教育王國
標題: 09 K1 N Star 大家傾下啦... [打印本頁]
作者: fatsin 時間: 09-9-4 12:45 標題: 09 K1 N Star 大家傾下啦...
Hi, 各位 N Star 班媽咪, 不如大家以後係呢到傾下八下。
作者: mandy1003 時間: 09-9-6 22:56
Hello，我個仔都係讀 N Star (雅息士道－AM class)，係唔係同你一樣呢？
唔知你有冇收過老師嘅手寫簡單便條講吓你小朋友嘅上堂情況呢？我就冇，不過我聽我朋友就有，佢個仔係讀羅褔道英普班(PM)的．
原帖由 fatsin 於 09-9-4 12:45 發表 
Hi, 各位 N Star 班媽咪, 不如大家以後係呢到傾下八下。
作者: fatsin 時間: 09-9-7 15:30
係呀,我個仔同你個仔係同一班呀,你好呀。
無喎,無收過任何字條,亦無收過任何電話,好唔好打去問下情況呢?
原帖由 mandy1003 於 09-9-6 22:56 發表
Hello，我個仔都係讀 N Star (雅息士道－AM class)，係唔係同你一樣呢？
唔知你有冇收過老師嘅手寫簡單便條講吓你小朋友嘅上堂情況呢？我就冇，不過我聽我朋友就有，佢個仔係讀羅褔道英普班(PM)的．
...
作者: jimmylinkl 時間: 09-9-9 10:30
唔好意思，因為我個A/C神神地(mandy1003)，攪咗好耐都入唔到，我要用我老公個先．
我個仔上校車bye-bye都有喊，佢都話佢係課室內都喊咗一陣，成日話掛住媽咪喎，希望佢快D適應啦，你個仔點呀？
我個仔又唔多講學校發生乜事我聽喎，你呢？不過我唸開頭老師可能都好忙，所以我唸過多幾日，睇吓亞仔有冇好轉，或send過email問吓Mr.Stan啦，唔知好唔好呢．
你亞仔有冇撘校車？我個仔撘#7校車．Ah!你交咗12張相俾學校未呀?我星期一放咗去書包前個袋內，但昨日老師都未攞起．
作者: fatsin 時間: 09-9-9 15:45
hi,我個仔都有坐校車,2號車,又好好彩,佢無喊,可能佢係大仔啦,你個仔可能仲細,所以未咁快適應到,放心,好快無事。
我都已經email左 mr stan,問下佢個仔情況,佢好好,好快覆,不過話我個仔有少少 hyper,唉,我都擔心,你都問下佢啦。
我個仔都係呀,問佢學校d野,佢都唔講,我唔知佢唔識講定唔肯講喇...激死。
係呢,你坐校車要坐幾耐先返到學校呀,我要坐50分鐘,好似好耐咁,仲諗緊繼唔繼續坐呢。
係呢,你仔仔叫乜名呀,等我同我仔仔講下,我仔仔叫 Harry。
原帖由 jimmylinkl 於 09-9-9 10:30 發表
唔好意思，因為我個A/C神神地(mandy1003)，攪咗好耐都入唔到，我要用我老公個先．
我個仔上校車bye-bye都有喊，佢都話佢係課室內都喊咗一陣，成日話掛住媽咪喎，希望佢快D適應啦，你個仔點呀？
我個仔又唔多講學校發生乜事我聽喎，你呢？ ...
作者: jimmylinkl 時間: 09-9-10 22:44
唔好意思呀，呢排成日log-in有問題，所以依家先同你再傾計．我又係mandy1003.
撘校車返學就冇問題，校車大約8:10-8:20am到，但放學就很耐，要最早1:00pm才到，我又唔想佢喺校車瞓覺，一來唔係太安全全，二來又打亂佢的日常生活，所以我放學去較頭的站接他再撘小巴，會早最少30min回到家．
我個仔叫俊俊，你好，等我又問吓我個仔識唔識你個仔先，不過我唸佢都係冇乜反應，因見佢剛剛開學都係懵吓懵．問佢運動堂做乜，又唔講，問佢玩乜嚟，又只係話食完荼點咪放學囉，我都俾佢激Un.另外，我都會問吓Mr. Stan佢點先．
[ 本帖最後由 jimmylinkl 於 09-9-10 22:51 編輯 ]
作者: fatsin 時間: 09-9-16 15:22
我問過囝囝,佢唔知邊個係俊俊呢,會唔會係學校叫英文名呢?
我已決定唔坐校車了,今日第一日試由姐姐帶,都ok,起碼可以7點先起身,訓多半個鐘差好遠。
係呢,你有無做家長義工呀?
我仔仔好少講學校d野,不過就知佢應該返得都開心。
希望遲d多d同班家長黎呢到傾下計啦。
原帖由 jimmylinkl 於 09-9-10 22:44 發表
唔好意思呀，呢排成日log-in有問題，所以依家先同你再傾計．我又係mandy1003.
撘校車返學就冇問題，校車大約8:10-8:20am到，但放學就很耐，要最早1:00pm才到，我又唔想佢喺校車瞓覺，一來唔係太安全全，二來又打亂佢的日常生活，所以我 ...
作者: man1003 時間: 09-9-16 23:33
攪來攪去都 log-in 唔到，惟有開個新 a/c ，我係 mandy1003, 不過以後都會用呢個新 a/c．
我個仔冇英文名喎，我都有問我個仔識唔識 Harry , 佢話唔識，不過佢都唔肯多講學校嘢俾我聽，所以都係 expected ．我問佢喺學校做過乜，佢只係話”食完荼點咪放學搵媽咪囉”，我問佢有冇唱歌（應該係一定會做嘅活動），佢都話冇，真係激 Un．所以我唔知佢返得開唔開心，佢依家仲成日話”掛住媽咪”，”今日係唔係放假？”， 你又好啦，你覺得你個仔返得開心．雖然佢會話 Miss Fung 同 Mr. Stan 好人，但同問多少少學校嘢，佢就話”唔好講學校嘢”．真係唔知佢開唔開心．
有呀，我有參加義工，因為我自己冇返工的，所以咪支持吓．
Ah! 我都 send 咗 email 問 Mr. Stan 我個仔點，佢話有喊，不過喊嘅時間就逐漸有些改善，都算守規則．希望佢快 D 鍾意返學就安心了．
作者: fatsin 時間: 09-9-17 10:45
Hi, 俊俊有改善,好開心呢,努力呀。
係呢,你有無同俊俊玩學校d字卡呀,我上次一拎d英文字卡佢就走人,中文字卡呢,我就懶到依家都未整呢,嘻。
你估我聽日先交家長義工回條,遲左咁多日,學校會唔會唔理我呢?
今個星期六家長日我去唔到,老公去呢,如果咪就可以同你相認,哈哈哈。
原帖由 man1003 於 09-9-16 23:33 發表
攪來攪去都 log-in 唔到，惟有開個新 a/c ，我係 mandy1003, 不過以後都會用呢個新 a/c．
我個仔冇英文名喎，我都有問我個仔識唔識 Harry , 佢話唔識，不過佢都唔肯多講學校嘢俾我聽，所以都係 expected ．我問佢喺學校做過乜，佢只 ...
