教育王國

標題: N1放學回家後, 表現異常, 包括恐慌/瀨尿, 點算好? [打印本頁]

作者: 'bernice' 時間: 09-10-20 10:29 標題: N1放學回家後, 表現異常, 包括恐慌/瀨尿, 點算好?

小女背景: 開朗, 活潑, 已戒片, 食飯好慢, 含住唔願吞.

返了N1個半月, 頭半個月都話好開心, 好鍾意返學, 但係之後開始唔鍾意, 試過一早起身, 第一句就話唔返學, 但過幾日又無事, 不過昨天她放學後, 竟然瀨尿 , 仲唔止一次, 仲對返學表現得好驚慌, 話好驚班主任(A), 因為班主任閙佢, 話佢唔食飯,

我問佢老師點話你架?
佢扮返老師义腰登大眼望住我話, 你唔食飯!!!
跟住我問佢仲有無,
佢又唔出聲啦,

到今朝同佢返學, 佢一路都話唔返, 又拖延時間, 去到學校樓下, 已經扁咀嗌唔返學, 去到門口仲攬實我嚎哭, 唔肯入去, 最後由另一老師(B)抱佢入去,

B老師同佢講, 好啦, 我抱你去A老師度好唔好,
我個女又喊住話唔好,
我同老師講, 佢就係怕A老師,
咁B老師同阿女講, 咁好啦, 你嚟我課室先啦.
我個女先收聲話好.

------------------------------------------------
情況就係咁啦, 請問我應該點做呢?
如果打去同A老師傾, 應該點講呢? 請大家多多指教.

作者: 媽珠 時間: 09-10-20 11:27

你要快o的同 A及B 老師傾返, 如果冇改善就要同校長傾轉班或轉校.
如果唔係怕小朋友怕o左以後唔鐘意返學.

作者: 'bernice' 時間: 09-10-20 14:26

我打咗返學校同A老師傾啦,
佢話無閙過我個女, 只係話過佢啲同學仔, 同埋佢哋喺學校唔可以义腰架.
我個女可能見佢同平時唔同, 以為老師變咗, 好惡, 都會咁閙佢, 所以佢有啲異常反應, 同埋話佢都未適應到全日班生活, 9不9都會

, 話掛住家人.......,

唯有再觀察吓先啦.

作者: cherylyau_b 時間: 09-10-20 14:51

會唔會仲有其他原因呀??

作者: 'bernice' 時間: 09-10-20 16:04

吓, 咁又唔知喎, 要返去再了解吓佢先.

不過例如仲要啲咩呀, 學校無男敎師架喎. 唔好嚇我啦.

作者: jswailam928 時間: 09-10-20 16:38

全日真係太長時間啦, N1咋喎
我之前都想比女番全日, 自己諗諗下真係太長時間了

其實佢地2AGES都仲係好細過.....仲需要好多好多安全感~

想下轉半日LA....如果你不用番工的話, 要番工就無辦法啦~

而家我B女番左N1半個月, 佢都痴身左好多, 我接佢放學, 一見到我就即刻攬住我啦, 我諗你個小朋友真係好掛住媽媽啦!!!

作者: cherylyau_b 時間: 09-10-20 18:05

我個女都係今年N1, 佢初頭返學都冇野....
過左幾日,就話好驚唔要返學...如是者,過左成個星期都係咁,我返學校同老師講,老師話可以仲有d小朋友喊得好勁....
我返屋企問個女,問佢係唔係驚左d小朋友勁喊,佢話係呀!!好驚呀!!於是,我從呢個方向同佢counselling...之後就o.k.喇!!
所以,我覺得你應該同老師一齊搵原因!!

作者: 牛精仔 時間: 09-10-20 20:39

n1讀全日, 時間太長了

作者: babycam 時間: 09-10-20 22:31

我朋友個囡囡近呢大半個月嘅行為比起未讀N1前有D異常.

1)成日唔想返學, 一返學就豪哭.

2)回家後一定要纏住媽媽, 就算媽媽唔得閒同佢玩, 佢都要坐係廚房門口望實媽媽煮飯, 一步都唔會行開(視線都係), 就連爸爸同GRANDMA都唔可以掂佢.

3)有時會無原無故大吵大叫.

4)之前返托兒所已經介咗片片, 反而返咗N1後經常瀨尿, 甚至回家後不VV, 不PP, 死忍都唔肯去, 索性瀨咗就算.

5)基於自我保護嘅本能而經自衛常打人, 成日誤解其他小朋友想打佢. (可能在學校俾同學仔打同咬佢, 試過發現兩隻手仔左右各一個圓圓嘅牙印兩隻手錶, 慘慘)

6)咬手指同搣手指, 搣到甩晒皮有傷口都照搣.

7)晚上經常發惡夢大哭, 少至半小時, 多至個多小時. (大人同細路都無攪好瞓.)

我朋友帶咗囡囡去睇醫生, 醫生話佢"精神緊張". 要開輕微鬆弛藥比個囡囡食等佢唔好咁緊張. 我朋友都有向學校了解囡囡上學嘅情況, 班主任認為係行為倒退期, 好多初入學嘅小朋友都會發生, 叫我朋友唔好咁擔心. 唔擔心就假啦, 大人同小朋友嘅精神情緒都無好好休息.

朋友在考慮是否應該俾囡囡繼續讀落去OR轉校好.

原帖由 'bernice' 於 09-10-20 10:29 發表
小女背景: 開朗, 活潑, 已戒片, 食飯好慢, 含住唔願吞.

返了N1個半月, 頭半個月都話好開心, 好鍾意返學, 但係之後開始唔鍾意, 試過一早起身, 第一句就話唔返學, 但過幾日又無事, 不過昨天她放學後, 竟然瀨尿 , 仲 ...

