教育王國

標題: 關於自行分配學位的問題~ [打印本頁]

作者: 小布bubu 時間: 09-9-13 12:06 標題: 關於自行分配學位的問題~

我妹妹今年讀k.3...
我媽媽想幫我妹妹申請天神嘉諾撒學校...
但是在c部份的a和b計分辦法沒有一個付合...
我妹妹的成績是中上...
這樣有機會能入到嗎???
那麼這部份要填嗎???

唉...我是獻主會小學的畢業生...
現在正在讀銀禧~~~
本來是我想讓我妹妹讀我的小學...
但是我媽媽卻說獻主會很容易入~~~
天神好得多...
但是我卻很擔心妹妹不知道能入到嗎???
我怕妹妹自行分配學位不行...
統一派位的時候又怕妹妹會分到不好的小學...
現在我很煩惱...
希望大家能給一些意見...
我媽媽又不聽人講道理...我自己又是一個中學生...
真的很不好意思呢!!!

作者: 咕怪媽媽 時間: 09-9-13 12:24

1) 天神真係打崩頭, 如果無20分, 令妹只能寄望大抽獎.

2) 天神屬35區, 獻主會屬34區, 校網唔同, 您地究竟住邊區? 住35區的話, 還有希望, 因為天神需要留50%的學額比大抽獎, 而50%之中的9成, 即 45%要比本區學生.

如果您地屬35區的話, 可以博一博, 甲一天神, 甲二獻主會, 抽獎不成, 返獻主會叩門.

如果屬34區, 不如疊埋心水自行收生入獻主會.

作者: 已刪除用戶 時間: 09-9-13 12:28

中學生幫細妹問, 好乖wor

政府派位以公平為原則, 唔想小朋友細細個就谷晒咁去搵小學, 所以你都見到個派位方法
第一輪(自行分配學位)係計分的, 講得難聽d就係講出生, 無分都無辦法, 至於你妹妹, 如果ab部分無一個符合,亦唔係首名子女, 就係只有適齡10分, 想入到天神機會真係好微(有大女分, total15分都仲有ddd機會)
你亦知道, 如果你妹揀獻主會, 機會就大好多喇
如果第一輪無offer, 就要再join第2輪(統一派位), 呢輪全人類公平, 唔再分高分低分喇, 只睇地區, 如果你住35網, 可以試抽入天神, 當然純粹講luck, 你亦唔知自己個random number係幾多號, 真係靠搏, 如果你唔係住35網, 要留意, 只有10%學位會俾誇網學生抽(係其他咁多網加埋), 想抽中真係同中六合彩差唔多
如果咁唔好彩連第2輪都唔入(總會派到一間小學既, 不過唔知岩唔岩心水喇), 可以去心儀學校"叩門", 即將小朋友資料交到心儀學校, 睇下校長收唔收喇(要去到呢個stage, 校長至可以自由收生)

作者: 小布bubu 時間: 09-9-14 19:44

原帖由 咕怪媽媽 於 09-9-13 12:24 發表
1) 天神真係打崩頭, 如果無20分, 令妹只能寄望大抽獎.

2) 天神屬35區, 獻主會屬34區, 校網唔同, 您地究竟住邊區? 住35區的話, 還有希望, 因為天神需要留50%的學額比大抽獎, 而50%之中的9成, 即 45%要比本區學生.

...

真的很謝謝你的意見...
但我媽媽現在在小學的自行分配學位還是填了天神...
雖然我一直不斷地說...
現在只能希望妹妹能派到吧!!!
我們家又是在34校網裡...
看來機會真的很微...

作者: 小布bubu 時間: 09-9-14 19:48

原帖由 Charlotte_mom 於 09-9-13 12:28 發表
中學生幫細妹問, 好乖wor
政府派位以公平為原則, 唔想小朋友細細個就谷晒咁去搵小學, 所以你都見到個派位方法
第一輪(自行分配學位)係計分的, 講得難聽d就係講出生, 無分都無辦法, 至於你妹妹, 如果ab部分無 ...

很多謝你的意見...
但我媽媽還是很固執地填了天神...
而且我們家還是34區...
看來機會真的很微...
我真的不想讓妹妹沒有這個機會...
但我都無能為力!!!

作者: chfong 時間: 09-9-14 20:04

你個situation有D似我侄女，第一round不選自己家姐果間，得10分，選一些別區熱門，結果？一早預咗！到第二round，第一志願選返家姐果間，最後大抽獎，抽唔到，扣門都唔得，浪費了20分！所以一定要考慮清楚！

歡迎光臨教育王國 (/)