教育王國

標題: 語障寶寶應該選擇什麼幼稚園?? (好唔開心呢!!) [打印本頁]

作者: Carsten 時間: 09-9-24 09:45 標題: 語障寶寶應該選擇什麼幼稚園?? (好唔開心呢!!)

語障寶寶應該選擇什麼幼稚園??

請問有無呢方面經驗嘅媽媽可以分享吓...唔該!
囝囝而加兩歲半, 我地好早已經發現佢有言語發展遲緩,
所以都有上play group & 協康 (實在太貴了),
慢慢都有進展, 而加都可以講到生字, 今年開始返Nursery,
以為可以放心小小, 但老師一個電話打嚟,
完全將我地打沉, 好大打擊, 老師話囝囝係全班唯一一個
無辦用語言溝通的小朋友, 聽到後真係好難過,
隔日老師又打嚟話希望我地去評估,
第一次通電話我都有同佢講過協康有評估,
結果係囝囝言語發展遲緩了半年, 不過老師再次打嚟,
我覺好有壓力, 我問佢如果情況改善不大,
校方會唔會要求退學呢? 答案竟然係 : 會....
不過無論點....而加都要面對....
但好徬徨...好怕其他幼稚園都唔接受佢.....

希望有媽媽可以幫幫我...thanks!!

作者: Carsten 時間: 09-9-24 09:52 標題: 回覆 1# Carsten 的文章

如果有熱心人士提供意見, 感激萬分!!

[email protected]

thanks very much!!

作者: pollybell 時間: 09-9-24 10:40

你小朋友係咪讀名校,但去面試時學校都知道小朋友說話既能力,返左個幾月咁快下定論???會唔會你小朋友有其他問題,想你自行退學而俾呢個藉口你,有些學校唔會直接同你講,佢地覺得既問題,好似自閉,智力問題,怕家長反應過大同投訴,所以你真係要同學校溝通下.

我個仔都係返N1,講野都係遲,但老師都無投訴呢個問題,識聽指令,合作,唔需要下下用語言回應,咁如果小朋友唔中意答你,咁係咪要退學呢???

作者: Carsten 時間: 09-9-24 11:17

您好, 多謝回應!
囝囝讀緊九龍塘朗思, 如果唔係有朋友介紹推薦,
我估都唔會收, 你講得無錯, 面試時已知道囝囝比較其他小朋友差, 所以朗思收咗就去讀, 希望返學後會好d,
但到而加都係未趕上正常進度, 而學校又好似唔太接受,
而至於其他問題如自閉,聽力,智力.....我地都有問過健康院..醫生..., 結果算ok, 主要都係言語問題.
我唔知道朗思算唔算名校, 因為從開始搵幼稚園都無諗,
只係希望佢能正常發展, 至於而加就下定論,
係因為覺得學校唔會有適當嘅支援同理解,
所以想問吓...會唔會有d幼稚園可以體諒.

作者: pollybell 時間: 09-9-24 12:13

我個仔讀麗港城既朗思,老師好有愛心,無投訴過呢個問題,或者你同班主任講,問題係語言對答,還是十問九唔答,還是唔專注,語言唔係一步登天,如果有進步已經可以,N1需要咩進度????教都係好淺既字,好似口字,籃色,基本上返學都係玩多,同聽故事,你問清楚佢需要什麼進度???

原帖由 Carsten 於 09-9-24 11:17 發表
您好, 多謝回應!
囝囝讀緊九龍塘朗思, 如果唔係有朋友介紹推薦,
我估都唔會收, 你講得無錯, 面試時已知道囝囝比較其他小朋友差, 所以朗思收咗就去讀, 希望返學後會好d,
但到而加都係未趕上正常進度, 而學校又好似唔 ...

作者: Carsten 時間: 09-9-25 09:35

您好, 多謝回應!
尋日見過醫生, 佢都話囝囝言語發展算遲, 不過未算嚴重,
寫咗信去評估.
爸爸尋日專登去接放學, 有同另外一位老師傾過,
(一個課室有兩班, 所以有兩個老師, 麗港城朗思都一樣嗎?)
呢位老師總算俾番d安慰我地,佢話要對自己嘅小朋友有信心,千其唔好標籤咗佢地係特殊, 呢d例子以為都有過.
自從囝囝上完playgroup慢慢可以講到生字後, 我地已經回復信心, 但仍然keep住上playgourp, 不過係嗰位老師打咗兩次電話嚟, 所以有d動搖.
其實自己都要檢討吓, 可能老師出於關心, 而自己太緊張而諗咗另一邊.....
"養兒一百, 長憂九十九...."
anyway....多謝熱心回覆!!
繼續努力!!!