作者: man1003 時間: 09-9-18 21:48
我都未同我個仔玩喎，中文字咭又係未剪，因為手冊都係話學咗一，兩個字啫，所以我懶得就懶，HeHe．不過遲D真係要開始玩吓．
我地一向都喺講廣東話的，唸住想同個仔開始講吓英文（雖然自己英文唔係流利），每日分１５－３０min English Time，點知佢係都唔肯，仲大叫”我唔鍾意英文，講中文啦！”，真係驚佢追唔上！ 咁你平時有冇同亞仔講英文呢？又會唔會好似其他家長咁，一個講中文，一個講英文呢？
我唸義工方面，應該冇問題，因為多雙手，我唸佢地會歡迎的．
Ah,好似真係冇乜NStar家長入嚟Babykingdom喎，不過好彩都有你！都有個照應嘛．
作者: fatsin 時間: 09-9-21 12:49
hi,
我都係超懶既媽咪,哈哈哈。
但你仔仔都考到呢間學,唔會追唔上的,放心,至於我呢,我通常同佢講廣東話,但由於姐姐唔識廣東話,佢地兩個會英文溝通,不過佢就鍾意廣東話多d ,好多時佢會叫姐姐同佢講廣東話,笑死人。
噢,我最後都係無交到義工回條呢,又係一個懶字,嘻。
係呀,我地要支持大家呀!
原帖由 man1003 於 09-9-18 21:48 發表
我都未同我個仔玩喎，中文字咭又係未剪，因為手冊都係話學咗一，兩個字啫，所以我懶得就懶，HeHe．不過遲D真係要開始玩吓．
我地一向都喺講廣東話的，唸住想同個仔開始講吓英文（雖然自己英文唔係流利），每日分１５－３０min English Time，點知佢係 ...
作者: fatsin 時間: 09-9-22 14:58
有一個確診呢,好擔心
作者: fatsin 時間: 09-9-22 15:41
hi,
俊俊有無話要帶d乜返學校呀?Harry 尋晚話要帶張bb相,但我睇到羅福道果d家長話要2張,又話要帶玩具,唔知應該帶d乜呢??
作者: man1003 時間: 09-9-22 23:12
係呀，一見到張通告話有一個喺呢班確診，當堂嚇親！唔知駛唔駛幫亞仔帶口罩呢？因為有潛伏期，染咗未必即刻知加嘛，除咗有機會被人傳染，如果亞仔其實己”領嘢”，佢都有機會傳染人就唔好啦，不過學校又冇叫我地幫小朋友帶，我亞仔又唔鍾意帶，如果得佢一個人帶，我諗佢實一早除咗．Ai...只有祝福他吧！！
你又好啦，我個仔都冇同我講吓，我都有試探佢．我唸你聽你個仔話帶乜你咪帶乜囉，都係試吓佢地識唔識返屋企講啫，所以我會等我個仔講先帶的，如果佢仍然冇講，我就算罷．Ai........
作者: man1003 時間: 09-9-23 10:40
今朝早亞仔刷緊牙時，我叫佢專心聽老師講嘢，老師可能會叫你帶嘢返學校，到時話比媽聽喎．佢突然話老師叫佢帶張BB相，嘩，好開心呀，雖然俾哂Hints，但佢終於都記得，好過冇！
作者: fatsin 時間: 09-9-23 15:05
嘩,你好叻呀,識得咁樣幫下佢,我都戥你開心呢。
我有幫仔仔帶口罩呀,不過係學校佢有無除低就唔知喇。
唉,都擔心,學你話齋,有潛期伏期.....
原帖由 man1003 於 09-9-23 10:40 發表
今朝早亞仔刷緊牙時，我叫佢專心聽老師講嘢，老師可能會叫你帶嘢返學校，到時話比媽聽喎．佢突然話老師叫佢帶張BB相，嘩，好開心呀，雖然俾哂Hints，但佢終於都記得，好過冇！ ...
作者: man1003 時間: 09-9-24 09:22
我噚日都有幫亞仔帶口罩，不過佢放學就冇帶，我問佢幾時除，佢話返到學校咪除囉，雖然唔知真定假，但係都好似冇乜用，佢都唔係好肯帶，同埋學校又冇覺得要帶咁，所以我今日放棄冇同佢帶了，希望大家都冇事啦！如果今個禮拜都冇再有同學仔中招，咁都可以稍為鬆一口氣啦，仲有兩日，保佑，保佑！！
我個仔到依家都未鍾意返學，朝朝起身都唔想返，Ai..唔知佢幾時可以好些，好多人都話SC係好開心的，希望佢快些有一日鍾意返學就好了！
作者: fatsin 時間: 09-9-24 14:12
哈哈,我諗係一起身果下囉,我個仔都係架,朝朝都話唔起身,要訓覺,但臨訓前問佢返學開唔開心,佢話開心,咁都安樂d。
係呀,我個仔話成班無人帶口罩喎,我諗佢都除左,最衰係我個仔好鍾意放手入口同捽眼。希望大家都平平安安,健健康康啦。
原帖由 man1003 於 09-9-24 09:22 發表
我噚日都有幫亞仔帶口罩，不過佢放學就冇帶，我問佢幾時除，佢話返到學校咪除囉，雖然唔知真定假，但係都好似冇乜用，佢都唔係好肯帶，同埋學校又冇覺得要帶咁，所以我今日放棄冇同佢帶了，希望大家都冇事啦！如果今個禮拜都冇再有同學仔 ...
作者: fatsin 時間: 09-9-24 15:55
阿仔今朝突然同爸爸講話要帶玩具返學,爸爸仲同佢講話唔可以帶玩具架,點知佢話老師話要帶藍色東西回校,於是佢帶左3件玩具返學,好好笑呢,last minute記得。
作者: man1003 時間: 09-9-29 23:26
你又好啦，你個仔會自己主動講老師叫佢帶乜，又講得啱！我個仔不但唔會講學校嘢，近排我又試探佢，問佢有冇嘢要帶，佢話帶紅色嘢，其實我知道一定唔啱，但見佢講出口咪照帶，之後我問番佢，佢話老師話唔係喎，咁我又問即係要帶乜呀，佢又話紅色的lego喎，Ai...總之就亂up．
佢唔係因為早起身嗰一吓唔想返學，佢係成日都問係唔係星期六？或者係唔係打風？等等，又話唔鍾意返學，鍾意喺屋企同媽咪玩．．．唔知係唔係自己揍會黐身．呀！你有冇返工呢？
仲有，佢又唔肯睇學校書，例如，the topic book，一見到就走！你有冇同你個仔跟住課程同佢溫吓呢？我只能做的就係播吓張普通話碟，唔理佢有冇聽，一個星期都會播一次．好似乜都冇喺屋企做，又冇同佢講英文，真係唔知佢會唔會大落後．冇法啦，惟有希望佢遲D會好些吧！
你有冇報Science Club？我冇呀，因為亞仔都未識英文，仲學英文的Science，我唸佢會唔明，會waste money.但如果係學英文就唔同，我都會考慮．
作者: fatsin 時間: 09-9-30 12:16
hi,
比d信心你仔仔,好似呢次燈籠,我個仔都無同我講,係我問佢,佢話係呀,不過唔知係咪我唔識問呢,次次問佢學校d野,佢都無乜野同我講,又唔識唱歌。
死囉,我無同佢跟過學校d書添,連字卡都未整呢,呢個媽咪真係唔掂呀,哈哈哈,不過最初時有攞過d卡出黎,佢即走,我個仔就擺明係懶架喇,我地兩公婆都知....
