很想取消她的所有課外活動 ...
有沒有問您女兒為什麼呢?
作者: bingo09110 時間: 10-1-5 14:57
她說:好緊張
原帖由 Terry280905 於 10-1-5 14:55 發表
有沒有問您女兒為什麼呢?
作者: angelyiu 時間: 10-1-5 15:07
吾好比咁大壓力佢啦!叫佢放鬆啲!
作者: Radar 時間: 10-1-5 15:21 標題: 回覆 3# bingo09110 的文章
佢又吾係吾識,仲去補習?!仲要cut晒佢d課外活動,你想緊張死你個女嗎?你應該開解下佢,同佢做下心理輔導,得閒同佢去玩下,同佢講下讀書只要勤力就得,吾好理幾多分,只要盡了力便可,等佢心情放鬆d,吾好甘緊張,考試就自然考得好啦!
作者: 黃巴士 時間: 10-1-5 15:41
我覺得--- 數學都好講小朋友穩定性, 又可能她在擔心時間上不夠, 又或者在某題上阻了很多時間, 以致及後很慌張完成其他部份.
如數學她是明白的, 前一天早些訓, 養好精神
, 狀態好自然表現好.
又可能有些題目是很"雕鑽", 須要花心思再下苦力呢???
試吓再細緻些再看份卷, 可能會再找出問題所在.
我覺得低小就是要吸收多些考試技巧及成熟狀態.
佢咁緊張, 你又緊張埋一份, 咁咪仲弊. 
作者: happyvalley 時間: 10-1-5 17:01
唔合格可以下次擺返 100 分，但就千其唔好失信心，所以要忍住心中之痛，還要讚佢好努力去完成份卷，不足之處可以要用多點努力去改善。
呢 d 心情，我囡小一二都唔知受個好多次 lu，現在除左英文，樣樣都改善緊，放心，等…佢張大 d 就會好好多的。
作者: alice44 時間: 10-1-5 17:34
我阿仔小一二時, 數學都是時高時低, 所以小二暑假帶了阿仔去讀公文數, 讀了之後十分之穩定, 每次都不是最高分嗰個, 但會比最高分的少5-6分左右la, 現在小三四的時候數學科全級名次在頭15名.
作者: TL128 時間: 10-1-5 21:41
bingo09110
You may try to find out the reasons behind. For my son, he is careless in looking at questions without concrete image in his mind, propably due to lack of attention . After I teach him techniques to avoid this, like circling key words and jotting down the key points, proofing skill etc., it seems improve whenever he follows! Of course, a systemic training is important. Hope this can help you, get relaxed!
作者: pony媽媽 時間: 10-1-5 21:59
我仔都係小二, 有d似你囡囡, 信心不足, 考親數就會發台瘟。我仔小一時第一次考數學100分, 以為佢好掂, 點知第二次就回落到70零分....我不得不正視他的推理能力不足, 中 , 英, 常都有得死記, 數學就不行了。我沒送他補習, 只多買2本數學補充練習, 一有空就做數, 平時20題左右, 遇上較弱的部分, 如應用題, 更要針對性地每天都做d, 時鐘和日子, 就平日搭車走路都問他, 幾多點? 請報時, 隨時隨地念乘數表, 數月大小看月曆等....有時 , 佢習慣左, 行街都會同我講下個路牌是甚麼形, 錐體定柱體之類....真係有效..
以前淨係猛話佢蠢, 傷感情之餘, 仲令佢怕左數學, 愈見發台瘟...自從我痛定思痛, 做足以上各項, 阿仔成績重上至80幾分, 其實佢再細心d就有90分, 都算啦, 不敢作聲, 總之有進步就得了, 別忘了讚下佢....
上星期他參加了學校的念乘數表活動, 得到小禮物之餘, 高年班的哥哥又讚他是乘數小博士, 他不知幾開心, 自信心都大左。慢慢來, 不要太在意之前的分數, 最緊要讓她知道媽媽在幫他, 不是迫他, 計起數來才有樂趣!
