教育王國

標題: 開學了~~~各位家長入嚟傾下啦~~~ [打印本頁]

作者: kimami 時間: 09-9-3 18:00 標題: 開學了~~~各位家長入嚟傾下啦~~~

一開學又係一堆費用要交一堆form要填, 再遲d又默書, 測驗, 考試一堆堆擁過嚟.

擒日我問我仔學校裝修有d乜唔同咗呀, 係咪好過以前呀, 佢就答我, 靚咗d啦, 不過厠所就唔好喇, 因為有格係"貓"厠唔係坐厠, 要排耐d隊去厠所, 好唔方便喎.

各位家長, 你哋小朋友有冇同你反映學校上d嘢呢, 講出嚟分享下啦...

作者: Lovely媽咪 時間: 09-9-4 10:12

可能我地啲5年級,佢地真係冇咩留意有咩唔同,係話新咗囉,因為油哂油.最不滿咪又係成個星期要佢地排隊/集隊...排隊/集隊

佢地成日講"我地都5年級啦,仲要我地練排隊,傻傻地架"

今年最唔同既就開始有精英班,4同5年級,同埋多咗好多新老師,最攪笑係一到領袖生開會既時候,個2班精英班就會差唔多唔見哂

希望真係可以做到副校長舊年講既,分咗班反而可以因材施教,專注啲去教另外那三班.
因為前幾年只係注重拔尖,反而另到差那班越嚟越差,差距越嚟越大.

作者: kiukiuleung 時間: 09-9-4 12:29

hello!!兩位家長,
小兒都話要排隊集隊再集隊,現在都還未知道其他科老師是誰?暫時未發現有什麼大不同
.

原帖由 Lovely媽咪 於 09-9-4 10:12 發表
可能我地啲5年級,佢地真係冇咩留意有咩唔同,係話新咗囉,因為油哂油.最不滿咪又係成個星期要佢地排隊/集隊...排隊/集隊佢地成日講"我地都5年級啦,仲要我地練排隊,傻傻地架"
今年最唔同既就開始有 ...

作者: Lovely媽咪 時間: 09-9-7 11:26

又要交$50會費,真係好想唔交,但費時個仔俾人問點解唔交就局住年年都要交.
年年收咁多錢,但咩活動都唔攪,親子旅行越嚟越差,又唔係唔駛俾錢,計番自己俾既再加埋交咗$50會費,根本個旅行就係自己俾番錢,咁駛鬼跟佢遊車河=_=".
真係講都冇人信,邊有一個家教會有成十幾萬儲備.啲錢都唔知留番嚟仲咩.
上年話7樓活動室裝冷氣,出完問卷,又冇通知番家長究竟幾時裝,總共會裝幾多錢,都唔知班人攪咩.
根本參唔參加都冇所謂,報活動又唔係有優先,冇參加都一樣可以參加親子旅行,聽講座又唔需要係會員要聽得,真係唔明交嚟仲咩~~~

作者: kimami 時間: 09-9-7 17:17

原帖由 Lovely媽咪 於 09-9-7 11:26 AM 發表
又要交$50會費,真係好想唔交,但費時個仔俾人問點解唔交就局住年年都要交.
年年收咁多錢,但咩活動都唔攪,親子旅行越嚟越差,又唔係唔駛俾錢,計番自己俾既再加埋交咗$50會費,根本個旅行就係自己俾番錢,咁駛鬼跟佢遊車河 ...

我都有同感呀, 都唔知交嚟做咩???我老公都有咁問過我點解年年都要交, 交嚟有乜作用喎, 其實係咪可以同校長反映下呢???家教會係由校長監管架嘛, 校長應該對我哋對家教會有不滿之處作出回應架!!

