教育王國

標題: 到底我個仔係咪有問題呢? [打印本頁]

作者: 緊張肥媽咪 時間: 09-9-9 22:50 標題: 到底我個仔係咪有問題呢?

我真係好想有經驗既媽咪話比我知, 我個仔會唔會係有咩問題, 又或者係ADHD, 佢而家3.5yrs, 都唔知應該到幾大帶佢去睇先睇得出, 佢出去玩或啲補習班或學野班都會唔肯自己入課室, 攪到嘈晒仲要瞓埋地吓, 而家仲越來越鍾意打人, 有時仲係無端端打隔離個小朋友, 係屋企仲成日發脾氣, 但係係學校啲老師就話佢好乖, 完全未見過我講既問題, 所以我都唔知佢到底係咪有問題定係唔乖蝦我哋, 點解佢係學校可以控制到自己, 但係一唔在校就好似第二個人咁!

作者: ~仔仔媽咪~ 時間: 09-9-9 23:47

佢講野有無問題?會唔會同其他同年紀小朋友相比之下講野無咁叻同難於表達?

暫時睇似乎佢唔會係ADHD,事關ADHD真係任何時候都可以失控,以我仔為例,我仔對住我時係會明顯乖D,但都係周圍彈同埋做埋D奇怪野(無黎正經),依然會無專注力同埋都會發脾氣.亞媽一唔响度時,我仔就會好嚴重,可以話俾你知,我仔打人發脾氣既程度,係令佢連續俾兩間幼稚園踢佢出校,小二嗰年嚴重到學校要求我'提早'接仔放學.

或者你又試下講多少少佢响平日同埋响屋企既行為,等大家又可以研究下究竟出咗咩問題.

因為打人唔係ADHD既專利,自閉傾向/自閉症小朋友都可以係成日打人架.因為佢地咩都直接,係唔鐘意就會好負面咁發哂出黎,係收唔到制架.

作者: yokolee 時間: 09-9-10 10:54

其實可否同老師商量下，因為雖然在校沒有問題，但出左學校的反應咁吾同，都應該了解吓小朋友的心理發展。所以我建議問吓學校是否可做轉介，到政府的兒童評估中心check吓。

原帖由 緊張肥媽咪 於 09-9-9 22:50 發表
我真係好想有經驗既媽咪話比我知, 我個仔會唔會係有咩問題, 又或者係ADHD, 佢而家3.5yrs, 都唔知應該到幾大帶佢去睇先睇得出, 佢出去玩或啲補習班或學野班都會唔肯自己入課室, 攪到嘈晒仲要瞓埋地吓, 而家仲越來越鍾 ...

作者: 緊張肥媽咪 時間: 09-9-10 23:13

語言我諗應該係慢少少, 不過佢而家好多都講到架啦, 都應該係表達到好多野, 但都成日要發脾氣, 係屋企日日都搞到家嘈屋閉, 我同老公日日都認唔著要丙佢, 佢就日日都喊, 個人仲越來越瘦, 見到都心痛, 都已經排咗期去做評估。

作者: ~仔仔媽咪~ 時間: 09-9-11 08:37

原帖由 緊張肥媽咪 於 09-9-10 23:13 發表
語言我諗應該係慢少少, 不過佢而家好多都講到架啦, 都應該係表達到好多野, 但都成日要發脾氣, 係屋企日日都搞到家嘈屋閉, 我同老公日日都認唔著要丙佢, 佢就日日都喊, 個人仲越來越瘦, 見到都心痛, 都已經排咗期去 ...

係啦,,,都係等評估知佢實際係咩問題會好D,估又真係好難估到中佢係咪ADHD既...

果時我仔細個咪又係咁,出街又嘈,嗰時我同老公都係忍唔住當街教訓個仔架...又係無哂辦法嗰隻,到CHECK到我仔有自閉傾向嗰時,我反而會了解我仔多D,睇得多資料同相關既書,再同多D醫生、治療師傾偈,慢慢我至學識點教個仔咋.

作者: yokolee 時間: 09-9-11 10:34

識講野不代表識表達。佢可能識講一d直接而表面的野,如佢講"好凍"...其實佢係想著衫。如大人吾明白，沒有比衫佢著，佢就會發脾氣。這個只是比喻。

不過我覺得如佢百厭...你丙完佢...佢收聲之後，可以要求佢講sorry，如佢講...就抱抱or錫錫他，(吾講就吾睬佢)，等佢知道你是欣賞他會道歉，及愛他的。當靜下來再問下佢剛才為什麼發脾氣。教佢要把事情或感受講出來，否則媽媽是不知道他想要什麼的。不過可能佢好多字吾識，你可以猜測及說出。然後再告訴他，媽媽不喜歡他什麼行為,如發脾氣。

原帖由 緊張肥媽咪 於 09-9-10 23:13 發表
語言我諗應該係慢少少, 不過佢而家好多都講到架啦, 都應該係表達到好多野, 但都成日要發脾氣, 係屋企日日都搞到家嘈屋閉, 我同老公日日都認唔著要丙佢, 佢就日日都喊, 個人仲越來越瘦, 見到都心痛, 都已經排咗期去 ...

歡迎光臨教育王國 (/)