作者: Annabellalaw 時間: 10-1-5 23:08
謝謝你的無私分享 
原帖由 pony媽媽 於 10-1-5 21:59 發表
我仔都係小二, 有d似你囡囡, 信心不足, 考親數就會發台瘟。我仔小一時第一次考數學100分, 以為佢好掂, 點知第二次就回落到70零分....我不得不正視他的推理能力不足, 中 , 英, 常都有得死記, 數學就不行了。我沒送他 ...
作者: bingo09110 時間: 10-1-6 09:52
請問有沒有, 這些數學課程讀, 她真是還未應用到,
原帖由 Annabellalaw 於 10-1-5 23:08 發表
謝謝你的無私分享
作者: grace_xian 時間: 10-1-6 14:28
多謝分享~
講得好好呀~
原帖由 pony媽媽 於 10-1-5 21:59 發表
我仔都係小二, 有d似你囡囡, 信心不足, 考親數就會發台瘟。我仔小一時第一次考數學100分, 以為佢好掂, 點知第二次就回落到70零分....我不得不正視他的推理能力不足, 中 , 英, 常都有得死記, 數學就不行了。我沒送他 ...
作者: IRON 時間: 10-1-6 15:39
如果佢真係識而只係緊張, 不妨試下我對我仔既方法.
係我姐教既, 有考試範圍時就開始溫, 到考試前幾日就乜都唔溫; 我仔明日開始考, 我同佢聖誕假最後果幾日溫至上星期日, 之後星期一,二,三放學後執好書包就由佢休息做自己野, 今日返黎彈左半粒鐘彈琴啦~~
作者: mymelody2003 時間: 10-1-6 17:47
考試要靠小朋友既臨場發揮, 佢太緊張 就最好教佢如何解決這問題先; 因為有朋友都同妳既case一樣, 但考試時取得很低分.
我覺得小朋友平日巳經很忙, 如果連最基本的課外活動都停埋真係好唔開心架, 最緊要佢明白 Play hard .... work hard, 可能對佢有幫助 
作者: 小伊 時間: 10-1-7 00:52
我又覺得分數真系好小事, 一世人讀書溜溜長，閑閑地20年架。最緊要令佢讀得開心, 有個快樂童年。每個孩子的發展速度和方向都唔同，6、7歲好唔等於大個醒。如果孩子的思維屬於多方面性，以現時的教育制度和考試內容系比較吃虧D，但真系無所謂。我個人不太認同公文數、公文中文的機械式操練，系就系對考試有效，但會桎礙咗佢地思考，而且又學唔到野。
作者: sadman 時間: 10-1-7 02:06
原帖由 bingo09110 於 10-1-5 14:39 發表
收到小女考試成績了, 2年級數學科考試48分,唔合格. 這一刻個心好難受,點解會這樣.
每天放學到補習社, 回家吃飯後, 都會同她溫習1.5小時, 但臨考試昤, 己溫好哂,都ok, 點知她考了不合格.現在很想取消她的所有課外活動 ...
小兒也是小二班,個人覺得數學真的比其它科如中閱練,寫作,reading & writing易温習得多,數學有路可捉,重點要熟練加减乘數,懂自我復查方法,大人教導小孩用紙筆分析題問,鎮防故惑題,時間加减法,cm,m,形狀等.萬變不離定律,難題也變機械式作答,只要肯温,多做練習,高分一D都不難.
作者: Mrs.Yellow 時間: 10-1-7 13:46
家長應先弄清楚原因，而不應強加自以為有用的方法給小朋友。例如在家識晒，考試又不懂得作答，是否心理障礙還是考試技巧出了問題。如答得出又寫不好，是學障等。
作者: bingo09110 時間: 10-1-8 11:20
這幾天, 我如常都是每日溫1.5小時, 重點溫番果日錯果d題目, 問完又再問佢,
我對佢感覺, 還是沒有信心
點解考試時,她還這樣答的, 真係令我..... 我都唔知點教
1) 5隻狗,有多少隻腳? 她答: 5隻
2) 樹葉是用厘米尺還是軟尺量度?她答: 軟尺
3) 媽媽買了10件蛋糕, 每件9元, 問媽媽買了多少
(隔離寫了買4送一) ? 她答90元
原帖由 sadman 於 10-1-7 02:06 發表
小兒也是小二班,個人覺得數學真的比其它科如中閱練,寫作,reading & writing易温習得多,數學有路可捉,重點要熟練加减乘數,懂自我復查方法,大人教導小孩用紙筆分析題問,鎮防故惑題,時間加减法,cm,m,形狀等.萬變不離 ...
