教育王國

標題: 個仔比班主任篤背脊篤到瘀左, 今次又好大力篤肚.. [打印本頁]

作者: 心雨 時間: 09-10-15 23:49 標題: 個仔比班主任篤背脊篤到瘀左, 今次又好大力篤肚..

阿仔3年班, 3-4星期前唔記得做一樣功課, 比班主任鬧時好大力係佢個背脊篤左2下, 跟住又罰企, 返到屋企哭住話好驚個老師, 我睇下個背脊瘀左, 跟住同個仔解釋你自己做錯, 漏左冇做功課, 下次唔好啦, 再叫佢下次醒目地, 唔好比機會班主任鬧佢. 今日, 佢上英文堂時成班由老師帶佢地落去图書館,回班房的走廊上,阿仔單腳jump左2下, 跟住同學仔話比英文老師知, 老師問阿仔有冇, 阿仔好老實答老師佢單腳jump左兩下, 老師罰阿仔抄英文書一次.到班主任堂時,個位同學仔又話比班主任知,班主任好惡好大力用手指篤阿仔肚臍對上個位幾下, 跟住叫佢收拾書包出去,又話要調佢去第2班, 阿仔哭了, 跟住出去....

返到屋企同爸爸講, 爸爸檢查肚臍上真係有塊手指紅印(3點幾篤的, 阿仔補課到5:00幾返到屋企), 都仲見到紅印, 即係好大力, 我晚上8點幾返來仍然見到淺紅印.

英文老師已罰左佢抄書, 而且jump兩下又唔係甘大罪, 班主任有必要再甘大力篤小朋友嗎?

睇完之後好嬲, 搞到我心情好差, 我覺得老師唔係應該係教小朋友點做先岩, 真係唔聽先罰, 而唔係下下用手指大力篤小朋友, 如果篤到重要部位有事點算?

我而家唔知好唔好打去問佢班主任點解, 定打回學校同主任or 校長反映, 但兩種方法我都擔心班主任以後會針對我個仔, 而家學期開始個幾月, 如果比佢針對又要對佢成年, 阿仔一定有排受.

而家個仔同我講好討厭呢位老師同好怕返學, 明明鍾意返學校, 而家搞到討厭返學,好擔心為左討厭老師而討厭返學讀書. 請問有冇媽咪教下我如果處理呢件事, 應唔應該出聲? 唔出聲又擔心佢下次又唔知篤邊度or 打佢. 請幫幫忙! Thanks a lot!

[ 本帖最後由心雨於 09-10-15 23:54 編輯 ]

作者: bbfish1992 時間: 09-10-16 04:00

好似幾得人驚
如果係我都唔知點算
只係諗到影咗相先
「自由廣塲」果邊都有post討論緊阿女比老師打

作者: minmin 時間: 09-10-16 08:34

跳兩吓就受到咁大懲罰!!!! 你間學校好嚴!!
係咪津校??

小朋友點曳都好, 老師點都唔能夠郁手吖嗎???

作者: 心雨 時間: 09-10-16 10:26

係津校, 而且係我區幾出名的, 我又醒唔起要影相, 但如果真係影左相老師都會話唔係佢造成的, 分分鐘話我地屈佢. 但這事真係影響到我同小朋友, 個仔今早起身返學已好驚,話班主任今日如果再鬧佢or 調班,佢要點做呀, 好驚, 而且班主任教佢3科....唉, 搞到我返工心情都好差....唔知點算好?

作者: wensi 時間: 09-10-16 11:08

原帖由心雨於 09-10-16 10:26 發表
係津校, 而且係我區幾出名的, 我又醒唔起要影相, 但如果真係影左相老師都會話唔係佢造成的, 分分鐘話我地屈佢. 但這事真係影響到我同小朋友, 個仔今早起身返學已好驚,話班主任今日如果再鬧佢or 調班,佢要點做呀, 好 ...

見到好幾個lee d topic 原本唔多想答.

我個人而言. 小朋友係唔會無書讀, 就算係一級名校,如果我仔俾人打我都會走. 我去學校了解發生乜野事, 心平氣和唔係去攪事,亦唔係要有你無我, 我唔明怕乜. 如果學校同老師就因為咁秋後算帳難為我小朋友, lee d 學校不讀也杷!