[ 本帖最後由 babycam 於 09-10-20 22:33 編輯 ]

作者: 'bernice' 時間: 09-10-21 16:02

cherylyau_b :
我都有問佢係唔係驚左d小朋友勁喊,佢都話係喎!!
我已經鼓勵咗佢, 叫佢勇敢啲. 希望佢明白啦.

jswailam928, 牛精仔,
返全日, 無疑時間係長, 老師都話佢仲細, 有分離感, 但係無辦法啦, 我倆公婆都要返工, 就算N班安排到佢返半日, 到K班都唔可行啦. 希望佢早日適應啦.

babycam,
你朋友同佢囡囡好慘呀, 雖然我個女都有發生部分情況, 但無咁嚴重, 佢一定好擔心啦,
幫我同你朋友講聲加油呀, 大家一齊努力呀, 我哋個女睇我哋頭架, 唔好比佢見到連媽咪都好似好擔心, 好驚咁呀. 要比勇氣小朋友去面對呀. 我哋要幫佢手解決問題呀. 加油呀.

作者: squirrelc 時間: 09-10-21 17:08

精神緊張!? 行為倒退!?
我囡囡返緊N班, 呢排o係屋企都係唔係好肯上廁所, 捉佢去坐, 佢就話無, 着片無耐就有 (佢未戒夜片), 一係就瀨... 都唔知佢發生乜嘢事, 啱啱同班主任提起, 佢話會同囡囡傾下, 希望有幫助啦...

原帖由 babycam 於 09-10-20 22:31 發表
我朋友個囡囡近呢大半個月嘅行為比起未讀N1前有D異常.

1)成日唔想返學, 一返學就豪哭.

2)回家後一定要纏住媽媽, 就算媽媽唔得閒同佢玩, 佢都要坐係廚房門口望實媽媽煮飯, 一步都唔會行開(視線都係), 就連爸爸同GR ...

作者: 點算好 時間: 09-10-22 13:22

原帖由 babycam 於 09-10-20 22:31 發表
我朋友個囡囡近呢大半個月嘅行為比起未讀N1前有D異常.

1)成日唔想返學, 一返學就豪哭.

2)回家後一定要纏住媽媽, 就算媽媽唔得閒同佢玩, 佢都要坐係廚房門口望實媽媽煮飯, 一步都唔會行開(視線都係), 就連爸爸同GR ...

好明顯系缺乏安全感, 倒退行為非常明顯. 但切記不要為此責罵, 否則只會加重問題.

作者: 七點半 時間: 09-10-22 17:12

我個仔都好似有發惡夢....喊左好耐...個個都唔比抱...好驚...

原帖由 squirrelc 於 09-10-21 17:08 發表
精神緊張!? 行為倒退!?
我囡囡返緊N班, 呢排o係屋企都係唔係好肯上廁所, 捉佢去坐, 佢就話無, 着片無耐就有 (佢未戒夜片), 一係就瀨... 都唔知佢發生乜嘢事, 啱啱同班主任提起, 佢話會同囡囡傾下, 希望有幫助啦.. ...

作者: jswailam928 時間: 09-10-22 18:18

babycam
你朋友真係好慘呀, 你朋友一定好擔心啦, 又其係半夜喊果d呀, 大人好慘呀又無得訓!!希望你朋友個女快d習慣番學啦!!

bernice
你兩公婆要返工都無辦法啦!!!為有假期放工早d番屋企陪下佢啦, 傾多d計~我諗過多一派會好d架啦!!!

作者: cherylyau_b 時間: 09-10-25 20:33

原帖由 'bernice' 於 09-10-21 16:02 發表
cherylyau_b :
我都有問佢係唔係驚左d小朋友勁喊,佢都話係喎!!
我已經鼓勵咗佢, 叫佢勇敢啲. 希望佢明白啦.

jswailam928, 牛精仔,
返全日, 無疑時間係長, 老師都話佢仲細, 有分離感, 但係無辦法啦, 我倆公婆都要返 ...

咁咪好囉!!咪就當呢個係原因喇~~佢呢幾日好唔好d呀??

作者: babycam 時間: 09-10-25 23:34

我朋友認為佢囡囡係患上"分離焦慮症"

幼童離不開父母屬焦慮症
及早發現遙控治療可根治

http://hk.health.nextmedia.com/i ... amp;art_id=13198367

作者: 'bernice' 時間: 09-10-29 17:19 標題: 回覆 2# cherylyau_b 的文章

cherylyau_b,
嘩, 好耐無上嚟啦, 多謝關心呀,
佢上次返嚟扭計之後, 仲病埋tim呀,
e2個禮拜都係返得6日學咋, 成日都要請病假, 不過佢放完病假再返, 又好似好啲, 無嚎哭, 只係話唔想返學, 不過放學返嚟都係好扭計, 少少嘢就大喊, 夜晚瞓覺就一定要我陪, 行開一步都唔得, 試過襯佢瞓著, 行開做其他嘢, 佢責醒唔見我之後大喊, 要我摟住佢先肯瞓返, 仲要拖實我隻手唔放, 我郁一郁, 佢就醒.
佢明顯係好驚, 好不安.
但時間耐咗, 好似真係慢慢適應咗, 問題開始無咁嚴重, 現在唯有等佢習慣啦.

作者: 'bernice' 時間: 09-10-29 17:19

原帖由 babycam 於 09-10-25 23:34 發表
我朋友認為佢囡囡係患上"分離焦慮症"

幼童離不開父母屬焦慮症
及早發現遙控治療可根治

http://hk.health.nextmedia.com/index.php?fuseaction=Article.ListArticle&sec_id=6349036&iss_id ...

咁大獲

歡迎光臨教育王國 (/)