教育王國
標題: 不知所謂的鑽石山靈糧幼稚園 [打印本頁]
作者: littlefatball 時間: 09-12-8 07:57 標題: 不知所謂的鑽石山靈糧幼稚園
知道曾校長最近忙於搞藍田幼兒班,就算不是,平常也多數在銅鑼灣...很少到其他分校...
但也不應置孩子的學習於不顧...一個學期沒有英文堂,你們覺得過分嗎?學校的外籍教師,出現了九月初的幾堂課就一直請假...家長初頭沒有過問(是不好意思),到了十月尾,開始有人問,學校(主任)說因為老師請了8星期假,暫時請不到人.更撒謊說班住任會負責教,你咪當我地D子女係白痴,一問就知班主任有沒教啦!所有小朋友都話..."沒",即是3個月唔上英文課!沒人理,沒人跟進...
老師終於請悠長的假期,上星期回來了...可惜,不夠3天,又開始請假
這些不知所謂的學校,有校長=沒有,總之,就係"唔理"
唔關我事,又唔係我D仔女,你咪阻住我搞藍田靈糧...
不知所謂,大佬!我個仔K3,出年小一啦!
唉!你地明白我的憤怒嗎...
橫店學校都置孩子於不顧...可以去消委會告學校嗎?
"貨不對辦"
[ 本帖最後由 littlefatball 於 09-12-8 14:00 編輯 ]
作者: yaulinda 時間: 09-12-8 08:50
校長應向家長有所交代,
始終兒童正處於學習黃金期,
沒有了英語刺激,
實在阻礙了成長!
作者: lafayette 時間: 09-12-8 09:01 標題: 回覆 1# littlefatball 的文章
雖然同集團, 咩唔係一間幼園一個校長咩? 點解會成個集團一個架?
作者: littlefatball 時間: 09-12-8 09:14
原帖由 lafayette 於 09-12-8 09:01 發表 
雖然同集團, 咩唔係一間幼園一個校長咩? 點解會成個集團一個架?
校長只有一個,其他每分校有所謂一個副校長,都係理得你去死!分分鐘連英文老師狂請假都沒上報!
作者: cattylui 時間: 09-12-8 12:16
如屬實，樓主可向教統局投訴。不是要挑起事端，但如你巳向學校反映而得不到正面回覆，唯有先禮後兵
明天升小一，可以想像你有多緊張 加油！
作者: littlefatball 時間: 09-12-8 13:44
原帖由 cattylui 於 09-12-8 12:16 發表
如屬實，樓主可向教統局投訴。不是要挑起事端，但如你巳向學校反映而得不到正面回覆，唯有先禮後兵 明天升小一，可以想像你有多緊張 加油！ ...
呢件事令我夜晚都訓得不好,學校不理,我想投訴,投訴又怕
影響個仔,唔投訴又覺得對所有小朋友好不公道...
(包括我個仔啦!)
總之,學校如果唔係甘樣唔理...就不會這樣!
多謝你的回應及建議!
作者: nicolepa 時間: 09-12-8 16:29 標題: 唔係咁呀,升小之前玩d咁嘅嘢,唔係咁唔負責任呀
原帖由 littlefatball 於 09-12-8 13:44 發表
呢件事令我夜晚都訓得不好,學校不理,我想投訴,投訴又怕
影響個仔,唔投訴又覺得對所有小朋友好不公道...
(包括我個仔啦!)
總之,學校如果唔係甘樣唔理...就不會這樣!
多謝你的回應及建議! ...
應該聯絡教育處跟進...
唔係咁呀,升小之前玩d咁嘅嘢,唔係咁唔負責任呀,
密切注視你的帖子,繼續上報進展..
[ 本帖最後由 nicolepa 於 09-12-8 16:31 編輯 ]
作者: bebe 時間: 09-12-8 17:38
呢間野,上月我見識過~因為好近我屋企,同區黎講算係有口碑~
不過去完~~多謝晒!!唔合我!
我去面試K1,用左足足用左一個鐘~大部份係~~等~同排隊!!
頭15分鐘,一至十組人安排一個班房比D玩具佢等~個15分鐘2家長+1個小朋友 X 10組,足足30人 ,得一個老師係到好忙咁寫野,我初來步到,都唔知等咩~15分鐘後,個個好忙既老師,逐個叫一位家長問佢讀唔讀佢地藍田既PN~
(我當時都知自己唔讀呢間,一口答唔返)個時只想快完,因為小朋友開始欠耐性~
跟住佢地要人順NO.排隊出去玩,從中觀察小朋友喎~(呢樣都算正常既面試)點知行出去又要等~~又要排隊排隊,個度又10分鐘啦,我同亞仔去洗手間佢地重排緊~出到去玩左3分鐘左右,又再排隊~
又要順號碼,去隔DD個到玩樂器,去到個度就大件事,又有大大小小既鼓,又木既樂器......D小朋友開始失控,因為比得1分鐘都無比佢地玩,D小朋友梗係唔多肯,係呢個時候,家長又要去排隊,佢D老師就去CHECK D樂器,應該係怕人整爛掛,如果怕整爛一早就唔洗做呢PART啦,
又無老師望下D小朋友表現,超無聊!!~~跟住再隊見校長啦~~等左又10分鐘左右,~~係個度又坐左10分鐘,比小朋友聽下老師講野,當年已經有小朋友係度喊架啦,有D出左去無再返入黎!!跟住介紹下個2位大人物(校長同副校長)跟住要遂個同校長BYEBYE,就可以走~~
如果咁既安排~即係呢間學校有待改善羅~我唔知佢目的係考驗家長耐性,定忍耐力!!!!!!!