我有返工架,每日7點見到佢,到佢9點半上床,有時會覺得乜都無做過咁就要訓,佢食飯都成粒鐘,沖涼又要搏鬥一番,無幾耐就要佢上床,因為依家訓練佢早d上床,怕佢唔夠訓唔肯起身呢,不過佢朝朝都仲係唔肯起身,激死。
我都無報到個班呀,幾貴,同埋全英science,我諗佢都唔知講乜東東,就算我去我都唔知講乜,所以都無報到。
返左咁耐,佢連一個小朋友既名都唔記得,唔知點解呢,佢果時返pre-n班時好快記得幾個小朋友既名。
今日開始有功課做,唔知佢會唔會一見就走人,哈哈哈。
原帖由 man1003 於 09-9-29 23:26 發表
你又好啦，你個仔會自己主動講老師叫佢帶乜，又講得啱！我個仔不但唔會講學校嘢，近排我又試探佢，問佢有冇嘢要帶，佢話帶紅色嘢，其實我知道一定唔啱，但見佢講出口咪照帶，之後我問番佢，佢話老師話唔係喎，咁我又問即係要帶乜呀，佢又話紅 ...
作者: villamama 時間: 09-10-6 15:28
Hi! 你地好呀!我個仔又係讀呢班!佢叫Eason呀!多多指教!
我問Eason，佢又係話帶紅色野返學喎！咁我就比咗letter Z比佢啦！佢話有比Miss Fung睇。
同埋佢學咗啲歌仔都有返屋企唱如國際英文幼稚園及Wheel on the bus等。佢好鐘意返呢間學校，不過日日起身又唔願啦，因實在太早啦！
作者: fatsin 時間: 09-10-6 17:31
HI 你好呀, 多個媽咪一齊傾下,真開心。
我個仔 Harry 無話要帶紅色野添,哈哈,我諗佢已唔記得左。
原帖由 villamama 於 09-10-6 15:28 發表
Hi! 你地好呀!我個仔又係讀呢班!佢叫Eason呀!多多指教!
我問Eason，佢又係話帶紅色野返學喎！咁我就比咗letter Z比佢啦！佢話有比Miss Fung睇。
同埋佢學咗啲歌仔都有返屋企唱如國際英文幼稚園及Wheel on the bus等。佢 ...
作者: man1003 時間: 09-10-7 11:32
Hello, Eason媽咪，真好，有多個媽咪傾吓計．
我個仔以前講過有一個同學坐在同一張枱叫Eason，唔知係唔係你個仔呢？請問你個仔係唔係喺第一日返學時攞咗隔離的男仔玩具，個男仔仲忍唔住喊咗，呢個”咁渣”的男仔咪我個仔俊俊囉，HeHe！真係唔係幾好意思．
今朝我心血來潮又試探吓我個仔，有冇嘢要帶返學，佢話帶黃色嘢，咁我咪又照佢講帶咗，唔知係唔係又唔啱呢．
你地又好啦，都知小朋友鍾意返學，但我個仔仲成日話”我唔鍾意返學，鍾意喺屋企同媽咪玩”，”今日係唔係星期六？”，”點解要返學？”，等等，Ai......又唔肯睇學校啲書，又99%唔肯講學校啲嘢，真係冇佢乎！！
Fatsin,係呀，同個仔沖涼及刷牙，我都要”搏鬥”，用好耐時間，原來你都係咁，真攪笑！
作者: fatsin 時間: 09-10-7 12:17
哈哈哈,俊俊媽咪,原來你都要「搏鬥」....
尋晚我問佢老師有無話要帶D乜返學,佢話正方形,咁今朝就拎左舊紅色積木俾佢,點知佢見到就話要黃色,可能真係要帶黃色,俾佢激親。
唉,我個仔近排越黎越唔肯起身返學,朝朝都喊,又唔肯食早餐,搞到姐姐手忙腳亂,都唔知乜事,仲有呀,佢呢排脾氣好差,郁D就喊一大餐,乜都喊得一大餐,想請教你地呢。
原帖由 man1003 於 09-10-7 11:32 發表
Hello, Eason媽咪，真好，有多個媽咪傾吓計．
我個仔以前講過有一個同學坐在同一張枱叫Eason，唔知係唔係你個仔呢？請問你個仔係唔係喺第一日返學時攞咗隔離的男仔玩具，個男仔仲忍唔住喊咗，呢個”咁渣”的男仔咪我個仔俊俊囉，HeH ...
作者: villamama 時間: 09-10-7 15:07
係呀！原來咁橋！
我想問你地啲小朋友邊個月生日？佢地好似分大細仔分班。Eason係細仔，10月出世。
佢又係朝朝都要左氹又氹先肯去刷牙洗面，好煩。
作者: fatsin 時間: 09-10-7 16:47
噢,我仲以為係分大細仔添,我個係大仔,3月,咁即係大俊俊半年有多,唔通學校覺得我個仔既程度要同細仔一班?哈哈哈,乜都無所謂啦,最緊要讀得開心,鍾意返學啫,你地話係咪??
原帖由 villamama 於 09-10-7 15:07 發表
係呀！原來咁橋！
我想問你地啲小朋友邊個月生日？佢地好似分大細仔分班。Eason係細仔，10月出世。
佢又係朝朝都要左氹又氹先肯去刷牙洗面，好煩。 ...
作者: man1003 時間: 09-10-7 23:30
我俊俊係７月，Eason先係１０月，所以Harry只係大俊俊４個月咋．
係呀！一早起身成日要氹來氹去，驚佢發脾氣趕唔到返學，真係好似大王咁，就住就住．
今日我放咗隻玩具黃色粟米落書包，因為亞仔話要帶黃色，不過，放學我問佢老師有冇話啱唔啱，佢話老師冇睇喎，聽日可以唔帶，都唔知真定假．
fatsin,你可以send 個email 問吓Mr.Stan 你個仔近排有冇乜特別，不過我個仔之前都久唔久就會"癲”咗咁，成日發脾氣，我就當佢係"terrible two"的情況（２－３歲是最難攪），因為"terrible two"都可持續多一陣的．
作者: fatsin 時間: 09-10-8 12:06
噢,sorry, sorry , 思覺失調添,唔好意思,搞錯左,哈哈哈。
原帖由 man1003 於 09-10-7 23:30 發表
我俊俊係７月，Eason先係１０月，所以Harry只係大俊俊４個月咋．
係呀！一早起身成日要氹來氹去，驚佢發脾氣趕唔到返學，真係好似大王咁，就住就住．
今日我放咗隻玩具黃色粟米落書包，因為亞仔話要帶黃色，不過，放學我問佢老師有冇話啱唔啱，佢話 ...
