教育王國

標題: 你地還會生多個嗎? [打印本頁]

作者: nokia6300 時間: 09-10-16 14:39 標題: 你地還會生多個嗎?

先不計$$$先,第一個有問題,仲會生嗎?我同老公一心生2個,但,唔知點好?

作者: 殷!! 時間: 09-10-16 20:31

實在無勇氣去面對....
一個仔已經令我倆身心疲累, 太難想像若果細果件都....
所以我地都決定唔生多一個..

作者: owl_2046 時間: 09-10-17 10:23

第一胎係A仔, 第二胎中標率係50%
我就唔敢搏啦.
我都係比心機湊亞仔好過啦...雖然我好恨有個囡

作者: Torres 時間: 09-10-17 13:09

原帖由 owl_2046 於 09-10-17 10:23 發表
第一胎係A仔, 第二胎中標率係50%
我就唔敢搏啦.
我都係比心機湊亞仔好過啦...雖然我好恨有個囡

下, 有50%中? 都係叠埋心水湊阿仔, e條路可能會好難行, 唔好搏都啱

作者: ktv 時間: 09-10-17 15:34

我識有人大的小朋友係自閉傾向, 細的係自閉症呀。我也有親屬係自閉傾向, 我點敢生多個得o架? 而且我小朋友好難湊, 我已經快絶命了, 冇力再照顧多一個。

作者: nokia6300 時間: 09-10-17 18:41

嘩....咁恐怖既!!
真係唔敢唸啦!雖然.....好好好想有多個!

作者: 殷!! 時間: 09-10-18 00:26

唉~~~~真係唔敢博架!! 好驚好驚好驚!!
周不時係物理治療部遇到啲家長-----大b讀特殊, 細b讀兼收, 當時心諗, 比著我, 我實會痴線!
而家湊一件都攪到我崩潰咁濟..

作者: 我係女仔 時間: 09-10-18 02:13

我自從生左個仔後, 白頭髮都多左好多

作者: nokia6300 時間: 09-10-18 10:39

真係大既有事,細既都有ka???????

我之前大肚同我好朋友一起的,佢岩岩生左第2個啦!

作者: rachncurtsmom 時間: 09-10-18 16:14

第一個小朋友有事，第二個不一定有事，不過，由於基因問題，機會是大一點。

我很幸運地生了兩個小天使，大的小朋友沒有特別問題，其實還可以說都幾聰明，小的在排E位。不過，若果第一個有問題，我未必有勇氣生第二個。

我在有線電視看過一個節目，是一個美國的家庭，全部孩子 - 如沒有記錯應該是六個，都有不同程度的自閉症，家裡每天都像戰場，幸好這對父母都很有愛心，用心照顧及教育孩子。

作者: pamam 時間: 09-10-18 16:58

你的stat不對，以我所知，第一個小朋友係A仔，第二個中的機會是比正常高3 - 7%。

我大仔是亞氏保加仔，細仔正常，我唔係鼓勵人地去生，因我有細仔時仲未證實大仔有事，所以我唔使掙扎去想呢個問題，不過在細仔3歲前我都好似驚弓之鳥，他排車仔或講嘢慢小小已嚇死我。

很慶辛有細仔，他在各方面都幫到阿哥好多，而家兩兄弟的感情好好。

原帖由 owl_2046 於 09-10-17 10:23 發表
第一胎係A仔, 第二胎中標率係50%
我就唔敢搏啦.
我都係比心機湊亞仔好過啦...雖然我好恨有個囡

作者: nokia6300 時間: 09-10-18 17:32 標題: 回覆 11# pamam 的文章

就係呢個 issue,本身我同老公仲意bb,生一太小,但honestly,我仔而家18月大,發展上係late,同埋有dd似自閉傾向(not confirm yet),但因我好早發現,所以都比左好大心機去湊,都有d進步

我在想,多一個bb,會否對bb仲好呢?而且,如大仔真係有問題,生多一個,系咪佢地大左有照應呢????

身邊冇朋友encourange我地生,只是,老公同我都想......

不過,........生多一個有問題就真係......

[ 本帖最後由 nokia6300 於 09-10-18 17:47 編輯 ]

作者: pamam 時間: 09-10-18 20:34

我都好明白你的心情，呢個係一個好難的決定，我都識得有朋友兩個都中，雖然兩個都算high-functioning，但已經夠辛苦了！

不過，話說回來，就算大仔正常，亦唔代表第二第三個冇事，睇你有幾想生多一個囖，要博就一定要有心理準備！

原帖由 nokia6300 於 09-10-18 17:32 發表
就係呢個 issue,本身我同老公仲意bb,生一太小,但honestly,我仔而家18月大,發展上係late,同埋有dd似自閉傾向(not confirm yet),但因我好早發現,所以都比左好大心機去湊,都有d進步

我在想,多一個bb,會否對bb仲好呢?而 ...

作者: atty 時間: 09-10-18 20:48

同心家長會有季刊(同心語),有一期講到智障及遺傳;入面有幾個家長分享生多一個小朋友的顧慮同原因。內容唔太記得,最記得係佢地都話要先有心理預備,就係可以負擔多一位有問題小朋友,先會要。

在這裡,有好多家長都不只一位小朋友,希望佢地都分享一下感受。

我已經懷孕,我的原因好簡單,我想有一個正常仔女;但我亦先要有心理預備才會再生。

作者: pamam 時間: 09-10-18 21:21

是，一定要有心理準備，但也不要太過擔心，雖然有人兩個都中，那畢竟只是少數，大部份人都不會這樣的！

原帖由 atty 於 09-10-18 20:48 發表
同心家長會有季刊(同心語),有一期講到智障及遺傳;入面有幾個家長分享生多一個小朋友的顧慮同原因。內容唔太記得,最記得係佢地都話要先有心理預備,就係可以負擔多一位有問題小朋友,先會要。

在這裡,有好多家長都不只 ...

