教育王國

標題: 是我太無鬥心還是我老公要求高 [打印本頁]

作者: [[]] 時間: 09-10-1 15:41 標題: 是我太無鬥心還是我老公要求高

我老公成日想個仔叻,名列前芧;但我只要求中等成績,品格要好;老公成日話似你咁無鬥心就死,我同個仔講一次比一次進步便行了,(當然要合格的情況下)老公就話你都死,緊係要同同學比,唔係點會發奮.....,是我的問題??---full ma,安享慣了,不用在公司競爭,所以沒上進心,鬥心,還是我善良.....???

作者: mmak 時間: 09-10-1 15:57

我覺得只是各人性格問題??...

那你兒子接受到嗎??

我都是full time mum....
但我囡天生鬥心很強, 做功課拎到80分以上我收貨+很滿足, 但阿囡成日問我點樣可以有100分....
佢 P.1 咋..... 我怕佢會太大壓力...

原帖由 [[]] 於 09-10-1 15:41 發表
我老公成日想個仔叻,名列前芧;但我只要求中等成績,品格要好;老公成日話似你咁無鬥心就死,我同個仔講一次比一次進步便行了,(當然要合格的情況下)老公就話你都死,緊係要同同學比,唔係點會發奮.....,是我的問題??---ful ...

作者: [[]] 時間: 09-10-1 16:46

兒子屬一般中游份子,他是可以迫再好一點的,只是我不願意"迫",或者真係性格,老公是努力揾錢然後買好嘢用的那種人(揾錢-改善生活-揾錢--改善生活.....一個循環),但我寧願物質平凡,不要我太辛苦去揾錢;但因為我是full time ma ma,那麼責任就落在我身上,但問題是我不認同也不欣賞那種吓吓要競賽的生活,他們還是小孩子,不是應該單純些嗎?

作者: Annabellalaw 時間: 09-10-1 17:22

父母未達共識,不妨從兒子身上找方向,

若他自己有能力的話,有鬥心也不會壞事,如他性格像你,太勉強亦非好事,

若我,目標只要他上到大學,價值觀正確,擁平常心就滿意了.

原帖由 [[]] 於 09-10-1 16:46 發表
兒子屬一般中游份子,他是可以迫再好一點的,只是我不願意"迫",或者真係性格,老公是努力揾錢然後買好嘢用的那種人(揾錢-改善生活-揾錢--改善生活.....一個循環),但我寧願物質平凡,不要我太辛苦去揾錢;但因為我是full t ...

作者: pineapple0983 時間: 09-10-1 18:17

我相信個問題係將來你想個仔點，如果係想佢讀本地大學，而家開始努力係必需既。
如果佢成績唔好，係Band2/3學生，到小五、小六既呈分試你就會感受到啲壓力。
如果你想個仔平平淡淡，讀完F.6(3-3-4)就出黎捱，成個小學 Hea 都冇問題。
同埋啲Band3中學，就算你個仔唔壞，但佢比人帶壞既機會會比Band1中學高啲。
你間學校係咪一條龍？

作者: Berry_luk 時間: 09-10-1 20:41

我仔也是中游分子, 他永遠去唔到三甲, 也不是最差的一個, 但我也要他知道, 人如果不不停向前行, 就等於向後走, 因為其他人會不停向前行. 所以必須時時鼓勵他們. 推他們一把. 就算個小朋友有多好勝, 也有懶的時候. 但如果個小朋友本來係有潛力的, 但沒有人推他一把, 他就會隱藏起來, 好難找回. 而小朋友要有習慣, 當他習慣了溫習, 習慣了努力, 到長大了, 他也會習慣性地自發性去努力, 所以有時係要有少少壓力, 人才會有動力, 我都係full mama, 所以大家一起努力吧!

作者: G-Ma 時間: 09-10-1 21:37

我覺得可以取個平衡既, 太競賽心態又唔係咁好, 完全無鬥心亦唔得, 始終呢個社會, 你唔進步就等於退步, 但太細個迫得太緊小朋友可能會反感, 驚左讀書仲麻煩, 所以唯有循循善誘, 引導佢每次都要自己進步一D, 加多D獎勵同鼓勵, 慢慢培養佢既鬥心.

[ 本帖最後由 G-Ma 於 09-10-5 19:13 編輯 ]

作者: YuHangMum 時間: 09-10-2 10:27

個人覺得鬥心是須要從小培養, 如果習慣了得過且過, 到小朋友大d, 都很難要佢發力向前!

作者: wunma 時間: 09-10-2 10:59

提示: 作者被禁止或刪除內容自動屏蔽

作者: IRON 時間: 09-10-2 11:08

我地好似同樓主相反, 我老公就首要睇操行, 其次先成績, 但我做全職媽咪, 反而自己俾壓力, 自己諗因為唔駛返工, 個仔既成績起碼要好好睇睇, 但又唔可以迫佢, 呢個平衡就係壓力之源.

今年仔仔小三, 睇到佢性格好有鬥心, 但敗左又識諗唔打緊, 下次再黎, 相信學校從小既教導係好work.

作者: judy 時間: 09-10-2 11:25

原帖由 wunma 於 09-10-2 10:59 發表
贊成! 無需要爭拗, 亦不宜在孩子面前爭拗. 想孩子愉快及健康的成長, 宜以孩子性格做依歸.

只要有良好的學習態度, 他將來自然會選擇適合自己並且喜歡的路.