樓主應該係有耐性同忍耐力~~如果對自己既仔女遇到唔合理既事或者對佢成長既影響,作為家長點可以唔出聲~
[ 本帖最後由 bebe 於 09-12-8 17:45 編輯 ]
作者: littlefatball 時間: 09-12-8 18:19
原帖由 bebe 於 09-12-8 17:38 發表
呢間野,上月我見識過~因為好近我屋企,同區黎講算係有口碑~
不過去完~~多謝晒!!唔合我!
我去面試K1,用左足足用左一個鐘~大部份係~~等~同排隊!!
頭15分鐘,一至十組人安排一個班房比D玩具佢等~個15分鐘2家長+1個小朋友 ...
係呀!最搞笑就係成間學校上下午夾埋幾百人，看過只有幾個家長在討論區投訴下，私底下投訴的就不知道了...呢間學校D家長的忍耐力真係好高，包括我自己在內，而家忍無可忍要在此發洩...及尋求意見。聽日，真係想試下打去教署投訴，不過，未試過，有D驚。
作者: littlefatball 時間: 09-12-9 09:43
想請問如果想去教育局投訴,可以點做?
係咪一定要寫信?打電話可以嗎?
作者: kls2006 時間: 09-12-9 11:00
我剛剛先在教育局投訴我個仔間幼兒園的制度不合理，在中途其間突然換左班主任老師，(個老師不是辭職，而是被掉去k3班教喎....長話短說。)我還cc埋果間學校的聯會，將這情況公諸於世....你先寫封詳細交待事件的信，若然你想校方跟進此事時，記得要留下你的姓名和聯絡電話呀...
因為我實在太不滿這間幼兒園，所以我都決定幫個仔轉校了...
原帖由 littlefatball 於 09-12-8 07:57 發表
知道曾校長最近忙於搞藍田幼兒班,就算不是,平常也多數在銅鑼灣...很少到其他分校...
但也不應置孩子的學習於不顧...一個學期沒有英文堂,你們覺得過分嗎?學校的外籍教師,出現了九月初的幾堂課就一直請假...家長初頭沒 ...
作者: sissy0531 時間: 09-12-9 11:22
呢間o野真系勁差！我帶阿女去九龍塘果間面試，又系，D安排完全唔合情理，排隊，等，排隊，等，上樓，落樓，人都比佢玩殘，等甘耐，阿女幾好狀態都唔耐煩啦！
作者: onchai 時間: 09-12-9 12:31
兩間靈糧係唔同 group 架喎!!! 我都有帶阿仔去 in 九靈, 個安排真係好差, 老師又冇乜笑容~
反而我幾欣賞藍靈 interview 既安排喎, 唔知係咪好彩, 我地唔駛等好耐, 同埋我幾鍾意佢地 interview 既形式, 比時間小朋友玩下 warm up 下, 又有個模擬上堂老師唱歌仔 session, 校長從旁觀察比分... 總好過d 一去到就坐低單對單問問題既面試 (個人感覺only)~
想問下樓主, 除左今次事件, 你對呢間學校有咩comment 呢?? thx~~
原帖由 sissy0531 於 09-12-9 11:22 發表
呢間o野真系勁差！我帶阿女去九龍塘果間面試，又系，D安排完全唔合情理，排隊，等，排隊，等，上樓，落樓，人都比佢玩殘，等甘耐，阿女幾好狀態都唔耐煩啦！ ...
作者: chung222 時間: 09-12-9 12:39
一定要投訴讚石山靈糧,我覺得小朋友現在真是學習黃金時間,一個星期沒有外藉老師都唔得啦,何況話幾個月
作者: sam9035 時間: 09-12-9 12:46
我帶我個女上個月14號朝早9:30 面試，成個過程一小時多啲，但我又覺得幾好喎，我地準時到達，樓下有些EE(相信是家長義工)指示我地上去登記，登記完跟住老師帶入去大房玩，尤於以為只可以一位家長入去所以我無入等媽咪帶，過左一陣我見其他後來的家長都可以兩個一齊帶小朋友入內我就再問職員，佢話爸爸其實都可以一齊入去，入到去聽我太太講返都有問佢有無興趣比小朋友讀藍田N班，當我入返去時都差不多玩完玩具，老師編number叫小朋友的名和line-up去另一間房面試，中間經過一個掛左好多裝飾的課室(相信是音樂室)，我諗佢地唔係專登等小朋友玩嗰啲樂噐，只係去真正面試的課室前經過這裡而焉，到真正面試時由老師從旁觀察小朋友玩耍，又會間中問問小朋友問題，評估我個女的老師叫詠詩老師，我覺得佢和當日其他老師都幾nice吖，Interview大約10分鐘，無錯，又要排隊去另一間課室，老師叫小朋友圍埋一齊坐，家長坐or企喺後面，我都唔知仲乜事，原來有一個老師帶小朋友唱歌，如是者玩了一輪，又到另一位老師replace頭先位老師，今次係講故事，不過喺呢間課室度我都認為時間長左啲，最後就係你地所講的2位大人物出場啦，我女女被安排見和say goodbye to副校長，但我女女有個缺點，她見到後生啲和笑容多啲的Miss會肯答嘢同有交流，見到年紀大啲和嚴肅啲的老師會唔啋人，佢就係咁唔啋副校長又唔出聲，我地11月30號收到result話waiting，我地都覺得可惜，因為before見校長前她表現一直好好，可能同見校長前那段暢遊時間太長有關，但整體嚟講我又覺得佢地係有heart攪好個interview，如果唔係都唔駛花咁多時間去in小朋友，又比晒爸爸媽媽齊齊入，需然迫同混亂啲，但我想佢地都係重視family整體性，想爸爸媽咪都清楚了解成個過程，SC和KV我都有考，時間就係好快，但會唔會太流水式和commercial？還有一樣我好欣賞就係可以網上交表，我只需把30元入數紙和小朋友相片上載就okay，唔駛咁多回郵信封，呢樣安排都唔錯，不過佢地始終係一間happy school，如果讀完三年再上傳統小學都有一定難度
[ 本帖最後由 sam9035 於 09-12-9 12:47 編輯 ]
作者: littlefatball 時間: 09-12-9 13:05
原帖由 sam9035 於 09-12-9 12:46 發表
我帶我個女上個月14號朝早9:30 面試，成個過程一小時多啲，但我又覺得幾好喎，我地準時到達，樓下有些EE(相信是家長義工)指示我地上去登記，登記完跟住老師帶入去大房玩，尤於以為只可以一位家長入去所以我無入等媽咪帶，過左一陣 ...