作者: Lovely媽咪 時間: 09-9-9 10:21

投訴都冇用,因為家教會唔可以算是由校長監管,正確啲應該係由家長監管,但我地學校啲家長唔覺有問題,因為佢地唔知依家幫學校做嘢既人都係那幾個家長義工,那班人根本就咩都冇做過.
算啦,都費時再理那些人,只係覺得每年俾個$50唔知為咩

話時話,你仔仔今年有冇參加3日2夜呀,個衰仔話唔駛返2日學,一定要參加

作者: somimi 時間: 09-9-9 12:29

hello 小三以上的家長,

請問有冇 P.2 longman express CDs 或e-books唔要丫,
可以出售嗎?

請pm我, 謝.

作者: kimami 時間: 09-9-10 10:18

原帖由 Lovely媽咪 於 09-9-9 10:21 AM 發表
投訴都冇用,因為家教會唔可以算是由校長監管,正確啲應該係由家長監管,但我地學校啲家長唔覺有問題,因為佢地唔知依家幫學校做嘢既人都係那幾個家長義工,那班人根本就咩都冇做過.
算啦,都費時再理那些人,只係覺得每年 ...

我冇幫我仔參加呀, 我老公話為咗安全喎, 算啦, 上年都參加過, 今年佢要俾心機去追返d成績啦~~~咁妳係咪會同妳仔參加呀???

作者: Lovely媽咪 時間: 09-9-10 11:45

報咗,仲抽中tim,等佢見識吓山區既人點讀書,希望佢會醒覺自己係香港讀書係幾咁舒服.
噚晚佢同我講佢個班有幾個已經冇番幾日學,我聽完都有啲驚,點知噚晚佢就發燒,好彩今朝已經退咗燒,睇完醫生話係喉嚨發炎,所以今日都冇返學.
其實真係驚隨時又話要停學,到時就真係煩

作者: kiukiuleung 時間: 09-9-10 14:22

Take care!!!

原帖由 Lovely媽咪 於 09-9-10 11:45 發表
報咗,仲抽中tim,等佢見識吓山區既人點讀書,希望佢會醒覺自己係香港讀書係幾咁舒服.
噚晚佢同我講佢個班有幾個已經冇番幾日學,我聽完都有啲驚,點知噚晚佢就發燒,好彩今朝已經退咗燒,睇完醫生話係喉嚨發炎,所以今日都 ...

作者: kimami 時間: 09-9-10 14:34

原帖由 Lovely媽咪 於 09-9-10 11:45 AM 發表
報咗,仲抽中tim,等佢見識吓山區既人點讀書,希望佢會醒覺自己係香港讀書係幾咁舒服.
噚晚佢同我講佢個班有幾個已經冇番幾日學,我聽完都有啲驚,點知噚晚佢就發燒,好彩今朝已經退咗燒,睇完醫生話係喉嚨發炎,所以今日都 ...

嘜情況真係咁壞咩

咁真係令人擔心喎, 所以我都係而家谷佢多d停學就唔知點追啦~~~

作者: Lovely媽咪 時間: 09-9-12 13:40

大家真係要小心啲la,啱啱知道5年級又多一個確診,但我覺得唔只咁小,因為近呢星期真係好多人病咗,仲要係差唔多病徵,所以叫咗個仔下星期返學一定要戴口罩,唔好因為焗而唔戴.最緊要一覺得喉嚨唔舒服就一定要即刻去睇醫生.

作者: kiukiuleung 時間: 09-9-13 17:53

thanks!!

原帖由 Lovely媽咪 於 09-9-12 13:40 發表
大家真係要小心啲la,啱啱知道5年級又多一個確診,但我覺得唔只咁小,因為近呢星期真係好多人病咗,仲要係差唔多病徵,所以叫咗個仔下星期返學一定要戴口罩,唔好因為焗而唔戴.最緊要一覺得喉嚨唔舒服就一定要即刻去睇醫生 ...

