教育王國

標題: 小朋友剛上了小學，每天回家都說.... [打印本頁]

作者: Lucky-Ma 時間: 09-9-17 07:56 標題: 小朋友剛上了小學，每天回家都說....

今日有個同學問我攞o野食，今日有個同學叫我一起打人，今日有個同學吐口水落枱，今日有個同學講粗俗說話，而這個口中的同學是同一人,還坐在我的小朋友隔離，大家是否認為雖要通知老師呢？會不會覺得好似好大件事呢？我只怕這會影响我小朋友學習，在小學來說我也是一個新手，所以唔知怎處理！

作者: PW530 時間: 09-9-17 08:46

我會同老師講 & 了解吓

作者: 馬媽媽 時間: 09-9-17 09:03

Discuss with the teachers!!

作者: IRON 時間: 09-9-17 09:29

咁有無問下自己小朋友點應對??

作者: TAOTAOLEE 時間: 09-9-17 09:30

提示: 作者被禁止或刪除內容自動屏蔽

作者: Lucky-Ma 時間: 09-9-17 09:57

其實我已一早教他不可以問同學攞野食，相對亦不可以請同學食野，所以佢懂得拒絕！而他亦說想講俾老師知，但佢話個同學警告佢唔好講！你知啦一個6歲小朋友剛剛適應小學，又怕人地唔同佢玩，仲有那個同學是repeat生，一年級都repeat真是無有怕！

原帖由 IRON 於 09-9-17 09:29 發表
咁有無問下自己小朋友點應對??

作者: vivianmammy 時間: 09-9-17 10:42

咁樣真係好影響學習, 所謂近朱者赤. 有無得申請調位呀?

乜政府肯比多一年學費學生留班咩? 唔係唔及格都要升班咩?

作者: minmin 時間: 09-9-17 13:36

佢都好得人驚啫, 警告人

原帖由 Lucky-Ma 於 09-9-17 09:57 發表
其實我已一早教他不可以問同學攞野食，相對亦不可以請同學食野，所以佢懂得拒絕！而他亦說想講俾老師知，但佢話個同學警告佢唔好講！你知啦一個6歲小朋友剛剛適應小學，又怕人地唔同佢玩，仲有那個同學是repeat生，一年級都repeat真 ...

作者: G-Ma 時間: 09-9-17 14:35

呢d事一定要同老師反映下, 唔係長期近墨者黑都好大問題.

作者: Skywan 時間: 09-9-17 18:05

就算小朋友懂得處理, 我都系覺得一定要同老師反影!

原帖由 Lucky-Ma 於 09-9-17 09:57 發表
其實我已一早教他不可以問同學攞野食，相對亦不可以請同學食野，所以佢懂得拒絕！而他亦說想講俾老師知，但佢話個同學警告佢唔好講！你知啦一個6歲小朋友剛剛適應小學，又怕人地唔同佢玩，仲有那個同學是repeat生，一年級都repeat真 ...

作者: happyvalley 時間: 09-9-17 18:20

原帖由 Lucky-Ma 於 09-9-17 09:57 發表
其實我已一早教他不可以問同學攞野食，相對亦不可以請同學食野，所以佢懂得拒絕！而他亦說想講俾老師知，但佢話個同學警告佢唔好講！你知啦一個6歲小朋友剛剛適應小學，又怕人地唔同佢玩，仲有那個同學是repeat生，一年級都repeat真 ...

我囡都曾經 p1 時被人話，呢條路佢架，每次經過要比錢，我就話比老師聽，老師都話太過份，掉左佢位就無灑事，千萬要出聲。

作者: brian61950 時間: 09-9-17 18:46

原帖由 Lucky-Ma 於 09-9-17 07:56 發表
今日有個同學問我攞o野食，今日有個同學叫我一起打人，今日有個同學吐口水落枱，今日有個同學講粗俗說話，而這個口中的同學是同一人,還坐在我的小朋友隔離，大家是否認為雖要通知老師呢？會不會覺得好似好大件事呢？我只怕這會影响 ...

如佢有攪你小朋友,梗要通知啦,如沒有,由佢囉,當反面教材.
一般小學經常調位的,唔會坐埋一齊好耐.
另一方面,佢就如錐之在囊,老師好快會發現並隔離佢架啦.

作者: IRON 時間: 09-9-17 20:53

真係幾得人驚, 小一喳喎. 樓主妳小朋友都幾醒目, 識拒絕.

不過小一真係細左d, 好多時學到粗話又唔知就係呢個年紀, 見保母車好多都係咁; 吐口水真係唔衛生, 特別係而家h1n1; 一齊打人?!

