教育王國

標題: 火炭樂基interview [打印本頁]

作者: bonbon16 時間: 09-11-29 01:04 標題: 火炭樂基interview

我覺得麻麻地喎!等左45分鐘,in左5分鐘,問左仔仔大概10幾個問題,又問左家長幾個問題就收工喇!
我覺得有點搞笑就系 : 有個著左套裝裙既女人系課室門後叫名,後來我先發覺佢系校長!跟著一直系到叫咪叫小朋友名話入去3號課室見,但我搵左好耐,只見到有個課室門上面貼左個2字,但無3字,有個類似男老師見我口郁郁,問有乜事?我話 : 我搵極都唔見有3號課室,佢有少少好似覺得我好蠢甘指住地下話呢個系3字,仲話小朋友視線只系望地下!我心諗 : 唔好玩喇,你叫小朋友個名,你估小朋友得2歲人仔,再加上甘多人,會聽你叫名自己行過黎?咪又系要家長帶著,甘家長又點會望著地下搵?既然要望地下,甘隔離個課室又有個2字??
仲有就系個校長仲呼籲家長唔一定入international class就一定要用英文interview,因為英文in,要等耐點,可以用中文interview,佢話因有個外籍老師病左,另外一個又要早走,所以in英文要等耐點?話雖然話好難控制呢種情況發生,但都似乎有些老師唔系甘重視interview,再加要入international班但又唔一定要用英文in,甘用乜準則黎收生呢?

唔知其他媽咪有無同感?

作者: babycoming 時間: 09-11-29 01:37

我好有 ! 哈哈,我去年去in時都係咁,我識幾個bk媽咪都話佢好唔掂,x眼看人低,入左去讀都返左唔夠一個月轉校,因為d老師勁無愛心只有錢心,有錢就得,同埋佢地要d小朋友完全係自理到,好獨立既,如果唔係呢.你放學就係咁聽老師投訴同埋黑面對你同小朋友喎 ! 勁無愛心喎,只識收錢喎 !

咁講真,去年我都係考n1,個女都未夠2歲,可以想佢點先 ? 得果歲幾人咋 ! 我有個fd教我,你去in就講你屋企比佢睇碟,係disxxy果套幾萬蚊既,咁就得架喇,咁就收硬,最重要係比個細路仔煲碟,我fd係咁講呀,佢收左喎,真係好攪笑 !

作者: MAMAMEEE 時間: 09-11-29 08:59

我昨日都有去interview, 係的確等咗成一個鐘, 最後入interview室, 即去小桌度玩至interview完都~15mins. 但我對佢哋嘅印象唔差, 問嘅問題除了考小朋友之外, 亦為將來照顧佢而鋪路.

坦白講, 我有一個朋友千挑萬選後入咗, HKPS (Ascot), 每次聽佢講番, 都很開心當日的選擇. 同時, 我係 "樂基幼兒學校（駿景園）"區, 都唔見到d咁嘅comment喎:

http://forum.edu-kingdom.com/forumdisplay.php?fid=452

作者: bonbon16 時間: 09-11-29 16:21

原帖由 MAMAMEEE 於 09-11-29 08:59 發表
我昨日都有去interview, 係的確等咗成一個鐘, 最後入interview室, 即去小桌度玩至interview完都~15mins. 但我對佢哋嘅印象唔差, 問嘅問題除了考小朋友之外, 亦為將來照顧佢而鋪路.

坦白講, 我有一個朋友千挑萬選後 ...

老實講,我又唔系覺得佢勁差,因我系到等老師黎時(我唔知點解同其他3個family入去,每個family坐一張臺,我見隔離果個系一個唔似中國人既老師in既,好好笑容,好好傾,又會撩小朋友講野,比較輕鬆點,但我地就一路系度等,但原來離遠有個老師系度寫緊野又一路無望我地,我仲以為in我地果個老師未黎,點知隔左5分鐘佢走埋黎,我先知道佢系in我地既)但相對我地果個系中國人呢,就好嚴肅下,笑得好勉強,一味系甘問晒d問題就收工,無乜交流,我諗我地媽咪除左會考慮間學校既口碑外,都好睇in時遇著邊類老師?遇著有耐性同愛心既,就會好放心,但如甘喬遇著麻麻地既老師就會對間學校大打折扣,我諗真系好講緣份!

作者: bonbon16 時間: 09-11-29 16:25

原帖由 babycoming 於 09-11-29 01:37 發表
我好有 ! 哈哈,我去年去in時都係咁,我識幾個bk媽咪都話佢好唔掂,x眼看人低,入左去讀都返左唔夠一個月轉校,因為d老師勁無愛心只有錢心,有錢就得,同埋佢地要d小朋友完全係自理到,好獨立既,如果唔係呢.你放學就係咁聽老 ...

咦!甘又確系幾搞笑喎!不過聽你甘講,我又有點好奇??因琴日老師問仔仔平時鍾意玩乜?我地會陪佢玩乜?我又好老實甘答:puzzle, blocks, singing,drawing!但我見老師好似唔系好滿意d答案甘喎??唔通佢真系好似你甘講,想我答d貴價玩具、教育器材??

作者: kerkermui 時間: 09-11-29 17:03

for me.. interview time was 2:30pm, but been waiting for SO long.. that everyone for 2:30pm had gone! so, finally, we asked the teacher and then they arrange us to wait inside room 5. I had some difficulties to locate where's room 3/5 too.. but yes.. i finally got it~

and yes.. there's not many questions and the questions are so simple! And not many kids apply for K1 too.

I like the playground, they got sunshine! the classrooms are spacious too.

作者: pharaoh 時間: 09-11-29 20:27

原帖由 babycoming 於 09-11-29 01:37 發表
我好有 ! 哈哈,我去年去in時都係咁,我識幾個bk媽咪都話佢好唔掂,x眼看人低,入左去讀都返左唔夠一個月轉校,因為d老師勁無愛心只有錢心,有錢就得,同埋佢地要d小朋友完全係自理到,好獨立既,如果唔係呢.你放學就係咁聽老 ...

路過, 真係忍唔住想問一問, 為何你朋友講到學校咁差, 但你上年考過, 今年又仲走去考呢, 你好想你的小朋友入讀嗎 ? 如你朋友講的是事實, 老師勁無愛心, 只看錢, 你仲同個女去考 ????? 十分之唔明 !!!!!

其實, 你地想個interview 有多長呢 ? 去in 間間都係等就耐, in 就快架啦, 你地想個老師同你傾一日咩 ?!

作者: KLCHO 時間: 09-11-29 22:20

本來我都有報名架,但c6知道st.cat 收左而唔去interview, 其實我都有後悔..同c6講,我下星期一定要去樂基(kln.tong)

作者: babycoming 時間: 09-11-29 23:01

原帖由 pharaoh 於 09-11-29 20:27 發表

路過, 真係忍唔住想問一問, 為何你朋友講到學校咁差, 但你上年考過, 今年又仲走去考呢, 你好想你的小朋友入讀嗎 ? 如你朋友講的是事實, 老師勁無愛心, 只看錢, 你仲同個女去考 ????? 十分之唔明 !!!!!

其實, 你 ...

我係去年考架,唔係今年,朋友發生既事都係去年,唔係今年,我只係見樓主講開黎答下咀,而我女讀緊既學校有一個家長仲係再前一年從樂基讀了2個月再轉入黎,都係咁講,呢d可能係我地咁arm幾個亞媽奄尖啩,哈哈哈

歡迎光臨教育王國 (/)