教育王國
標題: 請現在讀將循的家長比啲意見啦 [打印本頁]
作者: vicng 時間: 09-9-4 11:15 標題: 請現在讀將循的家長比啲意見啦
將循家長你們好:
小兒今年k3將要報小學，請問可否告知一些將循的情況，因本人對此校彼有興趣。
1) 功課多嗎
2) 老師怎樣
3) 其他
因為這是一間只有幾年的學校，所以想知多些情況。
多謝幫忙。
vicng
作者: l.tea 時間: 09-10-22 16:35
功課普通
老師差(特別某幾位)
其他差
作者: Maokong 時間: 09-10-27 03:13
若果你或小朋友是沒有宗教信仰的話,唔建議你報讀,因為呢間學校非常注重呢方面,小一學生已經要被強迫接受牧師祝福(係極黑暗環境下進行,用小朋友角度看是十分恐怖的)及各種大大小小的祈禱活動,所以如不是教徙會覺得非常浪費小朋友學習的時間
作者: vicng 時間: 09-11-12 22:51
I.tea and Maokong,
兩位好，睇完你們的意見後，這間學校聽落好似好差的，請問可否告知詳細一啲怎樣差法?
作者: 山金 時間: 09-12-3 22:08
小女及小兒現時正是小三及小六的學生，本人一家亦並非教徒，她們一直都學習愉快。至於功課方面亦恰到好處，老師們亦盡心喎，其中曾有老師因病未能上課，於病假期間致電班中同學叮囑各人要用心學習。:)
作者: EVM 時間: 09-12-4 20:11
我個仔今年k3, 本身我都在第一階自行收生報左呢間學校, 但睇完10月20日果間丟化新聞後, 我對呢間學校及呢個教會已失去信心, 原因不在於有一個咁既教職員, 而係在出事後, 同一教會既教友仲好意思幫佢寫求情信及到法庭支持呢位位人事, 佢地咁做實室令我感到極為失望, 所以我亦已即時幫個仔接受左其他直資既學位, 免得將來受到傷害或者受到不正確思想灌輸~
作者: kk-can 時間: 10-3-19 12:45
EVM,
請問10月20日果間丟化新聞係講咩架?
作者: leemou 時間: 10-4-1 16:44 標題: 回覆 1# kk-can 的文章
我的兒子是這學校的學生，我只能說一句，很後悔把兒子交托這學校。
作者: MMLFION 時間: 10-4-15 15:53
原帖由 leemou 於 10-4-1 16:44 發表 
我的兒子是這學校的學生，我只能說一句，很後悔把兒子交托這學校。
可否詳細講吓你嘅感受, 因為我想今年9月為小女轉讀該校
作者: big-head 時間: 10-4-16 10:51
提示: 作者被禁止或刪除 內容自動屏蔽
作者: yan_913 時間: 10-4-16 18:31
提示: 作者被禁止或刪除 內容自動屏蔽
作者: leemou 時間: 10-4-26 16:40
原帖由 MMLFION 於 10-4-15 15:53 發表
可否詳細講吓你嘅感受, 因為我想今年9月為小女轉讀該校
作者: 包包mami 時間: 10-6-7 19:34
我都係想幫阿仔搵間好學校，哩間係其中一間會考慮既學校，因為我朋友個仔係度讀3年班，加埋我剛剛去左佢地5月尾既學校簡介會，有以下睇法：
來自朋友個仔既感覺 ：
功課唔算多，可接受。小朋友鍾意返學，因為學校用活動教學，重視關愛同欣賞，同埋老師都好有愛心，同學生關係好。(冇聽過要係黑暗環境祈禱，早會主要講公民教育，係培養品德既。而祈禱會係開學、聖誕、復活個D先有，係唱下詩歌，話劇表演，同埋學生帶領全體同學祈禱)
睇過一次學生早會：
佢地逢星期五都有早會，比家長入埋去操場，首先，有得比學生選擇做A.B.C.D四種唔同早操，如最多人選C就做早操C，好攪笑。
另外，好似朗誦幾強，因為我見佢地普通話集誦同廣東話集誦都攞全港冠軍。重有個咩關愛教職員團隊獎
學校簡介會：
有示範課睇，而且每個特別室都由學生負責介紹，感覺學校都幾肯比學生參與，佢地都好有禮貌。
校舍好大，設備齊全，新過千僖學校。有網球場，初小已經有網球課外活動，都幾吸引
黎緊會睇埋佢地第一屆畢業生既派位再進一步考慮。
作者: Hay_Ma 時間: 10-6-8 12:56
我個女今年讀五年級,我十分後悔入讀此校,我對學校十分不滿和氣忿!好的老師唔多,大部分都會放在一年級任教,因為要給好印象給新入來讀的家長見到,所以一年級的學生大都很滿意. 其餘的老師我都唔覺得有什麼特別好,d老師太young, 經驗唔夠. 表面很有愛心,但當你時常表達意見,佢又覺得你地d家長trouble!
最近我更不滿的是 : 因為今個星期要exam, 兩星期前已要學生每日抄寫英文默書範圍一次; 中文溫書, 唔識又要抄寫, 上星期開始連常識課文都要每日抄一課; 昨天仲發神經,要抄常識課文兩課, 日日抄抄抄, 想溫習其他科都無時間, 我都唔明,今時今日仲要咁多抄寫,仲咁"out", 這真的幫到學生溫習嗎? 我都覺得學生很可憐!
仲有,通常exam前好多時都教唔駛d書,他們會在最後兩星期, "嘭嘭"聲加快速度草草教完就算, 試問學生點會學到嘢,簡直填鴨式教學!
