教育王國
標題: 老師建議去做ADHD評估 [打印本頁]
作者: ahpei 時間: 09-9-9 10:25 標題: 老師建議去做ADHD評估
想請教各位有經驗的家長,
阿仔剛上小一, K3 時班主任都建議阿仔做 ADHD評估, 但我地沒有, 想去到小一睇下會唔會好d, 但開學第一日已經失控, 小學老師過左幾日都打比我, 說他唔專心, 叫我叫佢乖d。
我想他應是ADHD, 因經常整到人, 所以我再打比老師問清楚阿仔在校內的情況, 老師說佢話唔聽同埋好衝動, 無法勸阻到, 所以就叫我去做評估。
但我知政府要排好耐, 我老公又唔想佢食藥, 如果去私家評估大約要幾多錢 ? 同埋之後可以點跟進 ? 如排政府, 到時如果確診的話, 是否視乎情況先食藥定是總之確診就要食藥 ?
其實如果唔太貴我唔想等成年...有無其他方法可以快d但又專業既呢?
作者: wch1224 時間: 09-9-9 13:28 標題: 回覆 1# ahpei 的文章
嚴重嗎? 你覺嚴重就要去看醫生, 唔好拖, 小朋友還細. 又或者間學校之問題, 了解一下吧.
作者: ~仔仔媽咪~ 時間: 09-9-9 13:31
我都明白到家長唔想仔女食葯黎控制ADHD呢樣野,我同老公以前都係咁,好反對個仔食葯,但無奈升到小學又係全日制,自己又唔能夠全程留咗囝囝身邊陪佢上學,所以佢D情緒行為的確好影响到老師同其他同學學習架.
其實最令你困擾唔想個仔食葯既原因係乜?係咪怕有副作用?如果係,呢樣可以唔駛太擔心住,我仔食咗年幾葯,都係食ritalin,而唔係長效葯concerta,而且食既份量好少,我仔身上係無任何既副作用囉!依家食得瞓得玩得,就係食完會無咁衝同發咁大脾氣,如果我建議,都係番學時至俾葯個仔食,放學同埋放假時就唔駛囝囝食葯,因為媽媽handle到佢.咁樣會好D.
如果去私家,一般評估都要四五千蚊左右,我仔嗰時去過一家私家言語治療診所,個治療師本身亦有兒童心理學同感覺統合既資格,佢幫我仔做一次全面性評估,都係一千蚊左右,嗰度有訓練,每堂要七百蚊/四十五分鐘,以我仔經驗所得,嗰時做密訓做咗思維同感覺統合訓練,佢D衝動同埋情緒係好咗好多,但要KEEP住做囉,一唔做又會打回原形,依家我都係搵我朋友黎train我仔,因為佢收得平好多,無記錯佢好似收人四百幾蚊一堂,佢都係我仔以前治療師個助手黎,佢又食得住我仔,所以我都俾佢教我仔囉.
你預算番屋企經濟能力支唔支持到去私家度做訓練囉,始終呢D訓練要長期KEEP住做,同埋亦要預咗政府嗰邊真係除咗俾葯外,就無咩支援係FOR ADHD小朋友囉.好似我咁,依家都係靠自己,政府嗰邊,我淨係定期帶個仔去覆診同攞葯食咋.
如果你有需要私家訓練嗰D資料,你話俾我知,等我send俾你啦.
作者: ahpei 時間: 09-9-9 14:32
唔該晒你, 不過初步都想佢去左做評估先, 請問有無私人的評估中心介紹 ? (請 pm我) 如果有我想去 test 左先, 如確診, 因為是長遠既事情, 到時再從詳計以...
ahpei
原帖由 ~仔仔媽咪~ 於 09-9-9 13:31 發表 
我都明白到家長唔想仔女食葯黎控制ADHD呢樣野,我同老公以前都係咁,好反對個仔食葯,但無奈升到小學又係全日制,自己又唔能夠全程留咗囝囝身邊陪佢上學,所以佢D情緒行為的確好影响到老師同其他同學學習架.
其實最令你 ...
作者: ~仔仔媽咪~ 時間: 09-9-9 19:09
原帖由 ahpei 於 09-9-9 14:32 發表
唔該晒你, 不過初步都想佢去左做評估先, 請問有無私人的評估中心介紹 ? (請 pm我) 如果有我想去 test 左先, 如確診, 因為是長遠既事情, 到時再從詳計以...
ahpei
...
一係你俾您個email address我吖...因為我唔知點解教育王國個PM send唔到野...
作者: ahpei 時間: 09-9-9 19:55
ok ~ thanks.my email
原帖由 ~仔仔媽咪~ 於 09-9-9 19:09 發表
一係你俾您個email address我吖...因為我唔知點解教育王國個PM send唔到野...
作者: 緊張肥媽咪 時間: 09-9-9 22:42
原帖由 ~仔仔媽咪~ 於 09-9-9 13:31 發表
我都明白到家長唔想仔女食葯黎控制ADHD呢樣野,我同老公以前都係咁,好反對個仔食葯,但無奈升到小學又係全日制,自己又唔能夠全程留咗囝囝身邊陪佢上學,所以佢D情緒行為的確好影响到老師同其他同學學習架.
其實最令你 ...
仔仔媽咪,
想請問你知唔知幾多歲就可以帶阿仔去睇吓有冇ADHD呢樣樣呀？同埋可唔可以比啲資料我去邊到睇同做訓練呀？唔該晒!
作者: ~仔仔媽咪~ 時間: 09-9-9 23:34
原帖由 ahpei 於 09-9-9 19:55 發表
ok ~ thanks.my email
send咗俾你喇~~~你可以CHECK吓MAIL. 
作者: ~仔仔媽咪~ 時間: 09-9-9 23:40
原帖由 緊張肥媽咪 於 09-9-9 22:42 發表
仔仔媽咪,
想請問你知唔知幾多歲就可以帶阿仔去睇吓有冇ADHD呢樣樣呀？同埋可唔可以比啲資料我去邊到睇同做訓練呀？唔該晒!
查實我仔係升到小一,差唔多七歲時評估出佢有ADHD(之前我仔三歲半時評估到有自閉傾向).
查實我覺得小朋友五六歲就已經可以CHECK到佢地係定唔係囉,因為三四歲D小朋友仲係好阿B款,佢地嗰D活躍幾乎係個個都係咁,所以好難察覺,但慢慢去到五六歲,人地/學校對佢地既要求唔會咁低,佢地守唔守到行為,情緒大唔大起伏,呢D反而會好易睇得出佢會唔會零舍唔同同嚴重囉.想當年我仔都係五歲咁上下,我同我媽開始覺得我仔HIGH HIGH地,我媽覺得我仔有ADHD,咁我至再搵私家黎再作評估,結果我仔係有自閉傾向既同時,都有ADHD、學習障礙、動作協調障礙既問題.
因為我唔知點解响教育王國度PM唔到野,不如你俾你個email address我,等我send番俾你啦. 
作者: ljbaby02 時間: 09-9-10 02:29
[quote]原帖由 ~仔仔媽咪~ 於 09-9-9 23:40 發表
Hi 仔仔媽咪,
Can you pls e-mail the information to me ? My email address is [email protected]
Thanks much.
ljbaby02
作者: ~仔仔媽咪~ 時間: 09-9-10 08:34
原帖由 ljbaby02 於 09-9-10 02:29 發表
[quote]原帖由 ~仔仔媽咪~ 於 09-9-9 23:40 發表
Hi 仔仔媽咪,
Can you pls e-mail the information to me ? My email address is [email protected] ...
send咗俾您喇~
不過如果仲有其他媽咪想要評估資料,都係唔好响樹留email喇,如果真係有需要,可以直接PM個email地址俾我,等我直接响電郵度覆大家...始終都要守番BK/教育王國規矩會好D.^^希望各位唔好介意.
