教育王國

標題: 我準備去見 cac 了.... [打印本頁]

作者: nokia6300 時間: 09-10-28 22:52 標題: 我準備去見 cac 了....

我有d唔明,其實我之前已經係 step 做左評估,見埋社工,排緊e+s位(但未有confirmation),咁啱仔仔今日返健康院做1.5歲評估,但因已refer左去cac,所以直接係cac center做,我打去追先比個booking我下個月去做直接見兒科dr.但我都排緊 services,咁再係cac做有咩 functions 呢?

作者: overcomer 時間: 09-10-28 23:28

去完私家評估, 再去政府評估多一次,都好有用o架。首先, 可confirm 一吓是否診斷正確, 和所排服務是否適合。例如我親戚的小朋友, 私家評估係話佢自閉傾向, 建議排 i 位。但之後見cac, 話佢係自閉症, 建議排s位。佢都覺得s位都適合o既, 咁佢就轉排s位。如果唔係在cac評多次, 都可能揀了i位, 就冇咁適合了。i 轉s , 係用同一號碼排, 唔會輪得慢咗。

另外一樣好重要, 係叫cac醫生轉介一些只可由政府醫生轉介的服務/福利，如﹕

1. 傷殘津貼 (一定要政府醫生轉介, 不接受私家醫生, 因怕騙錢/濫用)

2. 傷殘證

3. 公立醫院的言語治療 (cac醫生轉介, 醫院收每次$60, 私家醫生轉介, 醫院每次收幾百, 當私家症)

4. 公立醫院的職業治療 (兒童) (同上)

5. 政府的兒童精神科診所

6. 驗眼, 驗聽力 (cac 會遲d打俾你約期)

之前私家醫生評估, 只轉介了 s/e位, 那是社署提供的服務, 去cac 係要政府醫生轉介埋只可由政府醫生轉介的服務。到時記得都帶埋私家醫生做的評估report俾cac參考。以上所有轉介, 一定要主動同醫生和醫務社工講, 佢地好多時係唔會主動話你知, 幫你轉介。

原帖由 nokia6300 於 09-10-28 22:52 發表
我有d唔明,其實我之前已經係 step 做左評估,見埋社工,排緊e+s位(但未有confirmation),咁啱仔仔今日返健康院做1.5歲評估,但因已refer左去cac,所以直接係cac center做,我打去追先比個booking我下個月去做直接見兒科dr. ...

[ 本帖最後由 overcomer 於 09-10-29 08:44 編輯 ]

作者: nokia6300 時間: 09-10-28 23:39 標題: 回覆 2# overcomer 的文章

好多謝你的回覆,好詳細呀!

我之前都fax左份report比佢地,但好奇怪,因今日我一打去就比我11月見,係見dr,係咪一見dr就做評估ka?我見有d mami係見姑娘先的,另外,你所1-6項services,係咪全部都可以apply呢?我仔仔係 gobal delay,唔 sure係咪唔係自閉傾向,而之前係 cac 見x理治療師就話一d都唔似,但我好怕佢地太鬆而輕視左仔仔既問題,(時時都話有快有慢個d......),我情願咩都apply左,到時唔岩先cancel...

咁唸岩嗎?

作者: overcomer 時間: 09-10-28 23:57

如係見dr, 咁就係評估o架啦, 本來一般係見姑娘先, 但可能你fax 咗 report 俾佢地, 所以優先俾你啩。

1-6項係你口頭同佢地講, 跟著如果佢地認為你小朋友有需要, 就即時幫你轉介。如果佢地認為你小朋友唔需要, 就即時告訴你不用轉介。例﹕你要求醫生推薦傷殘津貼, 但醫生可能告訴你, 你小朋友不嚴重, 不合資格。咁就算啦。本來這些福利/服務, 佢地如認為你需要, 應主動幫你轉介, 告訴你的, 但佢地好多時唔記得, 漏了, 所以你要口頭提佢地。

原帖由 nokia6300 於 09-10-28 23:39 發表
好多謝你的回覆,好詳細呀!