作者: pollybell 時間: 09-9-25 15:49

解決左就安心晒啦...其實真係要同學校好好溝通,初初我都同你一樣好擔心,但多些同老師溝通後就好放心交個小朋友俾佢地,我多數同班主任溝通,佢會經常打俾我講下仔仔既學習情況,我都會主動打俾老師了解下,只要你俾老師了解多些小朋友,老師會針對小朋友既弱點去訓練,努力.

作者: rinapang 時間: 09-9-26 21:14

朗思好似係國際學校, 老師是否用英語教學, 有言語遲緩的小孩最好用先用一種語言, 待理解及表達有改善後才加入學另一種語言會較好!或者, 你們是否在家也用英語與孩子溝通?

我的小孩也有言語遲緩, 早於2歲時已發現, 在入幼兒園是已讓學校知道, 學校是用中文(廣東話)上課, 老師很體諒, 囡囡基本上理解力沒問題, 是表達弱了些, 所以也能跟上課程, 直至現在, 表達已追上同齡, 上課大致沒問題!

我覺得選擇那些以幼兒為中心, 課程不要太深, 用中文上課的幼稚園會比較合適!

唔好意思, 我印象中朗思學費幾貴, 又沒有學劵, 會否考慮讀些有學劵的學校, 剩下的費用來上訓練, 朗思小學是英文小學, 除非你希望小孩入英小/國際學校, 否則讀本地小學中文會較吃力!

[ 本帖最後由 rinapang 於 09-9-26 21:19 編輯 ]

作者: Carsten 時間: 09-9-26 21:51

您好, 多謝回應!
當初搵幼稚園都好徬徨,又唔識,心大心細,又開始知道囝囝言語遲緩,所以喺朋友介紹下,朗思收了就去讀.
雖然朗思係國際學校, 但有分國際班/本地班,因為我地屋企無英語環境,所以佢都唔建議我地讀國際班,而Nursery大部份時間都係廣東話,我諗會無問題.因為囝囝都好鍾意返學.
而加又到咗幼稚園招生嘅時間, 其實而加都準備寄申請表去其他學校,不過信心不大,雖然囝囝而加有進展,但去面試會主動同陌生人溝通就.......不過都會去試試嘅.
希望會有好消息啦!!
thanks all!

作者: pccmama 時間: 09-9-27 22:10 標題: 語障寶寶應該選擇什麼幼稚園?? (好唔開心呢!!)

提示: 作者被禁止或刪除內容自動屏蔽

作者: Poto123 時間: 09-9-28 00:11

我都面對同一問題, 我個囡囡3歲5個月, 仲係單字得黎唔正, 近來我地覺得佢開始努力想講, 但我地唔係好明佢講乜.
老師有問我, 我話我地排緊期做assessment, 但老師給我的回應係, 做完後記得話比佢聽個結果. 我前兩天去接囡囡放學, 同老師講我地決定揾私人機構做治療, 老師仲話你將囡囡每次做完治療的功課比一份佢, 佢話等我地同你一齊訓練佢, 家校合作. 聽完都好感動.
我都覺得你講得啱, 應該同佢轉一間可以合作既幼稚園都好緊要.

原帖由 pccmama 於 09-9-27 22:10 發表
carsten,
過來人經驗, 建議你轉校, 因一個有語障的小朋友更加需要老師的接納及鼓勵, 個老師三日唔埋兩日就打黎, 又咁又咁, 你諗下, 對住你家長都咁樣, 對住小朋友會點呢?!
我個仔兩歲幾讀樓下一間好普通的幼兒園, ...

作者: Carsten 時間: 09-9-28 14:03

pccmama & poto123,
您好, 多謝回應!
你地介唔介意話我知讀緊邊間幼稚園呢?
正如我post嘅標題, 我都想幫囝囝轉校,
但又唔知邊間學校俾到鼓勵, 不過呢個十月都會去面試,
我都明白好多野好似買六合彩咁, 睇彩數.
pccmama, 我就係怕會出現你所講嘅情況,
所以我想快d轉校, 不過......
1. 怕無學校收.
2. 肯收, 但又係得唔到諒解.
anyway....多謝你地分享....thanks!~

作者: pccmama 時間: 09-9-28 19:05 標題: 語障寶寶應該選擇什麼幼稚園?? (好唔開心呢!!)