作者: kimami 時間: 09-9-14 10:26

原帖由 Lovely媽咪 於 09-9-12 01:40 PM 發表
大家真係要小心啲la,啱啱知道5年級又多一個確診,但我覺得唔只咁小,因為近呢星期真係好多人病咗,仲要係差唔多病徵,所以叫咗個仔下星期返學一定要戴口罩,唔好因為焗而唔戴.最緊要一覺得喉嚨唔舒服就一定要即刻去睇醫生 ...

吓...妳唔好嚇我喎, 5年級有人確診???

我真係唔知喎, 我仔尋日朝早忽然發燒頭痛又喉嚨痛, 不過醫生過佢唔似係"h1n1"喎, 佢尋日食咗藥都退咗燒喇, 今日都同佢請咗一日假俾佢休息下

真係好擔心佢聽日返學唔知會點, 唔係啦, 都係叫佢戴返個口罩穩陣啦

作者: Lovely媽咪 時間: 09-9-14 10:58

唉...你今日小心啲,我仔同佢班其他同學個個症狀都差唔多.....先喉嚨痛---發燒---退燒---突然高燒----

記住一有喉嚨唔舒服真係要第一時間去睇醫生,真係唔拖得

作者: kimami 時間: 09-9-14 11:57

原帖由 Lovely媽咪 於 09-9-14 10:58 AM 發表
唉...你今日小心啲,我仔同佢班其他同學個個症狀都差唔多.....先喉嚨痛---發燒---退燒---突然高燒---- 記住一有喉嚨唔舒服真係要第一時間去睇醫生,真係唔拖得 ...

好....我要加以留意下先...係喇, 妳知唔知確診嗰個學生係讀邊班架???點解學校都冇講有確診個案嘅

咁妳仔要幾日至好返得晒呀???

作者: Lovely媽咪 時間: 09-9-14 12:47

今日返得學,佢星期五已經退哂燒.因為星期六先確診,我估今日應該有通告.係邊班

你估吓我點解咁快知

作者: kimami 時間: 09-9-14 15:21

原帖由 Lovely媽咪 於 09-9-14 12:47 PM 發表
今日返得學,佢星期五已經退哂燒.因為星期六先確診,我估今日應該有通告.係邊班你估吓我點解咁快知

唔通就係妳仔嗰班

頭先打電話返去問個仔有冇見頭痛, 佢就話冇, 不過聽佢仲有幾聲咳同有痰,

開咗又煩, 停課又煩, 我哋呢代亞媽好辛苦呀

作者: kimami 時間: 09-9-14 23:38

唔知妳有冇睇過星期五派嘅通告呢

原來9號已經有一名二年級學生確診架啦, 我哋間學校已經係有二宗確診架啦,

好擔心呀

作者: queeniekwang 時間: 09-9-15 15:29

提示: 作者被禁止或刪除內容自動屏蔽

作者: Lovely媽咪 時間: 09-9-15 16:00

原帖由 queeniekwang 於 09-9-15 15:29 發表
唔通係2E

我估都係,全班好似差唔多3份2病咗.

作者: kimami 時間: 09-9-16 10:31

原帖由 Lovely媽咪 於 09-9-15 04:00 PM 發表

我估都係,全班好似差唔多3份2病咗.

咁利害???咁5年班呢??有冇咁嚴重呀???

作者: Lovely媽咪 時間: 09-9-18 12:30

5年級又多一個確診,但我地班開始回復正常la,噚日都只係3個冇番

其實最緊要係小朋友一覺得喉嚨有唔舒服就真係要即刻去睇醫生,唔好拖.

作者: kimami 時間: 09-9-18 15:33

原帖由 Lovely媽咪 於 09-9-18 12:30 PM 發表
5年級又多一個確診,但我地班開始回復正常la,噚日都只係3個冇番
其實最緊要係小朋友一覺得喉嚨有唔舒服就真係要即刻去睇醫生,唔好拖.