我之前都fax左份report比佢地,但好奇怪,因今日我一打去就比我11月見,係見dr,係咪一見dr就做評估ka?我見有d mami係見姑娘先的,另外,你所1-6項services,係咪全部都可以apply呢?我仔仔係 gob ...

[ 本帖最後由 overcomer 於 09-10-29 08:43 編輯 ]

作者: nokia6300 時間: 09-10-29 08:58

明了,咁咩case先可以apply傷殘津貼呢?

作者: overcomer 時間: 09-10-29 08:58

還有, 你小朋友係global delay, 咁要提吓醫生轉介公立醫院的物理治療呀。D人成日話, 自己唔提, d醫生/社工都唔講, 都唔知有這些服務/福利呀。

作者: overcomer 時間: 09-10-29 10:05

普通傷殘津貼

	經由衞生署署長或醫院管理局行政總裁(或在極為特殊情況下由私家醫院的註冊醫生)證明為嚴重殘疾﹔及

	其嚴重殘疾情況將持續不少於六個月。

嚴重殘疾的定義

附件

要在本計劃下評定為嚴重殘疾，申請人必須經由衞生署署長或醫院管理局行政總裁(或在極為特殊情況下由私家醫院註冊醫生)證明，申請人的殘疾情況是屬於下述任何一項:
(一)
肢體殘障或雙目失明
指根據香港法例第282章(僱員補償)條例附表一所定準則，殘疾程度大致上相等於失去百分之一百謀生能力:
(1)
失去四肢其中之二的功能
(2)
失去雙手或全部十隻手指的功能
(3)
失去雙足的功能
(4)
雙目完全失明
(5)
全身癱瘓
(6)
下身癱瘓
(7)
因疾病、殘疾以致長期臥床
(8)
其他任何情況包括器官殘障以致身體全部殘疾

(二)
心智機能上嚴重缺陷
心智機能的情況，大致上和以上(一)類的殘疾情況相等:
(1)
腦器官病癥狀
(2)
弱智
(3)
精神病
(4)
神經官能病
(5)
性格失常
(6)
其他任何情況而導致失去全面心智機能

(三)
聽覺極度受損
被審定為知覺性或混合性失聰，而失聰程度較輕的耳朵對每秒五百、一千及二千週的純音頻率失聰達八十五分貝或以上，或失聰在七十五至八十五分貝之間而同時有其他身體殘障，如缺乏語言能力及聽音不準。

http://www.swd.gov.hk/tc/index/site_pubsvc/page_socsecu/sub_ssallowance/

原帖由 nokia6300 於 09-10-29 08:58 發表
明了,咁咩case先可以apply傷殘津貼呢?

作者: overcomer 時間: 09-10-29 10:08

你係唔係都同醫生講先啦, 醫生肯就得, 佢有權決定, 你係咪都講咗先, 唔得咪算。好多醫生冇主動推薦病人攞傷殘津貼, 但當病人提出後, 就肯推薦了, 係咪都講就冇蝕底。

作者: overcomer 時間: 09-10-29 10:28

俾這些小朋友的傷殘津貼一般係批2年至3年, 每月金額係 $1280。期滿再review

作者: MARSTEN 時間: 09-10-29 13:47

我仔仔都係申請左傷殘津貼,因為佢係自閉症,基本上要係cac既醫生批同簽紙(唔嚴重通常都唔批),同埋要係果度既社工幫你跟進埋申請會好d,佢無幾耐就話批左,不過要等另一間社署打俾我去簽文件先生效,但係成個禮拜都未打黎

都係佢所講每月有$12xx ,發放2-3年,好過無啦,可以俾仔仔學多d野,去醫院做治療都要$60/1hr啦~

作者: wendylovelonlon 時間: 09-11-3 17:09 標題: 我仔仔都有攞傷殘津貼~

佢係22個月大時評估為綜合發展遲緩(慢12個月),so醫生主動批咗比佢,一批就批到七歲(五年)!

作者: nokia6300 時間: 09-11-3 22:29 標題: 回覆 11# wendylovelonlon 的文章

唔該你地先,我仲想問,你地所講既社工同我排servies 既社工係咪同一個人呢?

定係cac度會再有社工ka?