此處不留人,自有留人處。

[ 本帖最後由 wensi 於 09-10-16 11:09 編輯 ]

作者: lauerica 時間: 09-10-16 11:42

作為人父母，理應即時作出行動，如果你唔即時處理，老師既行為可能會變本加厲，今次就話篤瘀左，下次錯手天曉得會發生什麼意外，及時作出行動為妙，建議親身到學校見校長，作出投訴，要求老師交待清楚整件事件，如屬實理應作出道歉，如校方未能公平處理事件，講多無謂，報警處理，後亦可向教署投訴，但見樓主字裹行間似乎欠缺勇氣，為左自已個仔，拿出勇氣來，加油吧！

作者: Kittymummy 時間: 09-10-16 12:38

um... 我覺得你應該先要同校方果邊講, 就算小朋友唔岩在先, 老師都唔應該咁樣做, 更何況你小朋友jump 兩下只係少事, 罰企or抄寫下已經足夠. 返到發現屋企仲有紅印, 我諗個老師力度都係唔細.

作者: 10101010 時間: 09-10-16 13:32

我仔學校三年級開始都係嚴咗好多,跳吓跑吓都要寫手冊告知家長,但老師絕對唔會郁手郁腳打小朋友,假如你相信老師真係咁對你個仔,咁就一定要找老師問清楚。

作者: YLMBEE 時間: 09-10-16 13:35

原帖由心雨於 09-10-15 23:49 發表
阿仔3年班, 3-4星期前唔記得做一樣功課, 比班主任鬧時好大力係佢個背脊篤左2下, 跟住又罰企, 返到屋企哭住話好驚個老師, 我睇下個背脊瘀左, 跟住同個仔解釋你自己做錯, 漏左冇做功課, 下次唔好啦, 再叫佢下次醒目地, ...

其實唔使怕同老師講咗後會有D乜後果, 全港又唔係得佢一間小學.
首先我覺得小朋友做錯乜事都好,咁樣篤佢係老師唔啱.如果我係你的話, 首先向老師了解成件事先, 然後再同仔仔嘅口供夾吓是否有出入. 如果有的話, 直接同老師 or 校長對質, 要幫小朋友取回個公道
如果件事處理好後, 你要多D關心小朋友向學校嘅嘢,如同學、老師.....等, 如果老師 & 校長就因埋件事之後針對你小朋友, 我勸你快D轉校為妙.

作者: 已刪除用戶 時間: 09-10-16 14:11

agree!
我朋友個女, 之前就係讀一間地區名校, 好多人想入果種, 仲要好近屋企, 當時抽到真係滿心歡喜
但老師就係俾唔到關顧小朋友(小朋友有d特別需要), 小朋友唔鐘意返學, 仲留o係度做咩?!
揀學校係一個matching game, 人地話係好學校, 唔等於對你黎講係好學校, 有咩事, 返去了解左先, 係誤會就最好, 如果老師真係處理不當, 你做媽媽當然要保護自己小朋友啦

原帖由 wensi 於 09-10-16 11:08 AM 發表

見到好幾個lee d topic 原本唔多想答.

我個人而言. 小朋友係唔會無書讀, 就算係一級名校,如果我仔俾人打我都會走. 我去學校了解發生乜野事, 心平氣和唔係去攪事,亦唔係要有你無我, 我唔明怕乜. 如果學校同老師就 ...

作者: 黃巴士 時間: 09-10-16 18:22

原帖由 Charlotte_mom 於 09-10-16 14:11 發表
agree!
我朋友個女, 之前就係讀一間地區名校, 好多人想入果種, 仲要好近屋企, 當時抽到真係滿心歡喜
但老師就係俾唔到關顧小朋友(小朋友有d特別需要), 小朋友唔鐘意返學, 仲留o係度做咩?!
揀學校係一個matching game ...

AGREED!!

重咩依家D老師咁"陰招"嘅..... 施展"督肚"&"背脊".

