教育王國

標題: TKO優才書院旁的『健明村垃圾站』之臭味問題? [打印本頁]

作者: bonnie-chan 時間: 09-10-16 11:21 標題: TKO優才書院旁的『健明村垃圾站』之臭味問題?

各優才高年班家長,

本人家住健明村, 因利成便, 再加上貴校課程吸引, 最重要還是小班教學, 是區內少有的直資學校, 一直心儀貴校, 可是, 有些問題一直困擾, 恕我冒昧, 我沒有半點抵委的意圖, 作為家長, 只想知多一點點, 想問問你們高年班的子女, 在校園內, 有否發現有臭味問題?

事原:
由於我家住健明村(近垃圾站), 經常被位於健明村的垃圾站(優才旁那座深淺紫格仔紋的建築物)發出的臭味所困擾, 一般在每天早上8:00-10:00及晚上8:00-10:00才發現有臭味, 已向環保署投訴多次, 他們表示健明村的垃圾站是採用全港最先進的收集垃圾系統, 不經人手, 由屋村每層收集垃圾後, 經機器用吸力將垃圾經管道直接吸到地底, 再吸到這個垃圾站, 每天收集兩次>>早上8:00-10:00及晚上8:00-10:00, 可是, 每次這部機器運作, 就會如吸塵機般, 有強勁吸力, 也有排氣, 而這座深淺紫格仔紋的垃圾站之排氣窗口正對著垃圾站與優才之間的大樹, 環保署一直表示會督促健明村垃圾站管理公司作出改善, 我也曾向區內的區議員投訴, 可是這個問題時好時壞, 投訴完一段時間好一些, 隔一段時間又來過.

請問有沒有高年班家長可以分享下呢?

bonnie-chan

[ 本帖最後由 bonnie-chan 於 09-10-16 20:17 編輯 ]

作者: edea 時間: 09-10-16 12:40

過往都在星期六這個時間去將軍澳校舍, 我自己未試過聞到臭味, 也希望將軍澳的家長們可以分享一下.

反而上星期六在校門外接女兒放童軍時, 有人高處擲物, 是一塊cd, 我和其他家長傾談時覺得有物打中我腿部, 原來是爆開的cd碎片, 幸好我穿牛仔褲沒割傷, cd當然四分五裂了.

屋苑和校門很接近, 擲物真的太危險了.

作者: dabbycheung 時間: 09-10-16 13:53

原帖由 bonnie-chan 於 09-10-16 11:21 發表
各優才高年班家長,

本人家住健明村, 因利成便, 再加上貴校課程吸引, 最重要還是小班教學, 是區內少有的直資學校, 一直心儀貴校, 可是, 有些問題一直困擾, 恕我冒昧, 我沒有半點抵委的意圖, 作為家長, 只想知多一點 ...

我個仔響TKO校舍返左學4年幾，佢舊年曾經同我講過，話發覺學校附近間中有一陣臭味(我個仔既嗅覺好靈敏)。當時我亦曾經問過幾位家長，佢地既答覆係，佢地既仔女唔多覺有呢個問題出現。

幾個月之後我再問個仔，但個仔話已經唔多覺有「臭味問題」出現了。所以你提出既問題，我相信只屬間中出現，而且情況並不算嚴重。

作者: 軍魁星 時間: 09-10-16 14:20

我試過站在學校最近垃圾站個位(欣園)，當風向吹過來的時候，會聞倒有臭味，課室入面就要問下個仔先知。

作者: bonnie-chan 時間: 09-10-17 23:10

Hi edea,

係呀! 我都覺得呢度高空擲物的情況都幾嚴重架, 你下次要小心d啦, 無事就好la.

Hi dabbycheung及軍魁星,

多謝你們的分享!

各位優才高年級的家長,

唔知可唔可以代為向閣下的子女了解下臭味的問題, 係度分享下呢?

還有, 請問有無家長知道學校方面有無跟進呢個問題呢? 因為學校的牙力, 點都大過我地呢d蟻民.

謝謝!

bonnie-chan

作者: janicetsang 時間: 09-10-18 13:21

以我所知, 因為城中駅住戶強烈投訴,該垃圾站已暫停其自動收垃圾系統 (用地下管道吸垃圾). 現以人手操作,因此近來已沒有回氣所產生的臭味.
這只是聽人講.
同埋未知長遠會點.

作者: bonnie-chan 時間: 09-10-18 17:31

原帖由 janicetsang 於 09-10-18 13:21 發表
以我所知, 因為城中駅住戶強烈投訴,該垃圾站已暫停其自動收垃圾系統 (用地下管道吸垃圾). 現以人手操作,.......同埋未知長遠會點. ...

Hi janicetsang,

多謝你的回覆!

話時話, 最近好似又唔多覺有臭味, 我仲以為係我之前投訴左, 所以先至好左, 仲擔心緊遲D又會返發, 甘我都安心d. 不過, 問題一日未解決, 學你話齋, 未知長遠會點.

除左呢個垃圾站, 呢樹空氣都幾好, 無乜廢氣, 最重要係無TKO堆田區的臭味, 我估"播道"個邊影响會大D.

bonnie-chan

作者: janicetsang 時間: 09-10-18 22:59

原帖由 bonnie-chan 於 09-10-18 17:31 發表

Hi janicetsang,

多謝你的回覆!

話時話, 最近好似又唔多覺有臭味, 我仲以為係我之前投訴左, 所以先至好左, 仲擔心緊遲D又會返發, 甘我都安心d. 不過, 問題一日未解決, 學你話齋, 未知長遠會點.

除左呢個垃圾站, ...

係呀... 我都覺得呢排無左味. 好開心.

歡迎光臨教育王國 (/)