...

有次我成家人一齊搭的士，的士司機見我一家5口，有老有幼，自然而然而講到子女，個的士司機好開心咁同我地講佢有一仔一女，個仔講緊醫，個女一出來就有三萬幾。"佢地都係尖子，從沒補習，帮人補就有"。

我即刻問佢有冇心得，佢話两夫婦最好就唔好吵鬧，子女有安定之環境自然得噃。

作者: happyvalley 時間: 09-10-2 14:24

我就覺得每次要比上一次進小步，當然可以做到為主，不可存在幻想無可能的事、例如當超人。但當小朋友習慣有鬥心時，就是要明白『成功只是個程，要享受個程中的快樂』，結果不是最重要。

作者: Berry_luk 時間: 09-10-2 14:38

原帖由 IRON 於 09-10-2 11:08 發表
我地好似同樓主相反, 我老公就首要睇操行, 其次先成績, 但我做全職媽咪, 反而自己俾壓力, 自己諗因為唔駛返工, 個仔既成績起碼要好好睇睇, 但又唔可以迫佢, 呢個平衡就係壓力之源.

今年仔仔小三, 睇到佢性格好有鬥 ...

妳同我既諗法係一樣呀, 因無做嘢, 所以就自己給自己壓力, 起碼唔好差過我做緊嘢時的成績, 好比自己一個交代. 但就係事與願違. 唉!

我仔係好勝, 但佢重視結果不重視過程.

作者: 黃巴士 時間: 09-10-2 14:45

原帖由 Berry_luk 於 09-10-2 14:38 發表

妳同我既諗法係一樣呀, 因無做嘢, 所以就自己給自己壓力, 起碼唔好差過我做緊嘢時的成績, 好比自己一個交代. 但就係事與願違. 唉!我仔係好勝, 但佢重視結果不重視過程. ...

ME TOO!!

作者: HIN2003 時間: 09-10-2 18:11

原帖由 [[]] 於 09-10-1 16:46 發表
兒子屬一般中游份子,他是可以迫再好一點的,只是我不願意"迫",或者真係性格,老公是努力揾錢然後買好嘢用的那種人(揾錢-改善生活-揾錢--改善生活.....一個循環),但我寧願物質平凡,不要我太辛苦去揾錢;但因為我是full t ...

應該了解小朋友ge能力, 盡力發揮到最好.
人比人根本無得比.
(搵錢係可以改善生活, 但品格&身心平衡都好重要)

作者: edf 時間: 09-10-3 01:02

我同意, 小朋友的性格是很重要, 不是每個小朋友都一樣,無能力迫都無用,我會要求我女比心機和認真 ,至於是否高分反而次要,最怕她是得過且過, 唔用心....要引導佢, 迫佢兩個都辛苦....互勉之.

原帖由 Annabellalaw 於 09-10-1 17:22 發表
父母未達共識,不妨從兒子身上找方向,

若他自己有能力的話,有鬥心也不會壞事,如他性格像你,太勉強亦非好事,

若我,目標只要他上到大學,價值觀正確,擁平常心就滿意了.

...

作者: Sincelia 時間: 09-10-4 00:16

me three!!!

原帖由 黃巴士 於 09-10-2 14:45 發表

ME TOO!!

作者: longlongmum 時間: 09-10-5 13:32

我小朋友沒有鬥心,應怎樣培養？

作者: pineapple0983 時間: 09-10-5 14:54

原帖由 longlongmum 於 09-10-5 13:32 發表
我小朋友沒有鬥心,應怎樣培養？

開始參加一D運動+比賽，慢慢佢會領略到勝利既喜悅同落敗既唔開心，當然如果佢贏左你會有鼓勵喇；一步步咁小朋友就鐘意競爭。
小朋友如果冇上進心將來好惡搞。當然如果你冇要求既就另計。

作者: G-Ma 時間: 09-10-5 19:18

同意, 我見宜家好多年青人真係咩都求求其, 返一日工又咋病請一日假, 最好係唔洗做又有糧出, 真係一D上進心都無, 真係好惡攪. 所以從小真係要培養佢地起碼要盡力同爭取, 唔係淨係等運到. 機會只會留比有準備既人.

原帖由 pineapple0983 於 09-10-5 14:54 發表

開始參加一D運動+比賽，慢慢佢會領略到勝利既喜悅同落敗既唔開心，當然如果佢贏左你會有鼓勵喇；一步步咁小朋友就鐘意競爭。
小朋友如果冇上進心將來好惡搞。當然如果你冇要求既就另計。 ...

作者: pineapple0983 時間: 09-10-6 11:18

有時我見到有D後生仔成日"厘"埋係屋企打Online-game，或去機鋪打，唔好以為厘D年青人冇乜上進心，好頹廢。
其實如果佢地冇鬥心，係唔會沉迷架；就係佢地想贏，先一鋪又一鋪咁玩落去；Game over 完又 Game over；同埋佢地享受同一D網上同伴一齊戰鬥嗰種感覺。只不過佢地既鬥心用左係一D虛幻既嘢度咋，如果有機會、同有人引導，其實佢地都可以有作為、有成就架。

作者: G-Ma 時間: 09-10-6 20:12

其實ON-LINE GAME真係令到新一代青年變得好自閉, 每日淨係對住部電腦, 所有野都係係虛幻世界, 久而久之都唔肯面對現實.

歡迎光臨教育王國 (/)