教育王國

標題: 點解我地要咁... [打印本頁]

作者: NICOLE123 時間: 09-10-16 11:02 標題: 點解我地要咁...

我只係想起有小小感慨
唔喜歡聽可以唔洗理我
點解我地要為小朋友n1就要開始同人爭入學
為求一間好既k 再入好既p 再升好既 s
好既s 之後又要考慮出國好定留港好
點解...
因為我地自己"攞"黎 ? 因為我地自己搵來煩 ?
其實..只係我有要求者...我只想小朋友係一個好既環境長大
唔好學壞者.
外國 / 新加玻係唔係都一樣要咁呢 ?
一個個關卡...都係難為有心既父母.
香港人要搵錢買樓.搵錢交學費,搵錢上興趣班,儲錢供基金
你可以話以上一切你可以唔做
政府自然會養你.只係你有要求者...

作者: 1511 時間: 09-10-16 11:30

睇到你個post 我也很感慨...

"我只想小朋友係一個好既環境長大
唔好學壞者."

這也是我小小的心愿 ... 亦是很基本的要求, 只是這麽簡单已経争餐死...

作者: kerkermui 時間: 09-10-16 11:34

我諗.. 作為父母, 响有能力嘅情況下, 試吓俾好d嘅嘢小朋友..
問題係, 每個人對好嘅定義都唔同
我覺得打好個底好緊要
但係有人會覺得咁樣小朋友好辛苦..
人各有志~

作者: 牛精仔 時間: 09-10-16 11:37

唉...太多小朋友出世, 又太多新移民, 都唔到父母唔去爭

作者: NICOLE123 時間: 09-10-16 11:39

原帖由 kerkermui 於 09-10-16 11:34 發表
我諗.. 作為父母, 响有能力嘅情況下, 試吓俾好d嘅嘢小朋友..
問題係, 每個人對好嘅定義都唔同
我覺得打好個底好緊要
但係有人會覺得咁樣小朋友好辛苦..
人各有志~ ...

同意呀
有人覺得hk人行咁咁快好辛苦
咁我自細已經係咁行我又唔覺辛苦
所以我地睇小朋友辛苦
其實如果佢自細已經習慣左係咁
佢又可能好enjoy 都唔定
所以我係想佢自細懂得學習既學趣
而唔係我地大人眼中既辛苦

作者: paklok 時間: 09-10-16 11:45

同意你講法,
我想在環境許可下幫小朋友報間好d既學校,
唔係因為想佢讀名校同埋要谷佢讀書叻,
我只係唔想佢好壞,
名校當然都有壞份子, 但相對少d,
家庭教育重要, 但始終小朋友羣既朋友,
好易受影響, 所以我覺得壓力好大,
本來我無俾小朋友返N1, 諗住俾佢過多年輕鬆生活,
但依家後悔啦, 出面真係乜都要爭,
反而仲害左佢咁, 唉............

作者: NICOLE123 時間: 09-10-16 11:46

原帖由 牛精仔 於 09-10-16 11:37 發表
唉...太多小朋友出世, 又太多新移民, 都唔到父母唔去爭

佢未出世我已經要同大陸人爭床位生仔...
又係我有要求囉. 我要去私家生囉

作者: NICOLE123 時間: 09-10-16 11:48

原帖由 paklok 於 09-10-16 11:45 發表
同意你講法,
我想在環境許可下幫小朋友報間好d既學校,
唔係因為想佢讀名校同埋要谷佢讀書叻,
我只係唔想佢好壞,
名校當然都有壞份子, 但相對少d,
家庭教育重要, 但始終小朋友羣既朋友,
好易受影響, 所以我覺得壓力 ...

生左香港根本無輕鬆可言

早2日係報紙睇到一篇文章"望子成龍"
當中講點解要入好小小既學校
有一句我好認同: 從小建立起來的人際網絡,對長大後的事業發展有很大我幫助也說不定

作者: yaulinda 時間: 09-10-16 11:49

樓主,
就你這個願望,

"我只想小朋友係一個好既環境長大
唔好學壞者."

在今時今日,已經好難架喇!

香港是怎麼的社會,
大家心中有數啦!

作者: ppwlp 時間: 09-10-16 11:56

paklok, 我同你一樣諗法>>"本來我無俾小朋友返N1, 諗住俾佢過多年輕鬆生活, 但依家後悔啦, 出面真係乜都要爭,
反而仲害左佢咁, 唉"

真係而家攞黎後悔...

