教育王國

標題: 想問小朋友測驗好低分會唔會唔開心 [打印本頁]

作者: baba930 時間: 09-11-4 16:37 標題: 想問小朋友測驗好低分會唔會唔開心

小朋友小一, 剛剛派測驗卷, 好好低分,真是好唔開心

作者: Umi 時間: 09-11-4 16:42

見到低分梗係唔會開心喇! 但係都唔可以閙小朋友的. 因為佢已盡力, 如果係我, 我會睇返佢係唔小心錯定係根本唔明課書講咩! 以後咪同佢多D温書, 唔好exam/test先温, 可能會好好多. 小一.....仲有好多路要行!

作者: happyvalley 時間: 09-11-4 17:17

原帖由 baba930 於 09-11-4 16:37 發表
小朋友小一, 剛剛派測驗卷, 好好低分,真是好唔開心

做得父母，最難過就是呢個時候，溫書讀書唔難，要令到小朋友接受，明白，了解問題所在，加以改善，然後才可以進步，提升成績，才是最好的從錯誤中學習。

作者: bigfoothk 時間: 09-11-4 18:29

提示: 作者被禁止或刪除內容自動屏蔽

作者: c.sweet 時間: 09-11-4 18:45

平日已經好多功課做, 根本就冇時間再溫書... 最慘就係原來測驗日都仲要上堂, 放學仲有功課做(雖然較平日小功課), 所以可以溫書既時間更小, 點會有好成績呢!

作者: 黃巴士 時間: 09-11-4 19:35

哽係會.
仲會偷偷炆自己&唸"點解小朋友考得差"???

炆完後, 跟著就重整棋鼓再作戰.

作者: momojoyse 時間: 09-11-4 22:46

提示: 作者被禁止或刪除內容自動屏蔽

作者: IRON 時間: 09-11-5 09:33

非常同意.

今次大測仔仔中文科係我底線以下, 我都好炆係咪自己教法有問題, 而家開始集中火力主攻, 同佢講努力下次大考追分.

不過話時話, 自己既底線係一年要比一年降低, 因為真係多左好多野同深左好多, 一, 二年級時仲係8/9字頭, 而家我都要調節下啦.

樓主, 妳果個係小一, 好多野都未適應, 唔知個模式係點, 妳要重點推介, 教佢d技巧, 我仔仔小一時第一次英文聆聽食蛋, 因為第一個聽得黎寫唔切, 之後寫得黎又聽唔到啦.

原帖由 黃巴士 於 09-11-4 19:35 發表
哽係會.
仲會偷偷炆自己&唸"點解小朋友考得差"???
炆完後, 跟著就重整棋鼓再作戰.

[ 本帖最後由 IRON 於 09-11-5 09:49 編輯 ]

作者: HappyEE 時間: 09-11-5 10:33

原帖由 baba930 於 09-11-4 16:37 發表
小朋友小一, 剛剛派測驗卷, 好好低分,真是好唔開心

做阿媽要學識平常心, 今次我囡中文分都低, 真係有d唔開心, 但我學識唔比壓力個囡, 個囡平時分好高, 我知道佢識及應付到, 上年小一測驗寫得太慢, 做唔晒份卷, 但做佐的都全對, 今年我提佢唔好寫咁慢, 點知今年佢太心急, 想的比寫的快, 所以有很多字漏佐, 而閱讀理解, 佢就真係理解佐用自己字答, 不是在內容找答案, 意思正確但唔同model answer所以無分, 雖然今次她的分低, 但了解後, 我又覺得可以接受, 比d時間, 小朋友會進步, 大家一齊努力!

作者: baba930 時間: 09-11-5 11:09 標題: 想問小朋友測驗好低分會唔會唔開心

英文 61分我還頂得住
英文listening 92 分
中文 44分, 真是好想cry(我), 老公都好唔開心
中文寫作 77 分
maths 90 分
宗教 95 分
常識 82 分

不過我會努力,加油
我相信應該是理解能力比較差

作者: kongkong 時間: 09-11-5 11:40

樓主, 我仔都係小一, 我仔學校上學期係以幾次的評估方式代替了測驗.
小朋友第一次test, 仲係只番左兩個月學, 真係可能唔慣亦緊張, 真係情有可原.

有左呢次經驗, 下一次一定會好好多.(我都咁安慰自己嫁

)

作者: bigfoothk 時間: 09-11-5 11:51

提示: 作者被禁止或刪除內容自動屏蔽

作者: 黃巴士 時間: 09-11-5 12:58

我小朋友當年與樓主小朋友成績都差不多.

作者: YLMBEE 時間: 09-11-5 14:04

其實小朋友考試唔合格 OR 分數低當然會唔開心, 但從另
一個角度睇, 佢地吟細個只用45分鐘左有去做晒6-8板考試題目, 又要睇 & 寫, 又要護住時間去做, 其實已經好犀利啦

(有時唸深一層自己都未必做得到). 所以有時佢D分數唔係太理想, 但盡左力就OK喇.

作者: happyvalley 時間: 09-11-5 21:50

原帖由 momojoyse 於 09-11-4 22:46 發表
happyvalley,

妳常說溫書要平時, 妳小朋友多少年班, 功課唔忙咩, 每天小朋友根本無晒時間, 真係不能安排日日溫書, 我想睇吓妳小朋友的time schedule是怎樣, 等我都可以學吓嘛

...

