教育王國

標題: 想問各位mami會點樣選擇呢 ? [打印本頁]

作者: Be.Be 時間: 09-9-22 19:42 標題: 想問各位mami會點樣選擇呢 ?

仔仔舊年讀n1讀得好開心，而今年升上k1日日都話唔返學；其實都考慮緊同佢轉校，但我又對學校的應識唔多，我而家搵咗幾間學校但如果排次序應該點選好呢 ?而且對這些學校有咩評價呢 ? 請各位bkmami幫幫手 !

約克中英文幼稚園 / 約克英文小學暨幼稚園 (這兩間學校有咩分別呢 )
啓思小學附屬幼稚園 / 啓思幼稚園幼兒園(正校) (點解這兩間一間私立一間非牟利)
金巴倫英文小學暨幼稚園
宣道幼稚園
香港創價幼稚園
又一村學校

作者: Be.Be 時間: 09-9-23 09:40

原帖由 Be.Be 於 09-9-22 19:42 發表
仔仔舊年讀n1讀得好開心，而今年升上k1日日都話唔返學；其實都考慮緊同佢轉校，但我又對學校的應識唔多，我而家搵咗幾間學校但如果排次序應該點選好呢 ?而且對這些學校有咩評價呢 ? 請各位bkmami幫幫手 !

約克中 ...

有冇mami可以幫下手解答呀 ?

作者: Kendis1 時間: 09-9-23 11:19

如果妳兒唔鍾意現在所讀的KG, 妳就幫佢轉校, 咁如果轉完之後, 皇帝仔又唔鍾意的話, 請問妳係唔係又要幫佢再轉校呢? 3年(有的是4年)的幼稚園生活, 妳覺得要轉多少間學校才合妳的要求而愛兒又喜歡的?

1)妳根本沒有正視妳兒不喜歡返學的問題, 是他尚未習慣環境, 定係新學校真的有問題(如老師好惡, 上學環境好嘈等),
2)妳有否跟他的班主任了解清楚兒子在學校的表現 (如:他是否不合群, 好眼訓, 打呵欠的), 如真的有問題, 就應該為他對症下藥解決問題的根源,
3)返學只是短短的几個星期, 咁快就要判新KG死刑, 好似太兒戲了. 相信妳在報名之前已是十分了解新KG的教育理念&目標的.

原帖由 Be.Be 於 09-9-23 09:40 發表

有冇mami可以幫下手解答呀 ?

作者: LittleKiwi 時間: 09-9-23 12:21

我覺得好奇怪, 如果一個家長已經幫小朋友報過k1, 仲要係九龍塘金巴倫道迦南呢d咁熱門既學校, 會唔會到依家仲問返一d咁基本既問題? 會唔會又係人云亦云, 以前聽人講迦南好就入迦南, 依家入左去又覺得唔好又黎再問過人?

幫小朋友搵幼稚園, 去interview 時自己去親身見過呢間學校了解左間學校, 亦知道自己小朋友係邊類型, 就自行去配對, 而唔係下下走去問人意見, 個仔唔鍾意又轉(轉得幾多次, 而且d學校一定會收你咩?), 我諗咁既方法永遠都唔會搵到岩你小朋友既學校(因為三心兩意), 小朋友都未必會適應

作者: LittlePigmom 時間: 09-9-23 13:32

其實, 今年既K1都好爆, 仲係d咁多人爭既學校, 想轉有點難度, 除非識人啦.
其實, 先了解下點解佢唔鐘意返學, 轉來轉去, 對小朋友適應上係有問題.

作者: Be.Be 時間: 09-9-23 13:39

以上的家長好多謝你的寶貴意見 !

首先我希望你哋明白大家做家長當然想自己的仔女好啦，我當然知道剛剛才開學需要時間去習慣去了解啦，但如果係小朋友真唔習慣都要諗解决方法架；唔通夾硬要佢讀埋落去咩，而且每間學校都係有佢的報讀時間；再講唔係話要轉就轉都要花時間去了解有咩學校適合ga！

我已經講對學校的認識唔多至開個post請教各位bk ma ，講真唔通兩位係lee方面冇上網參考人哋意見咩？

最後我希望可以搵到多d有關資料及意見姐 ! 並唔係想開個topic麻煩到各位希望見諒 !