我都好同意你的講法,所以,當年我都挑了它!
而且,在很多方面都是好的,如果唔係,都唔會呢幾年有D口碑,
但呢件事真係令人不可忍呢!
作者: Sorb 時間: 09-12-9 15:52
Fully understand the worry, but I think no use to complain to EDB (教育處) for this case. The HK government encourages KG to use 廣東話教學 , English lesson is not a MUST for KG, and no English teaching even fits the EDB's encouraged policy.
I think the best and most effective mean is to write letter to the 辦學團體高層, skip the principal.
原帖由 littlefatball 於 09-12-9 13:05 發表
我都好同意你的講法,所以,當年我都挑了它!
而且,在很多方面都是好的,如果唔係,都唔會呢幾年有D口碑,
但呢件事真係令人不可忍呢!
作者: fostermak 時間: 09-12-9 16:16
littlefatball:
我也是鑽石山靈糧家長,一個k1,一個k3,說不定可能k3的孩子跟你同班...
見到你的post,實在有點不吐不快,英文老師因腳傷請病假多個星期,當然對小朋友的進度有影響,校方這次安排亦令很多家長擔心,身為家長,當然希望校方交代下一步安排及難處所在...
其實家長有意見,學校設有多個公開渠道方便家長反映,內聯網有討論區+聊天室,你亦可以直接發電郵給校長/副校/主任/校董,送孩子上學直接跟校方表達,昨天曾校長來到鑽石山分校巡視,如果你在場的話,你大可以當面向她表達你的不滿...
要不然,可以找家教會家長,過往我有問題或要求,例如小朋友校車安排等,都會透過這些渠道,校方強調家校合作,非常願意和家長溝通,每次都迅速回應,尋求解決辦法,絕不敷衍了事,不信,你可以試試看...
坦白說,如果你有每天送孩子上學的話,你會見到上星期及今天英文老師是坐在小椅子,在學校門口迎接小朋友及授課,(見於兩個小朋友的校園相簿),相信她的腳傷還沒治好便回來...
這次事件,有意見的家長,相信不只你一個,表達的方式亦很多,我已將你的不滿電郵給校方,副校已經得悉並迅速回應,承諾會盡快處理,不如你等待校方的回應再決定是否投訴或下一步行動吧...
原帖由 littlefatball 於 09-12-9 13:05 發表
我都好同意你的講法,所以,當年我都挑了它!
而且,在很多方面都是好的,如果唔係,都唔會呢幾年有D口碑,
但呢件事真係令人不可忍呢!
作者: sam9035 時間: 09-12-9 16:38
fostermak
請問你會給你小孩子讀什樣的小學？Interview完之後我很喜歡DHLL (可惜waiting)，我自己是陳瑞祺小學畢業，如無意外也會比我女讀返陳瑞祺小學，但怕DHLL程度太淺追唔上小一(唔好怪我咁講)，因為好多家長都係咁認為，我而家有德望pm和聖母am的offer喺手，但睇小女性格似係不能坐定定睇書的人，是不是DHLL、九龍禮賢這類schools才啱佢呢？不過我都會寫封求位信去DHLL校長
[ 本帖最後由 sam9035 於 09-12-9 16:39 編輯 ]
作者: littlefatball 時間: 09-12-9 17:07
fostermak,
十分多謝妳的回應!一直知道你是一位很好，好熱心的家長，我都知道老師今天又回來了，她請假，一定有她的理由，我們都不怪她。但你有沒有看過內聯網的討論區已有幾位家長分別對此事發言，有些到後期言詞已不太客氣，直指其不是，及提出學校應有應變行動、和要學校要想想怎樣追回課程等，這些不是反映嗎?初期都有些回應，但到後期，你看不見連主任也懶理，由得那幾位家長生氣嗎?
