教育王國

標題: 落雨點接送？ [打印本頁]

作者: seven_cola 時間: 09-9-14 11:30 標題: 落雨點接送？

朝早家長可帶小朋友入校嗎？放學又怎樣？

作者: csy_ma 時間: 09-9-14 19:46

落雨返學時，家長可送至校內有瓦遮頭處。

接放學，好似今日咁，真係有D混亂，不過已經係改善咗既方法（如轉向後面接放學，家長接同睇小朋友響邊個位置既範圍大咗，好天就冇乜問題）。我接咗三年，都諗唔到可以有乜改善，除非係雨天時採取特別措施，由老師開咪宣傳分級放學，請未到果級既小朋友家長連同頭頂上既遮唔好堆晒響樽頸位。

好似今日咁，遮頭湧湧根本冇乜可能睇到自己既小朋友係邊，好彩我小朋友已大了，所以都放棄咗。

係勒，想多口講句，去年孫Sir其實有叫過d小朋友隨書包攜帶一把輕便雨傘，或者雨衣。

仁紀果位好多時都驟多急雨，尤其到冬天，我好多次都見到坐保姆車既學生冒微雨返學，初冬早上淋冷雨，好易病

。唔知點解，保姆車又唔會預備多幾把遮，保姆只會遮佢地落車，然後開車走人，可能係趕時間去下轉，不能借遮俾學生，到咗學校時收返，所以只能靠學生自己醒目

。

作者: seven_cola 時間: 09-9-14 20:23

平時放學已經亂，落雨就更加唔洗講，小一個個咁細粒，d家長又心急堆晒係放學位，試過見阿女自己行左出o黎周圍找我，好彩我見到佢，如果落大雨，咁小朋友咪濕晒

作者: 劉健明 時間: 09-9-14 21:45

仁紀都幾差 , 我今日聽到副校長叫有雨傘的學生遮埋冇雨傘的學生一齊行。

其實咁大雨,冇雨傘的學生應該唔俾放學住 , 出到去出面 , 遮人個學生都唔同被遮個同路 , 各有各散 , 最慘係低年班細個的 , 淋到濕晒 , 又唔知點算 , 所以落雨都係親自接好 D 。

歡迎光臨教育王國 (/)