教育王國

標題: 剛讀k1學校就打來話我个女撞親个頭要入院 [打印本頁]

作者: J0ey 時間: 09-9-9 13:31 標題: 剛讀k1學校就打來話我个女撞親个頭要入院

真係唔知唔好彩定話學校疏怱照顧學生9/7返學1星期適應週、school就打來話要送我个女入院、后腦撞親流血未止血要立即入院、真係嚇死、話ｄ同學係洗手間洗洗下手玩火車有ｄ同學唔肯就骨排效應(cake)到我个女、跌落洗手盤个角到。淨係我个女有事、勁唔開心和心痛、

其他媽媽如有這些事発生会点做好？？

作者: eqlow 時間: 09-9-9 15:05

現在出咗院未 ? 唔好太擔心, 有時意外真係預計唔到.

touch wood 比我隅到, 我都會好唔開心, 但你有冇留意學校設施是否安全 ? 另個洗手盤角唔係圓 ??

作者: Kendis1 時間: 09-9-9 15:20

好慘啊!!!

相信今次是最後一次意外喇!!

原帖由 J0ey 於 09-9-9 13:31 發表
真係唔知唔好彩定話學校疏怱照顧學生9/7返學1星期適應週、school就打來話要送我个女入院、后腦撞親流血未止血要立即入院、真係嚇死、話ｄ同學係洗手間洗洗下手玩火車有ｄ同學唔肯就骨排效應(cake)到我个女、跌落洗手盤个 ...

作者: jswailam928 時間: 09-9-9 22:48

嘩~~~有無事呀!!!心痛死囉~~~無人睇住d小朋友架咩????????

作者: joychu 時間: 09-9-9 23:09

老師冇响洗手間內睇住d小朋友咩?就算唔係d小朋友玩,都應該睇住佢地識唔識自己去厠所,洗手....
都發生咗...希望您女女快d好番^^
Best Wish!
邊區幼稚園?

作者: saiwai 時間: 09-9-9 23:47

小朋友現在怎樣呀?希望佢早日康復啦!

作者: pamtabo 時間: 09-9-10 11:05

依家點呀, 有冇去醫院照過呀? 可否透露係邊間kg ?
祝快d好返, 開開心心上學去, 唔好再遇到咁嘅情況 ! ^^

作者: tscr701nt 時間: 09-9-10 11:29

正常應該會有嬸嬸在洗手間幫小朋友喎. 無可能會俾佢地在洗手間玩喎. 你有冇問清楚學校? 我覺得咁係疏忽照顧多喎.
撞親後腦, 仲要流血不止係好大件事架. 要報上教育處架.

唔好講咁多住. 快D 去醫院睇左小朋友點先啦. 過後先再去了解到底學校發生乜野事, 如果學校真係有疏忽的話. 千萬唔可以放過佢地呀.

另, 請問可否透露係邊一間, 等其他家長都小心留意.

作者: 我係女仔 時間: 09-9-10 17:27

小朋友撞親後腦好大件事架

同埋要搵好既私家腦科醫生, 幫佢照同跟進, 睇左先算..
了解左事情之後, 唔知咁樣可唔可以同學校計數呢? 因為佢係比人cake架麻, 學校要負責, 可能推小朋友既家長都要負責 (不過係我諗咋)

而家最緊要係小朋友無事, 開開心心咁成長

[ 本帖最後由我係女仔於 09-9-12 12:13 編輯 ]

作者: Jomei 時間: 09-9-10 17:57

心痛死囉...你囡囡無咩事嗎? 希望佢早日康復...可否透露你囡囡讀邊間幼稚園? 或PM

作者: darwen 時間: 09-9-10 22:48

Hope she is ok now.

作者: 2009k1kids 時間: 09-9-10 23:58

我地聽到都好心痛,希望你小朋友早日康復.