作者: LauraLee 時間: 09-10-8 23:47 標題: 新媽咪報到!
妳們好：
我的女兒叫雪盈，也是妳們仔仔的同班同學，也是坐7號校巴的。
俊俊媽媽，妳記得我嗎？我們之前在沙田新城市廣場碰到。
我也很想知道女兒在班中的情況，她回家只會唱一些學校教的歌，不會跟我說有關同學仔的事情。我只知道她喜歡同俊俊玩，佢仲話想請俊俊去她的生日會，要我寫邀請卡給他。不過，我覺得不好意思，所以還未幫她寫邀請卡。
希望能與妳們保持聯絡，互相幫忙，令仔仔女女能快D適應！
原帖由 fatsin 於 09-10-8 12:06 發表
噢,sorry, sorry , 思覺失調添,唔好意思,搞錯左,哈哈哈。
作者: fatsin 時間: 09-10-9 09:11
hi ,你好呀雪盈媽咪,等我問下仔仔識唔識你個女先,佢係學校用中文名定英文名?
我問仔仔學校唱左乜野歌,佢都唱唔到俾我聽,唔好話學校發生既事.....
希望小朋友好快適應學校生活。
原帖由 LauraLee 於 09-10-8 23:47 發表
妳們好：
我的女兒叫雪盈，也是妳們仔仔的同班同學，也是坐7號校巴的。
俊俊媽媽，妳記得我嗎？我們之前在沙田新城市廣場碰到。
我也很想知道女兒在班中的情況，她回家只會唱一些學校教的歌，不會跟我說有關同學仔的事情。我只 ...
作者: LauraLee 時間: 09-10-9 13:36 標題: 回覆 1# fatsin 的文章
Mr. Stan叫我個女做Koyuki 或 Suet Ying. Miss Fung應叫她做雪盈。
老師叫妳的仔仔做什麼呢？
作者: fatsin 時間: 09-10-9 15:01
哈哈哈,真係失禮,我都無問過仔仔老師點叫佢添,等我問下佢先。
我好無記性呢,呢個星期完全唔記得左張橙色紙要日日帶回學校,今日先交,唔知老師點睇呢個學生既家長,你話係咪笑死人!!!
原帖由 LauraLee 於 09-10-9 13:36 發表
Mr. Stan叫我個女做Koyuki 或 Suet Ying. Miss Fung應叫她做雪盈。
老師叫妳的仔仔做什麼呢？
作者: man1003 時間: 09-10-10 16:13
Hello, 雪盈媽咪，梗係記得你啦，你個女咁醒目，咁遠都認到同學仔．Ah! 嗰日星期日見完你個女，咁之後個星期一放學後，我就試吓問吓我個仔係唔係見到雪盈呢，佢竟然話見唔到喎，仲講咗兩，三日tim，順便問吓你，會唔會你個女真係冇返學呢？唔知你重記唔記得呢？唔記得唔緊要，可能又係我個仔亂講吧了．
真係開心，你個女鍾意同俊俊玩，我知佢地除咗喺班中坐埋一齊，校車都係呀！因為我去較頭站度接亞仔放學（不用兜大圈），你個女就係坐喺佢隔離，早上就可能係我個仔上車先過你個女，所以你可以睇吓係唔係早上都係一齊．真的非常多謝雪盈想請俊俊去生日會！你個女真係叻，識得咁同你講！好呀！如果你不嫌我個仔不太熱情的話（上次你都見到佢嘅表現啦），可以叫雪盈俾邀請卡給俊俊，又可睇佢地識唔識溝通吓，Again,多謝哂！
Fatsin,我個仔都係呀，又唔唱歌！我問佢有咩歌唱，佢話“冇唱歌喎！”，又係被佢激UN！而且，佢仍然返親學都會話“今日係唔係星期六，唔駛返學？”，“我唔鍾意返學，淨係鍾意同媽咪玩！”，“點解要返學呀？”．．．Ai…..學你話事，希望佢好快適應學校生活！
作者: man1003 時間: 09-10-10 16:51
仲有．．．我仲無記性，除咗成個星期完全冇帶張橙色紙外，連９／１０要交番都唔記得！自己仲係全職媽咪！所以，如果老師
唔知點睇fatson呢個家長的話，咁我點算呀！仲笑死人啦！我真係冇用！星期一交番，唔知有冇用呢．
作者: LauraLee 時間: 09-10-10 23:33
先多謝俊俊媽媽的回覆, 我們一於在生日會上睇下他們的表現! 你個仔都好醒, 我個女真係三日冇返學，只是小小傷風，不是H1N1，唔駛驚！
呀！唔知各位媽咪有冇訂英文及中文書，妳們的小朋友鍾意睇甚麼書？雪雪最鍾意看米奇書。
10月份學校是不是會開生日會，係唔係要家長整嘢食？要煮甚麼？
我記得妳們其中一個的仔仔都是10月生日，是那一天呢？
原帖由 fatsin 於 09-10-9 15:01 發表
哈哈哈,真係失禮,我都無問過仔仔老師點叫佢添,等我問下佢先。
我好無記性呢,呢個星期完全唔記得左張橙色紙要日日帶回學校,今日先交,唔知老師點睇呢個學生既家長,你話係咪笑死人!!!
...
作者: fatsin 時間: 09-10-12 12:30
我就無訂書呀,我個仔麻麻地鍾意睇書,細個時反而好d,可能依家太多玩具玩,懶晒,我都無佢符,希望佢肯聽老師話,會有改善啦。
應該係Eason10月生日呀。學校好多限制呢,所以我都諗住帶d生果返去。
係呀,咁多位媽咪,有野想請教呢,我個仔超活躍,成日郁身郁世,連miss fung 都話佢「比較活躍左d囉」咁評價佢,成日當自己係超人、蜘蛛俠,又鍾意槍,我都唔知點算好,但我應唔應該完全隔絕佢呢d玩具呢?因為同佢商量貼紙獎勵計劃時,佢希望有呢類公仔,而佢又真係做到乖乖儲夠貼紙,我又買左比佢,佢又超開心,我好矛盾呢,唔知係咪我有問題,造成佢咁樣,但又諗如果乜都話唔得唔比,又好唔好呢?
真係唔好意思,咁多問題,成個問題媽媽咁。
嘩,俊俊咁叻,識得分星期六,我個仔仲未有意識今日星期幾,連早午晚有時都亂晒龍。
原帖由 LauraLee 於 09-10-10 23:33 發表
先多謝俊俊媽媽的回覆, 我們一於在生日會上睇下他們的表現! 你個仔都好醒, 我個女真係三日冇返學，只是小小傷風，不是H1N1，唔駛驚！
呀！唔知各位媽咪有冇訂英文及中文書，妳們的小朋友鍾意睇甚麼書？雪雪最鍾意看米奇書。
10月 ...
