教育王國

標題: 荃灣天佑小學 [打印本頁]

作者: chanmok 時間: 09-9-9 20:17 標題: 荃灣天佑小學

呢間小學歷史悠久,而且中一派位達50%以上band 1,雖然校舍細小,但學術性強,點解無人討論?我只想收集此意見,作為參考.謝謝.

Please give me any advise for Tin Yau primary school . I hope someone to help discussed these school because of I think this school better than other.Thank you very much......

作者: kiukiudaddy 時間: 09-9-10 19:10

提示: 作者被禁止或刪除內容自動屏蔽

作者: chanmok 時間: 09-9-10 19:32

點解有人睇無人回應?唔通荃灣區無人認識呢間學校?我非荃灣居民都識各位幫幫手俾意見.謝謝......

Why anyone used to read the question but nobody answer me?Please give me any opinion on this school.Thank you .....

作者: gracelam 時間: 09-9-11 11:05

其實荃灣區有好多好的小學, 所以家長會考慮其他外在因素, 天佑位於舊區, 附近街市, 舊樓, 相比一些又新又大的學校就會冇咁吸引. 新移民家庭會選擇, 因為不需要搭校車, 省回一筆校車費. (不過新移民學生有d都好勤力同有上進心, 睇你點睇)

作者: Gabrielma 時間: 09-9-11 14:56

校舍小, 活動空間不足, 不太合好動的小朋友, 而課外活動亦偏向靜態.

但每級只有二班, 老師較易熟識每位小朋友, 資源較較集中.

原帖由 chanmok 於 09-9-9 20:17 發表
呢間小學歷史悠久,而且中一派位達50%以上band 1,雖然校舍細小,但學術性強,點解無人討論?我只想收集此意見,作為參考.謝謝.

Please give me any advise for Tin Yau primary school . I hope someone to help discuss ...

作者: chanmok 時間: 09-9-11 16:36

多謝各位意見但本人並非新移民,只鍾情於該校之學術成績,但又怕小女讀唔上,因我參觀過多間小學-又話活動又話學術+活動,到最後咪又係要谷,為左升中派位成績而令學校聲譽增加從而多人報名入讀.其實我自己都好矛盾,又怕讀唔上又怕根基打得唔好,正所謂玉不啄不成器,大家點睇?又俾意見......

作者: gracelam 時間: 09-9-11 20:24

原帖由 chanmok 於 09-9-11 16:36 發表
多謝各位意見但本人並非新移民,只鍾情於該校之學術成績,但又怕小女讀唔上,因我參觀過多間小學-又話活動又話學術+活動,到最後咪又係要谷,為左升中派位成績而令學校聲譽增加從而多人報名入讀.其實我自己都好矛盾,又怕 ...

咁就好睇你小朋友咩性格而揀咩學校. 我個人就著重校風同學校附近的環境, 我唔想個小朋友學埋晒d曳野, 始終要讀6年, 最緊要讀得開心同品格良好.

作者: greendotdot 時間: 09-9-12 02:47

啲家長年紀細或者係新移民都可能唔多識這間小學，當年(196x-7x)好嚴，考升中試成績都好好，可以升讀女拔、QE、九華、男拔等都大不乏人，考得差少少都選擇當年荃灣兩名校荃官和荃濟 (當年林護新校比較前兩間渣好多)，不過街坊學生多數屬於窮人家庭(工廠勞工)，就算升中試入到女拔呢啲貴族學校都被有錢女歧視和排擠，無晒自尊心，人哋多數名車擺晒門口接放學，果啲街坊學生就搭九巴啲單層手波，副偈係車頭的巴士，單程閒閒地一個半鐘頭先返到荃灣。

雖然依家又話佢校舍細，無乜活動，死谷，無乜學生，多年來天主教會辦這小小的學校培育了無數人才，受過它的栽培今日成才的舊生及其子女，都請上來發表吓。我雖然不是它的舊生，不過細細個屋企好窮，曾經係這間小學門口排隊，領取他們為街坊免費派發的麵條回家煮嚟開餐，唔係粗嘢嚟，好滑和好食，佢地係用個心去幫助窮人，唔係依家啲人做埋啲沽名釣譽的所謂善事。得人恩果千年記，無論天佑小學變成點，我都一樣尊敬，特別是當年學校的天主教會修女和神父。