作者: ahpei 時間: 09-9-10 09:23
收到啦, 唔該晒 仔仔媽咪 ~
作者: IwanBB 時間: 09-9-10 12:31
仔仔媽咪~
你好!
8月時幼稚園提議做評估, 但健康院話過6歲唔跟, 而要等小學學童保健.
但我唔想等太耐, 而且我覺得囝囝比較"特別", 如活躍,不專注,情緒差....等等.
好擔心....
希望有d咩都盡快治療.
麻煩你send 資料到 [email protected]
Thanks so much!!!!!!!!!!
作者: ~仔仔媽咪~ 時間: 09-9-10 12:46
原帖由 IwanBB 於 09-9-10 12:31 發表
仔仔媽咪~
你好!
8月時幼稚園提議做評估, 但健康院話過6歲唔跟, 而要等小學學童保健.
但我唔想等太耐, 而且我覺得囝囝比較"特別", 如活躍,不專注,情緒差....等等.
好擔心....
希望有d咩都盡快治療.
麻煩你send ...
下....唔跟>?你如果打算係去政府度做評估,你可以先响出面嗰D西醫度要求醫生出一封轉介/介紹信俾政府,當然,你之前都要問咗嗰位醫生願唔願幫你囝囝寫轉介信啦,個醫生睇完你囝囝,都覺得佢有特殊障礙既特徵,咁多數都會肯寫信既.
之後你拎住封信,先打去就近你住區既'政府兒童智力測驗中心',同姑娘講,你有出面醫生寫既信,話懷疑你囝囝有特殊方面既問題,需要排期做評估,
之後姑娘大致上都會問你多少少details,咁姑娘都自然會處理架喇.
以上呢個方法係我仔睇開嗰間政府兒童精神科既姑娘教我的,因為之前我都有幫朋友問.
至於私家方面,如果你唔等得政府嗰邊排期,你都可以考慮下既.等我依家send俾您.
作者: foggyao 時間: 09-9-10 14:38
想問係會點樣train佢專注力?
我女就嚟3歲, 佢又係成日比人話好bb, 話佢d行為似兩歲左右, 無時停, 但佢都幾外向, 所以話佢唔似有自閉, 但又係話太細check唔到係咪ADHD.
佢歲幾返pn開始已比老c咁話佢, 但佢有時係佢鍾意嘅嘢, 又可以定落嚟, 但普遍學校做d嘢, 佢都唔跟. 吓吓要老c叫好多聲, 惡d先會定少少. 但所有人都話佢無耐力, 正常人哋5mins, 佢就最多1min. 佢理解力正常.
而我哋响度時, 就更加唔洗稔, 一定唔會定聽! 我同佢上個music class, 成日自己想做咩就做, 我叫極都唔會聽. 但見佢自己上畫班, 佢又可全程定d, 但就唔會下下聽人講, 多數自己畫花晒!
佢去邊上堂, 都係頭1, 兩堂會呃到老c (可能未熟環境), 之後, d老c就會話佢唔得.
佢小肌肉發展話爭4個月到, 大肌肉very good, 咁係咪都似有adhd?
我都唔知係我哋唔識教? 定係佢有問題, 所以想而家試試自己train佢或test佢. 有d咩方法呀? 可唔可以分享下?
作者: ~仔仔媽咪~ 時間: 09-9-10 23:17
原帖由 foggyao 於 09-9-10 14:38 發表
想問係會點樣train佢專注力?
我女就嚟3歲, 佢又係成日比人話好bb, 話佢d行為似兩歲左右, 無時停, 但佢都幾外向, 所以話佢唔似有自閉, 但又係話太細check唔到係咪ADHD.
佢歲幾返pn開始已比老c咁話佢, 但佢有時係佢 ...
都係架~!咁細個真係好難firm到佢係咪ADHD.
查實暫時可以做既,都係同佢做多D訓練,等佢可以追得番同年紀小朋友,如果可以訓練佢專注力同大小肌肉,你可以試下同佢玩個小遊戲,同佢响屋企玩推牆,同佢講,同媽咪一齊推LUM個牆,唔理佢用咩方法,總之用盡佢成個身既力去推,EVEN佢用PAT PAT黎推都得,呢樣係要佢用全身既力同埋專注去做,都幾簡單架.
同埋亦可以俾佢去多D公園玩,唔駛驚佢會跌,任佢爬任佢跳,俾佢玩多D攀架,又係可以俾佢用盡全身既力,等佢有番專注.
查實真係有好多野玩,實情如果你有帶囡囡去做評估既話,唔理政府定私家,都會有訓練提供,你可以俾囡囡去接受訓練,你又可以留意下D治療師點同囡囡玩,自然就會學到.
同埋如果佢係好衝動,咩都要即刻要,試下每次佢要求你俾野佢時,先要佢學等,可以同佢定下一個規則,佢要野時要好好講唔該,我想要D乜野...然後大家一齊數十下,你至俾佢,咁樣都可以令佢學會等同無咁衝.暫時試住呢D先啦.
作者: cathyman 時間: 09-9-11 00:40
ahpei，瞓醒開msn我同你傾!!!~~珈瑋媽咪
作者: 我係女仔 時間: 09-9-11 01:56
原帖由 foggyao 於 09-9-10 14:38 發表
想問係會點樣train佢專注力?
我女就嚟3歲, 佢又係成日比人話好bb, 話佢d行為似兩歲左右, 無時停, 但佢都幾外向, 所以話佢唔似有自閉, 但又係話太細check唔到係咪ADHD.
佢歲幾返pn開始已比老c咁話佢, 但佢有時係佢 ...
我都想試下返一般幼稚園睇下有咩評價
作者: ~仔仔媽咪~ 時間: 09-9-11 08:30
原帖由 我係女仔 於 09-9-11 01:56 發表
我都想試下返一般幼稚園睇下有咩評價
查實我個人認為如果小朋友只係自閉傾向,係可以讀主流學校架.
講真以前我仔評估出有自閉傾向,政府都係幫我排I位,而唔係S位或者E位,但呢幾年我成幾個朋友既仔女check到有自閉傾向,但政府嗰邊就諗都唔諗幫我朋友D仔女排S位...有時我會覺得係咪I位太少位,所以政府索性係咪都勸家長俾仔女排S位算呢...因為我嗰幾個朋友既仔女,情況明顯無我仔咁嚴重,但我仔當年都只係排I位,依家又係讀緊主流既小學,實情自閉傾向唔等於佢地智力唔得囉,你話讀S位小朋友會讀得無咁辛苦會舒服D,查實咁又係咪真係幫到佢,佢又係咪真係無咁既能力去讀主流學校呢?我個人覺得唔係囉.
好似我仔升小一時响政府度再做評估,評估到佢又有埋動作協調障礙,當年幫我仔評估嗰位政府治療師,又係好殘忍地同我講,我仔咁就一世,話我就算點同個仔做訓練或者帶個仔出去私家做訓練都唔會追得上同年紀小朋友(指佢動作協調方面),又係叫我唔好迫個仔讀書,由個仔開開心心咁過佢既學校生活同童年,嗰下對我打擊好大,但呢五年俾到我既事實係,個治療師講既野唔係事實黎囉,我仔由初初完全寫唔到字,到佢依家可以寫到字仲要係中英文默書測驗合格仲要有八十幾分,我唔係要求個仔科科一百分做天才,但佢可以學到野又寫到字,而且依家佢都係開開心心咁番學,放暑假都係期待快D開學嗰隻,又完成到所有功課,呢D進步同結果,係有目共睹囉.