培養責任感，我囡小三，小二開始已經唔會理佢，要自己做功課，錯左要自己改正，唔明就自己問人，慢慢就養成做功課時、自然了解功課內容及固中意思。

等佢問妳時，先要讚下佢會主動發問，個問題問得好好，好有意思、等等…，祥細解釋，不過千其唔好過多半小時，因為做完功課都倦 la，太長會影響的，長話短說，每日最多做到七點，吃完飯，就講故事或者玩遊戲。

星期六或日，用一個早上溫中英文默書，我用活記憶，同遊戲記字，開心好多。

多看中英圖書，不單創意無限，還會幫助中英文之講讀寫，對平日功課幫助非常大。多出外玩，身體好先會讀書好。

總結就是，用方法去讀書，不要死背死記，會讀了好辛苦，及提早令到 d 小朋友早熟，無晒童真，唸到都好痛心

。

作者: baba930 時間: 09-11-6 10:23 標題: 想問小朋友測驗好低分會唔會唔開心

用活記憶，同遊戲記字，開心好多。

想請教有何方法呀, 謝謝

作者: well_being 時間: 09-11-6 14:16

我都請教各位有何方法可以令到小朋友記得生字, 因為我同個仔黙完生字, 第二日佢會忘記得一乾二淨.

作者: happyvalley 時間: 09-11-6 17:17

原帖由 baba930 於 09-11-6 10:23 發表
用活記憶，同遊戲記字，開心好多。

想請教有何方法呀, 謝謝

其中一個方法，是同佢拆開個中文字，講解下每個部件，有 d 媽咪就作個故仔。

英文當然用 phonics 。

無論邊種方法，都要學作文，一句都好，從文中就自然學到點樣寫，文法。

作者: happyvalley 時間: 09-11-6 17:24

原帖由 77777 於 09-11-6 15:36 發表
同佢默多幾次啦, 阿仔細個時d字, 第一次默識, 第二次默可以唔識, 佢如果唔夠熟, 默時再緊張下, 就會忘得一乾二淨...

只會經過思考及運用過的那些字詞，先會有長久的記憶，及懂得將來變化運用，如不同情況都運用自如，所謂要經大腦先會記得。單向死記死背無意思無連續的字，短暫就會忙記，當然有一類資優有超人記憶，一本書都可以記得清清楚楚。

作者: happyvalley 時間: 09-11-9 00:10

原帖由 77777 於 09-11-6 18:02 發表
其實有好多小朋友默錯...有時係多一劃, 一撇, 明明知道點去寫, 就係差左dd....或一時唔記得....

您話一定要理解, 當然岩啦, 中英數常每一科都要, 上到小學高年班無一科唔係, 因d題目唔會問得好直接.....不過樓主講 ...

這個當然、當然。

[ 本帖最後由 happyvalley 於 09-11-9 00:18 編輯 ]

作者: 謙謙媽ME 時間: 09-11-9 11:10

我個仔都係小一, 上星期佢派左中文測驗卷, 雖然都有80分, 但我都好upset, 因為突然間好似比佢挫左我既銳氣咁, 點解溫得咁熟都咁架, 最大傷害就係人比人比死人, 佢有兩個新移民既同學高過佢成十分, 個日我呢埋左向房, 唔同佢做功課, 等爸爸返黎教佢做, 因為我驚我會向佢發脾氣, 個日向房就向度諗下係咩問題導致佢未能全力發揮呢?我都有諗過每日放學做完功課溫書, 但我對家課要求甚高, 所以唯有將做家課既要求降低, 即係擦少少, 盡量留返啲時間溫佢最唔掂個科, 中文同英文呀, 大家努力啦, 我相信呢條路行順左就會好啲架勒, 唔開心, 已經過去, 留待期考全力以赴啦

作者: LoveChild 時間: 09-11-9 13:43

我就好睇下佢有無溫書, 仲有睇下係唔係個都係咁低份, 我識得個MISS, 佢教的學校, 就算係小一都唔會有小朋友考試有90分之上, 但係我另一個朋友的囡囡剛考完試, 就科科9X, 但係係人人都係9X, 所以真係要睇下個原因是什麼

作者: mymelody2003 時間: 09-11-9 17:08

我囝囝小一, 剛完成測試週, 今天各課也派卷了, 最低是中文 70分, 其它科平均有 8x-90分左右, 對我來說巳經滿足了, 因為開學只有2個月, 我們實在不能要求太多, 小一轉變很大, 小朋友要應付的相對地多; 囝囝讀的小學不是名校, 所以不可能同名校的相比, 因為大家程度不同, 很難再出比較, 但今次既測驗可以讓我更了解囝囝程度, 希望將不足之處改善.

作者: 已刪除用戶 時間: 09-11-9 17:15

囡囡 d 測驗卷重未派, 聽佢口頭講每科都有 8x 以上‧
好老實講我對佢第一次測驗 set 出黎既 target 係 7x 以上咋, 因為佢係第一年面對測驗呢樣野, 我又唔多清楚學校會考乜, 都係求求奇奇咁同佢溫, 等 d 卷派左返黎我先會睇到佢到底有咩係唔明, 跟住咪同佢谷返弱項.
其實今次測驗都叫做畀我睇返平時同佢溫習有咩問題, 亦都知道佢程度去到邊, 唔先試一次放手畀佢任衰唔嬲, 真係好難去安排點跟佢功課架！

歡迎光臨教育王國 (/)