教育王國

標題: 小西灣康傑... [打印本頁]

作者: piggybobo 時間: 09-11-27 18:10 標題: 小西灣康傑...

因為好多BB都準備揀2歲班,所以想同大家分享一下...我個BB而家讀緊小西灣康傑2歲班.

初初揀康傑,係貪佢乾乾淨淨,又光猛,仲有外國人,但原來全部野都好表面!

首先校長好假,同埋好似好怕家長問佢問題咁,唔大方,又唔親民,我亦無見過佢攬D小朋友,無見過佢同小朋友傾計,亦無主動同家長傾計。

老師,個人認為D老師對家長並不親切,同校長一樣,唔係好鍾意同家長溝通,唔主動,如果家長主動,又怕D老師話D家長煩,繼而對小朋友唔好...其實仲有D例子,但唔方便公開講,話哂我個B都仲讀緊...

最想分享係:我個B嘅同學,同佢媽咪講"老師打我",佢同我講,我都唔知信唔信佢個小朋友好,但佢已經好擔心,佢都唔知點處理~其實我都驚,而且我觀察到有D老師無咩愛心,有一次放學時,我"莊"到有D小朋友心急想衝出來,有位老師好忟咁抆住佢件衫...呢D係我唔覺意睇到,咁係課室無人知時,會點呢?唔敢諗...

其實小朋友只得2-3歲,咩都唔識,如果D老師無愛心,小朋友喺學校就好受苦,好似我個B個同學仔咁叻就識講啫,好似我個B咁都唔識返黎講啦!係咪間間幼兒園都係咁呢?

[ 本帖最後由 piggybobo 於 09-11-27 18:15 編輯 ]

作者: stefi 時間: 09-12-2 13:56

真係...但係我個friend個仔讀緊話幾好喎...

作者: CreativeAccount 時間: 09-12-2 14:20

咁我個仔應該同你小朋友係同學, 我所知N 班唔會打架喎(suppose 幼稚園), 如果老師會打幼稚園學生, 真係要了解下咩事喎?

劉校長... 現實d 啦, 係事實黎, 不過佢都唔係差, 會記得d 小朋友既特徵及表現, 蔣, 吳, 陳老師都唔錯, 外藉老師直頭表現好有愛心添...

利益申報: 因為婆婆唔想過來小西灣日日湊, 我已經申請退學... 所以我冇必要幫佢講說話, 但最重要係你個B 一定唔可以被人虐待, 我建議你查清楚好D.... 最好上來講番比我地聽結果啦

作者: namibb 時間: 09-12-4 17:15

我自己有小朋友讀緊康傑,亦可能同你小朋友同班tim.

由開學至今,我每日都會親自接送小朋友返學放學.我個人覺得,劉校長不如你說般泠漠,不主動. 吳老師,蔣老師亦很親和.

劉校長會記得我小朋友既名,有時放學亦會同我講小朋友今日點點點,做過d咩.甚至學校既通告,佢都有問我意見.所以我本人唔覺得她唔親民呢.

我都同意creativeaccount, 如果小朋友真係俾老師打,會唔會問清楚成件事會好d.

作者: piggybobo 時間: 09-12-7 15:39

澄清..."打人事件"真係我個B嘅同學仔媽咪同我講嘅...唔係發生在我身上嘅事~

首先,我認同大家話校長同老師記得小朋友嘅名同特徵...小朋友有事都會同家長講一兩句交待,但呢D唔係佢地應該做ga咩?如果連咁基本做老師嘅要求都達唔到,我就轉校啦!我嘅意思係佢地好似唔夠親切+主動(但本人對吳、蕭係最無好感!),同埋會揀家長黎傾~可能因為我以前湊過我姪女,佢讀間名幼稚園,D老師真係好NICE,好親切,好friendly...

而"打人事件"之發展:我都有同個媽咪傾,佢日日都會問個B老師有無同佢玩?對你好唔好?so far 佢個B都再無話老師打佢,而我都有叫佢不如婉轉D問老師了解下件事,但佢話真係唔想影響到小朋友在校的對待,同埋真係無証據...

歡迎光臨教育王國 (/)