作者: pony媽媽 時間: 10-1-8 12:21
除了數學科, 你女兒的其他科目是否沒問題呢?
如是, 可能她對數字不太敏感, 或甚至有d抗拒, 很多小孩都有這個問題。我仔都曾經試過係咁, 而且答得好快(但錯), 係因為完全冇思考過, 我知你一定感到好生氣, 因為我當時都好生氣, 甚至大力拍打張枱....
後來我試下用圖像記憶法，他做數要用多d白紙, 例如：
1) 5隻狗有幾多隻腳, 叫他畫隻狗, 叫他數下幾多隻腳, 然後寫個4字, 乘數表一定要熟, 咁5隻即x幾多?
2) 樹葉用咩量度? 試攞塊葉用軟尺量, 要量得好不方便個樣, 佢會在腦內有個印象, 量葉子用厘米尺時好輕鬆...
睇etv都有用, 講解好清楚的,
[url=http://www.sfc.edu.hk/AM/trc/etv/maths.htm]http://www.sfc.edu.hk/AM/trc/etv/maths.htm[/url]
3) 買蛋糕個題也是要教他畫圖慢慢睇, 會清楚d...
有些有d數大人覺得好容易, 但是小孩未必明白, 唯有用她較易明的方法, 慢慢引導她。
原帖由 bingo09110 於 10-1-8 11:20 發表
這幾天, 我如常都是每日溫1.5小時, 重點溫番果日錯果d題目, 問完又再問佢,
我對佢感覺, 還是沒有信心
點解考試時,她還這樣答的, 真係令我..... 我都唔知點教
1) 5隻狗,有多少隻腳? 她答: 5隻
2) 樹葉是用厘米尺還 ...
[ 本帖最後由 pony媽媽 於 10-1-8 12:27 編輯 ]
作者: bingo09110 時間: 10-1-8 12:24
其他科都合格
原帖由 pony媽媽 於 10-1-8 12:21 發表
除了數學科, 你女兒的其他科目是否沒問題呢?
如是, 可能她對數字不太敏感, 或甚至有d抗拒, 很多小孩都有這個問題。我仔都曾經試過係咁, 而且答得好快(但錯), 係因為完全冇思考過, 我知你一定感到好生氣, 因為我當時 ...
作者: pony媽媽 時間: 10-1-8 12:29
除了數學
科, 你女兒的其他科目是否沒問題呢?
如是, 可能她對數字不太敏感, 或甚至有d抗拒, 很多小孩都有這個問題。我仔都曾經試過係咁, 而且答得好快(但錯), 係因為完全冇思考過, 我知你一定感到好生氣, 因為我當時都好生氣, 甚至大力拍打張枱....
後來我試下用圖像記憶法，他做數要用多d白紙, 例如：
1) 5隻狗有幾多隻腳, 叫他畫隻狗, 叫他數下幾多隻腳, 然後寫個4字, 乘數表一定要熟, 咁5隻即x幾多?
2) 樹葉用咩量度? 試攞塊葉用軟尺量, 要量得好不方便個樣, 佢會在腦內有個印象, 量葉子用厘米尺時好輕鬆...
睇etv都有用, 講解好清楚的,
[url=http://www.sfc.edu.hk/AM/trc/etv/[url=http://das.baby-kingdom.com/www/delivery/ck.php?n=a136fd01&cb=11224461]maths
.htm]http://www.sfc.edu.hk/AM/trc/etv/maths.htm[/url][/url]
3) 買蛋糕個題也是要教他畫圖慢慢睇, 會清楚d...
有些有d數大人覺得好容易, 但是小孩未必明白, 唯有用她較易明的方法, 慢慢引導她。
作者: yovin 時間: 10-1-9 04:40 標題: TRY !
功課自己做. 我回家同佢一起對答案, 有錯先用螢光筆在題號點上,THAN教他怎去計(不會說ANSWER),讓他明白錯什麼. 每星期自己出TEST給他。把之前錯過的,改一改俾佢做。
每天我會出4題，困難的文字題給他,主要是+-X/。全對有獎賞積點.
