教育王國

標題: 小西灣康傑 [打印本頁]

作者: piggybobo 時間: 09-11-30 15:36 標題: 小西灣康傑

其實我係"談幼兒園"post過呢段,但可能少d人睇,所以係呢度再post1次啦,希望幫到手!

因為好多BB都準備揀2歲班,所以想同大家分享一下...我個BB而家讀緊小西灣康傑2歲班.

初初揀康傑,係貪佢乾乾淨淨,又光猛,仲有外國人,但原來全部野都好表面!

首先校長好假,同埋好似好怕家長問佢問題咁,唔大方,又唔親民,我亦無見過佢攬D小朋友,無見過佢同小朋友傾計,亦無主動同家長傾計。

老師

,個人認為D老師

對家長並不親切,同校長一樣,唔係好鍾意同家長溝通,唔主動,如果家長主動,又怕D老師

話D家長煩,繼而對小朋友唔好...其實仲有D例子,但唔方便公開講,話哂我個B都仲讀緊...

最想分享係:我個B嘅同學,同佢媽咪講"老師

打我",佢同我講,我都唔知信唔信佢個小朋友好,但佢已經好擔心,佢都唔知點處理~其實我都驚,而且我觀察到有D老師

無咩愛心,有一次放學時,我"莊"到有D小朋友心急想衝出來,有位老師

好忟咁抆住佢件衫...呢D係我唔覺意睇到,咁係課室無人知時,會點呢?唔敢諗...

其實小朋友只得2-3歲,咩都唔識,如果D老師

無愛心,小朋友喺學校就好受苦,好似我個B個同學仔咁叻就識講啫,好似我個B咁都唔識返黎講啦!係咪間間幼兒園

都係咁呢?

作者: piggybobo 時間: 09-11-30 15:38

最新消息:我個朋友都無同老師提過,因為驚佢個b比老師蝦得仲緊要...各位姊妹,有無咩方法呀?

歡迎光臨教育王國 (/)