作者: happyvalley 時間: 09-10-16 20:45

點都好，打人及受到傷害，就一定唔啱，我讚成先向老師了解，其實係驚告呢位老師唔好再動手動腳。

p.s.不過我話比大家聽，其實校長唔會介意老師打學生的，所以要做，就要比學校知道自己係會出聲、聲討的。

作者: Annabellalaw 時間: 09-10-17 00:15

希望你們不要怪我說話直接,

我初時看到topic也是不想答,因為奇怪家長為何仍要東問西問,係我就轆住去剷個老師（可能打招呼嗰句會温柔Ｄ）,
而家身體有傷,唔係講笑,一早講,根本唔會有第二次！

如果老師冇合理解釋,冇好鄭重咁同我道歉（件事証實係佢做錯咗）,我必定告到去校長,要校長跟進,

傷到我Ｄ仔女,勢係假,我唔信亦唔理會有不公平對待,只要自己問心無愧,唔係偏幫仔女,點會咁冇天理？

係呢個時候,我實做潑婦,虾唔到我！

真係咁冇天理嘅.........

就當自己有眼無珠揀錯咗,仲唔走人？

原帖由 happyvalley 於 09-10-16 20:45 發表
點都好，打人及受到傷害，就一定唔啱，我讚成先向老師了解，其實係驚告呢位老師唔好再動手動腳。

p.s.不過我話比大家聽，其實校長唔會介意老師打學生的，所以要做，就要比學校知道自己係會出聲、聲討的。 ...

[ 本帖最後由 Annabellalaw 於 09-10-17 00:54 編輯 ]

作者: Annabellalaw 時間: 09-10-17 00:25

hi,happyvalley,

點解你話校長會唔介意老師打學生嘅

打手仔都話啫.......

我唔信.....

原帖由 happyvalley 於 09-10-16 20:45 發表
點都好，打人及受到傷害，就一定唔啱，我讚成先向老師了解，其實係驚告呢位老師唔好再動手動腳。

p.s.不過我話比大家聽，其實校長唔會介意老師打學生的，所以要做，就要比學校知道自己係會出聲、聲討的。 ...

作者: CHIULHJ 時間: 09-10-17 10:24

我會第一時間毫不猶豫地站出來跟學校理論，給學校知道老師是不可為所欲為的，若日後囝囝真的被針對，你應該為囝囝轉另一間學校。

作者: brian61950 時間: 09-10-17 10:42

的而且確,變態的老師真係唔少.
但投訴得就要预左被針對,揾定學校啦.

作者: Annabellalaw 時間: 09-10-17 11:59

如果家長選擇容忍,避忌,會唔會縱容佢變本加厲？

反而會反抗,會聲討,有機會令佢虾第個都唔敢虾你嗰個？

仲敢針對？唔怕再去煩佢咩？事後我會扮到事事關心,體諒佢辛苦之餘又想個仔品學兼優咁,實行温柔咁煩住佢嚟到實！

我實會咁做！

原帖由 brian61950 於 09-10-17 10:42 發表
的而且確,變態的老師真係唔少.
但投訴得就要预左被針對,揾定學校啦.

[ 本帖最後由 Annabellalaw 於 09-10-17 12:04 編輯 ]

作者: Annabellalaw 時間: 09-10-17 12:09 標題: 回覆 1# Annabellalaw 的文章

再者,依家都要培養學生有主見,有批判性思維啦,咁攪法,容嘜易變成烏龜？

怕事唔係我性格,我嘅仔女唔會係咁！

我都話唔答啦！你哋睇我幾勞氣,好似自己個女比人打咁！

[ 本帖最後由 Annabellalaw 於 09-10-17 12:15 編輯 ]

作者: MaggieHei 時間: 09-10-17 13:23

如果是我, 第一時間約老師了解清楚.

可能是小朋友錯, 也可能是老師反應過大. 不過, 姑勿論係邊個問題, 都唔應出手. 要知道, 老師對小朋友影響好大. 小朋友見有什麼事老師都是出手解決. 你認為你的小朋友會點呢 ?

小朋友係唔會冇書讀. 再講, 你認為你的小朋友每天上學也要提心吊膽會是好事嗎 ? 什麼名校教不出好學生都是假.

好歹也要去了解清楚是什麼一回事.