提示: 作者被禁止或刪除內容自動屏蔽

作者: pccmama 時間: 09-9-28 19:12 標題: 語障寶寶應該選擇什麼幼稚園?? (好唔開心呢!!)

提示: 作者被禁止或刪除內容自動屏蔽

作者: Poto123 時間: 09-9-29 00:14

今天我再打去揾老師, 跟她說囡囡的功課, 老師話會同囡囡做, 同埋會聯絡我. 我也跟老師說不好意思, 因為某程度上增加了她們的工作. 老師回了一句," 大家都係想小朋友好". 心裏又感動了.
我會把囡囡的學校PM給你, 其實都唔好擔心有無學校收, 上年我同囡囡報佐好幾間, 就只有這一間收. 知道這一間收後, 我都索性不去其它了.
記緊幼稚園面試都好睇家長表現, 自己做少少準備啦!

作者: Carsten 時間: 09-9-29 09:56

pccmama & poto123,

好感激你地嘅回應!!
希望到時會有好消息同你地分享啦!
thanks la!!

作者: dada5 時間: 09-9-30 00:28

請問妳囡囡間學校喺邊區架?

原帖由 Poto123 於 09-9-29 00:14 發表
今天我再打去揾老師, 跟她說囡囡的功課, 老師話會同囡囡做, 同埋會聯絡我. 我也跟老師說不好意思, 因為某程度上增加了她們的工作. 老師回了一句," 大家都係想小朋友好". 心裏又感動了.
我會把囡囡的學校PM給你, 其實 ...

作者: may123 時間: 09-10-8 23:57

我仔仔兩歲前我也發現了他語言能力弱,唔識講野,兩歲七個月安排到政府評估,都話佢都幾嚴重.佢果時靜係呀呀聲,完全唔識模倣人講野,那治療師仲話擔心佢係咩口肌失調之類

係仔仔兩歲時,我幫仔仔報左康傑.好好彩,那裡的老師校長都好接納仔仔,成日鼓勵佢講野,成日都會打比我,話比我知仔仔的進度,真係沒有一句是投訢過佢

之後,那次見完評估中心後,被安排去i位,所以我讀左康傑下學期之後,我就去左我選那一間的i位幼兒園,一路讀,一路等i位,也因為這是一間簾收學校,所以佢地對仔仔的包容好大,成日都會鼓勵佢講多一些

後來,我仔仔派左去第三志願的學校,而家有言語治療師跟住仔仔,呀仔講野叻左好多,雖然都係慢,音唔正,但係同佢自己比,真係進步左好多,可以用句子來表達

所以加油呀,要找一間真係有愛心及包容的學校,小朋友才會讀得開心及建立自信

作者: Carsten 時間: 09-10-23 09:55

ie6

原帖由 may123 於 09-10-8 23:57 發表
我仔仔兩歲前我也發現了他語言能力弱,唔識講野,兩歲七個月安排到政府評估,都話佢都幾嚴重.佢果時靜係呀呀聲,完全唔識模倣人講野,那治療師仲話擔心佢係咩口肌失調之類

係仔仔兩歲時,我幫仔仔報左康傑.好好彩,那裡的 ...

Hi~ may123,
多謝你嘅回應!
我地而加都好積極去搵其他學校, 好想快d離開呢間學校,
參予過幾次學校活動, 發覺老師好偏心, 因為囝囝應對唔叻,
所以老師都好敷衍, 小朋友仲細唔知咩事, 但看在父母眼內,
實在好難受, 我地對呢間學校好失望!!
但見識到而加個社會現實到呢個地步, 兩三歲小朋友就要面對, 什麼辦學宗旨都係門面嘢, 要搵到一間好學校&班主任, 真係有如買六合彩....
想請問"康傑" 係咪指"康傑教育機構" 轄下的幼稚園呢?
我地住九龍區, 去學校網頁睇過, 佢地好似無九龍分校,
可惜呢!
好感激呢度嘅家長俾咗好多信心我地, 大家都努力吧!