當初，一開始見到有家長肯在討論區拿出來講，以為有救了，再看看事情發展，心知不妙，覺得學校真的想不了了之。你以為我真的沒有寄過信比曾校長嗎?可是，到現在也沒有回音，不知道是不是秘書沒有幫她CHECK 電郵。所以，才在此公開其不是。孩子讀了幾年，學校很多地方都很好，但我不想盲目追捧，這次，學校真的不對了。
很高興知道你再一次幫我們跟副校長說，希望她們能正視這件事情。老師雖然回來了，但失去的卻追不回來。
最後，真的再次多謝妳!
原帖由 fostermak 於 09-12-9 16:16 發表
littlefatball:
我也是鑽石山靈糧家長,一個k1,一個k3,說不定可能k3的孩子跟你同班...
見到你的post,實在有點不吐不快,英文老師因腳傷請病假多個星期,當然對小朋友的進度有影響,校方這次安排亦令很多家長擔心,身為 ...
[ 本帖最後由 littlefatball 於 09-12-9 17:10 編輯 ]
作者: littlefatball 時間: 09-12-10 09:03
原帖由 Sorb 於 09-12-9 15:52 發表
Fully understand the worry, but I think no use to complain to EDB (教育處) for this case. The HK government encourages KG to use 廣東話教學 , English lesson is not a MUST for KG, and no English teac ...
明白。但外籍老師英語課是學校收生時的招來，沒有外籍老師英語課不要緊，問題完全沒有、無人理。3個月沒有接觸英文，小朋友是學習的黃金時期，就係呢幾個月，我帶小朋友去考小學，間間學校都用英語問問題。你問我心唔心UP。學校根本就無理、連老師請甘耐假一開始都無主動公開交代。係到了後期，家長不斷問，先叫個老師SEND個E-MAIL 比家長。(那已是11月的事了。學校從來無主動交代，老師請了假，如何善後及家長應怎樣配合。失敗!失敗!昨天有一位善心家長說已向學校再3反映，副校承諾會跟進。我們就看看他們如何跟進吧!
作者: fatanna123 時間: 09-12-10 12:07
我都想講D野, 我家姐的女是於2006讀了1年K1, 但好不幸, 讀都完唔知自己讀左什麼, 好搞笑, 連自己個名都無印象!! 同我個女比較之下, 成個BABY!! (我個女都係K1)
後來我家姐馬上退學再找另外一間, 費時浪費時間!! 請各位家長小心留意一下.
作者: fostermak 時間: 09-12-11 00:42
littlefatball:
主任已在學校內聯網討論區回應有關英文老師近日因病缺課及校方安排一事,並表示一月起,會有多一位英文老師到任,分擔英文教務,你看完再決定是否要投訴吧...
那麼你的小朋友有沒有考到心儀的學校,還是仍在等待?
--------------------------------------------
以下是校方在內聯網的回應:
親愛的家長，
對於家長關注英文老師請假多月以致孩子英文課堂受影響一事，校方深切明白及理解。 唯老師請病假實乃校方難以估計之事，若班主任請假，本校定有足夠老師補上，但遇上外籍老師的話，則未有可以即時的代課老師，而且學校相信老師在兩星期後便可復課，因此亦沒有意識去進行招聘，唯有由班主任教授有關內容。高班老師們都異口同聲說英文老師請假期間，都是他們代為教授孩子英文，只是孩子一向由外籍老師教授英文，從他們角度認為沒有上英文課是可以理解之事。
英文老師Julia於9月26日告知校方要請病假至9月30日，期後延伸至10月15日，預計10月16日可以回校，校方考慮過課程雖然有所延誤，但待Julia回校後仍來得及補回，唯有先請班主任教授有關內容，跟進英文課程。 但不幸地，Julia於10月15日見醫生，再次延伸病假致11月26日，校方考慮各方面情況後，決定請代課老師跟進，於是刊登聘請廣告，耐何由由登報、收取求職信件、約見、考核至找到合適人選亦費時數週，而約見第一批老師後，更沒有合適人選，再約見第二批時，才有一位頗理想的老師，但當時已是11月17日， 而Julia 又將於11月26日回校，經商議後覺得訓練2天，星期六、日後不到3天Julia已可以復課，因此便擱置了。
現Julia 已於11月27日回校工作，她今週請了2天病假，其中1天要往醫院覆診，現時她仍在康覆階段，情況亦漸漸好轉，但亦難保不再請病假，於是校方仍決定暫時聘請多1位英文老師，於是校方致電該老師，誠邀他即時上班，幸好他尚未受僱於其他學校，但他希望在1月才到職。 無論如何，學校在下半年會安排兩位外籍教師，共同分擔三級課程，希望能為小朋友作出一些補償，望大家理解。
原帖由 littlefatball 於 09-12-9 17:07 發表
fostermak,
十分多謝妳的回應!一直知道你是一位很好，好熱心的家長，我都知道老師今天又回來了，她請假，一定有她的理由，我們都不怪她。但你有沒有看過內聯網的討論區已有幾位家長分別對此事發言，有些到後期言詞已不太客氣，直 ...
[ 本帖最後由 fostermak 於 09-12-11 00:43 編輯 ]
作者: fostermak 時間: 09-12-11 02:11
sam0935:
1.我會給小孩子讀什樣的小學？
---不傳統不催谷的小學,希望近似靈糧,基督教,老師有愛心,以學生為本,重德育,,令小朋友樂於學習,愛上學,相信小朋友學術水平不會差得去邊,呢d很重要,因為仲有十一年或十二年持久戰,係漫漫長路...