你唔出聲啞忍, 只會有2個可能出現的效果. 一是小朋友學你一樣, 有什麼事也不敢表達自己的不滿. 不過, 可以息事寧人 !

另一個是 : 如果真是老師不對, 佢只會變本加厲. 因為家長唔出聲, 即是你們都認同佢的做法啦.

作者: 黃巴士 時間: 09-10-17 13:51

問吓了解吓咩事先啦!! 問吓唔會秋後算帳掛???
到時見招拆招啦!! 最緊要心平氣和去傾, 先唔好唸到咁WORSE先啦!!!

作者: happyvalley 時間: 09-10-17 22:16

原帖由 Annabellalaw 於 09-10-17 00:25 發表
hi,happyvalley,

點解你話校長會唔介意老師打學生嘅

打手仔都話啫.......

我唔信.....

其實我想話，如果是舊一些的校長，以前都是會打學生的老師出身的。我曾經去過舊生會，直頭個舊生指住個老師，話佢以前都有打過我，幾冇面。

作者: happyvalley 時間: 09-10-17 22:23

原來大家好齊心，真係要怪，就怪以前 d 打人老師，種下來令家長不信任的種子，從今之後，校方真係要 Open 佢地個 Mind，唔好再行舊觀念，唸住做左就冇人會知道，要多多與家長同一線。

作者: Annabellalaw 時間: 09-10-17 23:53

對唔住,我嘅反應又真係大咗Ｄge,因為我代入咗自己嘅囡囡,sorry！

唔知樓主依家點做呢？

原帖由 happyvalley 於 09-10-17 22:23 發表
原來大家好齊心，真係要怪，就怪以前 d 打人老師，種下來令家長不信任的種子，從今之後，校方真係要 Open 佢地個 Mind，唔好再行舊觀念，唸住做左就冇人會知道，要多多與家長同一線。 ...

作者: goodmama2003 時間: 09-10-18 01:02

提示: 作者被禁止或刪除內容自動屏蔽

作者: goodmama2003 時間: 09-10-18 01:07

提示: 作者被禁止或刪除內容自動屏蔽

作者: lauerica 時間: 09-10-18 08:38

原帖由 goodmama2003 於 09-10-18 01:07 發表

不單是你，　我看到都好興．．．個老師是味short上腦．　定看周星馳的戲看多左?今時今日都打學生 ? 個肚用來篤架 ? 想下自己點樣10個月懷孕生她出來 ?我就想兜巴星個老師 !! ...

係人都講打人唔岩，但你又話要兜巴星個老師 !!
以暴易暴，咁點教小朋友？唔通同佢講，老師打人點都唔岩，但我會打返佢咁呀？係時候改變下自已既價值觀，免得日後小朋友有樣學樣。

作者: goodmama2003 時間: 09-10-18 20:20

提示: 作者被禁止或刪除內容自動屏蔽

作者: lauerica 時間: 09-10-18 21:52

原帖由 goodmama2003 於 09-10-18 20:20 發表

不好說左第度, 我不是教小朋友打返個老師, 我只是表達我對這老師的憤恨姐.你連看野都看不明 ?

再者, 這種虐待狂老師, 想兜巴星她的人仲多個一個足球場,我平生最憎人欺負細路, 人神共憤 ! ...

唔使咁激動，傷身架。

作者: Lovely媽咪 時間: 09-10-18 23:00

唉...有啲唔係好明點解有啲家長可以容忍自己既小朋友俾老師打,吓吓都話驚俾老師標籤而唔敢出聲,咁仲有邊個可以保護個小朋友

前2年我仔仔都試過,但不是被老師打,只是老師講了一些(無--唔記得點打

)辱的說話,我寫了一封信俾老師表達我的不滿,亦同校長講了這件事,最後事件好完滿解決,當然老師一定有佢既解釋,但起碼佢會知道我會睇住我仔仔的.之後亦沒有任何針對的事件發生,所以有事最好係搵老師傾一次,了解清楚整件事,因小朋友講嘢亦不能盡信,好多時小朋友會收埋一啲說話冇講清楚.

作者: 黃巴士 時間: 09-10-18 23:57

如果老師標籤小朋友, 家長係咪又可向校長投訴LABEL返老師.

