教育王國

標題: 蒙特梭利教學法會否銜接吾到本地課程 [打印本頁]

作者: Fishlo 時間: 09-11-13 10:58 標題: 蒙特梭利教學法會否銜接吾到本地課程

囡囡而家上緊蒙特梭利plagygroup, 但daddy及工人姐姐覺得亞女曳咗, 而家佢喊親都尖叫 ( 可能佢學佢個同學仔嘅喊法 ), 以前佢肯同我地一起睇書, 而家叫佢睇書, 就吾彩我地, 或走黎走去, 其實佢不嬲都吾定架啦, 且冇耐性, 所以先試下呢種教學法, 但本人都覺得不進反退, 而且蒙特梭利教學法係香港傳統學校吾普及, 除非入國際學校啦, 但我冇此打算, 所以都擔心囡囡習慣蒙特梭利教學法而第時吾適應傳統學校生活, 而且daddy覺得學習係要迫而成習慣, 再培養, 佢強烈反對返此plagygroup, 所以而家諗緊退學!

有冇媽咪可以發表下你地嘅心得同意見呀

作者: sara09 時間: 09-11-14 12:40

請問你囡囡多大? 佢曳左可能是因為她長大左, 開始懂得有自己意見, 知道怎樣say "NO", 未必關蒙特梳利教育.
相反, 我認識了蒙氏教育後, 我更力了解我囡囡"曳"的原因, 因為她有些發展上的需要, 我反而會更加知道怎樣幫她.
更曉尊重她, 希望她能成為一個有主見, 學懂照顧自的人.
至於蒙特梳利能否接得到本地教育, 這個我就不知道. 因為我也在模索中. 我小朋友才兩歲.

作者: IRISSIX 時間: 09-11-27 11:12

你俾多咗空間佢表達自己, 所以好似曳咗啫!

其實
坐定定唔等如乖
坐唔定唔等如曳

你應該用心去感受吓佢想做乜, 俾佢有自由選擇, 當佢慢慢做倒自己想做的, 就唔會尖叫發涉不滿, 慢慢會變得專注好多架!

作者: 小曳人 時間: 09-11-27 17:49

蒙特梭利唔係"playgroup",你要做好, 要由家庭開始, 唔可以話"玩教材"就等於係!
所以你同你家人應該了解咗之後, 傾吓大家嘅大方向~

坦白講, 我buy呢套理論, 因為佢原來同我諗嘅嘢好似, 但係我無俾小朋友返pg, 一來交通問題, 二來我覺得咁細個.. 有好多嘢可以教, 我唔覺得要跟死一套理論!

你想小朋友聽你話, 有無諗過蒙特梭利叫我地唔好騷擾小朋友"工作"呢?? 佢地只會响有興趣時學到嘢, 你响唔適當嘅時間叫佢做無興趣嘅嘢.. 聽咗你話都學唔到d乜! 試吓跟隨小朋友嘅興趣去教, 唔好當佢唔聽話, 係你唔夠吸引力咋!

作者: 小曳人 時間: 09-11-27 17:57

至於你講銜接問題~
你唔係打算一路讀pg到小一卦?
如果你諗住返local school, 都係讀返local KG啦~
响HK, 因為無全面性又合標準嘅蒙特梭利KG, 所以我唔覺得有"銜接問題", 有嘅.. 可能係教具, 多少少課程上嘅安排, 又或者好叻, 一個星期有一日有合資格嘅導師上課! 以沙池為例, 我相信HK得幾間KG會有.. 又無合格導師, 算罷啦! 都係當local KG加多少少蒙嘅元素算啦!

作者: Happy小米 時間: 09-11-29 11:45

香港有幾間montessori kinder, 其中如下:-
ims (海怡)
icms (天后)
casa de bambini (cdb)(西环)

都有合資格既montessori teacher.
我个囝就讀緊icms, 有其他bk ma小朋友讀cdb都唔錯.

歡迎光臨教育王國 (/)