---我住果區校網麻麻,所以幫囡囡考左好多間私校+直資,結果響第一輪派位前,已經有好多間都好左佢,所以我地好安心慢慢考慮,靈糧呢三年對佢o既培育,實在功不可沒,據我所知,今年的同學仔有考私校/直資,雖然未知最後揀邊間,但暫時都唔錯,有d入到德望/優才/陳守仁/真道/音小/禮賢,有d入到女拔男拔second int...
2.淺
呢個問題,我係靈糧家長,都好關心,由靈糧收左大囡讀k1開始都成日問,我久唔久都會同下出面名校d媽咪交流下,又會問下靈糧一d有小朋友已升上小學的家長問,我嘗試咁樣答你啦
---學校冇考試,冇測試,冇默書,唔會考核你個小朋友今個星期或今個月或今年識左幾個字,但每個年級都有一盒字卡,每年字數不同,應該三年共有四百多字,等家長和小朋友在家親子玩識字遊戲,如果家長唔係將字下放埋一邊,小朋友應該識到唔少字...
---k2十二月先開始教小朋友寫"口/人"等,到今年k3,中文功課有寫詞語,配詞造句,o岩o岩開始左一份家課係剪報搵部首,
另一份功課係我最鍾意同囡囡做o既新聞分享,題材做法不限,最重要親子,可以係填字或臨摹,開始果陣,我地會揀幾份新聞叫佢揀一份出黎,逐字逐筆教囡囡寫讀後感,要引導下佢,到今個月,除左幾個字佢唔識要教佢寫之外,佢呢兩次佢已經可以我手寫我口,不假於人,自己寫讀後感,再返學上堂響同學面前分享,
例如介紹香港聖誕老人奪世界冠軍,囡囡自己寫讀後感:這個聖誕老人很了不起,他很棒.
例如介紹太和邨有個任借任玩過千件玩具的遊戲館,囡囡寫道:這個遊樂場很好玩,會有好多玩具,真好玩,我也想去玩東西.
---學校有"請聽我讀"閱讀計劃,我有親戚教小學,佢話某次囡囡讀o既英文故仔書係某小學小一o既讀物,另外前派我去旺角某小學聽簡介會,席間校方播放學生上課片段,片中學生朗讀圖書課睇o既就係囡囡響k2讀過的英文故事書,咁你覺得係淺定深,其實St cat都係睇緊同一套中文書...
---每年家教會搞的小一分會,前靈糧或現任家長會講番
,不論讀傳統小學或活動小學,小朋友適應得好好,成績名列前茅...
---選校係好個人o既選擇,不論傳統或活動教學,深或淺亦係一個比較,,就好似有人讀根德園,家長普遍好緊長仔囡學術成績,學校冇net teacher,覺得英文唔夠好,家長自己俾錢再搵外籍老師私人上門再補,咁一山又一山高,想更好更地道,或許應該考慮國際學校
其實家長配合都好緊要,學語言唔係單靠學校,係要有語言環境浸淫,例如屋企有賓賓或屋企人同小朋友多講多聽英文,英文先會好,自己唔識講,嫌唔夠咪額外加補,各取所需...
---你問該選德望/聖母/靈糧,只要間學校合乎你的要求和理念,就是好學校,最重要是你希望和囡囡未來三年點樣過,學校塑造成佢邊方面;我的體會是靈糧校方有教無類,唔似某d名校(如果你有留意bk的話)會迫追唔上進度o既小朋友走,反而學校好包容,好有愛心,我好放心俾兩個小朋黎讀,早前三歲半o既妹妹發燒,我地要佢在家休息,佢即刻話:我要返學,我鍾意返學,我可以戴口罩返學
咁耐以黎,佢係第一次話病都要返學,幾難得,佢以前讀另一間幼稚園從未如此講過...
原帖由 sam9035 於 09-12-9 16:38 發表
fostermak
請問你會給你小孩子讀什樣的小學？Interview完之後我很喜歡DHLL (可惜waiting)，我自己是陳瑞祺小學畢業，如無意外也會比我女讀返陳瑞祺小學，但怕DHLL程度太淺追唔上小一(唔好怪我咁講)，因為好多家長都係咁認為，我 ...
作者: ching070707 時間: 09-12-11 02:15
咁都得..真係好攪笑
原帖由 fatanna123 於 09-12-10 12:07 發表
我都想講D野, 我家姐的女是於2006讀了1年K1, 但好不幸, 讀都完唔知自己讀左什麼, 好搞笑, 連自己個名都無印象!! 同我個女比較之下, 成個BABY!! (我個女都係K1)
後來我家姐馬上退學再找另外一間, 費時浪費時間!! ...
作者: fostermak 時間: 09-12-11 02:24
sam0935:
其實我揀靈糧前都係因為睇左好多前靈糧家長o既post,不如抄黎俾你參考下,希望幫到你決定...
---------------------------------------------
BK家長1.
囡囡讀 DHLLC. LLC 功課不多, 但訓練出來的小朋友大部分都善於表達、自信、快樂及觀察力強. 學校的宗教教育也令小朋友有感恩和謙和的心.
