教育王國

標題: 唔知自己可以撐到幾時? (片文太長,無興趣者免入) [打印本頁]

作者: ChingMan1002 時間: 09-11-23 11:59 標題: 唔知自己可以撐到幾時? (片文太長,無興趣者免入)

兩歲呀囡有global delay,我唸都delay左九個月至一年,雖然佢返緊私人s位不斷進步緊,但係見到佢既認知仲係好差,而且好驚佢有自閉,雖然佢有eye contact,老師都話佢唔似,但係我都好擔心,因為好多好簡單既野都唔識,就好似一張白紙咁,咩都要人教,但係又唔係一教就識,好擔心佢既將來,所以唸緊生唔生多個,但係又好驚第二個都係咁.我成日擔心自己會唔會有抑鬱症,因為唸d野好灰.無人可以share,所有呀b既事都係自己去承受,決定,帶佢睇咩醫生,返咩training,點樣幫佢,帶唔帶佢去針炙,病左咁耐應唔應該比佢返學,全部都係自己去理,去決定. 好多野唔係唔想同老公商量,但係佢覺得呀囡遲早會catch up到,不須咁擔心, 只係我太過緊張, 唔想我洗d無謂錢. 好似針炙, 之前都有同佢商量,但係唔肯law,基本上屋企無人會贊成,我又何況想呢,我唸唔到有咩辦法幫到佢,最後都係帶左佢試,試左兩次,見佢喊到咩咁,好心痛,內心好矛盾,唔知自己咁做係幫佢定害佢,點解我生左佢出嚟要佢受呢d痛楚,又有咩先可以令我有動力繼續落去.

作者: weiwai 時間: 09-11-23 12:30

chingman1002

你同最初的我簡直係1模1樣
而我身邊人對我的反對更什
6299, 非常反感我帶女女去做訓練
對我冷嘲熱諷
但我堅持...
我同佢地講, 呢個世界冇人可以阻止我帶呀女去做訓練
冇人可以阻止我幫呀女
己經年幾了,而家3歲
各樣進展不錯
除了大肌(慢2個月), 其他有3歲能力了
你要在有限的資源裡,比你女女最多的訓練(包括家居訓練)
訓練, 係隨時隨地也可的
加油

原帖由 ChingMan1002 於 09-11-23 11:59 發表
兩歲呀囡有global delay,我唸都delay左九個月至一年,雖然佢返緊私人s位不斷進步緊,但係見到佢既認知仲係好差,而且好驚佢有自閉,雖然佢有eye contact,老師都話佢唔似,但係我都好擔心,因為好多好簡單既野都唔識,就好似 ...

作者: scholar 時間: 09-11-23 14:06

我覺得如果老師都覺唔係自閉,即使係佢睇錯,程度都應該屬於輕微.不用太擔心.很多有自閉的人都可以很有成就.這不是個大問題.

對於家人的反對,相信在這版面的爸媽,很多人都身同感受.最重要是要讓家人明白,小朋友的3T治療,基本上都是以玩為主,其實不會辛苦的.至於洗錢,我就幸運地得到醫生批傷殘津貼,可以塞住家人的口.

但對於你家人反對做針灸,我覺得如果得不到家人支持,暫時又見不到成效,不如先暫停一下.

我女兒也快兩歲,語言及認知也delay了一年,但以我自己所見(我覺得醫生不會比我更清楚),她不是自閉,所以也沒太擔心.

其實每個小朋友出生時都未發育好,每個人的觸覺,視覺,聽覺,大小肌肉,腦部發展等都有快有慢.到現階段只要確定她沒肌張問題,沒視覺聽覺的問題,及有eye contact,都無需要過份擔心.

與其在猜她有否問題,不如多跟她玩.玩多D,發展就一定有進步.這比另類治療確實得多.

[ 本帖最後由 scholar 於 09-11-23 14:19 編輯 ]

作者: nokia6300 時間: 09-11-23 15:00 標題: 回覆 1# ChingMan1002 的文章

hi chingman 1002,

你之前PM過我ka,做咩呀!唔好唔開心,加油呀!

你既心情,呢度個個都好明白,我都間中會唔開心的,特别要幫bb做一d決定時,真係好煩,好似我而家同阿仔搵pn啦,排e好,定i定s,都好煩,老公其實都好十卜,只係一去到要 make decision 時,都係我做,不過咁唸,我地點都唔會搵d害bb既野,係嗎!!有時人地唔明,唔緊要ka,自己知便好了,我社工見我好唔開心,叫我買本 notebk仔跟身,日日寫好小小既野,如bb今日自已可以做左d咩咩之類......之後,e,原来真係不停有進步wor,even 退步,都唔怕,下次再加油lor,只要bb有進步,我地所做既野,都係 totally deserve的.

我仔足18月先行,仲要如一個醉酒佬咁,但只要見到佢自已係 park 到行黎行去,我同c6都好touching,佢仲有肌張問題,所以係 motor skill 上,仲有排 train,咪比多d耐性lor,今日阿仔又可以用2隻手指拉拉"lin"啦,haha

我都好worry阿仔係自閉,even睇佢既 dr,cac dr都唔似,我咪自已observe多一點lor,我都好似你咁,好想好想生多个呀,hum...等一下啦,再唸下先lor!

never give up^^
check pm 先啦

作者: bbkingdombb 時間: 09-11-24 00:59

support support. put more effort la!

作者: 已刪除用戶 時間: 09-11-24 15:28

樓主！唔好灰心呀，我囝囝小三有學障，仲係今年七月才知，真係好遲，他好多學術上基本嘅嘢都未打好基礎，英文拼音更唔掂，讀極都唔入腦，他一讀唔掂就情緒唔穩定，我都好無奈！我都好擔心他的將來．．．但我們要面對現實，努力同他一起向前行！

作者: Jac_chue 時間: 09-11-25 14:21

chingman1002
你試下盡量不要將你囡囡和同齡的小朋友比較,你將她以往同現在比較,你試下呀Q一些,將她的進步放大來看,运些你才有推動力繼續支持下去.
我小朋友有自閉症.大小肌.語言樣樣都慢,感统又有問題,仍然运2年幾我有過很多打擊,但我都繼續支持下去,因為我看見他的進步.雖然這些進步外人看來可能微不足道,但我會覺得他衡破了一個障礙.例如:他以往一定要聽到'The train is arriving'才去排隊,但他現在可以一到月台便排隊.他以前不懂自己一步一級下樓梯,不懂用剪刀等等,他現在也可以了.
所以所有事都有很多方法去看,只是看看你自己怎樣想.

歡迎光臨教育王國 (/)