平日生活上,多點運用.eg去購物和食飯,找回多少元?碟中有20隻蝦,我們一家4人,每人食多少隻?
我用獎賞積點的方式,去海洋公園,打機,看電影和禮物等,全用(日常)積點去計.當然賞罰分明.
作者: happy66 時間: 10-2-22 16:33
父母對小朋友讀書的成績真是越來越高 , 我都明白 , 70分 就想80分 , 80就想90分, 90分就想滿分 , 我都明白 , 覺得自己小朋友應該會好d.
作者: beywat496 時間: 10-2-22 21:10
我囡K3時文盲, 唔識字, 到小一比我勁谷, 而家小二, 仲比我勁谷緊, 中英文全部近100分, 可惜, 數學分 ...... 無眼睇。
我兩公婆好比心機教, 兩公婆的遺傳因子優良 (我兩公婆會考攞 A), 但係個囡真係谷激都谷唔起, 真係好痛心。
很多 bk 家長都話Kumon Maths 會幫到小朋友, 於是, 我買部 nds, 每早都做 四式運算等數學。 (我個人覺得Kumon 都是四式混算)。
最後, 結果無變, 囡囡數學仍然好差, 點算好。
難道數學真是天生的嗎 ?
作者: eviepa 時間: 10-2-22 23:28
Dear all,
我囡囡讀小一至小四時，數學都不好，單以這科計算，是band 3的機會不小。但我一向覺得初小的數學不需要特別處理，因為整數四則運算，時間可以解決一切，大概沒有智力正常的小學畢業生對此感到因難。到四年級上學期時，班主任更要求我多點留心她的數學，但我的時間表是待五年級，學小數、分數四則運算這較為抽象的時候才出手。反而在初小，我讓她大量看中、英文書，多點和她傾談，天南地北，啟發智慧。又讓她多些玩耍，開開心心地讀書。呈分試前的考試分數我從來都不介懷。
到年級時奇蹟出現，她的智慧強了，我沒有像原先的計劃花很多時間於她數學科上，然而她的數學漸入佳境，讀六年級時更憑藉五年級良好的數學成績，入讀數學拔尖班。
她數學之所以突飛猛進，有可能是受惠於小弟開放式的教育，及對她的智力啟發。所以在初小時啟發智力，很可能比谷高分數來說更加有效、更長遠。
eviepa
作者: LS+MCS 時間: 10-2-23 08:50
當我睇完關於嗰單中三學生滑雪嘅意外新聞後，覺得個仔唔合格有MUD嘢大不了？最緊要係佢健健康康，一家人齊齊整整開心生活至係無價寶。
我個仔小一時全班39人佢考36，但我每次都對佢下次測譣或考試抱有期望，經過多年努力佢終於喺小六最後一次呈分試升倒上BAND 1成績，所以大家只要唔好氣餒就有希望 !
作者: mayc 時間: 10-2-24 14:32
eviepa:
多謝你的分享!
我也分享下我大仔的情況!我大仔小學時數學也是馬馬,粗心大意,我也試過做公文數,但起色不大, 而且他做功課速度慢,學校功課也不少,再做公文就百上加斤,所以他做到乘數便停了, 不過我先生認為他問題不大,主要是數學是分開解難和運算兩大範疇,我仔主要是運算不小心,所以考試分數不高,但在解難方面並沒有大問題,(有時甚至是一點就明)所以我們沒有再同佢補數學,而所謂的"操數",對阿仔又好似沒有很大的作用,4年級他的數學老師是"操"的老師,他做到"怕怕"
,由話鍾意數學(開學時),到話唔鍾意數學,
而5,6年級的數學老師是自稱唔操學生的老師(因為家長問點解數學功課"甘"少
),我地無另加數給他做,但係佢又好似d數越來越好喎!
現在中一,他的數學越見有起色,我想最主要是唔好令小朋友覺得自己差,同埋家長太緊張,他們會知道的,對他們會有壓力,所以好似eviepa那樣,我想對小朋友會更好!
原帖由 eviepa 於 10-2-22 23:28 發表
Dear all,
我囡囡讀小一至小四時，數學都不好，單以這科計算，是band 3的機會不小。但我一向覺得初小的數學不需要特別處理，因為整數四則運算，時間可以解決一切，大概沒有智力正常的小學畢業生對此感到因難。到四年級上學期時， ...