總之要三思和問多d係度讀的家長!所以我第二個小朋友都無再選讀此校,免得多個犧牲品!
作者: WPHo 時間: 11-6-21 13:29
小女現在就讀四年班（將升五年班），小兒在九月都會升讀這間學校小一。我們不是基督教，但很欣賞教師們的愛心。因為小女比較缺乏自信，老師都會很鼓勵她參加課外活動。功課在這區來講不是最多那間（其實有些家長話太少功課！），我自己覺得適中。另外他們小五開始會根據成績分班。
作者: 朱MayMay 時間: 11-6-21 17:17
小兒今年九月將升讀小四, 到目前為止, 我都好覺得將循的老師好有愛心, 好關愛 D 學生。雖然小兒聰明, 但都比較活躍和不專心, 要處理佢的行為和情緒都幾辛苦, 起初上堂表現和成績都一般, 好彩在小二兒時, 得到班主任的鼓勵和協助, 又用心去發掘小兒的長處, 更鼓勵佢加入數專和田徑隊, 從而令小兒的自用心得以提升,現在見小兒一日比一日的進步, 真係好開心呢 ! 亦好感激將循的老師。
功課方面 : 將循算一般 ( 因比較過其他學校, 將軍澳區的小學, 其實間間都哪麼多)
程度方面 : 英文比同區深少少 (聽補習社講) , 其他一般, 數學無教快, 將循有四 次評估, 一, 三評估主力考中, 英, 數, 常, 二, 四許估先再加埋其他科,如同出面區學校比較, 唔算有太大壓力.多
補底方面 : 因眼見香港越來越不同程度的學習障礙, 將循亦提供很多特別課程, 訓練 和調適去幫助有需要的學生, 這方面亦做得唔錯 !
以上是本人小小感受及意見.
另外, 本人想捐出 小一, 小二 及 小三全套課本, 如有將循家長有興趣, 請聯絡我.
May : e-mail : [email protected]
作者: connielamyee 時間: 12-6-13 17:43
好奇怪將循的家長意見咁極端~~
作者: cleokiko 時間: 12-6-15 00:20 標題: 回覆：請現在讀將循的家長比啲意見啦
但果日去簡介會覺得佢好好！英文課程不錯（相比梁省德）。真的這麼差嗎？
作者: cleokiko 時間: 12-6-18 02:15 標題: 回覆：請現在讀將循的家長比啲意見啦
留意返：差評是2009年！所以可能是極端關係！但如果功課唔多，我就不喜歡了！唉！有基德家長竟然同我講！基德功課都多…！笑死！有幾多呢！都三四樣
我想講！以前自己讀書三四樣叫小，七八樣叫多！但相比陳瑞祺！七八樣叫小喇！所以我心目中的小學，最小要有七樣！才算功課多。我朋友中三時讀Band1 ,中四發神經揀間Band5，佢話入到去中四佢咩都識，因為中三已學過哂！這是我揀深程度的原因
作者: kikicandy 時間: 12-6-19 19:57
評論也真的太極端吧?
作者: 靚寶 時間: 13-2-9 14:49
我覺得有好, 有不好, 聽隔離班講家長講, 班主任乜都唔理, 比意見又唔理, 但我仔果班班主任都叫盡責, 亦都叫照顧我仔, 而且我仔好鍾意返學, 當然每間學校都有優點, 缺點, 但我覺得我可以接受呢間學校, 暫時都無特別令我反感既老師及事情, 佢地有科探日, 仔好鍾意玩, 功課我都係偏愛功課多, 平時六樣冇走雞, 星期五功課八樣至少, 但我仔已經習慣了, 開始辛苦好過鬆開要催谷佢黎得容易, 呢間學校既宗教氣份係濃厚, 我係基督徒, 所以好滿意呢方面對學生的宗教培養, 我暫時無後悔比仔讀呢間學校, 亦都感謝老師對仔的豉勵, 個人覺得OK, 除左副校
作者: yyyvonne 時間: 13-7-21 11:02
我一個係第一屆畢業生，另一個係應屆畢業生，派往St .Marks School . 將循係一間好學校，功課不算多，老師都有愛心及經驗，每間學校老師都不會十全十美，將循也是，一兩個老師啦，學校會比同學多方面學習及發展，朗誦、音樂尤其強項，學校也很關心每一位學生。聽聞今年都好多學生想入讀小一，有百幾人叩門都唔收
將循都不斷進步既
作者: xxjacky 時間: 13-7-23 15:17
提示: 作者被禁止或刪除 內容自動屏蔽
作者: chowkarman 時間: 13-9-4 15:18
我個女都喺將循讀咗幾年, 完全唔覺有唔好o既感覺, 相反無論我同個女都冇後悔過, 我哋全家都冇宗教信仰, 冇聽過有黑暗中進行o既宗教活動, 每星期有一堂宗教堂, 佢自己好鍾意返學, 鍾意間學校, 老師, 到目前為止, 我都好滿意個女入讀呢間學校 
作者: evans712au 時間: 13-9-25 20:26 標題: 回覆：chowkarman 的帖子
你囡囡讀將循後仲需不需要出去外面找補習呀？
我剛交了表格，好緊張哦，希望收我仔仔啦
作者: meilo 時間: 14-2-9 23:50
connielamyee 發表於 12-6-13 17:43 
好奇怪將循的家長意見咁極端~~
我都有同感,有點無所適從....
| 歡迎光臨 教育王國 (/) |
Powered by Discuz! X1.5 |