作者: goodmama2003 時間: 09-10-19 00:04

提示: 作者被禁止或刪除內容自動屏蔽

作者: parent_bb 時間: 09-10-19 10:47 標題: 挺身保護抹淚痕

原帖由 goodmama2003 於 09-10-18 01:02 發表
樓主呀,個仔是你, 你不保護他, 仲邊個保護他呀, 換左是我, 如果老師咁對我個女, 我實同她死過! 我即日請假不返工都要馬上飛去學校3口６面問清楚她!究竟發生什麼事要受到體罰，究竟這學校是否教人的地方，即使是有罪的犯人， ...

Dear心雨，
這裡的家長意見正面，符合不公平現實----就是如果校方處理不當，要走的是受害人。現在最重要的是你兒安全，對新學校老師回復信心，才會有愉快學習的希望。

虐待學生案件，冰山一角
看到一宗又一宗的虐待學生事件，實在很心痛，很無奈。
我天真地以為經過報紙、電視、電台傳媒報導過後（2006年11月19日--幼兒園惡行 http://the-sun.on.cc/cgi-bin/hotnews2.cgi?a=news&b=20061119&c=20061119022339_0000.html），那些惡魔老師會收手。

虐待學童禍害深、挺身保護抹淚痕
事實上沒有可能的，因為人的罪性根深蒂固，唯一可行的是家長挺身保護抹淚痕。
請千萬不要相信：
「現在的孩子不打得，真是金菠蘿」，「老師肯打他，就是好老師」，「現在那有老師敢打學生呀，反而給學生打就有」，「孩子不肯上學是害怕與母親分離，怕守規矩」，「現在的學生很叻，常說謊話」……等。

如果將老師換上家傭，大家立即會相信孩子，知道應該如何處理，但是施虐者是老師，我們便很惶恐、猶疑，質疑兒女的訴苦，是真是偽？怕冤枉老師，怕孩子被針對。因為沒想過學校、老師會如此狠心，會如此謊話連連！

惡夢已經開始了！要立即行動，才能制止更深的傷害（正生書院http://hk.news.yahoo.com/article/091016/3/eq8y.html，幼兒在學校死亡http://hk.56.com/big5/tieba.56.com/v?tn=591176），因為施虐者會越打越瘋狂的。

與其後悔莫及，不如盡早制止他們傷害兒童，繩之於法才能減少兒童繼續受害。家長一定要教導兒女保護自己，要從BB開始，就要教他分辨情緒，身體不可被觸摸的部份，被打、恐嚇、性侵犯必定要告訴父母親，媽媽一定會保護他的。

體罰定義、資料
http://hk.knowledge.yahoo.com/question/question?qid=7007031302692

老師專業守則
老師要遵守--專業守則http://cpc.edb.org.hk/Chinese/code02.htm、
教育條例及香港法例（香港在1990年代初期開始禁止體罰。香港法例第279A章《教育規例》第58條訂明：「教員不得向學生施行體罰」；另外第243A章《幼兒服務規例》第15條及第45R條分別訂明：「任何人不得對［兒童］中心內兒童施行體罰」、「任何人不得對互助幼兒中心內兒童施行體罰」。）

學校要遵守--教育條例、要有投訴程序、所有投訴虐兒事件要有詳細紀錄，並需要向教育局，社署程報http://www.edb.gov.hk/FileManager/TC/Content_693/sag-200809-c-2009.09.30.pdf。
香港政府要遵守--法律、兒童公約、人權法案

盡早決定，驗傷證明
如你決定為兒女討公道，你必需要冷靜，不要獨自行動，要有人陪同投訴，要與家人或專業人士相討，所有對話、投訴、會議要有紀錄（會議是可以錄音的，他們會千方百計盡量不紀錄，或說是只是互相了解誤會而已又不做紀錄，又或紀錄亂寫--抹黑學生，暗示家長攪事），校方必需交會議紀錄給與會者的。

如有傷痕必需要盡早報警，政府醫生驗傷證明，要影相。
警方會安排受害兒童做會面錄影，由社署心理學家問孩子的，如兒童能清楚說出受虐經過和施虐者，警方才會考慮調查。大多數都不了了之，大事化小，小事化無，所以很多施虐惡魔都能逃離法網，繼續傷害兒童（尤其事家傭虐待幼兒為甚）。