作者: maryCharlotte 時間: 09-10-12 20:40 標題: A new joiner ..
Hello all mummies. My daughter goes to N star too. Her name is Charlotte. N i'm Mary!(Hope you all dont mind me using English, cos i dont know how to type chinese)
So glad to have mummies to talk to. Seriously, Charlotte is so different compare w. her PN class @ Victoria. Think because she speaks mainly English at home. N her cAntonese is not very good. N Miss Fung talk most of the time in class. She hasn't talk to me about St. Cat at all. She used to know everyone's name at Victoria. she would tell me what she did that day at school. But now, when i asked her, she will just say "i dont know" .... Very headache.
Today when i picked her up from school. Miss Fung went up to me n said, Charlotte has been pushing other children in class, n when Miss Fung told her that, "Do u know pushing is bad, n is very wrong, pls dont push n hurt other children again. Do u understand?" Then Charlotte replied "No, I dont understand" (in chinese)
Aiya, i was so embarrassed.
作者: fatsin 時間: 09-10-13 10:01
你好呀,Mary。
我諗多數係 Charlotte 未適應到新學校,比d時間佢。但 Charlotte 唔鍾意廣東話?我個仔返左學之後,講多好多廣東話,仲要求姐姐講,比佢笑死,姐姐都唔識!!!!!呢點我都有點奇怪,因為以為 St Cat 會多左用英文,依家反而佢多左用廣東話。
至於佢話「唔明白」,我諗係呢個歲數既小朋友識得鬥氣(我咁認為),因為我個仔都專登同我作對,我話東佢話西,總之要唔同你,有時真係激un。我個仔仲話要做 naughty boy 唔做 good boy 添!!!
慢慢黎,一齊努力。
原帖由 maryCharlotte 於 09-10-12 20:40 發表
Hello all mummies. My daughter goes to N star too. Her name is Charlotte. N i'm Mary!(Hope you all dont mind me using English, cos i dont know how to type chinese)
So glad to have mummies to talk to ...
作者: man1003 時間: 09-10-13 10:07
雪盈媽咪，昨天已收到你的邀請咭，多謝多謝！因為本來有一個聚會很早已安排在當日，但我又好想俊俊能夠參加第一次自己同學仔的生日會，依家我正re-arrange緊，等緊我其他朋友回覆，所以唔好意思，我要過多一日才confirm到，sorry！
我有訂英文書，因我發現有一套簡單英文句子書，每本都係HK$10到，好似一套有十幾本，所以我想用嚟讀吓給我個仔聽，因他現在都唔識英文，又唔肯用一小段時間做”English Time”，我地又冇人同佢講英文，真係驚佢英文太屎，追唔上！所以都好admire Charlotte媽咪，個女英文咁叻！同埋你個女都好攪笑，咁勇敢咁樣答Miss Fung，細路仔就係咁，成日令你唔知笑好定嬲好，我個仔就唔多表達自己的感受，唔鍾意又唔講出理俾人聽,，又唔會叫“唔好”，只係識喊！Ai…
Harry媽咪，我都會用貼紙獎勵計劃，但我個仔唔係太熱衷呢樣嘢，有時仲話“我今日唔要貼紙！”嚟回應我，我又係多數用玩具嚟獎我個仔，但都覺得好似太物質化，所以我最近用去海洋公園嚟獎，反應同以前玩具差不多（不過可能佢真係本身對貼紙獎勵計劃冇乜太興趣），但你都可以有時用吓活動來獎勵．
俊俊其實只係知道星期六同星期日就唔駛返學，至於今日係星期幾佢都係懵吓懵吓，唔知的．所以佢成日都問“今日係唔係星期六？”，係就唔駛返學就開心．另外，佢有時黃昏都會叫人早晨，都好攪笑．所以佢邊有你話咁叻吖！
作者: fatsin 時間: 09-10-13 11:43
好呀,俊俊媽咪,我會試下用活動獎勵佢,不過佢都唔係太受呢套,成日唔記得,有時提佢佢都當無到,但儲夠買左玩具就好開心囉,激氣。
我聽你講,最近又問過 Mr Stan,佢同 Miss Fung 一樣,都話佢 little bit hyper active,唉,都唔知點算好!!!
唔記得左幾時係學校旅行添,突然好想見你地呢,哈哈哈。
原帖由 man1003 於 09-10-13 10:07 發表
雪盈媽咪，昨天已收到你的邀請咭，多謝多謝！因為本來有一個聚會很早已安排在當日，但我又好想俊俊能夠參加第一次自己同學仔的生日會，依家我正re-arrange緊，等緊我其他朋友回覆，所以唔好意思，我要過多一日才confirm到，sorry！
我 ...
作者: LauraLee 時間: 09-10-13 23:09 標題: Hi!
其實我個booking了兩個時段為女女開生日會，分別是3:00pm-4:30pm & 5:00pm-6:30pm。希望到時見到妳同俊俊。
Hi! May! 我個女現時也頗反叛，喜歡試我們的底線。不過，我的朋友說大一點自然會變得懂事。
Harry媽咪，學校旅行日應是在10年才舉行，若各位媽媽唔介意的話，可相約帶埋小朋友一起出來聚一聚，令他們更熟絡的話，或許他們會喜歡新學校多一點。
呀！最近是否要帶三角形玩具回校。
原帖由 man1003 於 09-10-13 10:07 發表
雪盈媽咪，昨天已收到你的邀請咭，多謝多謝！因為本來有一個聚會很早已安排在當日，但我又好想俊俊能夠參加第一次自己同學仔的生日會，依家我正re-arrange緊，等緊我其他朋友回覆，所以唔好意思，我要過多一日才confirm到，sorry！
我 ...
作者: fatsin 時間: 09-10-14 12:42
我個仔都話要帶三角形回校呀。哈哈哈,都算佢有耳性啦。
原帖由 LauraLee 於 09-10-13 23:09 發表
其實我個booking了兩個時段為女女開生日會，分別是3:00pm-4:30pm & 5:00pm-6:30pm。希望到時見到妳同俊俊。
Hi! May! 我個女現時也頗反叛，喜歡試我們的底線。不過，我的朋友說大一點自然會變得懂事。
Harry媽咪，學校旅行 ...
作者: maryCharlotte 時間: 09-10-15 23:12
Yes .. i know the children nowadays are very smart n rebellion. Hope they will grow into it. But for the time being, as Fatsin said, "我話東佢話西,總之要唔同你,真係激un"
Talk about the "toys per a week"
I've been asking her for a month already. She still cant tell me what to bring to school. I asked straight after i pick her up from school already, she either tell me "no, i dont know" or this monday she said "no, no toys this week, it's a glue" >.<
But she's been sick since Tues, so she hasn't been to school for the whole week.
Hopefully next week, she'll pay more attention to what Ms. Fung will say.
We've tried to use the Daddy Cantonese Mummy English approach. But she end up telling daddy "no, no cAntonese, i dont want to talk to you daddy" 激死!