[ 本帖最後由 mayc 於 10-2-24 14:57 編輯 ]
作者: 黃巴士 時間: 10-2-24 20:11
原帖由 LS+MCS 於 10-2-23 08:50 發表
當我睇完關於嗰單中三學生滑雪嘅意外新聞後，覺得個仔唔合格有MUD嘢大不了？最緊要係佢健健康康，一家人齊齊整整開心生活至係無價寶。
我個仔小一時全班39人佢考36，但我每次都對佢下次測譣或考試抱有期望，經過多年努力佢終 ...
同意!!
小朋友的學習路程是長途賽, 長跑手. 今日落後了, 唔代表以後都會輸.
起跑快了, 唔代表一定會KEEP得住仍然是"頭".
作者: overview 時間: 10-2-24 21:48
當初我都認為小朋友係小學階段都唔洗咁谷, 都80幾分, 只係錯d careless mistakes, 點解仲要不停花咁多時間去操exercises為攞多幾分, 我寧願用時間比小朋友睇多d課外書, 多d其他活動....但而家升中既制度, 唔係咁講法啦, 你成績唔夠好, 即無接近90分,都做唔到band 1生, 小朋友唯有變成考試工具, 不停操papers.
原帖由 黃巴士 於 10-2-24 20:11 發表
同意!!
小朋友的學習路程是長途賽, 長跑手. 今日落後了, 唔代表以後都會輸.
起跑快了, 唔代表一定會KEEP得住仍然是"頭".
作者: do-re-me 時間: 10-2-25 02:13
每次我女成績唔好或唔乖, 我都好想取消所有課外活動
, 成日心大心細, 敢諗係唔係好唔'arm'?
其實唔夠時間讀書, 但我女唔想cut課外活動, 應該點做好?
[ 本帖最後由 do-re-me 於 10-2-25 02:18 編輯 ]
作者: 黃巴士 時間: 10-2-25 12:31
你去衡量吓啦!!
取消所有課外活動的時間去溫書, 她可以接收到書本幾多呢??
假設取消3小時, 係咪等於多了3小時的書本吸收知識呢??
可能只有1小時是她吸收到的. 餘下的2小時可能是白費, 又可能多了2小時的諄外活動, 令她更有POWER去操多2小時的書本.
好像工作咁, 1星期7天工作, 為何要有1天休息日呢??
適當的調劑, 會令大人/小朋友更有衝勁.
如果時間唔夠, 不如CUT少少, 唔好CUT灑佢D課外活動.
小朋友沒活動, 沒處發洩精力的.:;pppp:
作者: overview 時間: 10-2-25 13:00
其實可唔可以同大家分享小朋友由尾四, 點係幾年間可以爭入前十幾名呢? (我相信要成為你講既band 1生, 係39人中都必定要考頭10-13), 其中既學習過程係點呢? or 係小朋友突然開hill? 是否要out晒所有學校或課外活動呢? 又是否不停在外操卷呢 ?
thanks!!!!
原帖由 LS+MCS 於 10-2-23 08:50 發表
當我睇完關於嗰單中三學生滑雪嘅意外新聞後，覺得個仔唔合格有MUD嘢大不了？最緊要係佢健健康康，一家人齊齊整整開心生活至係無價寶。
我個仔小一時全班39人佢考36，但我每次都對佢下次測譣或考試抱有期望，經過多年努力佢終 ...
作者: TINGMUM 時間: 10-2-25 13:02
我個仔都是果種做功課慢, 中文科操唔起的例子,而且一做中文功課就想睡覺. 幾行詞語用兩個鐘都寫唔起, 大人同小朋友都痛苦非常..... 我都是CUT了一些課外活動, 例如鋼琴,英文,游泳. 現在只剩下FENCING(學校學) 和中文公文(每次半份) 少了課外活動和慳了學野要帶出帶入的時間, 每天加了一些私人時間比佢做自己喜歡的事, 如看書, 玩玩具, 有時15分鐘, 有時半小時, 又洗腦式地灌輸學習中文的重要性, 可能每天有些少自由時間, 佢最近是精神好了, 集中注意力有D進步. 希望可以找到更好的方法改善他的學習態度!
