教育王國

標題: 有咩方法可以減少抄錯字，好苦惱 [打印本頁]

作者: zoeli68 時間: 09-12-14 10:37 標題: 有咩方法可以減少抄錯字，好苦惱

小囡自小一至而家小四，無論練習，考試，中英數常都成日抄錯字，中文重組句子是重災區，英文閱讀理解文章有的，佢抄下來都會抄錯、數學仲離譜~~草稿24,口講住24，都可以寫成28.唉~~~有咩方法可以改變佢，是否是讀寫障礙？

作者: VeryHappyMum 時間: 09-12-14 14:40

有没有請教老師是否讀寫障礙？如是的話學校應可支援或提供協助。我家樓下的社區中心也有閱讀班協助讀障小朋友，但要先接受評估確定情況。

我記得有讀障問題的人是會把字「反轉」來寫的，不知你千金是不是這類個案。

作者: zoeli68 時間: 09-12-15 10:09

老師話唔係讀障，補習miss都話唔係.應該係性格問題，看到佢成績係甘跌，真係冇計可施，而家唯有罰佢抄字典，試下先。

作者: 丸媽媽 時間: 09-12-15 20:50

原帖由 zoeli68 於 09-12-15 10:09 發表
老師話唔係讀障，補習miss都話唔係.應該係性格問題，看到佢成績係甘跌，真係冇計可施，而家唯有罰佢抄字典，試下先。

路過入黎望下,睇到樓主你囡囡情況,最後見到呢個"罰"字,忍唔住想搭句咀

雖然我唔清楚你小朋友學習上出左甚麼問題,但我相信佢自己都唔想,再者可能佢比其他人付出更大努力仍會事倍功半,想方法補救係要,但最好對症下藥。

因我大仔也有其他學障問題,像你囡囡這情況也偶有出現,以我了解阿仔出現此情況原因,問題係出自"視覺空間感弱",他也被評為非讀寫障礙的一群,但抄寫情況仍很差,跟過職業治療,會給他一些有格仔線圖畫摹畫,或做一些找不同練習(即在幾個差不多圖形中,找出一個方向或形態不同圖形出來的練習),上述所講兩類練習,多會在坊間售賣的幼稚園練習本出現,可考慮給她做下,總好過傷口灑鹽

[ 本帖最後由丸媽媽於 09-12-15 20:52 編輯 ]

作者: zoeli68 時間: 09-12-16 11:29

多謝你的意見，等我試下先。我想帶佢去做評估，但不知有冇政府部門可以做？

作者: 唔係媽 時間: 09-12-16 14:23

其實有好多人, 包括老師/補習班導師都唔知咩係讀寫障礙, 你要去做評估至知, 唔好估估下.知道後可以找唔同方法去幫佢.
政府有得做, 不過要等好耐, 可以問下學校有冇教育心理學家可以安排,有啲機構做, 不過都幾貴, 但就最快.

歡迎光臨教育王國 (/)