官官相衛、公義難求
政府、社福界、教育界、輔導專業、保護兒童人士、宗教界、法律界、議員、醫生都高舉保護兒童的口號，實則各自為自己爭取資源利益，置兒童權益不顧。

幸而我遇到幾位專業社工、律師、家長支持鼓勵，支撐了四年，十分疲慮。對於他們的信任，又非親非故，我實在感激萬分。對於質疑我的人，我十分多謝他們的關注，希望他們繼續關注學校虐待學生事件，最終會發現虐待學生禍害無窮。（只要在yahoo，google 搜尋----虐待兒童、幼兒園、幼稚園、學校老師虐待幼兒學生、child abuse case 等，就發現有無數的虐待學童資料，令人心寒，叫人痛心。）

最後祝所有學童平安，有好老師、好校長，快樂上學！

Parent_bb 2009/10/19

作者: 木子 時間: 09-10-19 14:01

你唔好咁軟弱, 下下都諗到老師同學校會點, e+最緊要你囝係未成年人, 你要對他的身心健康負責

學校亦都要負責, 即刻同學校講, 睇下學校點feed back, 任何人都唔可以對他人的身體進行虐待, 何妨係一個小朋友

原帖由心雨於 09-10-16 10:26 發表
係津校, 而且係我區幾出名的, 我又醒唔起要影相, 但如果真係影左相老師都會話唔係佢造成的, 分分鐘話我地屈佢. 但這事真係影響到我同小朋友, 個仔今早起身返學已好驚,話班主任今日如果再鬧佢or 調班,佢要點做呀, 好 ...

作者: laitaitai 時間: 09-10-19 14:11

樓主，我認為你先了解整件事，小朋友還小，若遇到不公平時，做家長不能正面回應及處理，對小朋友發展不好，將來膽小怕事，那就更糟了！藉此，你可以教導你小朋友如何解決事情及正直的重要。

作者: 心雨 時間: 09-10-20 14:27

多謝各位媽咪的回應! 我其實都係衝動派來的, 一有什麼事我就第一間去講, 就係因為自己太衝動(不是軟弱), 怕處理的不好而影響個仔係學校的生活, 所以問了樓下同校的媽咪, 佢地意見都係怕老師對小朋友更差. 但我自已的睇法唔係, 係要比老師知道家長已知道此事, 要老師以後檢點唔好再篤小朋友. 所以我post 出來問各媽媽意見, 以免自己處理的唔好累事.

昨天下午已去了學校同班主任了解件事, 先問佢了解下我個仔係唔係好百厭? 佢答唔係, 好乖係學校, 跟住問返佢個日件事, 我個仔jump 兩下比英文老師罰, 到佢既堂仲要比佢篤同鬧和叫佢執埋書包走? 有甘嚴重嗎? 你叫佢走去邊? 而且篤佢後事隔2-3個鐘之後仍然有紅印, 都好大力. 佢開始時就扯左去我個仔學校上堂唔太專心, 成日好像發夢甘, 後來就問返我返去仲見到印....? 我話你係男人, 力度好大都唔知,但唔應該用甘既方式教導同好影響小朋友返學心態, 搞到而家小朋友恐懼左你...........佢最後都承認左可能過份嚴格, 但冇提到自己有冇出手篤小朋友....(即係間直承認左), so far 在談話之中佢比我既感覺唔係好串個種, 而我都表明態度係我知道件事同我這次特登請假來學校見佢, (比佢感覺我好重視呢件事), 我這次來是了解件事同希望同老師有良好的溝通, 唔係投訴佢, 都希望佢唔好因為呢件事對小朋友存在偏見 (我講到好好聽, 希望佢都了解家長的心情), 佢話唔會哦.....話今日會同我個仔傾下, 令我個仔消除對佢既恐懼.......

對於小朋友係學校有問題發生, 做父母當然要幫朋友解決, 如果唔係佢真係會覺好無肋, 而家算係解決在件事我心情都好返點, 呢件事真係好影響我心情.

Anyway, 多謝各位媽咪的意見.