I'm more than happy to come out for lunch/gatherings when ever u mummies are free. Think we might talk n talk until god knows when ^^
作者: fatsin 時間: 09-10-16 15:12
咁 Charlotte 好番未呀? 我個仔都有少少鼻水,不過我叫佢帶口罩,照返學,因為佢都好精神。
我好無記性呢,尋晚要個仔提番我話老師叫帶藥水樽呀!!!!!我問佢係咪全部同學仔帶晒,佢話係呀,個個帶左,得佢未帶,我當時好內咎呢!!!
我個仔仲未到好似其他好多小朋友咁鍾意返學呀,佢知道今日唔使返學,都好開心,希望佢遲d會好鍾意返學啦。不過又比佢激親,諗住今日唔使返學,比佢訓耐d,點知佢又自動波起左身,平時如果都係咁就好。
唔知點解仔仔仲未記到同學仔d名,你地小朋友坐邊張枱架,佢話佢坐apple喎。
原帖由 maryCharlotte 於 09-10-15 23:12 發表
Yes .. i know the children nowadays are very smart n rebellion. Hope they will grow into it. But for the time being, as Fatsin said, "我話東佢話西,總之要唔同你,真係激un"
Talk about the "toys per a we ...
作者: maryCharlotte 時間: 09-10-17 23:36
Thx for asking Fatsin... charlotte is much better now. But still have a few cough. Should be ok to goto school on Monday.
The medicine bottles, Charlotte has a lot now >.<
it's ok la. your son will not be the last one to bring, cos Charlotte hasn't either.
I dont know what's the name of Charlotte's table. I know it's located at the Upper left corner of the classroom (viewing from the entrance)
Where's Apple located?
Today, i finally tried out the Flash cards given by St. Cat.
I was very amazed that Charlotte knows the Chinese Characters. She even knows how to write it (as in w. her fingers, the order of the strokes) ..... I was so shocked, knowing she hates to use Cantonese. Well, at least I know she did pay a little attention in class ^^
作者: fatsin 時間: 09-10-19 14:24
嘩,好叻女呀,我都要快D試吓先(但其實我仲未剪好呢,哈哈),連筆劃都識?學校會教架?
蘋果枱應該係右上角果張。
我都好鬼懶,未必個個星期都同佢傾一次果星期學左既野,你地各位媽咪呢?
原帖由 maryCharlotte 於 09-10-17 23:36 發表
Thx for asking Fatsin... charlotte is much better now. But still have a few cough. Should be ok to goto school on Monday.
The medicine bottles, Charlotte has a lot now >.<
it's ok la. your son will ...
作者: man1003 時間: 09-10-21 10:27
我都係，未必每星期都有温習，因亞仔都唔係咁合作，尤其本My topic book，就嚟封哂塵．Charlotte真係好叻呀！
我個仔坐提子枱，佢都講到同學仔名，不過就唔知啱唔啱．
我個仔仲係話唔鍾意返學，掛住媽咪喎，Ai...
作者: fatsin 時間: 09-10-21 12:36
唉,我個仔呢排都係話唔返學,話要訓覺喎,照計每晚都有8個鐘,夠唔夠呢,曾經嘗試過9點叫佢訓,最後都係成10點幾先訓著,每日中午都訓約1個鐘,依幾日朝朝喊餐飽,又唔肯食早餐,真係倒退,好唔開心。
原帖由 man1003 於 09-10-21 10:27 發表
我都係，未必每星期都有温習，因亞仔都唔係咁合作，尤其本My topic book，就嚟封哂塵．Charlotte真係好叻呀！
我個仔坐提子枱，佢都講到同學仔名，不過就唔知啱唔啱．
我個仔仲係話唔鍾意返學，掛住媽咪喎，Ai... ...
作者: maryCharlotte 時間: 09-10-22 00:59
I dont normally revise w. her either. It's just a friend of mine said her daughter knows those flash cards character. So I just gave it a try. N see if Charlotte knows.
I read it once in those baby-toddler books. It saids, a child under 4yrs, still needs at least 11-12hours of sleep in a Day (including an afternoon nap).
I totally understand, asking those little ones to goto bed is still a battle. But maybe try to let him sleep more during the day. ie. straight after school/lunch.
作者: fatsin 時間: 09-10-22 12:45
試過中午訓兩個鐘,佢夜晚訓極都訓唔到,其實依家已叫姐姐黃昏時帶佢出去踏幾個字單車,都唔明點解佢咁難訓,不過佢自bb時已唔多鍾意訓覺。
我個仔由最初話好鍾意返學,到今朝講唔想返學,我好擔心,唔知係咪佢係學校有唔開心,好想問吓miss fung,但又怕言語間會令她以為我投訴,因為我個仔成日話老師叫佢「唔好乜乜乜,唔好乜乜乜」,又成日話「miss fung 嬲我」...我個仔比較多手多腳兼多咀,唔得老師歡心都可以想像及理解....
原帖由 maryCharlotte 於 09-10-22 00:59 發表
I dont normally revise w. her either. It's just a friend of mine said her daughter knows those flash cards character. So I just gave it a try. N see if Charlotte knows.
I read it once in those baby-to ...
作者: man1003 時間: 09-10-25 18:09
俊俊星期三放學後開始有幾聲咳，便唸住星期四俾佢抖吓唔返學，觀察吓，所以到佢自己起身時，我同佢講你好似開始咳，所以今日唔返學，因為佢其實表面睇起上嚟都精神又只係有很少咳，佢當堂開心到飛起，心情極靚！真係被佢激ｕｎ！不過，去到夜晚開始有埋鼻水，所以真係決定得啱，起碼佢可以一開始就抖多些，又可避免到傳染俾人嘛．結果佢冇返兩日學，非常開心！現在其實己經好了八九成（冇哂傷風），但因仲有少許咳，所以不敢去雪盈生日會，真係唔好意思，要再講多次對不起呀，雪盈媽咪．
Fatsin，咁你又真係擔心D嘅，由鍾意返學變唔鍾意，唔同我個仔由頭到尾都話唔鍾意，如果係我，我都會問吓老師佢上堂情況，你又唔駛太直接講你個仔講D話，最多咪提吓亞仔講話驚老師唔鍾意我咁囉，睇吓老師點講．
另外，講起瞓覺，我個仔就可憐，佢除了瞓得少，仲經常醒，所以佢由細到大我都驚佢“懵懵地”（瞓覺對腦部發展是最重要的），２歲半前已睇了很多個醫生（包括中西醫）都冇乜辦法，惟有等佢大，應會有改善喎！現在夜晚佢都平均醒兩，三次．其實因為這個睡眠問題，我先做了全職媽咪．不過可能就係咁樣，我先可以有很多時問陪他成長吧！
作者: fatsin 時間: 09-10-27 15:11
俊俊媽咪,俊俊好番晒未呀?大家真係要小心D,我個仔尋晚熱熱地,我仲以為佢會發燒添,好彩今朝又無乜事,可以返學。
我星期五都打左電話比 Miss Fung 喇,意料之中,佢都係話仔仔無紀律,呢方面要扣分喎,成日唔聽老師講,又當耳邊風,直情當 Mr Stan 無到添,所以佢要做嚴肅既角色,呢方面我都明白,不過佢話佢都估唔到我個仔話唔鍾意返學,佢話佢係學校玩到顛晒,我都有再同仔仔傾,但都無答案。
我個仔細個時又係一晚喊醒幾次,又成日話有怪物,不過搬左屋後少左好多喊醒,唔知係因為間屋定因為佢大個左喇,依家一般都可以訓到天光。希望俊俊好快可以一覺訓到天光。俊俊媽咪你好偉大呢。
你地小朋友識唔識唱番學校d歌仔架,我個都唔係好肯唱比我聽,成日話唔識唱咁,激死人。
原帖由 man1003 於 09-10-25 18:09 發表
俊俊星期三放學後開始有幾聲咳，便唸住星期四俾佢抖吓唔返學，觀察吓，所以到佢自己起身時，我同佢講你好似開始咳，所以今日唔返學，因為佢其實表面睇起上嚟都精神又只係有很少咳，佢當堂開心到飛起，心情極靚！真係被佢激ｕｎ！不過，去到夜晚 ...