作者: Yonniewong 時間: 09-10-23 10:49

其實救世軍轄下既幼兒園老師都好有愛心. 我囝囝由幼兒班開始讀, 你可以K1入學都得. 每一個老師好好, 連嬸嬸都好鍚小朋友. 我囝囝係讀油麻地個間. 不過你唸下捨唔捨得比佢返全日, 我就因為工人姐姐湊, 就寧願比老師教.

作者: 2hearts 時間: 09-10-24 15:27

我個囡今年Ｋ1, 係佢2歲時做評估語言能力遲了9個月。最近班主任打來話佢經常唔應老師, 一來我知囡囡唔多應陌生人唔同陌生人講嘢, 二來佢始終speech delay, 但我感覺到班主任係善意嘅, 所以我安排了下星期再做一次評估。我都好擔心有日學校打來勸我幫囡囡退學。但囡囡都順利渡過ＰＮ(不是同校), 感謝以前班主任嘅合作同體諒。我都唔想佢去讀特殊幼園或兼收幼園。希望你都加油!

作者: pipi331 時間: 09-10-25 00:21

提示: 作者被禁止或刪除內容自動屏蔽

作者: 2hearts 時間: 09-10-25 13:19

[quote]原帖由 pipi331 於 09-10-25 00:21 發表

pipi331,

暑假在協康上了五堂治療, 可能治療師太年輕經驗不足, 感覺作用不大, 他教我引導囡囡說話的方法我早己採用。反而讓囡囡看用廣東話的卡通片後(加從旁解話), 她懂得運用的句子多咗。反而擔心下星期做評估時會因shy又一粒聲都唔出, 但始終都想佢做多次專業評估。希望佢達標啦!

作者: pipi331 時間: 09-10-26 23:56

提示: 作者被禁止或刪除內容自動屏蔽

作者: LITTLESPICY 時間: 10-2-4 21:59

my son also have the speech delay problem, 6 mths, confirmed by goverment 兒科醫生. we will go to have another assessment this week coz i want to have the 2nd opinion. My son just started the school for a few days coz he is a small boy (25 mths). His teacher asked me "could he talk" in the first day, i replied that not yet, a bit delay! then she said, not to worry, boy is like that, a bit late than girl... it's alright, give him sometime. I don't know whether she aware what i mean or she just so so with me.
I am thinking ... should i tell his teacher that he is speech dealy so that she can train him more as i am afriad she will lable my son. In fact, he will change another school for K1, so i am not worry about she asked me to leave finally! What will you do? tell her or not? pls comment, thanks!

作者: harry_mama 時間: 10-2-7 19:37

If I were you, I will not tell as the teacher would not be able to help anyway.

Suggest to monitor your child's speech development for a month. If there is no noticeable improvement (e.g., speaks no more new words), you better consider speech theraply. During the ST, you will be asked to sit with the child. If you think your child becomes ready, you can stop ST.

原帖由 LITTLESPICY 於 10-2-4 21:59 發表
my son also have the speech delay problem, 6 mths, confirmed by goverment 兒科醫生. we will go to have another assessment this week coz i want to have the 2nd opinion. My son just started the school ...

作者: LITTLESPICY 時間: 10-2-8 00:24

thanks for your sharing!
what is ST?

we are trying to force him to speak in these few days and such as say "訓教" then he will say to me "教教"..."係唔係" 講"係" , he will say "係"....
what do you think his improvement? good or not?

we went to 心橋 to do the assessment during weekend. 姑娘話叫佢講詞語會有困難...不過佢學野都有心機...講野明顯係遲....社交都要improve.... 聽完後好心痛, 兩晚都訓唔到....唔知可以點幫佢????

原帖由 harry_mama 於 10-2-7 19:37 發表
If I were you, I will not tell as the teacher would not be able to help anyway.

Suggest to monitor your child's speech development for a month. If there is no noticeable improvement (e.g., speaks no ...

作者: KSWKSW 時間: 10-2-8 23:31

原帖由 pccmama 於 09-9-27 22:10 發表
carsten,
過來人經驗, 建議你轉校, 因一個有語障的小朋友更加需要老師的接納及鼓勵, 個老師三日唔埋兩日就打黎, 又咁又咁, 你諗下, 對住你家長都咁樣, 對住小朋友會點呢?!
我個仔兩歲幾讀樓下一間好普通的幼兒園, ...

可唔可話我知係邊間有幼稚園那麼好, 我都成日俾學校投訴

歡迎光臨教育王國 (/)