教育王國

標題: 6月6日官津校叩門時,主決人係校長定副校長?唔該! [打印本頁]

作者: kittymam 時間: 09-12-12 20:15 標題: 6月6日官津校叩門時,主決人係校長定副校長?唔該!

一直以為叩門時,面試和收生決定權都是校長,但近排聽人講係原來係副校長主理而非校長,是真的嗎?若是真的,咁副校長係內務副長定外務副校長?有無人知詳情啊?

唔該,另外可否答下我的問題:
6月6日各日星期日若無抽中是否即去叩啊?
要帶D乜嘢啊?
要叩幾間點安排時間?可否夫妻分行去交CV就得,定要帶小朋友去先得?
通常叩門幾耐會知收唔收?

無經驗乜都唔知,宜家好擔心,唔該大家幫下我!

作者: 咩咩豬 時間: 09-12-12 21:40

每間學校都唔同.

作者: BB小WIN神 時間: 09-12-12 22:27

其實不論是誰主決，都要取決於小朋友的面試表現，(＋／－)家長的面試表現，另外有些學校還會加分給有關係的幼稚園呢！

一般是即日叩門的。

向叩門學校取申請表，相片數張、成績表及副本、幼稚園校長的推薦信，自薦信，課外活動或比賽的證明書及副本，(+/-)统一派位的申請單存根。

因各校安排面見時間都不同，但一般都在放榜後一至兩周內聯絡面見，也有一些學校在交申請表時即刻同你約時間，你要自己執生喇！

一般只需父母交申請表，小朋友不需在場！

收生安排每間學校都唔同，有些在面見後立即通知結果，有些則在在面見後幾日內電聯通知結果。

希望以上經驗可以幫到你。

順帶一提，有些學校只接見由自選至統一派位都是填該校為首志願的小朋友呢！

歡迎光臨教育王國 (/)