作者: foggyao 時間: 09-9-11 10:16
原帖由 ~仔仔媽咪~ 於 09-9-10 23:17 發表
都係架~!咁細個真係好難firm到佢係咪ADHD.
查實暫時可以做既,都係同佢做多D訓練,等佢可以追得番同年紀小朋友,如果可以訓練佢專注力同大小肌肉,你可以試下同佢玩個小遊戲,同佢响屋企玩推牆,同佢講,同媽咪一齊推LUM ...
唔該晒呀~仔仔媽咪~! 我真係唔識你講呢D嘢, 等我都試下你所講嘅遊戲先! 尢其係等完再數1-10嗰度, 因佢真係超衝動, 同埋佢係出街乜都摸, 試過督爛人地d生果, 搞到貴貴都要買!!
有時, 我真係好懷疑佢係唔係, 定係我當初揀錯左一間太活動教學嘅sch 去比佢starting (pn), 搞到佢成日都係輕奮狀態, 無專注! 而家, 佢k1係間傳統學校, 希望佢會定好多 (但最初兩日陪返, 佢都係走來走去, 搞來搞去!), 而呢排點就未知, 因老c仲話今個week仲係適應期.
至於, 你話公園嗰part, 我由佢識自己扶住行開始, 已係每次都由得佢晌公園自由發揮, 佢唔會怕高, 怕跌, 所以佢d大肌肉係好得, 佢而家係爬到d 高過6呎, 中間穿晒窿一層層直上去玩條高滑稊嗰d, 我有時真係怕過佢, 跌落嚟真係斷骨, 但佢又次次ok (可以不停玩, 玩好多次都唔厭!).
而今朝, 送佢搭校車, 見佢搭lift又算定(好少見), 只係1隻腳晌度踢下踢下咁, 但起碼唔會企唔定自己個位. 而等校車時, 亦無走來走去, 只係行開少少又企返埋我度咁.
其實真係有ADHD嘅小朋友, 會唔會有時都會有定嘅一刻呢? 定係真係會全日無時停?
作者: foggyao 時間: 09-9-11 10:32
原帖由 我係女仔 於 09-9-11 01:56 發表
我都想試下返一般幼稚園睇下有咩評價
你小朋友係咪ADHD? 定係都係好似我咁估估吓?
我女希望唔係啦, 不過我稔學習環境一定有D關係.
因我女本身好動, PN時佢係讀間好活動嘅學校, 教法似int'l sch, but even咁open嘅學校, 老c都話佢好唔聽教, 定唔到, 一定要坐佢側邊guide住, 惡住佢做.
而我識有位mami, 細我女半年, 讀遲我女一級(我女係細b), 佢個女本身好定, 但今年入左同一學校pn時, 佢mami話佢返學係好開心, 但返左大半個月到, 又係開始唔定, 所以唔知係咪真係好關學習環境事?
而家我稔緊, 我女就係:
好動 + 活動教學學校 = 停不了, 更加唔定! 即不適合讀呢類學校?!!
作者: ~仔仔媽咪~ 時間: 09-9-11 11:04
原帖由 foggyao 於 09-9-11 10:16 發表
唔該晒呀~仔仔媽咪~! 我真係唔識你講呢D嘢, 等我都試下你所講嘅遊戲先! 尢其係等完再數1-10嗰度, 因佢真係超衝動, 同埋佢係出街乜都摸, 試過督爛人地d生果, 搞到貴貴都要買!!
有時, 我真係好懷疑佢係唔係, 定係 ...
查實ADHD小朋友都係個個唔同款架~!好似我仔咁,佢係衰無EQ衰衝動同埋好易HIGH同周圍彈,但佢就唔識得駁人咀,把口好渣; 但我朋友個仔又係ADHD,但就算唔食葯嗰時都唔會周圍彈囉,但就駁咀駁上天,把口唔識停,係咁挑釁大人既底線嗰隻黎;另一個我以前識得一位太太個仔,佢又係無時停,成日都好HIGH好開心,係咁講唔停,真係除咗食同瞓會合埋口之外,其餘時間都係講講講,佢媽大力車巴佢,佢都係笑騎騎咁架...所以真係隻隻都唔同款...
你囡囡仲咁細,真係未必FIRM到佢既行為係咪真係ADHD定只係兩三歲人仔既行為囉...可以做既都係同佢做訓練,等佢習慣咗要等、唔好咁衝動,日後就算真係CHECK到佢係ADHD,至少都會易教D囉,因為佢已經習慣咗媽媽教佢嗰一隻模式.會好教好多.
如果專注力問題,你試下唔好俾佢睇咁多電視呢D咁刺激既野,因為睇電視玩電玩呢D好影响專注架,我仔無開電視睇兩年,係明顯好咗,無之前游到出外太空咁勁,依家都只係游咗出公海而已...
作者: foggyao 時間: 09-9-11 14:33
原帖由 ~仔仔媽咪~ 於 09-9-11 11:04 發表
查實ADHD小朋友都係個個唔同款架~!好似我仔咁,佢係衰無EQ衰衝動同埋好易HIGH同周圍彈,但佢就唔識得駁人咀,把口好渣; 但我朋友個仔又係ADHD,但就算唔食葯嗰時都唔會周圍彈囉,但就駁咀駁上天,把口唔識停,係咁挑釁大 ...
聽完你咁講, 個女都8-9成中勒
我女無乜睇電視, 佢唔like, 同埋佢無耐性去完成一齣卡通.
佢係好易high, 唔會駁嘴, 但就要佢做親嘢, 就會魂遊, 明明做緊一樣嘢, 唔夠兩三秒, 講左自己想講嘅嘢, 或左望右搞! 唉! 為有著力train佢啦!
作者: ~仔仔媽咪~ 時間: 09-9-11 15:04
原帖由 foggyao 於 09-9-11 14:33 發表
聽完你咁講, 個女都8-9成中勒
我女無乜睇電視, 佢唔like, 同埋佢無耐性去完成一齣卡通.
佢係好易high, 唔會駁嘴, 但就要佢做親嘢, 就會魂遊, 明明做緊一樣嘢, 唔夠兩三秒, 講左自己想講嘅嘢, 或左望右搞! ...
都未必既...ADHD嗰D脾氣咪係三四歲脾氣黎囉,基本上一般正常三四歲小朋友嗰D活躍同ADHD一樣,呢D真係要等佢地五歲以上至會CHECK得準佢地係定唔係囉.所以你都唔駛咁驚住,定D黎,同囡囡train下先.
作者: foggyao 時間: 09-9-11 15:17
原帖由 ~仔仔媽咪~ 於 09-9-11 15:04 發表
都未必既...ADHD嗰D脾氣咪係三四歲脾氣黎囉,基本上一般正常三四歲小朋友嗰D活躍同ADHD一樣,呢D真係要等佢地五歲以上至會CHECK得準佢地係定唔係囉.所以你都唔駛咁驚住,定D黎,同囡囡train下先. ...
唉! 望係咁望啦!
多謝晒你先, 聽你講完, 明左好多ADHD.