作者: man1003 時間: 09-10-28 23:02
好番哂了，多謝關心！
雖然，老師話你個仔無紀律，但係佢都冇主動打電話俾你，咁即係話應該問題不大的，因為我剛剛聽過一個家長話老師主動打過好幾次俾佢（唔同校舍），話佢個仔都係無紀律及試過打小朋友，所以Miss Fung應該覺得Harry會改善有進步才沒有主動打電話俾你，如果唔係，佢一定會叫你幫手睇吓點樣一齊去改善小朋友的問題．
我個仔一歲前可以講係差不多沒有瞓覺的，不是誇張，佢平均瞓１５－３０分鐘就會醒一次（包括午睡），所以如果計算上嚟，佢係一晚醒幾十次的．仲要氹好耐才可再瞓．很可憐的．所以你可想像吓，我有幾咁擔心佢個腦會有幾大影響呢！Anyway，唔好提了，最差已過去，雖然未能一覺瞓到天光，但係都已進步了很多很多．．．．比心機．．．比心機．．．努力．．加油．．
我個仔有時自己會唱吓學校教的歌，不過如果係英文就讀錯好多字，好攪笑．但係如果你問佢有冇唱歌，佢會話冇！
呀，今日同亞仔講起雪盈，佢話雪盈轉咗枱坐，去咗香蕉枱，唔知真唔真呢？定係咁啱，分組玩遊戲咋．
各位記得星期五生日會提早一個鐘放學呀！
作者: fatsin 時間: 09-10-29 13:07
多謝你安慰我,希望真的如此。
無錯,睇未來,過去已過去,幫你打氣~~~努力加油呀。
多謝提點,真係差d唔記得星期五放早添,又無同姐姐講過,好彩啫。
我從來無聽過 Harry 自己唱學校d歌呢,拎本書出黎同佢唱,佢就走,頭先剛係另一個 topic 到見到有媽咪話佢個仔好鍾意返學,見到校車黎就好興奮呢。希望我地小朋友遲d都係咁啦。
我上星期3完全唔記得做線條練習,跟住 Miss Fung 打個?,派番再做過,點知尋晚仔仔突然同我講「今晚要做線條練習呀」,唔知係咪 Miss Fung 提佢呢,差d笑死我。
原帖由 man1003 於 09-10-28 23:02 發表
好番哂了，多謝關心！
雖然，老師話你個仔無紀律，但係佢都冇主動打電話俾你，咁即係話應該問題不大的，因為我剛剛聽過一個家長話老師主動打過好幾次俾佢（唔同校舍），話佢個仔都係無紀律及試過打小朋友，所以Miss Fung應該覺得Harry會 ...
作者: fatsin 時間: 09-10-29 13:31
嘩,有親子旅遊,不過點解唔係全校架?又只可以一位家長,有點失望呢。
到時大家可以見面,期待~~~~~
作者: fatsin 時間: 09-10-30 14:29
唉,今朝好唔開心,姐姐打黎話仔仔一去到學校門口就大喊,氹極都唔得,唔肯入課室,Miss Fung 又好忙唔得閒理佢,Mr Stan 今日要企大門口,後黎好彩對面課室既外籍老師幫手帶佢入左人地既課室,都唔知佢喊乜,個個小朋友都好開心,佢訧...
後黎打番比 Miss Fung,想了解下仔仔跟住果兩個鐘能否投入番生日會,老師話無事,仲好曳添,睇左幾分鐘電視就走黎走去,老師叫極都唔聽,激死!點可以令佢乖d呢??
我發覺仔仔越大越怕醜,以前見親人都會主動叫同打招呼,依家人地叫佢,佢會頭dup dup,Miss Fung 今朝話佢可能係驚d哈佬喂打扮,所以喊,我問佢全班得佢一個喊呀?Miss Fung 話係呀,其他小朋友都好開心!!!!都唔明,由細細個我地已開始教佢見人要叫,佢一直都做得好好,唔怕陌生,但近日就退步晒,姐姐話人地同佢打招呼,佢望都唔敢望呢,有乜解救????
我諗你地返去一問,你地d小朋友一定知邊個係 Harry,因為得佢一個喊,哈哈哈
作者: man1003 時間: 09-10-30 17:02
係呀，我個仔今日知道有生日會，都好開心，因為佢由幼兒班（２歲班）開始，佢都係唔鍾意返學，淨係鍾意生日會，兩個月先得一次，真係唔知點算㗎．見佢都仲係話唔鍾意返學（雖然expected）同埋都返咗兩個月，我今日本來都想打俾Miss Fung問吓俊俊情況，但電話去了voice message（23377273，啱唔啱？），我便留低口訊，但直到依家老師都未覆，我便打去想揾老師（at4:15pm），但職員話老師已走了．唔知係唔係留口訊冇用，老師唔會知呢？Fatsin，請問你通常幾時打去揾老師的？通常係即刻聽定要留口訊呢？
我個仔都有過Harry的情況，本來好地地會叫人，突然冇咗．當佢變了不肯叫人時，我留意到佢個排鍾意同我玩碌來碌去遊戲，我便同他說，如果有禮貌，就碌多D；要有禮貌才玩碌的，要事先講好．如果真係成日都冇禮貌，我真係一D都冇同佢玩碌，即使佢喊住要玩，我會同佢講因為你今日冇禮貌所以唔玩，可以玩第二樣嘢，不過唔玩碌．之後真係有用，佢開始同人打番招呼，好似以前咁．所以你可以試吓類似的方法，唔知幫唔幫到你呢？！
我間時都會問俊俊識唔識Harry，但佢都話唔識．不過佢可能又係隨口講，唔知邊句真．
作者: fatsin 時間: 09-11-2 12:23
俊俊媽咪,電話無錯呀,係呢個,我通常中午打去,會有另一d人接左,跟住問我邊班邊個學生,遲少少Miss Fung 就會覆電話。
好,我試吓你個方法先。謝謝你呀。
原帖由 man1003 於 09-10-30 17:02 發表
係呀，我個仔今日知道有生日會，都好開心，因為佢由幼兒班（２歲班）開始，佢都係唔鍾意返學，淨係鍾意生日會，兩個月先得一次，真係唔知點算㗎．見佢都仲係話唔鍾意返學（雖然expected）同埋都返咗兩個月，我今日本來都想打俾Miss Fung問吓俊俊 ...