作者: ktv 時間: 09-11-3 23:07

CAC 會有醫務社工, 唔同之前你排service的那個。在cac見完醫生就即刻去見cac的醫務社工。如果你之前冇搵私家醫生做評估, 咁o個個社工會搞晒d嘢。如果你之前搵私家醫生做咗評估, 排了s/i/e位, 咁醫務社工會叫你找回之前跟開o既社工繼續處理關於s/i/e位的事情, 例如s轉i。cac醫務社工會打電話俾之前跟開o既社工, 叫佢幫你處理s轉i, 改志願等(唔改就冇嘢叫佢搞)。而cac 醫務社工會幫你處理其他事情, 如申請傷殘津貼等。只係關於s位的事情才由之前的社工跟。

原帖由 nokia6300 於 09-11-3 22:29 發表
唔該你地先,我仲想問,你地所講既社工同我排servies 既社工係咪同一個人呢?

定係cac度會再有社工ka?

作者: nokia6300 時間: 09-11-4 10:22

唔該曬ktv

我又有問題呢....我排e+s時,只係間左 e 既 center,社工冇比我間 s 既學校,係咪咁ka?

呢個社工係 step refer 後同我follow,好似咩都唔知咁既,我追佢先話寄返個 refer. no. 封信比我.........

作者: ktv 時間: 09-11-4 12:27

s位都可揀3個志願o架, 如果冇揀, 佢地會邊間有位就俾邊間你, 咁會快d, 但可能會去到好遠。所以你可聯絡返那個社工揀返志願。

幫我排s位那個社工又係蒙查查, 我仲清楚過佢, 因為佢唔係搞開這些。Cac那些醫務社工就唔同, 專搞這些, 佢地就好熟。但佢地會叫你搵返之前的社工啦, 佢地跟開, 咁冇計啦, 自己追得緊d啦。

原帖由 nokia6300 於 09-11-4 10:22 發表
唔該曬ktv

我又有問題呢....我排e+s時,只係間左 e 既 center,社工冇比我間 s 既學校,係咪咁ka?

呢個社工係 step refer 後同我follow,好似咩都唔知咁既,我追佢先話寄返個 refer. no. 封信比我......... ...

作者: nokia6300 時間: 09-11-4 23:31 標題: 回覆 15# ktv 的文章

唉,我社工就係同我講話有個mami因佢唔係好熟所以轉左比醫務社工跟,所以我見完cac都睇下點,因bb時間真係好寶貴呀!

作者: ktv 時間: 09-11-5 08:54

唔駛驚, 你已在社署的中央轉介系統排緊s位, 咁之後就算改志願, 或s轉i/e, 都唔係影響申請日期 (跟申請日期先後派位) 咁唔會浪費bb時間, 你收到信, 有ref no, 咁即係排緊啦。就算轉跟進社工都唔會有影響。其他嘢如傷殘津貼cac醫務社工會跟。

個社工唔熟咪自己跟貼d, 另外佢有嘢唔知, 佢可打去中央問(我個社工就係咁, 唔知就打去中央那邊問)。

原帖由 nokia6300 於 09-11-4 23:31 發表
唉,我社工就係同我講話有個mami因佢唔係好熟所以轉左比醫務社工跟,所以我見完cac都睇下點,因bb時間真係好寶貴呀!

作者: coey128 時間: 09-11-5 10:44

我都覺得要將個私人報告話俾CAC醫生知,,

但唔知點解我係STEP做完之後,個姑娘叫我唔好話俾CAC知..

作者: ktv 時間: 09-11-5 12:45

咁奇怪。佢咁講?

我有將report俾cac, 好多人都俾啦。聽講短時間內 (幾個月內) 做同一test 2次, 會唔準, 因小朋友會記得, 第2次會做得叻d。所以cac 會俾d 稍為唔同o既test 俾小朋友做, 睇佢真正能力。講會好d。

原帖由 coey128 於 09-11-5 10:44 發表
我都覺得要將個私人報告話俾CAC醫生知,,

但唔知點解我係STEP做完之後,個姑娘叫我唔好話俾CAC知..

歡迎光臨教育王國 (/)