作者: ahpei 時間: 09-9-15 13:04
我個仔又係駁咀駁到你都應唔到佢, 超多野講兼講野好大聲好嘈, 個口唔停, 食緊飯都係咁講....同埋鐘意拉開話題, 明明你同佢講緊A , 佢就插咀同你講B...High 都周圍彈, 周圍 fing 呢樣野都是....
我下個week 去做評估啦 ~ 到時話你知個 result....
ahpei
原帖由 ~仔仔媽咪~ 於 09-9-11 11:04 發表
查實ADHD小朋友都係個個唔同款架~!好似我仔咁,佢係衰無EQ衰衝動同埋好易HIGH同周圍彈,但佢就唔識得駁人咀,把口好渣; 但我朋友個仔又係ADHD,但就算唔食葯嗰時都唔會周圍彈囉,但就駁咀駁上天,把口唔識停,係咁挑釁大 ...
作者: 我係女仔 時間: 09-9-15 13:25
其實18個月既bb係咪好多都坐唔定架, 我個仔唔可以痴住張櫈架,佢會彈走, 但係highchair就可以啦, 同埋成日走圍行, 捉住佢, 佢會哭, 叫又成日唔采人
係咪咁既年紀既bb都會係咁架?
作者: siubobo03 時間: 09-9-15 18:45
原帖由 ~仔仔媽咪~ 於 09-9-9 13:31 發表
我都明白到家長唔想仔女食葯黎控制ADHD呢樣野,我同老公以前都係咁,好反對個仔食葯,但無奈升到小學又係全日制,自己又唔能夠全程留咗囝囝身邊陪佢上學,所以佢D情緒行為的確好影响到老師同其他同學學習架.
其實最令你 ...
我都懷疑自己的女係ADHD, 可否給我多一點資料, 例如去邊間私人中心做TEST及做TRAINING? 我個女係瑪嘉烈排了期見臨床心理家, 我應該要預備什麼?
作者: ~仔仔媽咪~ 時間: 09-9-16 00:00
原帖由 ahpei 於 09-9-15 13:04 發表
我個仔又係駁咀駁到你都應唔到佢, 超多野講兼講野好大聲好嘈, 個口唔停, 食緊飯都係咁講....同埋鐘意拉開話題, 明明你同佢講緊A , 佢就插咀同你講B...High 都周圍彈, 周圍 fing 呢樣野都是....
我下個week 去做評估 ...
查實聽您以上講嗰D特徵,又真係好ADHD噃...
OK.等您帶完囝囝做評估後,再一齊傾啦~
作者: ~仔仔媽咪~ 時間: 09-9-16 00:03
原帖由 我係女仔 於 09-9-15 13:25 發表
其實18個月既bb係咪好多都坐唔定架, 我個仔唔可以痴住張櫈架,佢會彈走, 但係highchair就可以啦, 同埋成日走圍行, 捉住佢, 佢會哭, 叫又成日唔采人
係咪咁既年紀既bb都會係咁架? ...
查實你囝囝呢個年紀坐唔定真係好平常噃...所以好多時响呢D年紀好難以佢地行為察覺佢地有無問題囉,都係睇佢有無D咩固執野,會唔會咁大個都仲成日玩手指玩好耐又好入神,睇佢大個D會唔會講野仲未識講...大概都只可以留意呢D.或者你再睇定D先啦.
作者: ~仔仔媽咪~ 時間: 09-9-16 00:07
原帖由 siubobo03 於 09-9-15 18:45 發表
我都懷疑自己的女係ADHD, 可否給我多一點資料, 例如去邊間私人中心做TEST及做TRAINING? 我個女係瑪嘉烈排了期見臨床心理家, 我應該要預備什麼?
因為我暫時响教育王國出唔到PM呀,或者你俾您email我,等我email俾您啦.
如果你排咗期响政府做評估,查實要準備既都係留意下囡囡平時有咩特別問題同細節,因為實情到時都係睇個心理學家問你D乜,你照答,有時就算我地準備定張貓紙俾自己,有時突然間心理學家問咗D我地無諗過佢會問既問題,我地都會口啞啞要諗囉.所以都係趁呢段時候自己多D留意下囡囡既動靜,到時心理學家問起,大概都會講到既.
作者: foggyao 時間: 09-9-16 12:08
原帖由 ~仔仔媽咪~ 於 09-9-16 00:07 發表
因為我暫時响教育王國出唔到PM呀,或者你俾您email我,等我email俾您啦.
如果你排咗期响政府做評估,查實要準備既都係留意下囡囡平時有咩特別問題同細節,因為實情到時都係睇個心理學家問你D乜,你照答,有時 ...
可唔可以e 埋比我呀? 我都想有定準備.
[email protected]
其實我女有去過政府做評估, 但係响言語同小肌肉方面, 但我都問過dr., 佢問我呀女食飯定唔定, 我話好定, 佢就話唔洗擔心, 但我女因係好like食, 係佢嗜好, 所以一定會好定嚕! dr.叫我睇埋k1下學期, 都係比老c 咁complaint嘅話, 再聯絡佢哋喎! 咁會唔會太遲呢?
另外有一dr.講法, 佢話我女行識路都行得遲(15mths先識), 即係發展比人慢, 所以好多嘢都會踏正/ 比人遲d先做到, 唔知咁講有無根據?
我上次照你方法同女女玩左推牆啦, 同佢玩溝顏料變色啦, 佢聽到我話玩好happy, 但佢玩好短時間, 就覺得唔好玩, 就唔玩, 要玩第二樣玩具 但樣樣都玩得唔耐, 最近佢like 填色, 但就填兩填就不停揭第二版, 再填, 再揭.
但我尋晚同佢講個新嘅故事, 佢又好留心, 真係等我講晒喎, 跟住仲話要講番比我聽 (當然講唔到, 只係一路揭一路重覆我講過嘅嘢(每頁都只講得番一兩句重點). 希望佢係太細啦!
[ 本帖最後由 foggyao 於 09-9-16 12:18 編輯 ]
作者: siubobo03 時間: 09-9-16 14:48
原帖由 ~仔仔媽咪~ 於 09-9-16 00:07 發表
因為我暫時响教育王國出唔到PM呀,或者你俾您email我,等我email俾您啦.
如果你排咗期响政府做評估,查實要準備既都係留意下囡囡平時有咩特別問題同細節,因為實情到時都係睇個心理學家問你D乜,你照答,有時 ...
仔仔媽咪
多謝你的回覆, 本人電郵[email protected]
作者: ~仔仔媽咪~ 時間: 09-9-16 17:58
send咗俾您喇.
作者: ~仔仔媽咪~ 時間: 09-9-21 10:42
原帖由 foggyao 於 09-9-16 12:08 發表
可唔可以e 埋比我呀? 我都想有定準備.
[email protected]
其實我女有去過政府做評估, 但係响言語同小肌肉方面, 但我都問過dr., 佢問我呀女食飯定唔定, 我話好定, 佢就話唔洗擔心, 但我女因係好like食, 係佢嗜 ...
咁查實我仔由亞Ｂ時期到依家十一歲仔,佢食飯次次都好坐定定唔會周圍走離位架噃...因為我仔同你囡囡一樣,都係食家黎,超級享受食野~!或者試下同DR.講番我呢個情況,睇佢可唔可以再重新評估你囡囡.