[ 本帖最後由 greendotdot 於 09-9-12 14:17 編輯 ]

作者: kiukiudaddy 時間: 09-9-12 11:44

提示: 作者被禁止或刪除內容自動屏蔽

作者: greendotdot 時間: 09-9-12 14:14

原帖由 kiukiudaddy 於 09-9-12 11:44 發表
完全同意天佑當年是在荃灣區最頂尖的小學，但時代不斷在變，在先天不足的情況下，家長另有選擇都唔可以叫做「忘恩負義」，或者捐下錢俾母校改善教學設施都係好。（不過我唔係天佑畢業生。）
另外「谷」都係一個問題，要睇小朋友 ...

或者我表達得不好，我其實衹是期望受過它栽培成才的人都上來發表吓，確實是用詞不當，更加唔係話強迫人選擇學校，學校是否適合貴子女才是先決條件！

不過，「谷」學生係香港填鴨式教育的主要特色，有啲學校包裝得好就係將「明谷」變為「暗谷」，咁家長咪一廂情願地稱讚它們嘅理念如何...這可算是騙騙自己的美麗謊言？事實遊戲規則始終不變，始終都要分勝負呀！子女小學成績決定中學讀啲乜嘢學校，派到間Band3尾中學讀新高中捱足六年，對他們身心成長又有乜嘢影響？

所以十個教育局高官，十個的子女都是在香港讀國際學校，或者到海外升學，連陳維安的子女都如是，家長還可以一廂情願地依賴他們改革教育政策嗎？揾我地啲囝囡做白老鼠當然唔會手軟啦，針唔拮到肉唔知痛。

作者: chanmok 時間: 09-9-12 23:38

多謝各位寶貴意見,我自己開始覺得無論小朋友谷得定唔谷得,佢呢家條路係由我幫佢選擇,因佢不懂選擇,第時大個佢自己選擇返,做家長想子女有好將來,唔係要佢做成功人仕,月入幾十萬,最低限度自己可以照顧自己,但呢個世界邊有免費午餐,先苦而後甜,我只能幫佢無咁苦,唔谷得都要谷,總好過唔谷,我唔知我理論對與錯?家長只能盡全力幫佢做一個有用的人並非遺禍人闊,大家又點睇?

作者: llcathy2004 時間: 09-9-13 00:35

gracelam,認同你的看法,若朝這方向有那些選擇?附近區域亦可.

原帖由 gracelam 於 09-9-11 20:24 發表

咁就好睇你小朋友咩性格而揀咩學校. 我個人就著重校風同學校附近的環境, 我唔想個小朋友學埋晒d曳野, 始終要讀6年, 最緊要讀得開心同品格良好.

作者: kiukiudaddy 時間: 09-9-13 08:34

提示: 作者被禁止或刪除內容自動屏蔽

作者: jk923 時間: 09-9-14 15:02

其實樓主都好似一心一意鐘情呢間學校，點解重要人比意見呢？

作者: chanmok 時間: 09-9-14 16:01

其實我確實對呢間學校有好感,但當局者迷,總要各位俾意見幫助分柝,而同樣地我亦對其他小學著迷,但機會又不多,我目的是一矢中的免後故之憂,因為第一我係跨區,第二荃灣區有多間小學都叮噹馬頭,各有長短,實在難於取捨,敬希各位明白為人父母之心,指點迷津,因我唔想選錯......Thank you very much

作者: gracelam 時間: 09-9-14 17:10

原帖由 llcathy2004 於 09-9-13 00:35 發表
gracelam,認同你的看法,若朝這方向有那些選擇?附近區域亦可.