作者: Annabellalaw 時間: 09-10-20 14:47

真係好開好你可以處理得咁好

亦可以做正面教材,叫其他父母唔需要怕被針對而唔敢面對.

原帖由心雨於 09-10-20 14:27 發表
多謝各位媽咪的回應! 我其實都係衝動派來的, 一有什麼事我就第一間去講, 就係因為自己太衝動(不是軟弱), 怕處理的不好而影響個仔係學校的生活, 所以問了樓下同校的媽咪, 佢地意見都係怕老師對小朋友更差. 但我自已 ...

作者: goodmama2003 時間: 09-10-20 15:57

提示: 作者被禁止或刪除內容自動屏蔽

作者: happyvalley 時間: 09-10-20 16:16

原帖由心雨於 09-10-20 14:27 發表
多謝各位媽咪的回應! 我其實都係衝動派來的, 一有什麼事我就第一間去講, 就係因為自己太衝動(不是軟弱), 怕處理的不好而影響個仔係學校的生活, 所以問了樓下同校的媽咪, 佢地意見都係怕老師對小朋友更差. 但我自已 ...

咁咪好 lor，我都可以借鏡，呢件事我反而覺得對老師有好處，因為可能佢出左手太重，自己都唔知，呢次教訓就唔會再做 la。

作者: 心雨 時間: 09-10-20 22:41

老師可能真係唔覺自己有問題, 因為從來都冇家長同佢反應過佢既問題. 係父母立場,擔心子女係學校受委屈好正常, 好多家長遇到問題時都係敢怒不敢言(我問過很多人, 個個家長第一時間係怕老師日後針對但無疑令小朋友心靈受到更深的傷害. 遇到問題時一定要徹底問清楚小朋友事發經過, 我都問我個仔幾次到底係咩回事, 好擔心個仔講點唔講點,到時同老師講時反效果令老師反感, 所以思前想後到底要怎樣講說話同處理先係最理想.(唔想自己太衝動立即去講, 有時自己好嬲時不理後果, 事後冷靜完先覺其實唔應該甘處理) 當然, 如果老師對話當中令我覺得老師好不講理同過份的, 我就唔會甘客氣去處理這事.

係我個仔2年班時,有日佢放學返來同我講佢數學老師發其他同學仔脾氣, 因為同學仔講極都唔明, 老師好嬲係個同學仔面前大力摔簿, 個同學仔吓到哭, 聽完之後我諗左一日, 第2 日打去同佢班主任講點解個老師會有甘既舉動(行為), 為人師表唔係應該好有應心地教導小朋友嗎? 小朋友唔識唔明, 老師摔簿, 甘其他小朋友見到係唔係會有樣學樣呢? 事隔一排, 我再問的個仔,佢話已唔見個數學老師有甘既行為了.

希望其他媽咪一樣, 有問題都會拿出來同老師溝通, 小朋友有個好的學習環境

作者: yovin 時間: 09-10-20 23:38 標題: 心雨,

支持你!
要冷靜好好地處理，目標是雙WIN的局面。但不可不理，這件事會影響你和仔仔的RELATIONSHIP.

作者: 心雨 時間: 09-10-21 11:57

Thanks Yovin!

作者: rookiemom 時間: 09-11-20 23:22

我覺得你處理得好好！

原帖由心雨於 09-10-20 14:27 發表
多謝各位媽咪的回應! 我其實都係衝動派來的, 一有什麼事我就第一間去講, 就係因為自己太衝動(不是軟弱), 怕處理的不好而影響個仔係學校的生活, 所以問了樓下同校的媽咪, 佢地意見都係怕老師對小朋友更差. 但我自已 ...

作者: suet78 時間: 09-11-21 10:58

提示: 作者被禁止或刪除內容自動屏蔽

作者: 馮媽媽 時間: 09-11-21 16:07 標題: so sorry

原來事件已ok,因我只看了前一二欄,沒看尾後,
so sorry, 事件完滿解決就好了.

[ 本帖最後由馮媽媽於 09-11-21 16:48 編輯 ]

作者: happy168 時間: 09-11-23 00:47

提示: 作者被禁止或刪除內容自動屏蔽

歡迎光臨教育王國 (/)