至於玩推牆同佢玩遊戲嗰D,你玩既當中要同佢先約法三章,就係佢缺乏耐性,所以响同佢玩既同時都係訓練佢唔好咁衝同學下'定',佢一周圍飛玩兩玩又玩第二樣,你就收哂D野唔俾佢掂同玩,用好firm既眼神同態度,同佢講,佢咁樣就無得玩,要佢至少好好完成一樣玩意,佢遵守到又做到,咁至俾佢用番自己方式去玩其他野,一步一步黎,慢慢加落去,等佢不知不覺間有進步時,就要求佢每樣玩意都要好好地完成至可以開始玩第二樣.呢樣都係一個訓練黎架.千祈唔好side.
至於講故事嗰度,始終你囡囡仲未有咁好既專注去聽去記哂咁多句子同整個故事,試下再簡化D簡單D同佢講一個故事,媽媽您可以講故事講得有趣D,做埋動作,甚至同佢玩埋角色扮演,有趣D,小朋友會容易D有番個專注同埋記憶去記得個故事係點.
查實玩咩都係,就算係教小朋友讀書寫字,可以既話都盡量教得活D生動有趣D,如果過於沉悶,莫講話佢地呢位小朋友,就連一個正常既小朋友或大人,都未必有咁好既專注力去學習去記一堆自己都深感沉悶同困難既東西.所以呢方面都要考考媽媽既功夫,功夫都係要靠媽媽長時間鑽研同練番黎.
[ 本帖最後由 ~仔仔媽咪~ 於 09-9-21 10:49 編輯 ]
作者: Gradies 時間: 09-9-22 09:27
我都想帶囡囡去做評估, 可唔可以都send資料比我。 much thanks!
原帖由 ~仔仔媽咪~ 於 09-9-9 13:31 發表
我都明白到家長唔想仔女食葯黎控制ADHD呢樣野,我同老公以前都係咁,好反對個仔食葯,但無奈升到小學又係全日制,自己又唔能夠全程留咗囝囝身邊陪佢上學,所以佢D情緒行為的確好影响到老師同其他同學學習架.
其實最令你 ...
作者: Gradies 時間: 09-9-22 09:28
我漏了e-mail address, 請send去[email protected]。 thanks!
原帖由 Gradies 於 09-9-22 09:27 發表
我都想帶囡囡去做評估, 可唔可以都send資料比我。 much thanks!
作者: ~仔仔媽咪~ 時間: 09-9-22 14:42
我send唔到mail俾你呀,不過我已覆咗PM俾您,你check check PM~
作者: foggyao 時間: 09-9-28 13:02
原帖由 ~仔仔媽咪~ 於 09-9-21 10:42 發表
咁查實我仔由亞Ｂ時期到依家十一歲仔,佢食飯次次都好坐定定唔會周圍走離位架噃...因為我仔同你囡囡一樣,都係食家黎,超級享受食野~!或者試下同DR.講番我呢個情況,睇佢可唔可以再重新評估你囡囡.
至於玩推牆同佢玩遊 ...
THX THX! 收到你email喇!
原來你仔仔都係食家, 咁我稔你都知我情況喇! 真頭痕, 你嘅方法, 我都會盡試!
我同佢講故事已好生動, 好跨張, 因我都好想用呢d方法吸引到佢好定, 不過佢真係一時時搭著, 又好似好正常咁!
佢呢期返學後, 都幾得意, 佢著住校服時, 行步路都定晒, 大個晒, 但一返到屋企, 好似放監咁, 回復真身!
呢個情況尤其係同佢玩完, 玩巔左後, 收唔到科咁!
例: 放學後, 見我放假, 同佢去波波池, 玩得好巔(不嬲都係咁), 玩完比預令到走, 佢都ok (平時都係咁, 無問題). 離開舖頭, 商場見有一部入錢搖搖機, 佢衝上去, 我話已完左玩嘅時間, 抱佢走, 一抱佢上手, 佢即好緊張 & 好肉緊咁醒我幾巴!! 嘩! 嚇死我, 從來未試過佢咁激同咁大膽! 我即刻要佢企埋一邊冷靜, 肯好, 佢好快已靜落嚟, 喊晒同我say sorry.
我想講個問題係, 佢返左學, 唔知係咪勒得緊, 一有得玩, 就巔喪左, 唔可即刻收返佢d抗奮情緒, 反而之前一玩完就知over, 唔會咁! 我而家要成日同佢講, 玩完, 要定, 要冷靜! 呢個唔知會唔會係佢過度期? 正唔正常?
佢仲有兩個月3歲, 我而家好加緊趕住3歲前, 改到佢呢d問題, 我好驚3歲定80!
作者: Kwan 時間: 09-9-29 11:55
大家好呀, 我都排緊期同我囡check adhd, 佢剛上小學, 我有些問題想問下有經驗媽咪:
1. 係咪多數adhd小朋友學業成績都唔好
2. 做功課做試卷好多時做唔晒
我囡的問題係:
1. 佢做事非常不專心, 尤其是課外學習, 如kumon/英文班, 成日比老師投訴, 一齊比d練習小朋友做, 人地做到第3-4題, 佢就做完第一題在發夢, 要老師拍佢, kumon老師就話叫佢做野, 只係取出功課, 囡就做好多其他野, 要取出功課出來都要十分鐘, 我分別問2位老師, 都話佢唔係唔識, 只係個腦唔知去了邊, 要人坐在佢旁, 佢又成日完成唔到老師的指令, 同你講其他無謂野咁
2. 幼稚園老師都有提過lee個問題, 個囡好主觀, 專注力好低, 小學老師都有講佢會發夢, 不過亞囡成績又不錯的, 上了小學幾星期, 默了幾次書都係9x-100分, 幼稚園老師叫我再觀察佢
3. 亞囡多數無法完成一本圖書, 只係睇圖畫估故事, 要佢睇字, 佢睇幾頁就要轉書, 佢認字都不少but冇心機去睇字
4. 叫佢執書包佢就做做下去睇課文, 直情忘記自己執緊書包, 食飯永遠離位, 做好多其他無謂野, 做功課對腳都唔停得, 突然問你好多其他問題
5. 當然亦有一些情緒的問題, 一唔如意就發脾氣, 按不住的哭, 哭到夠先停
佢算唔算有問題呢, sorry, 好長篇!
作者: ~仔仔媽咪~ 時間: 09-9-29 18:30
原帖由 foggyao 於 09-9-28 13:02 發表
THX THX! 收到你email喇!
原來你仔仔都係食家, 咁我稔你都知我情況喇! 真頭痕, 你嘅方法, 我都會盡試!
我同佢講故事已好生動, 好跨張, 因我都好想用呢d方法吸引到佢好定, 不過佢真係一時時搭著, 又好似好正常咁!
...
查實聽落您咁講,佢又似乎唔太差噃!始終呢D年紀係活躍D架喇!好似我平時都話,查實ADHD既細路就係stay响三歲既脾氣裡面,比其他人做BB做得耐咗D咁啫.
試下再觀察佢多一排啦,同佢做D訓練,當係warm up下,等佢大個D會定番D,至少都聽下媽媽話啦.查實對咩類型細路都一樣,都係要KEEP好親子溝通關係,咁樣會易教好多.
作者: ~仔仔媽咪~ 時間: 09-9-29 18:36
原帖由 Kwan 於 09-9-29 11:55 發表
大家好呀, 我都排緊期同我囡check adhd, 佢剛上小學, 我有些問題想問下有經驗媽咪:
1. 係咪多數adhd小朋友學業成績都唔好
2. 做功課做試卷好多時做唔晒
我囡的問題係:
1. 佢做事非常不專心, 尤其是課外學習, ...
查實我地呢班友仔真係隻隻款都唔同架!呢樣至係我地呢班亞媽同老師既困難之處,如果佢地係一式一樣,相信會易教好多!