作者: nozomu-kun 時間: 09-9-11 00:06

hope your sweatheart getting well soonest

作者: carol716 時間: 09-9-11 16:35

聽到都覺得心痛．．．第一梗係小朋友無事先，第二就要知道當時的實際情況，一定唔會得一個整親，第三追究學校點解無人睇住小朋友去廁所，無老師都應該有姐姐睇住，點都係學校疏忽．．．咁大件事係咪應該全數由校方付費，如果佢推卸責任，再係報紙雜誌所有野唱開去．．．仲要去教局投訴佢．．．最多咪轉校（再校你都唔會放心啦）
你小朋友係邊區讀．．．我都好想知係邊間幼稚園．．．

原帖由 J0ey 於 09-9-9 13:31 發表
真係唔知唔好彩定話學校疏怱照顧學生9/7返學1星期適應週、school就打來話要送我个女入院、后腦撞親流血未止血要立即入院、真係嚇死、話ｄ同學係洗手間洗洗下手玩火車有ｄ同學唔肯就骨排效應(cake)到我个女、跌落洗手盤个 ...

作者: Sallyb1a 時間: 09-9-11 16:43

嘩.. 呢D心痛事... 全世界無一個父母想發生.
希望你囡囡早日康復, 健健康康無后遺症..

呢件事提醒我, 黎緊幫囡囡搵學校, 除左睇師資外, 校園環境都好重要.

作者: 蚊蚊1020 時間: 09-9-11 23:44

真係睇到都心痛....希望你囡囡快D好返啦...咁大件事一定要追究間學校...因為好明顯係人為疏忽...可能下一次又會有一個小朋友受害...我岩岩開始幫囝囝搵學校可以PM我話我知邊間嗎?

作者: 小新丁 時間: 09-9-13 11:45

好多老師會用扮火車(搭膊頭)來教小朋友排隊，不過呢個方式好危險，唔好話廁所，就算課室都危險啦!!

作者: Bubble09 時間: 09-9-15 01:14 標題: 回覆 1# J0ey 的文章

你好！囡囡的傷勢好點嗎？祝早日康復！不知道你最後怎樣處理了，但我可給你一點分享。本人是一名幼師，也經歷過幼兒在校穿頭的意外(七年前)，當時的幼兒是插班生，好像也是剛上學一、兩天，幼兒只是站在坐位前跟外籍老師進行律動，一不小心失平衡便撞到書包櫃，意外便發生了。事後老師為幼兒止血(記得當時我也有協助按着幼兒的傷口止血，清潔看到幼兒的傷口，手上也沾染着血，十分心痛)，老師也十分努力安慰幼兒，並分散幼兒的注意力(家長到達時，幼兒已破涕為笑，與老師談天)，家長到校後先與老師一起陪同幼兒到醫院，第二天，家長親自到校了解意外發生的經過及環境，亦檢視過幼兒所撞到的書包櫃，重要的是過程中一直保持理智的態度，最終亦明白是意外，也十分欣賞學校在意外後的應變和處理，事件也十分完滿的解決。
我分享這個經驗不是要為同工說什麼，只是希望你能明白，學校當然有責任保障學生在校的安全，然而無論老師多小心、謹慎，當要用一雙眼看着十多名幼兒時，意外總有機會出現的，重點是當意外一旦發生，學校的應變是否適當？另外，我建議你也可以親自到校先了解一下當時的情況及環境，到底是純粹意外，還是洗手間真的有潛在危險？但切記保持心平氣和，因為我相信無論如何，這絕不是學校或老師希望發生的，因此目標應在於避免日後再出現同類意外，傷及任何一位幼兒，而不是追究責任(除非你發現這是嚴重的人為錯誤)。
希望建議能幫到你，最後也希望你能早日釋懷，重新與幼兒一起投入愉快的學校生活。

作者: shanyeungbb 時間: 09-9-15 11:59

唔好話係學校, 就算係屋企, 又我自己加姐姐照顧兩兄弟, 我細仔都可以唔小心由梳化跌落來, 額頭要鏠針
樓主, 希望你的小朋友早日康復

歡迎光臨教育王國 (/)