原帖由 paklok 於 09-10-16 11:45 發表
同意你講法,
我想在環境許可下幫小朋友報間好d既學校,
唔係因為想佢讀名校同埋要谷佢讀書叻,
我只係唔想佢好壞,
名校當然都有壞份子, 但相對少d,
家庭教育重要, 但始終小朋友羣既朋友,
好易受影響, 所以我覺得壓力 ...

作者: poon小朋友 時間: 09-10-16 12:03

其實大家咁辛苦,都係為小朋友嘅未來著想

作者: NICOLE123 時間: 09-10-16 12:10

有人話我地咩都幫小朋友安排好哂
佢地無受過錯節唔識長大
唔會有自己既思想去解決問題
而家新一代咩都賴政府就係你地呢d父母既錯

小朋友要係艱苦中成長
先識求生先會上進

似乎...好似...係我既錯...

作者: Kendis1 時間: 09-10-16 12:22

其實, 又唔洗咁悲觀既, 不如睇下我都是同一情況, 但用另一種態度&做法呀!!! 只是分享本人的睇法而己....

客觀:
1)現在的社會安定了(因為我們的上一代有的還經歷過戰爭,文革等)&繁榮了, 市民的智識水平高了, 明白到教育是成功的基礎, 更是文明社會不可缺失的.
2)由之前我們好重視的升中, 演變到現在家長都好重視升小或選擇幼稚園, 更利害的甚至到鑽研學前&playgroup問題等 (正所謂:升一所好中學, 就要讀好小學; 升一所好小學, 就要讀好的幼兒支持(打好基本功))

主觀:
1)現在的家庭, 一般都是一個起, 兩個止, 父母自然有好多時間放在他們的身上, 為他打點/安排好一切.
2)兒童0-6歲, 是最容易學習及吸收智識的黃金期, 作為人父母的, 又怎會輕易放過這階段呢?!
3)什麼基金/醫療保險: 其實基金妳可以只當作是為他儲蓄, 將來作什麼用途? 到時先算喇! 至於醫療保險, 其實一般大人自己都會為自己買一份看門口, 現在為他買定, 也不算太過分, 只不過投保的多寡, 就應視乎自己的財力&能力了.

之前返playgroup時,曾認識有一位富貴媽媽, 她跟我說, 她已經給最好的東西給她的小兒, 為何他總是一返就cry, 相反我兒就表現好好, 好投入, 好專注. 其實, 她口中所謂"最好的東西"就是請了兩個傭人姐姐輪流服侍兒子(甚至sleeping, 不過她甭上班的), 這表面似是好好, 但她不太明白, 她的孩子最需要的是她,而不是其他人啊!!!

所以, 有錢而不肯付出的家長, 他們的表現或進度也未必好; 相反, 如果孩子在一個持家有道父母(開放及開明), 他自然會開心地(笑著)成長喇!!

而我覺得, 我在這一生最想留給孩子的, 不是金錢. 即使金錢眾多, 也不及我給他們的智識,教養 (因這些是跟隨他一生的)重要.

原帖由 NICOLE123 於 09-10-16 11:02 發表
我只係想起有小小感慨
唔喜歡聽可以唔洗理我
點解我地要為小朋友n1就要開始同人爭入學
為求一間好既k 再入好既p 再升好既 s
好既s 之後又要考慮出國好定留港好
點解...
因為我地自己"攞"黎 ? 因為我地自己搵來煩 ?
...

作者: kerkermui 時間: 09-10-16 12:26

原帖由 ppwlp 於 09-10-16 11:56 發表
paklok, 我同你一樣諗法>>"本來我無俾小朋友返N1, 諗住俾佢過多年輕鬆生活, 但依家後悔啦, 出面真係乜都要爭,
反而仲害左佢咁, 唉"

真係而家攞黎後悔...

...

乜原來萱萱無讀N架?
其實萱萱咁叻女, 你放心啦, 佢一定考到好學校架!

作者: kerkermui 時間: 09-10-16 12:34

原帖由 Kendis1 於 09-10-16 12:22 發表
其實, 又唔洗咁悲觀既, 不如睇下我都是同一情況, 但用另一種態度&做法呀!!! 只是分享本人的睇法而己....