我仔就係有您提出嗰兩大問題,咁多年都科科食蛋,淨教佢讀書做功課已經係我既最大挑戰之一黎,上年小三就大進步囉,可能我囝囝上年開始食葯呢,所以都對佢讀書都有D幫助,但今年開學小四課程深咗,老師既要求高番,我同個仔都好大壓力,呢幾次默書&預默,我仔又係肥佬,我仔一見到份卷咁少分,都激氣到掟份卷落地...嚇窒咗老師...不過我深知呢D無得急,始終都要個仔慢慢去適應囉.
試下同囡囡做番D專注力訓練,可以既話俾佢去接受感覺統合訓練,呢樣對小朋友改善專注同情緒方面都好好,你可以上網search下留意下.
情緒方面,始終ADHD既小朋友會比較衝動同直接,有開心或唔開心既都會好直接咁表現出黎,呢樣都需要訓練佢,等佢無咁衝動,學會停一停,諗一諗,同埋學會冷靜.
[ 本帖最後由 ~仔仔媽咪~ 於 09-9-29 18:38 編輯 ]
作者: chingyeehk 時間: 09-9-30 14:54
Kwan:
大家好呀, 我都排緊期同我囡check adhd, 佢剛上小學, 我有些問題想問下有經驗媽咪:
1.
係咪多數adhd小朋友學業成績都唔好
我小朋友今年都是小一,其實adhd既小朋友好聰明,不過無法專心去做好一件事(打機唔好計),咁聽唔到書,成績未會唔好law.
以我小朋友為例:我唔會要求小朋友科科都好高分,我會棄短留長,佢畫畫同中文麻麻,我唔會迫佢,但我會幫佢係成績上有一個合理既分數就算了.
2.
做功課做試卷好多時做唔晒
如果confirm係adhd,我覺得有需要同老師講聲,睇下學校有咩跟進.
我囡的問題係:
1.
佢做事非常不專心, 尤其是課外學習, 如kumon/英文班, 成日比老師投訴, 一齊比d練習小朋友做, 人地做到第3-4題, 佢就做完第一題在發夢, 要老師拍佢, kumon老師就話叫佢做野, 只係取出功課, 囡就做好多其他野, 要取出功課出來都要十分鐘, 我分別問2位老師, 都話佢唔係唔識, 只係個腦唔知去了邊, 要人坐在佢旁, 佢又成日完成唔到老師的指令, 同你講其他無謂野咁
- 我個仔都係,老師話佢好醒,但唔專心,坐唔定同鐘意引人注意,最後我放棄了大班既興趣班了,盡量搵d單對單既堂比佢上. Adhd既小朋友好多時學習係無問題,但一人多就無法專心,我自己覺得5-7係小朋友學習的黃金期,單對單既堂係貴,為由自己慳d洗啦.
2. 幼稚園老師都有提過lee個問題, 個囡好主觀, 專注力好低, 小學老師都有講佢會發夢, 不過亞囡成績又不錯的, 上了小學幾星期, 默了幾次書都係9x-100分, 幼稚園老師叫我再觀察佢
- 小一唔雖要太專心,都應該應付到學校既課程,但一上小二問題應該會大d.
3. 亞囡多數無法完成一本圖書, 只係睇圖畫估故事, 要佢睇字, 佢睇幾頁就要轉書, 佢認字都不少but冇心機去睇字
- 我個仔都係,不過我會陪佢讀, 小朋友有adhd好難叫佢自動波,為由家長陪佢一齊睇下. 再加多d鼓勵讚下佢,唔係睇多d圖書,呢d字你點會識呀 ?
4. 叫佢執書包佢就做做下去睇課文, 直情忘記自己執緊書包, 食飯永遠離位, 做好多其他無謂野, 做功課對腳都唔停得, 突然問你好多其他問題
Adhd小朋友既思想同行動都是跳躍式的,為由多加提醒.
5. 當然亦有一些情緒的問題, 一唔如意就發脾氣, 按不住的哭, 哭到夠先停
- 我果個都差不多,如果佢想哭我會比佢哭飽先.
佢算唔算有問題呢, sorry, 好長篇!
最後,身為adhd既父母條路係好難行,有時小朋友好似好d,有時又會差返,心情大上大落,有時外人唔知以為我地無教好小朋友.
但我地要成日提醒自己,小朋友自己都唔想的,所以我地唔可以放棄佢.
作者: ernestchow 時間: 09-10-3 19:43
原帖由 ~仔仔媽咪~ 於 09-9-29 18:36 發表
查實我地呢班友仔真係隻隻款都唔同架!呢樣至係我地呢班亞媽同老師既困難之處,如果佢地係一式一樣,相信會易教好多!
我仔就係有您提出嗰兩大問題,咁多年都科科食蛋,淨教佢讀書做功課已經係我既最大挑戰 ...
Have any side effect in medical?
作者: ahpei 時間: 09-10-5 15:54
其實我都好同意 chingyeehk 的講法 ~
1.
係咪多數adhd小朋友學業成績都唔好
我的小朋友今年都是小一, 評估左是 ADHD, 人地話 ADHD 小朋友會比一般小朋友聰明d又或者有某種天份 (如菲比斯 - 奧運取8金, 小時候也被評估為 ADHD) , 我阿仔也是不能專注做一樣野, 佢不是發夢, 是會攪東攪西, 所以連打機, 睇電視都唔專心…
因小學功課緊張, 所以我都唔太要求要高份, 最緊要佢明老師講乜, 有留心, 操行不要太差就算了, 同埋返學返得開心 !
2.
做功課做試卷好多時做唔晒
有時我個仔做卷時會漏了得多, 好像不知道要做咁… 所以都幾大影響.
我囡的問題係:
1.
佢做事非常不專心, 尤其是課外學習, 如kumon/英文班, 成日比老師 投訴, 一齊比d練習小朋友做, 人地做到第3-4題, 佢就做完第一題在發夢, 要老師 拍佢, kumon老師 就話叫佢做野, 只係取出功課, 囡就做好多其他野, 要取出功課出來都要十分鐘, 我分別問2位老師 , 都話佢唔係唔識, 只係個腦唔知去了邊, 要人坐在佢旁, 佢又成日完成唔到老師 的指令, 同你講其他無謂野咁
- 我個仔如在大班一起學野, 唔可以同其他人坐咁 close , 因為佢會攪攪陣 , 而家只學 swimming 同個人教授小提琴, 不過老師都好緊要, 如果是 ADHD既小朋友, 不太適合參加呢類的學習班, 因為他們都未必專業地教到有呢類小朋友…如 chingyeehk 說, 單對單會比較合適。
2. 幼稚園老師 都有提過lee個問題, 個囡好主觀, 專注力好低, 小學 老師 都有講佢會發夢, 不過亞囡成績又不錯的, 上了小學 幾星期, 默了幾次書都係9x-100分, 幼稚園老師 叫我再觀察佢
-
可能記性好, 我阿仔都是默書無問題, 但會大意, 所以再睇睇 ~
3. 亞囡多數無法完成一本圖書 , 只係睇圖畫估故事, 要佢睇字, 佢睇幾頁就要轉書, 佢認字都不少but冇心機去睇字
- 我個仔都係,不過我會陪佢讀, 佢自已都會睇但 prefer 我讀, 細個時都唔睇字亦唔記字, 而家佢知道識多d 字有好處, 鼓勵下佢, 自然會睇住黎讀d 字 , 唔記得唔緊要, 要慢慢黎 !