我尋晚問個仔佢班有冇人戴口罩, 佢話得幾個人戴, 同埋有幾個同學冇返學, 我就即刻提醒佢喺學校一定記緊戴口罩勤洗手唔埋唔好周圍摸, 妳知架啦, d細路好鍾意周圍摸架

作者: alexyanyan 時間: 09-9-19 12:23

荃官家長你好, 小兒出年要報小一. 想問你們的孩子讀此校考試/學習會不會有大壓力?? 老師/校長有什麼評語.??

其實貴校跟麗城荃官有什麼分別之處 ? 聽講貴校的升中派位成績派到英中學校比麗城荃官較優 ???

真請各家長提點. 謝謝分亨.

作者: Lovely媽咪 時間: 09-9-22 14:09

原帖由 alexyanyan 於 09-9-19 12:23 發表
荃官家長你好, 小兒出年要報小一. 想問你們的孩子讀此校考試/學習會不會有大壓力?? 老師/校長有什麼評語.??

其實貴校跟麗城荃官有什麼分別之處 ? 聽講貴校的升中派位成績派到英中學校比麗城荃官較優 ???

真請各 ...

""考試/學習會不會有大壓力""呢樣好難答你,真係要睇係你小朋友屬於那一類形,同埋遇到咩老師,有啲老師會用好輕鬆既方法教書(對坐唔定的小朋友會有用),但亦有些會死讀書(對專注讀書的小朋友會有用).講真官校老師成日都會轉,好難講好定唔好,我仔仔前幾年就唔好彩遇到既老師都麻麻地,令到佢啲成績一落千丈,好彩今年遇到番啲好老師,總算有希望.
校長就好積極,佢嚟咗之後學校真係有好多轉變,有好有唔好,但總括嚟講都唔錯,好親切,每朝一定係學校門口迎接學生,學長有問題會好快幫忙解決,都算係一個肯接受意見既校長

我地同荃官基本上冇分別,因大家都係官校,最大分別係佢地考試只要肯溫書就一定攞到高分,而我地好多時考試唔係出番書既內容,所以我地唔係靠死讀書,係真係要明教既內容.仲有就係麗城官小二開始已有精英班,咁當然要入到呢2班精英班就真係要成績叻啦,有冇壓力你自己諗.而我地今年開始4/5年級有2班是語文班,學校講是根據中文及英文的成績而分班.

而升中派位冇話邊間好啲,年年都唔同,有時我地好啲,有時佢地好啲.

作者: Lovely媽咪 時間: 09-9-22 14:11

原帖由 kimami 於 09-9-18 15:33 發表

我尋晚問個仔佢班有冇人戴口罩, 佢話得幾個人戴, 同埋有幾個同學冇返學, 我就即刻提醒佢喺學校一定記緊戴口罩勤洗手唔埋唔好周圍摸, 妳知架啦, d細路好鍾意周圍摸架 ...

我聽我仔講依家好多時都冇戴口罩,一方面真係好焗,另一方面佢個班都病到七七八八,冇之前硬性規定要戴.

作者: kimami 時間: 09-9-23 14:13

原帖由 Lovely媽咪 於 09-9-22 02:11 PM 發表

我聽我仔講依家好多時都冇戴口罩,一方面真係好焗,另一方面佢個班都病到七七八八,冇之前硬性規定要戴.

我而家個仔一唔食藥就頭痛, 佢尋日打俾我話頭痛叫我拎藥俾佢食, 不過佢只係頭痛, 其他病症都冇, 食極藥都唔斷尾嘅, 我估唔知會唔會就嚟好返但係返到學又有好多人病所以交叉咁傳染呢

作者: Lovely媽咪 時間: 09-9-23 16:02

原帖由 kimami 於 09-9-23 14:13 發表

我而家個仔一唔食藥就頭痛, 佢尋日打俾我話頭痛叫我拎藥俾佢食, 不過佢只係頭痛, 其他病症都冇, 食極藥都唔斷尾嘅, 我估唔知會唔會就嚟好返但係返到學又有好多人病所以交叉咁傳染呢 ...