石鐘山, 浸聯, 荃官, 馬基都是不錯的選擇, 它們位於私人屋苑, 多是中產人士屋住, 附近環境不會太複雜, 小朋友學壞機會就較少. 再睇下小朋友咩性格而再揀學校, 當然最好近屋企最好, 因為小朋友有課外活動, 又要學野咁, 路程太遠, 小朋友會好辛苦, 其次要睇下你有冇宗教分, 如果有就當然揀d首輪有把握入到的學校!

[ 本帖最後由 gracelam 於 09-9-14 17:22 編輯 ]

作者: surewin 時間: 09-9-14 18:10

原帖由 chanmok 於 09-9-9 20:17 發表
呢間小學歷史悠久,而且中一派位達50%以上band 1,雖然校舍細小,但學術性強,點解無人討論?我只想收集此意見,作為參考.謝謝.

Please give me any advise for Tin Yau primary school . I hope someone to help discuss ...

妳說得沒錯! 但天佑的地點和外觀真的令家長門卻步, 很少聽到有家長會選天佑的, 但最近很難得聽到一個囝囝同學的家長說, 她一定要幫佢個女選天佑為第一志願, 因她在暑期中為女兒報了天佑舉辦的英文課程, 共上了8堂, 都是由該校的英文老師主教的, 估不到她女兒的英文進步了不少, 她又稱讚各老師都很友善和盡責, 聽她說天佑學生的學術水平也很高, 就是因為以上種種原因, 她決定選天佑為她最心儀的學校啊!

作者: greendotdot 時間: 09-9-14 23:49

聽家長們講到天佑附近環境好似吾係人住咁，河背街、咸田街、眾安街(果段)幾十年來都係咁，本人細細個巳經係度出入，仲未學壞到曳到變成賊王、賣毒品害人等勾當，這校學生就算返學放學出入經過都吾會超過五分鐘，又點學得幾壞？持雙程證都吾可以當人地個額頭寫住壞人兩個字嘅，況且吾通人地hea係街口等你返學放學嚟教壞你地貴子女？講來講去咪嫌啲同學仔來自品流複雜的家庭，不過就算讀國際學校都一樣可以學壞，吾通中產家庭又無壞學生，家教好貴子弟不但吾會學壞，仲會導人向善添。人地天佑學術性強，口碑好，吾係一朝一夕，一間好學校，吾係靠你地針對的所謂先天不足的硬件，學校最重要的資產係老師和學生，最難得老師用心教導學生，好學生都會明白到老師係咁貧乏的資源仍然盡心盡力，會更加學懂「珍惜」，老師同學更有凝聚力，無論最後成績如何，貴子弟都是有賺，最少學識做人，吾會係你地講到入去天佑讀就會萬劫不復咁。

[ 本帖最後由 greendotdot 於 09-9-15 00:03 編輯 ]

作者: greendotdot 時間: 09-9-15 01:00

校長A：
自成立至今，本校在學習領域上不斷革新求進，更重要是，我們一直堅守專業的教學精神。多年來，本校人才輩出，不少校友學業成績彪炳，於社會貢獻良多。對於這些榮譽，我們無不感到非常自豪。我們希望透個本網頁，鼓勵大家對我們作更深入的了解。
我們一向以積極求進的方式，為學生提供最優質的教育。對於我們努力的成果，包括為小學生提供更完善的教學設施、減低師生的比例及更靈活設計課程，本人感到十分欣慰。改革後，我們將提升為國際級的優秀學府，迎向全球化知識型經濟年代所帶來的挑戰。
我們熱切期望本校學生於畢業後能入讀世界各地最出色的大學；與此同時，我們無論在課程、教師及學校設施等各方面給予學生最大的支援，我們承諾：
教導學生建立奉公忘私、互助互享和關愛他人的精神
培養學生在學業上追求卓越和終身學習的精神
培養創意、獨立及批判的思考
開拓全球視野和孕育愛護環境的使命感
為實踐我們的承諾，本校今後將繼續革新求進。歡迎大家與我們共同邁向教育