[ 本帖最後由 Be.Be 於 09-9-23 13:44 編輯 ]

作者: kerkermui 時間: 09-9-23 13:46

我都聽過有家長因為小朋友得唔開心而轉校, 不過唔會咁早囉! 嗰d通常係接受唔到太多課, 轉d輕鬆d嘅學校
有人講過, 一般適應期可能去到兩個月, 就算表面ok, 都唔等於真係適應哂, 所以當初轉校時就應該考慮呢樣嘢(不過你又似無話過轉過校) 好同意其他家長話.. 應該了解咗原因先!
知道咗原因又真係轉, 目標就自然會明磪!

[ 本帖最後由 kerkermui 於 09-9-23 13:48 編輯 ]

作者: Be.Be 時間: 09-9-23 14:00

原帖由 kerkermui 於 09-9-23 13:46 發表
我都聽過有家長因為小朋友得唔開心而轉校, 不過唔會咁早囉! 嗰d通常係接受唔到太多課, 轉d輕鬆d嘅學校
有人講過, 一般適應期可能去到兩個月, 就算表面ok, 都唔等於真係適應哂, 所以當初轉校時就應該考慮呢樣嘢(不過 ...

我都明白因為我擔心佢返得唔開心影響咗佢學習，所以想早d收習資料及意見作好準備 ! 唔係d咩什麼人云亦云；如果到咗下年暑假至開始搵就煩啦 ! 就算到時仔仔解決到問題讀返lee間學校我都一樣咁開心，咪當而家搵的資料係同自己增值下囉 !

作者: Kendis1 時間: 09-9-23 16:29

根據妳所講, 到現在妳都未找到妳兒不喜歡上學的原因及妳沒有心去了解/解決問題. 1)如果他是從來沒轉校的, 為何學N班時喜歡上學, 升K1后會忽然不喜歡, 當中是否存在一些妳不知情的東西發生過?! 2)如果是轉別的KG讀K1, 為何妳還沒主動去了解呢? 一味話搜集多些資料, 妳覺得轉校後就等於解決問題了嗎?

打個比喻....一對夫妻吵架, 個老婆"二話不說"就週圍打電話問朋友, 詢問離婚手續, 邊間律師行平, 口碑如何, 試問這是正視問題的基本嗎?

當然, 妳可能覺得我是誇張了及沒人可以權利阻止妳的想法, 只不過, 我覺得作為兒子的母親, 了解他為何不喜歡上學比起知道"啓思小學附屬幼稚園 / 啓思幼稚園幼兒園(正校)"有何分別更重要...

在找KG&教育小孩方面, 我只是平凡人, 也會遇到各種問題, 通常我是看書或直接打電話問學校的, 因她們可以直接告訴我知...

其實, 每個人也是有權利用自己的方法去解決問題, 只不過....

原帖由 Be.Be 於 09-9-23 14:00 發表

我都明白因為我擔心佢返得唔開心影響咗佢學習，所以想早d收習資料及意見作好準備 ! 唔係d咩什麼人云亦云；如果到咗下年暑假至開始搵就煩啦 ! 就算到時仔仔解決到問題讀返lee間學校我都一樣咁開心，咪當而家搵的資料係同 ...

作者: Be.Be 時間: 09-9-23 21:02

根據妳所講, 到現在妳都未找到妳兒不喜歡上學的原因及妳沒有心去了解/解決問題. 1)如果他是從來沒轉校的, 為何學N班時喜歡上學, 升K1后會忽然不喜歡, 當中是否存在一些妳不知情的東西發生過?! 2)如果是轉別的KG讀K1, 為何妳還沒主動去了解呢? 一味話搜集多些資料, 妳覺得轉校後就等於解決問題了嗎?
多謝你的意見 !其實我而家都keep住觀察仔仔的情況及同老師保持聯絡及了解 ! 所以我唔係只係收集其他學校的資料就可以解決到問題我只係想早d做定準備，以防萬一姐 !

打個比喻....一對夫妻吵架, 個老婆"二話不說"就週圍打電話問朋友, 詢問離婚手續, 邊間律師行平, 口碑如何, 試問這是正視問題的基本嗎?

當然, 妳可能覺得我是誇張了及沒人可以權利阻止妳的想法, 只不過, 我覺得作為兒子的母親, 了解他為何不喜歡上學比起知道"啓思小學附屬幼稚園 / 啓思幼稚園幼兒園(正校)"有何分別更重要...
其實我咁問係想了解清楚點解同名的學校但又分"私立及非牟利"姐，咁其實想知多d都唔係未常不可姐 !

在找KG&教育小孩方面, 我只是平凡人, 也會遇到各種問題, 通常我是看書或直接打電話問學校的, 因她們可以直接告訴我知...

其實, 每個人也是有權利用自己的方法去解決問題, 只不過....

歡迎光臨教育王國 (/)