4. 叫佢執書包佢就做做下去睇課文, 直情忘記自己執緊書包, 食飯永遠離位, 做好多其他無謂野, 做功課對腳都唔停得, 突然問你好多其他問題
我個仔都係, 要不停提醒, 指令要簡單, 唔可以太長氣, 如食飯永遠離位 , 就叫佢 “請你坐低” , 做功課對腳都唔停得
-就叫佢 “ 放好隻腳”, 問你無謂野 -唔好理佢, 同佢講 “做埋d野先” , 同埋千祈唔好罵 !
5. 當然亦有一些情緒的問題, 一唔如意就發脾氣, 按不住的哭, 哭到夠先停
-我阿仔都會, 但未之於大脾氣, 多數是心急做事做不到就哭, 同埋非常固執, 通常叫佢冷靜下, 講下道理咁好快無事.
而家我阿仔有接受藥物治療, 雖然會有 side effect , 但我覺得會幫到佢, 尤其是學習和社交, 因我無可能佢去邊我跟到去邊, 都要靠佢自已, 所以建議快d去睇得個安心, 趁她還小時就接受治療, 效果一定會好好多！
原帖由 chingyeehk 於 09-9-30 14:54 發表
Kwan:
大家好呀, 我都排緊期同我囡check adhd, 佢剛上小學, 我有些問題想問下有經驗媽咪:
1.
係咪多數adhd小朋友學業成績都唔好
我小朋友今年都是小一,其實adhd既小朋友好聰明,不過無法專心去做好一件事(打機 ...
作者: ~仔仔媽咪~ 時間: 09-10-6 09:16
原帖由 ernestchow 於 09-10-3 19:43 發表
Have any side effect in medical?
咁我仔又無咩副作用跟身噃...佢一日食兩次每次一粒,可能份量少啩,佢食完依然食得玩得瞓得,仲照樣長高同長肉,依家都係肥仔黎架.
作者: ernestchow 時間: 09-10-6 15:30
原帖由 ahpei 於 09-10-5 15:54 發表
其實我都好同意 chingyeehk 的講法 ~
1.
係咪多數adhd小朋友學業成績都唔好
我的小朋友今年都是小一, 評估左是 ADHD, 人地話 ADHD 小朋友會比一般小朋友聰明d又或者有某種天份 (如菲比斯 - 奧運取8金, 小時候也被 ...
我曾看過報道,有A仔會考成績好好有A有B,當然最大功勞是父母,母是full time mami,她說用鼓勵和讚賞代替吵駡,講就容易,做就難,小dEQ都不可,所以他們參加好多 course for家長自己,所以他們的仔好有福氣,一齊成就也是多得他父母
作者: ahpei 時間: 09-10-6 15:41
所以父母都要上 EQ 班先得...有時情緒既野真係最難控制....
原帖由 ernestchow 於 09-10-6 15:30 發表
我曾看過報道,有A仔會考成績好好有A有B,當然最大功勞是父母,母是full time mami,她說用鼓勵和讚賞代替吵駡,講就容易,做就難,小dEQ都不可,所以他們參加好多 course for家長自己,所以他們的仔好有福氣,一齊成就也是 ...
作者: ~仔仔媽咪~ 時間: 09-10-6 22:34
原帖由 ahpei 於 09-10-6 15:41 發表
所以父母都要上 EQ 班先得...有時情緒既野真係最難控制....
無錯!基本上我依家嗰D EQ都係响仔度練番黎..........
作者: heichunmum 時間: 09-10-6 23:05
提示: 作者被禁止或刪除 內容自動屏蔽
作者: ahpei 時間: 09-10-7 09:35
我阿仔都是, 測驗同課堂上的task sheet 通常都無法完成...應該是做得慢, 比較差的科目是數學, 醫生話因為佢地唔用短暫記憶, 所以叫佢心算好艱難...成日數手指
教過我阿仔既老師都話佢聰明, 不過就是坐唔定, 心急, 無心機做...大家努力啦 !
原帖由 heichunmum 於 09-10-6 23:05 發表
我仔又係默書９ｘ－１００，但測驗成日做唔晒搞到低晒分，而家有同佢上空手道，希望令佢個人協調返，同學懂規舉！
老師
都係同我講仔仔好聰明，但就係心散，唔專心令佢聽唔到書而令成績差！
作者: phyllischiu 時間: 09-10-7 10:33 標題: Natural Food Supplement have Positive Effect to ADHD
Is anybody interested in trying using a natural food supplement instead of medicine to ADHD?
I have known a foreign 5-children mother (one of them is ADHD) who have 17 years of Secondary school teaching experiences who is also using the food supplement for her ADHD child and got positive results.
If anybody are intereted in the details, I can email you.
作者: heichunmum 時間: 09-10-7 14:00
提示: 作者被禁止或刪除 內容自動屏蔽
作者: ahpei 時間: 09-10-7 15:49
所以個個小朋友天份都唔同, 都無話一定...不過我要求唔太高..唔好咁差就得啦.....
原帖由 heichunmum 於 09-10-7 14:00 發表
反而我個仔數學係比較好，佢仲要成日用心算（唔係勁，係因為懶，唔想寫多條直式計，但成日進位進錯）我仔短暫記憶好好，次次默書都可以９ｘ１００，但真係短暫，默完就唔記得晒 ...
作者: heichunmum 時間: 09-10-7 21:22
提示: 作者被禁止或刪除 內容自動屏蔽
作者: heichunmum 時間: 09-10-7 21:27
提示: 作者被禁止或刪除 內容自動屏蔽
作者: nc2000 時間: 09-10-10 23:37
請教各位, 我好想揾專家幫手睇下個仔有無問題, 你地認為佢係咪adha 呢?
1. 所有老師/課外老師都話阿仔專注力好弱, 上堂成日遊暈, 好易分心, 但又未至於不停郁身郁勢 (但在街上/商場/店舖佢就會不停攪野)
2. 做功課好多時都會做漏, 抄手冊又抄漏, 全班聽到既野, 佢會聽唔到!
3. 佢好鐘意跑, 一落到公園有機會佢就跑
4. 做功課做練習好粗心大意, 錯好多都係careless
5. 成日執漏野返學 or 漏東西在學校
6. 知道學校要去camp2日1夜就好唔開心, 成日喊, 唔想去, 因掛住屋企, 好似有焦慮症咁!
7. 自控能力低, 明知有野不能講不能做, 都會唔記得/唔自控咁做左/講左
8. 經常/日日都犯同樣錯誤, even 不停提點都係犯上
好多人都覺得好多小朋友都係咁la, 個個都講到自己仔女都係犯上以上問題, 但我覺得同輩漸漸長大都有所進步, 但我個仔9歲都好似無咩進步, 反之依然係咁, 我同仔仔之間亦因此而好多磨摖, 亦因為佢令到屋企氣氛唔和諧, 大家都情緒都時高時低, 我唔想再係咁落去, 如果見在專業人士, 評估佢係有邊方面出左問題, 我都知道因由, 可對症下藥!
請問各位, 我小朋友係咪有問題呢? 應該去邊到做評估好呢?
謝謝各位!
作者: ahpei 時間: 09-10-11 11:47
聽你甘講， 有可能是ADD (專注力缺乏), 不過有懷疑都是盡快去做評估，作出適當的治療.
http://www.adhd.org.hk/adhd/default.aspx?cmd=informations
原帖由 nc2000 於 09-10-10 23:37 發表
請教各位, 我好想揾專家幫手睇下個仔有無問題, 你地認為佢係咪adha 呢?