由於決定入讀偏於傳統教學的小學, 所以 K3 開始, 替囡囡報讀了加強英語能力的興趣班 (以加強 Conversation 為主, 因平時家裡以講中文為主), 另外, 每天都和她一起看些英文書, 現在囡囡的英文能力也算可以吧, 中文和數學則沒有特別的安排, 據一般畢業生家長表示, LLC 的中文程度沒問題, 以我自己的經驗, 由於 LLC 沒測驗和考試, 家長平時最好還是抽一點點時間和小朋友複習學過的字較好
囡囡讀的英文興趣班, 有半數的學生來自你標題中的另一間學校, 坊間喜歡說讀某間 KG, 某科程度就特別高, 我認為家長的努力和配合反而比較重要.
選擇那間幼稚園, 其實很主觀, 當初選 LLC, 純粹是因 Buy 其教學模式 (LLC 的教與學曾獲教署獎項) 和喜歡學校師生相處的氣氛, 此外, 校長也給我十分好的印象.
----------------------------------------
2aaacccsss,
和其他較注重語文訓練的幼稚園比較，靈糧堂的普通話和英文可能是較弱。這個取捨可能是先訓練語文能力，還是先建構內在能力和生活態度的問題，這個問題真係因人而異，各人有不同的需要。如果家庭教育已經把後者做得很好，便可以選擇一間較注重學業的幼稚園去操一操；假如你認為小朋友的資質不弱，學業的問題遲早可以趕得上，最緊要從小替他塑造基本的態度和價值觀，那麼靈糧堂是一個很好的選擇。 個人認為學習普通話對我們香港人不是很困難，即使我幾十歲人才去學也趕得上。學習英文方面，始終要靠自己平時多讀、多聽、多講，如果父母親有能力有時間在家裡幫一幫，問題都不太大。
---------------------------------------
bk家長3
其實家長替子女選校前就要想清楚和打聽清楚心儀學校的一切, 然後在 K3 甚至 K2 時慢慢做好銜接準備. 我見周遭朋友, 不管入讀功課量多還是少, 課程內容深還是淺的幼稚園, 只要是想入 "傳統學校" 的, 每個都是額外大量 "加工加料"的, 要說入讀某一類型幼稚園就沒有小一銜接問題, 在我看來是好笑的. 在靈糧, 學到的東西並不少, 如果個個家長都好像其他 "名幼稚園" (其實我覺得靈糧也很 "名", 尤其在教育界 ) 家長般那麼 "努力", 升那一類的小學又會有什麼問題呢?
我的看法是, 幼稚園是個重要的啟蒙階段, 這時候最重要的是人格、品德修養、自理能力的建立, 同時, 千萬不要令孩子在此時養成默背少思考的學習模式. 家長如果心儀傳統名校, 不妨加強孩子語言的聽說能力, 平時多和孩子一起閱讀, 派回的工作紙儘量只站在協助角色, 讓孩子自行完成, 如果孩子升小一時都仍能記住在靈糧學到的一切 (家長不妨時時和孩子複習), 那麼, 我相信升小一不會有什麼問題的.
至於功課和寫字的問題, 靈糧 K1 時沒功課, K2 剛開始也只是簡單的書寫, 最好在此時讓孩子養成 "做完功課才玩" 的習慣, 剛開始字寫得不夠漂亮, 也不需全部擦掉重寫, 只要筆劃正確就好, 到了高班, 才慢慢要求字寫得好一點也未遲. 女兒現在一定在我回家前完成功課, 我回到家只需看看是否正確即可, 而且我發現升高班後, 可能由於小肌肉發展得更好了, 字寫得有進步.
昨天高班已收新聞剪報的本子了, 逢星期一交, 我正幻想, 每次不僅可從中學到表達力, 加上我打算讓女兒自行加上文字, 那麼, 她又可額外學寫不少字, 一學年後, "武功" 應該會精進不少吧.
-----------------------------------------
家長4
1.坦白講, 針無兩頭利, 因應每個家長想小朋友在幼年得到些什麼 ?
靈糧是母語教學的, 試想每天只有 3小時上課 x 5 天, 一週只有 15 小時, 要做包括 : 早會, 茶點, 學習排隊上廁所, 寫字, 大小肌肉練習, 宗教, 美術, 英語, 普通話....等很多的項目, 試問怎能做到英語能力會很好呢 ? 我自己認為語言 (英語或普通話) 等是要在環境中學習的, 成效才會好, 如您希望小朋友英語好, 除非您選一間全英語上課的學校, 這樣英語就會好, 但在全英語的環境下, 中文能力又如何呢 ?
我並非幫學校講說話, 我知道小朋友在學校的英語學習時間不多, 我也是想小朋友英語好, 所以我都會在課後再上英語班, 小朋友每週上 4 天英語 (3 1/2 小時), 我小朋友英語就好了 ! 如以計算則以佔了學校上課的一天多時間, 怎麼可能 ? 這是我小小的分享. 我會選擇小朋友在幼童期, 有效的誘導學習方法, 提高興趣, 學校生活愉快, 我覺得勝過催促學習, 正所謂 "早熟早殘", 純屬個人意見, 多多指教.
------------------------------------
回應9
靈糧是一間真正活動教學的幼稚園, 採校本教材, 沒有特定的教科書, 如果家長以學校教材來評定課程深淺, 那或許可算淺, 但到校參觀學生所學, 又絕不可算淺, 學生學的不是死記硬背的知識, 而是透過實驗、觀察來了解一些原理及基礎觀念.
學校又透過閱讀計劃讓學生認識中英文字, 所以, 即使孩子寫的字可能不及某些幼稚園, 但認字及閱讀的能力絕對不差.