打去搵老師, 話佢知小朋友返黎咁講, 再"請教"佢應該點樣答仔仔, 相信好快會處理.

問多句......係官津校??

作者: gordon12 時間: 09-9-17 23:44

小一生都咁.....

if me 一定搵老師了解下!

原帖由 Lucky-Ma 於 09-9-17 09:57 發表
其實我已一早教他不可以問同學攞野食，相對亦不可以請同學食野，所以佢懂得拒絕！而他亦說想講俾老師知，但佢話個同學警告佢唔好講！你知啦一個6歲小朋友剛剛適應小學，又怕人地唔同佢玩，仲有那個同學是repeat生，一年級都repeat真 ...

作者: ansoncally 時間: 09-9-18 08:03

Lucky-Ma,

你好！我亦係新手小一媽，我覺得一定要同
班主任傾傾，另外教小朋友從容點面對他。
我小朋友番第二日學就俾人摑咗一巴(在媬姆車內)，他番嚟同我講，首先我好冷靜(但心裡好急)問他是否先與人玩到郁手郁腳，如係那就係玩得太顛所致。跟住再同媬姆車司機講；翌日接車時再與媬姆車一班同學仔講：『如果大家坐車時可保持安靜及有規矩，我就請大家食糖果。』結果小朋友都ok聽話啦！
相信每間小學或每班都有壞份子，襯機教吓小朋友怎樣分怎樣相處應否學他......
他們的路仲有排見呀，辛苦你為他指引！

作者: 喧嘩 時間: 09-9-18 10:38

基本上唔關津校事, 我個女都係小一, 讀私校, 咪又俾個女同學蝦, 知道亞女有帶錢就話, 咁好囉, 我可以攞你d錢, 成日攪佢, 仲叫埋人地一齊攪佢, 仲過份度拉佢校服裙條拉鏈, 得閒就話好憎佢, 佢好玉酸等等, (我個女都算係人見人愛, 車見車載果種), 通常人地唔抵得先會講lee d嘢, 我老公話, 都唔知係咪我買晒d靚嘢俾個女返學, 攪到人地唔抵得佢, 都叫左我唔好喎, 咁細個果陣我冇ma, (亞女突然間鐘意玉桂狗, 咁我就買晒所有都係玉桂狗的嘢俾佢, 搵到我地cc下, 又真係好靚播), 個女仔第三日已經俾老師罰企, 應該都係個頑皮細路, 我本來都想講俾老師聽, 最後都冇. 唔想俾老師覺得我係麻煩友, 一開學就投訴, 影響埋對我個女的印象就唔好啦, 咁咪睇定d囉. 點知冇幾耐就調左位, 咁佢而家遠離左個女仔咪算囉, 俾多次機會佢, 再攪就一定會出聲

原帖由 IRON 於 09-9-17 20:53 發表
真係幾得人驚, 小一喳喎. 樓主妳小朋友都幾醒目, 識拒絕.

不過小一真係細左d, 好多時學到粗話又唔知就係呢個年紀, 見保母車好多都係咁; 吐口水真係唔衛生, 特別係而家h1n1; 一齊打人?!

打去搵老師, 話佢知小朋友 ...

作者: IRON 時間: 09-9-18 11:46

問咩校既意思, 係想知官津校既老師會唔會無咁上心, 而私校既會關注d呢?? 果個小一都可repeat, 又似私校多.

原帖由喧嘩於 09-9-18 10:38 發表
基本上唔關津校事, 我個女都係小一, 讀私校, 咪又俾個女同學蝦, 知道亞女有帶錢就話, 咁好囉, 我可以攞你d錢, 成日攪佢, 仲叫埋人地一齊攪佢, 仲過份度拉佢校服裙條拉鏈, 得閒就話好憎佢, 佢好玉酸等等, (我個女都算 ...

作者: Gar 時間: 09-9-18 13:45

突然間諗起套日劇 "14 歲的教科書" 不過係講中學. 估唔到而家小一已經有呢 D 問題.

作者: KT0603 時間: 09-9-18 14:51

提示: 作者被禁止或刪除內容自動屏蔽

作者: yenwong965 時間: 09-9-19 09:27

一齊打人

作者: Berry_luk 時間: 09-9-19 19:41 標題: 回覆 2# KT0603 的文章

極同意你所講. 已留班了, 老師一定知道佢啲嘢. 只係睇下邊個唔好彩及忍得到.

作者: yinyuemao 時間: 09-9-21 15:07

这种事情第一时间要和老师反映情况，亲自去学校反映！不能顺其自然的！

歡迎光臨教育王國 (/)