作者: icyboy 時間: 09-10-19 10:52

我一心都是想生兩個,大仔1歲已馱細仔,當時大仔還細徵狀(自閉症傾向)還未太明顯,如果知道大仔有問題,我都唔知會唔會生第二個,因都會想將所有資源($ 及time)留給大仔. 細仔現在1歲多,好慶幸暫時觀察他是正常,有時都想點解兩個仔同一個爸媽生, 同一個環境相同人揍,分別咁大,只可說是天生的!不過我都覺得細仔在一些互動關係上對大仔有幫助,見到他們好close一齊玩真係好開心!

作者: ktv 時間: 09-10-19 23:01

我唔生o既另一個原因, 係就算第2個冇事, 佢o既下一代都有機會有事, 至少機會係高d。

原帖由 icyboy 於 09-10-19 10:52 發表
我一心都是想生兩個,大仔1歲已馱細仔,當時大仔還細徵狀(自閉症傾向)還未太明顯,如果知道大仔有問題,我都唔知會唔會生第二個,因都會想將所有資源($ 及time)留給大仔. 細仔現在1歲多,好慶幸暫時觀察他是正常,有時都想 ...

作者: ltdcorp 時間: 09-10-19 23:27

我大女沒有問題, 但細仔是自閉証傾向. 如果我第一個是有問題的, 我一定唔會生第二個. 因現在面對過才知道要面對的問題和壓力真的好大. 慶幸我大女好乖, 好叻, 經常幫我同我一起照顧弟弟. 如果你先生會協助你照顧的話還好, 否則兩人之間教小朋友的意見不一致時更壞, 對教小兒來說, 我先生就完全不能協助我了或者他還不接受小兒的問題.

作者: nokia6300 時間: 09-10-20 22:13

這真是一個好難的決定!

我信,我地決定唔生,大家都真係有d遺憾,但生,卻又好好大壓力,先生基本上都好合作,佢都會聽我講,有空時 or weekend 都會同我一起train bb 的,但再多一個,唔好話有問題,正常的,都辛苦啦!

作者: sharon26788 時間: 09-10-20 22:22

我大囝係有問題,而家小囡就一歲幾,暫時還睇唔到有乜問題,一直都有留意;
多一個我就覺得有好處囉,哥哥同妹妹對得多左,好多方面都進步左,最起碼分享啦,對答,照顧他人啦,呢D係S位都應用不到囉.

作者: gordon818 時間: 09-10-20 22:38

totally agree, my younger son is Austim disorder, he can learn from his elder brother, how to talk, share and play with others,of coz he's a bit different la, no matter how he behaves, He is my son ^_^

作者: sukywan 時間: 09-10-21 09:08

nokia6300,

如妳不是高齡的話, 妳可以待孩子再大些才決定吧! 因為孩子愈大可能進展愈理想呢! 其實生兩個小孩一定比生一個辛苦的了(不論是否有特殊需要, 其實各自都有其辛苦的地方), 所以要想清楚自己的家庭在經濟, 照顧, 心理準備......等各方面是否應付到;
我見過不少家長, 他們第一個/第二個孩子是有特殊需要的, 但他們其後所生的子女都健康正常, 當然亦有少數不幸的, 是兩個孩子都有不同程度的特殊需要, 而我的朋友亦後悔, 在大兒子還小時没有生第二個, 因大兒子漸長便愈難和同輩建立社交, 所以真想家中有弟妹可幫他一把(始終兄弟如手足, 是最親密的), 不過, 其實再生與否, 都要妳倆夫婦經過深思熟慮, 才能作出的決定, 願妳們一家能繼續同心, 互相支持走下去;
我的小b會在下年年初出世了!

原帖由 nokia6300 於 09-10-16 14:39 發表
先不計$$$先,第一個有問題,仲會生嗎?我同老公一心生2個,但,唔知點好?

作者: owl_2046 時間: 09-10-21 10:05

"50%中標率"我都係上網睇到資料.

我亞仔之前反私人s位時, 有位媽咪就係諗住博多個, 希望冇事, 點之都係A仔...

除非有定心理準備, 第二個係A都可以安然接受及繼續幫佢"衝破障礙"否則真係無謂啦.

湊A仔除左要EQ爆棚之外, 金錢更加重要, 訓練半個鐘最少都要$400以上, 我就投降啦

原帖由 pamam 於 09-10-18 16:58 發表
你的stat不對，以我所知，第一個小朋友係A仔，第二個中的機會是比正常高3 - 7%。

我大仔是亞氏保加仔，細仔正常，我唔係鼓勵人地去生，因我有細仔時仲未證實大仔有事，所以我唔使掙扎去想呢個問題，不過在細仔3歲前我都好似驚弓之鳥 ...

作者: nokia6300 時間: 09-10-21 11:51

多謝大家的分享!

我就係快高齡,所以先心急,不過,呢d都真係唔到你急既,其實老公都想等bb返左學,睇下佢既進度再consider,只是我好怕高齡生d bb,較易有問題.........

anyway,多謝大家的分享,祝我地既 special kids 開心長大,健健康康!

歡迎光臨教育王國 (/)