客觀:
1)現在的社會安定了(因為我們的上一代有的還經歷過戰爭,文革等)&繁榮了, 市民的智識水平高了, 明白到 ...

我同老公打咗個比預: 教養孩子好似種植物咁.. 你每日淋水.. 久不久施肥.. 俾足夠嘅陽光..
開唔開到花? 唔知.. 無期限, 每日做!

社會係點.. 其實唔到我地諗太多, 教養佢自立就夠, 裝備好.. 其他嘅事, 由長大後嘅小朋友自己解決!

只問耕耘, 不問收獲~

作者: kerkermui 時間: 09-10-16 12:40

原帖由 NICOLE123 於 09-10-16 12:10 發表
有人話我地咩都幫小朋友安排好哂
佢地無受過錯節唔識長大
唔會有自己既思想去解決問題
而家新一代咩都賴政府就係你地呢d父母既錯

小朋友要係艱苦中成長
先識求生先會上進

似乎...好似...係我既錯... ...

又唔駛咁諗..
你知道自己做緊乜咪夠囉!
其他人點諗~ 管不着啦!

其實e+生活富裕, 都好難要小朋友"艱苦中成長"
教佢地珍惜同知足, 其實一d都唔易!

大家~加油呀!

作者: jaycee_mami 時間: 09-10-16 13:35

原帖由 NICOLE123 於 09-10-16 11:48 發表

生左香港根本無輕鬆可言

早2日係報紙睇到一篇文章"望子成龍"
當中講點解要入好小小既學校
有一句我好認同: 從小建立起來的人際網絡,對長大後的事業發展有很大我幫助也說不定 ...

人際網絡真係非常非常重要, 小朋友在學校識乜野人, 同學黎自乜野家庭, 對小朋友是否學壞有關鍵影響.

你可以話名校學生都會吸毒, 但是, 這只是佔少數, 傳統名校大部份學生都係鐘意讀書, 循規蹈矩做人.

作者: Kendis1 時間: 09-10-16 14:15

Yes, 所以我們也要做好本份, 細路(小朋友)都是慢慢教育的....

原帖由 jaycee_mami 於 09-10-16 13:35 發表

人際網絡真係非常非常重要, 小朋友在學校識乜野人, 同學黎自乜野家庭, 對小朋友是否學壞有關鍵影響.

你可以話名校學生都會吸毒, 但是, 這只是佔少數, 傳統名校大部份學生都係鐘意讀書, 循規蹈矩做人. ...

作者: paklok 時間: 09-10-16 15:05

原帖由 ppwlp 於 09-10-16 11:56 發表
paklok, 我同你一樣諗法>>"本來我無俾小朋友返N1, 諗住俾佢過多年輕鬆生活, 但依家後悔啦, 出面真係乜都要爭,
反而仲害左佢咁, 唉"

真係而家攞黎後悔...

...

係呀......... 我琴晚先同老公呻完,
以後每行一步都要諗得更清楚~

作者: mameyulia 時間: 09-10-16 15:07 標題: 回覆 9# ppwlp 的文章

我都無俾囡囡讀n, 之前平時都無教過佢d學術野, e.g. a for apple..依家一讀就係k1, 都ok呀, 九月到依家開始學校屋企兩邊教佢已經知道f for fish, e for egg, 佢已經pickup得好好, 仲成日覺得呢d係遊戲一部份. 最緊要佢開心學習, 唔好有壓力, 爭係大人嘅事, 千祈唔好俾佢feel到.

作者: beansan 時間: 09-10-16 18:39

我無比ＢＢ讀Ｎ１，最近才開始教佢學一些東西。

好多時係家長形成出來的壓力，我每天都看一下
ＢＫ。。自己在想。

別人收到表格我收吾到，會好驚。
網上的家長緊張時，我地吾多吾少也會受到影響。

我認為做父母一Ｄ都吾容易
吾係１＋１＝２
您付出的１＋１不等於會有回報２的。

輕鬆Ｄ啦香港人，特別係我地呢一代的父母。@_<

作者: siuFatMom 時間: 09-10-21 00:00

Acutally, I think is either 先甜後苦 or 先苦後甜. Kid has a happy KG life, and they will suffer the pain from Priamry school interview, 大抽獎另作別倫. 中學已經定形. 我懷疑中學幫個仔排隊攞報名表真係幫到佢? 趁而家小朋友"黄金＋年" 盡力重好.

歡迎光臨教育王國 (/)