我喜歡靈糧的以孩子為本, 以及注重孩子的全面發展, 但如果家長認為培育孩子只是學校的責任, 自認懶, 那可能就不太適合, 因靈糧極重視家校合作, 親子互動和活動是不會少的.
靈糧不單單是開心吧。可能你的確要了解靈糧、你為什麼要入靈糧，你期望幼稚園的學習能帶給你的孩子甚麼？這是最重要的關鍵，因為是你在為你孩子的未來掌舵，不是靈糧。只要你知道自己要走的大方向後，你就再不會為小事煩惱。 另外，你也許可從多角度了解各間學校，我們必須能看通表相，才不至被外表迷惑。對家長特別友善是可取，但從另一角度看這也許是marketing的工夫，今天幼稚園維生也不易吧，聽說有些很商業的學校甚至連給學生的東西都是給家長看的，未必是切合學生所需。我們必須了解學校究竟能給孩子甚麼。
-------------------------------------------
2.
兩年前我為兒子選擇靈糧時心情非常矛盾, 一方面希望孩子能過3年愉快的幼稚園生活, 沒有功課壓力, 在遊戲中學習從而喜歡學習, 另一方面卻怕靈糧的課程太淺, 小一會追得很吃力. K1還是蜜月期, 但當升上K2以後, 才知道以往聽說靈糧的種種都不是真實的. 因為K2開始要寫生字, 雖然只是簡單的生字, 但每天總有一篇家課. 就算學校派發的圖書, 兒歌, 英詩等, 一點也不淺易. 另外, 要看很多很多圖書, 做法與某些名小學一樣, 要小朋友養成閱讀的興趣. 所以, 我想, 小朋友上小一追不上的不是程度, 而是學習方法. 因為靈糧的小朋友學習是自發性的, 升入一些傳統教學的小學, 適應上有困難是可以理解的
----------------------------------------
4.
我沒有和其他學校做過比較，不清楚課程是否較淺。正如AnLi所說，孩子的主動性才是小學順利銜接的關鍵，個人認為就算有學術程度的差異，也比較容易解決，不過要辛苦家長花一些時間、精神和金錢，為孩子進補進補，應該可以克服。相反靈糧給孩子自信的培養、思維的啟發、學習興趣的保持等，我就沒把握能夠做到，而這些素質正正是孩子在漫長學習之路上不斷往前走的動力
作者: littlefatball 時間: 09-12-11 10:55
fostermak,
再一次謝謝妳!可否也幫忙再三傳達以下訊息?(其實,我都已SEND了給校長)
相信家長們亦很高興得悉這個安排。但希望學校多聘請一名外籍英語老師是加強或增加以後的課程量，以彌補之前課程的不足，而不是聘她/他回來只是分擔英文老師Julia本身的工作量。如果所有小朋友都能都由原來的2節英文課暫時加至3節、甚至4節就最好。可能，學校會認為時間表本身訂了很難改。但我們相信家長也不介意暫時減少孩子在小禮堂玩樂單車的那段時間，多加每星期一節或兩節半小時的英文課。希望學校明白這次聘請臨時英語老師，不是只是為了應付家長的投訴，所謂"請個人返來做怖景板就算"而是真真正正為孩子學習的利益出發。學校這樣安排，相信，大部分家長都會感到欣喜。
一月份新老師來了,我們會繼續跟進學校的安排,希望方便的話,妳能幫忙再轉告。
原帖由 fostermak 於 09-12-11 00:42 發表
littlefatball:
主任已在學校內聯網討論區回應有關英文老師近日因病缺課及校方安排一事,並表示一月起,會有多一位英文老師到任,分擔英文教務,你看完再決定是否要投訴吧...
那麼你的小朋友有沒有考到心儀的學校,還是 ...
作者: candykiki123 時間: 09-12-11 13:00
fostermak :
請問你知不知道九龍靈糧堂同鑽靈會唔會用同一樣教科書,教學亦是一樣??因我知道佢地唔同group,九龍靈糧堂收了阿囡出年讀k1, 基於間學校著重宗教,我其實幾鍾意間學校,亦聽過好多人話課程淺,這唔緊要可以出外補,如果佢地係一樣既教學,好似你咁詳盡講解, 咁我就了解好多了~~
原帖由 fostermak 於 09-12-11 02:11 發表
sam0935:
1.我會給小孩子讀什樣的小學？
---不傳統不催谷的小學,希望近似靈糧,基督教,老師有愛心,以學生為本,重德育,,令小朋友樂於學習,愛上學,相信小朋友學術水平不會差得去邊,呢d很重要,因為仲有十一年或十二年持久 ...
作者: fostermak 時間: 09-12-11 20:36
littlefatball:
其實我跟你一樣用內聯網發電郵給校長,不過以前試過校長冇回應後,我會寄埋俾副校及主任,因為副校負責鑽石山+藍田,佢會跟得貼d...
今次校長都有回覆我,不過係尋日凌晨兩點幾,內容跟在討論區的解釋一樣,校長自己都話好忙,但佢都盡力回覆左...
既然你已再發電郵給校長,我相信我不用替你傳達了,一來我沒有特別渠道或方法,二來,可能校方會繼續留意這個post...