1. 所有老師/課外老師都話阿仔專注力好弱, 上堂成日遊暈, 好易分心, 但又未至於不停郁身郁勢 (但在街上/商場/店舖佢就會不停攪野)
2. 做功課 ...
作者: cheukhangbb 時間: 09-10-22 21:10 標題: ADHA
原帖由 ~仔仔媽咪~ 於 09-10-6 22:34 發表
無錯!基本上我依家嗰D EQ都係响仔度練番黎..........
I want a ADHD's information and Doctor detail, Please send it to me....
CheukhangBB[[email protected]]
作者: 打勝障 時間: 09-10-23 11:10
Hi ahpei,
我個仔排政府要到2012年,我唔想等啦,可否PM或e-mail 你醫生的資料比我,我PM 左我既 e-mail 比你,謝謝 !
作者: ahpei 時間: 09-10-23 17:04
Dear cheukhangbb, 打勝障,
我已send email 給你們 please check !
ahpei
作者: JOJA 時間: 09-11-19 14:31
我都懷疑個仔有adhd
可否都send mail 給我呀
[email protected]
Many thanks.
原帖由 ahpei 於 09-10-23 17:04 發表
Dear cheukhangbb, 打勝障,
我已send email 給你們 please check !
ahpei
作者: ahpei 時間: 09-11-24 09:24
Email sent, please check.
ahpei
原帖由 JOJA 於 09-11-19 14:31 發表
我都懷疑個仔有adhd
可否都send mail 給我呀
[email protected]
Many thanks.
作者: i_love_miffy 時間: 09-11-26 19:48
ahpei, pls send to me too. Many Tks.
[email protected]
作者: ernestchow 時間: 09-11-26 21:51
原帖由 ~仔仔媽咪~ 於 09-9-29 18:36 發表
查實我地呢班友仔真係隻隻款都唔同架!呢樣至係我地呢班亞媽同老師既困難之處,如果佢地係一式一樣,相信會易教好多!
我仔就係有您提出嗰兩大問題,咁多年都科科食蛋,淨教佢讀書做功課已經係我既最大挑戰 ...
你小朋友有冇留班?甘個底會不會打得唔好呢?會越深越辛苦?
作者: PinguLinusLee 時間: 09-11-27 14:36
各位媽咪,
想問問有adhd傾向的小朋友,會唔會由嬰兒期開始己經出現症狀? 我有朋友個bb,現在八個月大,由初生開始己經舞過不停; 一天都晚都唔會停低,甚至連抱住佢,都好想"走佬", 在床仔又係不停咁印印下。瞓得又少,試過在床上"印"到恰着覺,我朋友一抱佢,佢立即成個醒晒又"印"過。請問你哋記唔記得有adhd兒童既嬰兒期會唔會己經係活潑過人? 請各位分享一下。謝謝!
作者: crazycat 時間: 10-3-19 17:36
Dear ahpei,
我個仔三年級, 都懷疑有adhd,
可否pm 的資料給我呀
Many thanks.
作者: 曳B 時間: 10-3-20 12:23
提示: 作者被禁止或刪除 內容自動屏蔽
作者: Goodluck_CKC 時間: 10-4-26 13:32
ahpei
上星期見家長，俾老師投訴話我個仔上堂成日發夢又騷擾其他同學，所以希望你可以pm我有關的資料 ?? 去邊到做評估 ?? 大約幾錢 ?? 謝謝 !!!
作者: anan3388 時間: 10-4-28 13:54
hi ahpei & 仔仔媽咪~
可否 email 相關資料俾我? 幫個朋友問. thanks a lot
[email protected]
作者: samjoalvin 時間: 10-4-28 16:55
HELLO, ahpei & 仔仔媽咪~ ~
你好... 我仔係屯門醫院評估為adhd..(只作10分鐘)...食左一年\"R\"藥...
但今年我仔好多時在不吃藥的情況下...
行為都比之前好好多
所以我想同亞仔去私家評估多一次
你可以比資料我嗎?
E-MAIL : [email protected]
作者: ahpei 時間: 10-5-12 16:24
Dear pingulinuslee,
據知要到6歲或以上才能足夠評估小朋友有沒有 ADHD, 如我兒子小時間是比較活躍, 但好多小朋友都是這樣, 直至開始讀幼稚園時, 他會不停說話, 會打斷別人話題, 無法集中聽人說話, 說話時太快會有少許漏口, 做事很衝動, 直至 K3 時開始更明顯。不妨叫你朋友多加留意日後入學後的表現, 不過不要當是一種病, 有可能是小朋友的性格黎既....
Dear crazycat, goodluck CKC, samjoalvin, i love miffy, anan3388,
Please check pm or email.
Sorry reply so late !
ahpei
作者: anan3388 時間: 10-5-12 16:39
收到了, 已轉發給朋友, 謝謝您的資料
作者: 818crystal 時間: 10-5-13 00:56
我個仔同你仔一樣,佢仲比老師安排座特別位(單對單同老師),每日漏嘢,日日犯錯(重覆犯錯),好難控制情緒,我唔知點先可以幫到佢.
原帖由 nc2000 於 09-10-10 23:37 發表
請教各位, 我好想揾專家幫手睇下個仔有無問題, 你地認為佢係咪adha 呢?
1. 所有老師/課外老師都話阿仔專注力好弱, 上堂成日遊暈, 好易分心, 但又未至於不停郁身郁勢 (但在街上/商場/店舖佢就會不停攪野)
2. 做功課 ...
作者: masterunion 時間: 10-5-24 15:20
仔仔媽咪,
可唔可以比啲資料我去邊到睇同做訓練呀？唔該晒!
email: [email protected]
[ 本帖最後由 masterunion 於 10-5-24 15:21 編輯 ]
作者: 峰仔媽咪 時間: 10-5-26 16:42
原帖由 ahpei 於 10-5-12 16:24 發表
Dear pingulinuslee,
據知要到6歲或以上才能足夠評估小朋友有沒有 ADHD, 如我兒子小時間是比較活躍, 但好多小朋友都是這樣, 直至開始讀幼稚園時, 他會不停說話, 會打斷別人話題, 無法集中聽人說話, 說話時太快會有 ...
你好，我都急須搵評估，我覺得仔仔有ADHD，請你給我資料，謝謝 !!!
e-mail address : [email protected]
作者: szechu2004 時間: 10-7-7 14:31
Hi, Ahpei,
我都urgent要搵評估，可否email info?? 謝謝 !!!
e-mail address :
[email protected]
原帖由 ahpei 於 10-5-12 16:24 發表
Dear pingulinuslee,
據知要到6歲或以上才能足夠評估小朋友有沒有 ADHD, 如我兒子小時間是比較活躍, 但好多小朋友都是這樣, 直至開始讀幼稚園時, 他會不停說話, 會打斷別人話題, 無法集中聽人說話, 說話時太快會有 ...
作者: 依嵐媽媽 時間: 10-7-10 23:50
I want the info for assessment, I cannot PM, can u sent me via [email protected]. Thanks a lot.
原帖由 ~仔仔媽咪~ 於 09-9-10 23:17 發表
都係架~!咁細個真係好難firm到佢係咪ADHD.
查實暫時可以做既,都係同佢做多D訓練,等佢可以追得番同年紀小朋友,如果可以訓練佢專注力同大小肌肉,你可以試下同佢玩個小遊戲,同佢响屋企玩推牆,同佢講,同媽咪一齊推LUM ...
| 歡迎光臨 教育王國 (/) |
Powered by Discuz! X1.5 |