原帖由 黃巴士 於 10-2-25 12:31 發表
你去衡量吓啦!!
取消所有課外活動的時間去溫書, 她可以接收到書本幾多呢??
假設取消3小時, 係咪等於多了3小時的書本吸收知識呢??
可能只有1小時是她吸收到的. 餘下的2小時可能是白費, 又可能多了2小時的諄外活動, ...
作者: 黃巴士 時間: 10-2-25 13:39
原帖由 TINGMUM 於 10-2-25 13:02 發表
我個仔都是果種做功課慢, 中文科操唔起的例子,而且一做中文功課就想睡覺. 幾行詞語用兩個鐘都寫唔起, 大人同小朋友都痛苦非常..... 我都是CUT了一些課外活動, 例如鋼琴,英文,游泳. 現在只剩下FENCING(學校學) 和中 ...
我自己點CUT都會剩返一項運動俾佢發洩精力. 仲會同囝囝商量, 佢同意先CUT.
我自己覺得多做運動可以令小朋友更有精神. 如果唔係我囝囝會愈做功課愈攰, 瞓極都唔夠.
有精神, 心情舒暢, 先有心機用腦運算.
大人返工都係啦, 大人就可以話就算無精神都可CONTROL到強迫完成. 小朋友眼訓就眼訓, 會HEA咗D功課或溫書"哦哦哦.", 可能一D都唔入腦喎.
無精神溫書時: -
囝囝: 你有教/講果咩??
我 : 有呀, 幾時幾時??
完全失憶....
浪費時間&真係令大家都辛苦!!
作者: do-re-me 時間: 10-2-25 22:45
陪太子讀書記住忍忍忍, 唔好發脾氣.
作者: 黃巴士 時間: 10-2-25 22:58
原帖由 do-re-me 於 10-2-25 22:45 發表
陪太子讀書記住忍忍忍, 唔好發脾氣.
我有時都會同佢講我陪佢讀, 會有難頂的時候. 唔知佢明唔明白?? 但起碼自己講出來舒服些.
但又雖然佢無答我, 但我直覺覺得佢有小小體諒及盡量改善的.
努力吧!!
作者: do-re-me 時間: 10-2-25 23:14
我就係想佢體諒下我, 比下面. 可惜佢仲未知咩係體諒.
作者: Smalljokerbb 時間: 10-2-25 23:38 標題: 回覆 2# do-re-me 的文章
無錯...小朋友考試成績唔好, 父母個心的確會有些難受! 但其實就算小朋友成績好好,做父母的心也有時會有一種無形壓力...有80分就想90分, 有90分就想100分...當你小朋友次次都100分, 你就會驚佢可否保持"100分"的紀錄.
我有個姪女, 她自小的校外同校內的表現都十分出色, 她小一上學期次次默書都100分, 考試科科成績亦是數一數二,但佢阿媽個心愈來愈不安, 對個女的成績愈加緊張,又怕個女面對不起"失手"....果真到下學期, 個女中默錯了一個字, 個阿媽竟然好不開心,忍不住罵了個女一頓!
其實大家都要放鬆些, 做父母是要幫助孩子提起學習興趣, 教他們面對和減低讀書壓力, 而"不是"增加他們的壓力...!!嘗試放開懷抱地享受陪伴孩子學習和成長, 喜與悲也共同度過!
[ 本帖最後由 Smalljokerbb 於 10-2-26 00:04 編輯 ]
作者: rosenok 時間: 10-2-25 23:47
http://www.ixl.com/
for pre- k - p6
作者: mattsmum 時間: 10-2-26 09:46 標題: 回覆 1# rosenok 的文章
thank you for this site's information.
作者: 黃巴士 時間: 10-2-26 10:36
原帖由 do-re-me 於 10-2-25 23:14 發表
我就係想佢體諒下我, 比下面. 可惜佢仲未知咩係體諒.
慢慢來, 始終都係細, 未完全懂事, 所以咪要我們家長勞氣去教囉.
學習體諒別人, 有同理之心, 除了是小朋友要學, 大人都要不斷反思&體諒.