或許將來你嘗試直接跟校長或副校或主任她們表達意見,她們很nice啊,我都試過,你也可以試試看...
d原帖由 littlefatball 於 09-12-11 10:55 發表
fostermak,
再一次謝謝妳!可否也幫忙再三傳達以下訊息?(其實,我都已SEND了給校長)
相信家長們亦很高興得悉這個安排。但希望學校多聘請一名外籍英語老師是加強或增加以後的課程量，以彌補之前課程的不足，而不是聘她/他 ...
作者: fostermak 時間: 09-12-11 20:49
candykiki123 :
九龍靈糧堂的程度,我唔係好熟悉,無從比較,或者你問番果邊d家長或打去學校問下會好d...
原帖由 candykiki123 於 09-12-11 13:00 發表
fostermak :
請問你知不知道九龍靈糧堂同鑽靈會唔會用同一樣教科書,教學亦是一樣??因我知道佢地唔同group,九龍靈糧堂收了阿囡出年讀k1, 基於間學校著重宗教,我其實幾鍾意間學校,亦聽過好多人話課程淺,這唔緊要可以 ...
作者: Zoie_mum 時間: 09-12-11 21:11
呢間靈糧都唔算不知所謂呀﹗馬x山果間更甚，係呀，in係果時咪好聲好氣lol，你地未入學前個個都有機會係佢個大老細，入左學之後就如你所講一樣，掉埋一面，你有你擔心，佢有佢放心lol。入唔入學，各位家長自己決定喇﹗:;pppp:
[ 本帖最後由 Zoie_mum 於 09-12-11 21:13 編輯 ]
作者: sam9035 時間: 09-12-14 02:05
fostermak
多謝妳提供的資料，非常有用，Thanks!
作者: 1204 時間: 09-12-14 10:39 標題: 回覆 26# fostermak 的文章
fostermak媽咪
非常感謝您在討論區的分享
自從鑽石山靈糧堂收了寶貝們 真的像所有媽咪一樣困擾著要給孩子們快樂的童年 還是 應時代的傳統教學 畢竟孩子的成長也只有一次 父母們也都擔心第一步鋪排錯誤 對日後銜接的學校會有所影響
給孩子們讀哪一間幼稚園我們也尚未決定 我亦會再好好考量您的留言
從來我看討論區甚少發言 但從第一次搜尋靈糧堂的資料 就見您不吝發表意見 真的給我們尚未入讀的媽咪題供很多資訊 所以特別留言給您 再次感謝您花了這麼多時間提供良言&建議!!
作者: fostermak 時間: 09-12-15 01:23
sam9035 & 1204:
別客氣,我也是路見不平拔刀相助,見到有其他路人唯恐天下不亂,一沉百踩,忍不住說兩句話,以免校方一番苦心經營,就被一些不負責任的言論破壞...
我只可以話,如果要深,幼稚園深極家長都幫到手,最多買多幾本坊間o既補充練習同佢操練,或者日日同小朋友睇書,教佢認字,嫌寫字慢寫得少,大可以買練習簿俾佢寫,
呢d有幾難呢
但係自信心/創意/自學/愛學習愛上學/德育呢d抽象抽念,唔只家長幫手,仲要由學校培育先得,o岩o岩上星期學校搞聖誕表演,全校每班每個同學都有份,細至k1的小豆丁除左唱歌之外,仲要排舞走位,老師按能力分配位置,全個表演由不同級別學生企響台前輪流做小司儀,介紹節目,佢地唔怯場,有自信,講對白唔駛睇貓紙都得,小學生或大人都未必得...
咁有d家長鍾意傳統幼稚園,鍾意早d要小朋友寫字,要考試,要有進度,例如識寫識讀幾多個字,同埋屋企人一早教定小朋友好多野,小朋友識好多,可能讀一d講求學術o既會好d,但如果小朋友係年尾細b,學習或各方面比同齡慢,讀傳統學校未必係好事,可能家長小朋友會叫苦連天...
原帖由 sam9035 於 09-12-14 02:05 發表
fostermak
多謝妳提供的資料，非常有用，Thanks!
[ 本帖最後由 fostermak 於 09-12-15 01:31 編輯 ]
作者: jean2003 時間: 09-12-15 09:29
原帖由 fostermak 於 09-12-15 01:23 發表
但係自信心/創意/自學/愛學習愛上學/德育呢d抽象抽念,唔只家長幫手,仲要由學校培育先得
嘩...呢句好岩聽呀..衰鬼...
作者: 香香公主 時間: 09-12-15 22:32
你姐姐女兒的情況會唔會係個別小朋友的能力問題?
我囝囝今年在鑽石山靈糧讀K1, 佢返學返得好開心, 而且每日都會將學過的歌仔唱俾屋企人聽, 做埋動作.
平日我教佢英文, 佢都唔聽, 但在學校學左英文字母, 就會返黎讀俾我聽, 所以我完全唔覺得靈糧好似你講得咁差...
原帖由 fatanna123 於 09-12-10 12:07 PM 發表
我都想講D野, 我家姐的女是於2006讀了1年K1, 但好不幸, 讀都完唔知自己讀左什麼, 好搞笑, 連自己個名都無印象!! 同我個女比較之下, 成個BABY!! (我個女都係K1)
後來我家姐馬上退學再找另外一間, 費時浪費時間!! ...
[ 本帖最後由 香香公主 於 09-12-17 10:16 編輯 ]
| 歡迎光臨 教育王國 (/) |
Powered by Discuz! X1.5 |