校長B：
給幼苗的話
各位親愛的同學：　
      童年的你們，就好像植物的幼苗，處處表現出生機旺盛，朝氣勃勃；但作為園丁的我們，卻不能掉以輕心，因為你們還是脆弱的。
      小小幼苗要能長成參天大樹，必須要有強壯的根部，吸收足夠的水分和養分。小學階段就像植物的根部，這個時期我們的記憶力特別强，對外界的事物特別敏感，思想也特別靈活，容易吸收新知識，接受新事物。因此在這個階段，我們若能勤奮力學，奠定良好的根基，就好像植物有了穩固的根部，不怕風雨的挑戰，慢慢茁壯成長。
      小小幼苗要不停向外生長，把枝條伸展開去，讓綠葉接觸更多的陽光，製造營養。學習也是一樣，我們要有好奇心，不斷探索、嘗試，開拓不同領域的興趣，發展多方面的潛能。
      小小幼苗最叫園丁憂心，怕它們不夠强壯，承受不了風吹雨打。父母師長也怕你們不夠堅定，在社會歪風的影響下，左搖右擺，甚至折倒，所以不得不對你們事事提醒，處處關顧。
      小小幼苗要感恩，感謝天父創造的偉大，賜給我們美好的世界、幸福的家庭和這愛的校園；感謝父母師長不辭勞苦的悉心照料和教導，給我們遮風擋雨。有一天，希望幼苗綠樹成蔭，讓人們在大樹下乘涼！　

以上節錄兩段「校長的話」，大家可以feel吓，邊個校長寫得有heart啲，如果單以校長的話參考，家長會希望子女入讀校長A定B的學校？

好似揸車咁，唔係揸Mercedes就一定好既，仲要睇埋係邊個揸，同埋載乜嘢乘客，揾Michael Schumacher 揸架Mini Cooper載我呢啲屋邨仔也未必會輸蝕，祇要用心去揸都一樣可以揾到出路。

[ 本帖最後由 greendotdot 於 09-9-15 04:28 編輯 ]

作者: kiukiudaddy 時間: 09-9-15 07:51

提示: 作者被禁止或刪除內容自動屏蔽

作者: gracelam 時間: 09-9-15 20:16

原帖由 greendotdot 於 09-9-14 23:49 發表
聽家長們講到天佑附近環境好似吾係人住咁，河背街、咸田街、眾安街(果段)幾十年來都係咁，本人細細個巳經係度出入，仲未學壞到曳到變成賊王、賣毒品害人等勾當，這校學生就算返學放學出入經過都吾會超過五分鐘，又點學得幾壞？持 ...

其實好多學校的老師都好好, 好有heart, 好有愛心, 所以就會揀學校環境同係咪適合自己小朋友, 活動教學定傳統教學咁.
我自己都係屋村大, 屋村學校讀, 當然都有勤奮上進的學生, 但亦有不思進取, 上堂攪攪陣的學生, 講粗口鬧老師的學生, 如果老師要用大部份時間控制課室秩序, 影響學習進度, 咁點解唔揀一間少d機會有呢類學生的學校, 我知間間學校都有曳學生, 想將機會減到最少姐.

年年都有好多家長想入傳統名校, 其中原因我相信都係咁, 朋輩影響好大, 班中有學習氣氛, 個個又讀得書咁, 當然首先真係睇下自己小朋友適唔適合讀law!!!

[ 本帖最後由 gracelam 於 09-9-15 20:24 編輯 ]

作者: gracelam 時間: 09-9-15 20:18

原帖由 greendotdot 於 09-9-15 01:00 發表
校長A：
自成立至今，本校在學習領域上不斷革新求進，更重要是，我們一直堅守專業的教學精神。多年來，本校人才輩出，不少校友學業成績彪炳，於社會貢獻良多。對於這些榮譽，我們無不感到非常自豪。我們希望透個本網頁，鼓勵大家對我們 ...

totally agree!!!!!