作者: LS+MCS 時間: 10-2-26 11:28
原帖由 overview 於 10-2-25 13:00 發表
其實可唔可以同大家分享小朋友由尾四, 點係幾年間可以爭入前十幾名呢? (我相信要成為你講既band 1生, 係39人中都必定要考頭10-13), 其中既學習過程係點呢? or 係小朋友突然開hill? 是否要out晒所有學校或課外活動呢? ...
話就話係幾年，其實真係整整鬥爭咗六年：
1) 補習 - 因我係working mom，其中幫倒我buy time嘅方法就係送佢去補習社，但一對一補習實在太貴啦！我send阿仔去嗰D係一班小朋友一齊補，只係make sure佢完成當日嘅功課，至於温習都係自已搞掂，所以每日都好趕好辛苦好疲勞。到阿仔四年級，就真係送咗佢去操paper嘅補習班，因為好現實，真係' 求學只為求分數'。
2) 活動 - 我冇特別去cut晒所有activities，因為就算cut咗所多出嘅時間都唔可能完全用番黎温習。我反而最錯係小一叫阿仔參加太多活動。我見其他家長好肯洗錢俾小朋友學嘢，所以自已心理上覺得參加得唔夠人多就一定蝕底，簡直係super stupid，搞到阿仔完全冇focus，自已又浪費時間同金錢。
3) 開竅 - 其實開竅嘅係自已。我記得之前自己喺公司出哂名緊張阿仔，一到考試又要請假又要早走。有一次，我公司嘅同事叫我唔好太緊張阿仔功課嘅時候問咗我一句：妳生阿仔出黎覺得最緊要係mud ? 我答當然係希望佢開開心心做人啦 ! 當下自己好似突然醒咗一醒，心裡面諗令到阿仔最唔開心就係自己，因為每晚番屋都係趕温習，有時重搞到家嘈屋閉，大家唔開心。自此，我慢慢調節自已。我每日打電話番屋企，再唔係趨阿仔做功課或者問佢默書幾多分，而係問佢 : 你今日開心嗎 ?
時間同自己嘅鬥心、耐心係令阿仔進步嘅主要因素，我係過來人，完全明白大家嘅感受！唔好俾自己同小朋友太大壓力！
[ 本帖最後由 LS+MCS 於 10-2-26 11:29 編輯 ]
作者: Terry280905 時間: 10-2-26 11:57
原帖由 LS+MCS 於 10-2-26 11:28 發表
話就話係幾年，其實真係整整鬥爭咗六年：
1) 補習 - 因我係working mom，其中幫倒我buy time嘅方法就係送佢去補習社，但一對一補習實在太貴啦！我send阿仔去嗰D係一班小朋友一齊補，只係make sure佢完成當日嘅功課，至於温習都 ...
看完您的POST, 我都係會問阿仔:
今日有幾多功課 ?
或者問佢默書幾多分.
等我由今日開始改啦.
作者: ALAL 時間: 10-2-26 16:33
mayc,
小兒小五,如果是數學解難的能力不足,應怎辦?
原帖由 mayc 於 10-2-24 14:32 發表
eviepa:
多謝你的分享! 我也分享下我大仔的情況!我大仔小學時數學也是馬馬,粗心大意,我也試過做公文數,但起色不大, 而且他做功課速度慢,學校功課也不少,再做公文就百上加斤,所以他做到乘數便停了,:s ...
作者: brian61950 時間: 10-2-26 18:30
一次的成敗不要太在意啦,學習是超級馬拉松,明白問題所在,針對並改進或用其他強項追囉.
作者: do-re-me 時間: 10-2-26 21:08
LS+MCS,
thx 你的分享.
我女每日放學由落校車開始到晚上睡覺都不停同我講今日在學校點點點, 阿邊個邊個又點點點搞笑......
一路做功課都繼續講......
我都好enjoy和珍惜這些親子對話, 但都耍同佢講無時間了, 快d寫.
作者: happyvalley 時間: 10-2-26 23:33
無言，有時都唔知自己緊張 d 乜野！總知好緊張，無 la la 搵 d 野比自己，我真係想知點解。
搞到係地鐵失控，同人吵架， 。
| 歡迎光臨 教育王國 (/) |
Powered by Discuz! X1.5 |