作者: fatsin 時間: 09-11-3 14:30
哈哈哈,原來醫生野係上星期帶呀,我個仔居然尋晚同我講話要帶,佢仲今朝帶左添,而今個星期既消防野就仲未聽佢講,真係丫!!!!
今朝唔知係咪天氣凍,仔仔點都唔肯起身返學,仲大喊一場,姐姐le咁he,你地有乜辦法可以叫醒小朋友呢?
仔地小朋友幾點訓?一晚訓幾多個鐘?
作者: man1003 時間: 09-11-5 23:24
Fatsin, 唔該哂！我上星期都喺中午時再試過打去學校，但經常冇人聽，飛去留言，咁我就冇再留言及冇再打去了，因為都冇用．今日因為放學後同佢去街，咪第一次去學校接佢放學，問吓Miss Fung佢喺學校嘅情況，老師話我個仔表現到依家都未隠定，雖然停咗喊已一段子，但都算守秩序，及會聽老師講嘢，大致都冇大問題喎，就係咁多，只喺聽Miss Fung講幾句，因為又唔想阻住Miss食晏，咁我地就走了．我覺得老師冇覺得佢乖，但又冇覺得佢曳，普普通通咁啦．最衰我冇再問吓老師佢喺上堂時開唔開心啦，呢樣最緊要嘛！同埋佢有冇精神上堂，你知佢瞓得幾差啦！
Ah，順便提一提，關於鼓勵亞仔打招呼，你都要當佢即場冇做時，喺佢耳邊提吓佢，例如“你今日想唔想玩ｘｘｘ，想，你就要有禮貌，記唔記得”諸如似類，要臨場提示的．
我個仔起身都好煩的，多數都要我梗硬抱起，的佢落床先得，又會扭計，我就真係盡量氹，好似氹大王咁！我個仔通常~10:15pm – 10:30pm開始瞓，7:20am鬧鐘響．大約頭尾計有8-9個鐘，不過，佢會一晚醒2-3次，所以佢基本係唔夠精神的．晏覺就瞓1-1.5個鐘，都有機會醒一次．唔知其他小朋友又點呢？
你地有冇參加14/11的兒童情緒講座，我會去，唔知有冇機會見到你地呢？
另外，我個仔有自己講話要帶有消防車嘅嘢，第一次唔係我問佢的，我就幫佢帶了一幅消防車的圖畫．佢話老師話啱喎．繼上次三角形，今次終於啱了．
記得聽日同星期一都唔駛返學呀！
作者: fatsin 時間: 09-11-9 12:33
俊俊媽咪,唔該晒你呀,咁記得我個仔d野,我會努力試,不過暫時未有太大成效,仍然要提,仲要有時叫都唔肯同人打招呼,希望遲d禮貎邌黎啦。
會呀,我會去呀,因為我真係比仔仔d情緒搞到人都顛,希望聽完有辦法處理。
係呀,我都好同意你講,仔仔上透學開心係最緊要,我就次次問佢佢都話開心,但又朝朝唔肯起身返學!
你地係咪都會去旅行呀?
放左咁多日假,都唔知聽日朝早會點。
原帖由 man1003 於 09-11-5 23:24 發表
Fatsin, 唔該哂！我上星期都喺中午時再試過打去學校，但經常冇人聽，飛去留言，咁我就冇再留言及冇再打去了，因為都冇用．今日因為放學後同佢去街，咪第一次去學校接佢放學，問吓Miss Fung佢喺學校嘅情況，老師話我個仔表現到依家都未 ...
作者: man1003 時間: 09-12-7 21:33
我個仔星期六開始發燒，本來星期日差不多全日都冇燒，但係到咗夜晚又燒番，所以今日我地冇去旅行，真係好可惜呀！！！！真係有點失望！可否分享吓旅行好唔好玩，Mr.Stan同Miss Fung係唔係一齊都有去呀？有乜趣事或特別事發生呢？？今日暫時佢都冇燒，希望佢今晚ｏｋ啦，不過因為發過燒，我都會俾佢抖多日，聽日都會唔返學，冇辦法啦．
作者: fatsin 時間: 09-12-8 15:52
噢,唔怪得之我問極我仔仔邊個係俊俊,佢都講唔到比我知啦,希望你仔仔好快可以返學。
至於個旅行,有點失望,因為落雨,大家要係旅遊巴上食茶點,好搞笑,跟住落去行,仲落緊雨,好狼狽,都無乜心機睇,去個魚館同貝殼館得10分鐘,超趕,不過我見大部分小朋友都好開心,係車上面同stan係咁唱歌,但我個仔就唔多投入,回程時仲喊話肚痛,唔多耐煩咁,但都開心既,可以唔使返工同仔仔去玩,哈哈哈。
原帖由 man1003 於 09-12-7 21:33 發表
我個仔星期六開始發燒，本來星期日差不多全日都冇燒，但係到咗夜晚又燒番，所以今日我地冇去旅行，真係好可惜呀！！！！真係有點失望！可否分享吓旅行好唔好玩，Mr.Stan同Miss Fung係唔係一齊都有去呀？有乜趣事或特別事發生呢？？今日暫時佢都 ...
作者: man1003 時間: 09-12-11 22:40
今日碰到一位同班媽咪，兩個同學仔相偶，先知原來可能喺學校亞仔被叫做Wing Wing,因佢個名叫俊穎．真係冇為意到咁叫法tim，唔怪得知有D同學仔唔知我個仔叫俊俊啦．真係唔好意思！
作者: fatsin 時間: 09-12-14 14:47
哈哈哈哈,原來係咁,等我今晚再問過仔仔先。
原帖由 man1003 於 09-12-11 22:40 發表
今日碰到一位同班媽咪，兩個同學仔相偶，先知原來可能喺學校亞仔被叫做Wing Wing,因佢個名叫俊穎．真係冇為意到咁叫法tim，唔怪得知有D同學仔唔知我個仔叫俊俊啦．真係唔好意思！ ...
作者: fatsin 時間: 10-2-23 12:34
hi,大家好,祝虎年進步,身體健康。
聽日返學了,哈哈,唔知仔仔肯唔肯起身,放假放到咁開心,可能又要重新適應呢。
作者: cc1028 時間: 10-9-16 20:26 標題: 回覆 66# mandy1003 的文章
Hi, 各位 09 N Star 班媽咪, 我係chloe cheung 媽咪. 我個女女去左 L Red, D同學仔唔同哂, 你地呢 :loveliness:
[ 本帖最後由 cc1028 於 10-9-16 20:29 編輯 ]
| 歡迎光臨 教育王國 (/) |
Powered by Discuz! X1.5 |