作者: chanmok 時間: 09-9-15 22:00

首先我理論係:有教育就有學識,有學識就會培養到好品行,有品行自然會有修養,呢樣係令我怎樣分辨是非黑白,對與錯,再貪心一,怎樣令自己小朋友成績好,名列前矛,將來成為一個成功人仕,呢就係教育重要性,所以我選校並不馬虎,但並不表示我將所有責任交給學校,人家無需要將你個小孩教好,佢會睇你花多少心機,心血在小孩上,但我想找的就是我俾100%,學校俾返50%我就足夠,天佑小學是我其中一間心儀對象,因為我都係來自貧苦家庭中的校,故此想收集多些意見.到現在出來工作,有能力找一些直資,私校(商業性太濃)俾下一代但我仍然想找尋一間真正有心學校。
好多謝各位花那麼多時間在我這個版面上,本人作萬分感激......

作者: greendotdot 時間: 09-9-16 02:46

原帖由 kiukiudaddy 於 09-9-15 07:51 發表
你講得好啱，「嫌啲同學仔來自品流複雜的家庭」確實係一個重要原因，但有錯咩？近朱者赤、近墨者黑，我都係屋邨大，一起成長的朋輩死咗、坐監、有毒癮的比健在的還要多，成長過程裡面，要潔身自愛其實好難，（我小學時雖然全級考第一，但 ...

難得你夠坦白，上一代生活較刻苦，好多人都好識諗，較踏實和積極面對，這個十分了解，況且家長們保護子女係盡最基本責任，既然有這種憂慮而又有其他選擇的話，唔揀亦無可厚非。我係局外人嚟睇，唔係幫自己子女揀當然唔會咁緊張，衹是覺得家長們評價這學校有欠客觀，硬件配套不足是眼見的事實，但這校的學生有無來自條件較差的家庭？有幾多？大家、包括我本人都無從稽考，夾硬講會對就讀的乖學生和家長不公平。首先，小學成績，家庭的良好支援是決定性！天佑能夠中一派位達50%以上Band1，老師功勞不少，咁家長們又會話死谷啫，學校點樣死谷都無用，家庭唔配合根本唔掂！這些數據大家有目共睹，學生質素和家庭背景怎會太差？但是家長們由於先入為主，會偏向負面想，或者最主要原因是荃灣還有更多的選擇。

也無關係，純粹大家上來發表個人意見，本人絕對同意必須盡力為子女找一所合適的學校，但有時「真正合適」子女的學校，也未必等如家長現在主觀意願的選擇，都係試吓試吓，但我都會感恩起碼我有得揀！

作者: greendotdot 時間: 09-9-16 03:48

原帖由 gracelam 於 09-9-15 20:18 發表
年年都有好多家長想入傳統名校, 其中原因我相信都係咁, 朋輩影響好大, 班中有學習氣氛, 個個又讀得書咁, 當然首先真係睇下自己小朋友適唔適合讀law!!!

無錯，如果子女有上進心，這個推動力好重要，家長出發點本來係好嘅，不過，我又會懷疑點解有2000個五六歲小朋友的家長會認為自己子女咁細個人仔就咁有上進心，http://hk.apple.nextmedia.com/template/apple/art_main.php?iss_id=20090909&sec_id=4104&art_id=13189476
望子成龍，舊年金融海嘯都2000人爭150個位，今年一定會更多，6萬蚊一年都未計其他費用，我就覺得滿足家長本身的虛榮心都係另一個原因。

totally agree!!!!!

我估你agree的是：「鼓勵那些學習和生活條件較差的同學，祇要用心、堅持和學得其法，一樣是條條大道通羅馬。」係咪呀？

其實，好多家長都好簡單，希望子女成長唔好學壞，受教育將來養自己養家庭，孝順父母，有能力咪回饋社會。亦是校長B的「校長的話」清楚表達的信息。至於校長A的「校長的話」好有前瞻性，有啲hard selling，果啲希望子女做偉大的科學家，跨國公司高層等等嘅家長會buy。人各有志，有得選擇巳經係幸福啦！

未開故添，不過都估到，校長B的學校係天佑小小學，校長A的學校咪2000人揀150個果間囉。

歡迎光臨教育王國 (/)