有冇睇醫生check吓咩事,成日頭痛都可能有啲問題,聽日阿仔去南連交流la,今次係副校長帶隊,好多上次有參加既今年都有參加,同上次一樣都係女仔多過男仔woo

作者: kimami 時間: 09-9-24 12:44

原帖由 Lovely媽咪 於 09-9-23 04:02 PM 發表

有冇睇醫生check吓咩事,成日頭痛都可能有啲問題,聽日阿仔去南連交流la,今次係副校長帶隊,好多上次有參加既今年都有參加,同上次一樣都係女仔多過男仔woo ...

呢幾日都問住我仔仲有冇頭痛, 佢再冇話有頭痛, 我都諗過如果佢再有頭痛就真係會再同佢睇多次醫生check check.多謝關心

妳有冇幫妳仔配藥呀

作者: alexyanyan 時間: 09-9-24 16:07

Thanks for your info.
It really give me a great info. for my ref.

原帖由 Lovely媽咪 於 09-9-22 14:09 發表

""考試/學習會不會有大壓力""呢樣好難答你,真係要睇係你小朋友屬於那一類形,同埋遇到咩老師,有啲老師會用好輕鬆既方法教書(對坐唔定的小朋友會有用),但亦有些會死讀書(對專注讀書的小朋友會有用).講真官校老師成日 ...

作者: kimami 時間: 10-3-26 15:53

最近亞仔話學校d飯盒好難食喎, 開始頂唔順喎, 佢想下個月開始唔再訂飯盒喎, 唔知各位家長d小朋友有冇咁反映過俾你哋知呢

作者: kiukiuleung 時間: 10-3-26 16:50

hello!
阿仔話ok喎!
kiukiuleung

原帖由 kimami 於 10-3-26 15:53 發表
最近亞仔話學校d飯盒好難食喎, 開始頂唔順喎, 佢想下個月開始唔再訂飯盒喎, 唔知各位家長d小朋友有冇咁反映過俾你哋知呢

作者: Lovely媽咪 時間: 10-3-30 13:14

原帖由 kimami 於 10-3-26 15:53 發表
最近亞仔話學校d飯盒好難食喎, 開始頂唔順喎, 佢想下個月開始唔再訂飯盒喎, 唔知各位家長d小朋友有冇咁反映過俾你哋知呢

我呢個月都退咗6日飯la,有時就自己帶(用飯壺,都夠熱),有時叫外賣,我仔個班已有幾個同學仔自己返學時係附近一間茶餐廳叫定,1點就送到學校.
有次我賣外賣俾佢,點知去到學校見到幾個平時冇送飯既家長都不約而同買"吉野家"

佢地衰到填張問卷寫"啲飯好難食,食到嘔....還我盈信..."

作者: kimami 時間: 10-3-30 18:11

吓...咁誇張呀???咁都真係要同亞仔諗諗辦法啦~~~不過我仔又唔會餓親嘅(佢咁大隻)

, 亞仔都係話佢嗰班都有人叫外賣食, 開頭我都唔明佢講咩, 而家就明啦~~~

都係一個好辦法嚟

不過嘜學生可以叫外賣嘅咩???

咁咪個個要帶錢返學校囉

原帖由 Lovely媽咪 於 10-3-30 01:14 PM 發表

我呢個月都退咗6日飯la,有時就自己帶(用飯壺,都夠熱),有時叫外賣,我仔個班已有幾個同學仔自己返學時係附近一間茶餐廳叫定,1點就送到學校.
有次我賣外賣俾佢,點知去到學校見到幾個平時冇送飯既家長都不約而同買"吉 ...

作者: Lovely媽咪 時間: 10-3-31 10:19

原帖由 kimami 於 10-3-30 18:11 發表
吓...咁誇張呀???咁都真係要同亞仔諗諗辦法啦~~~不過我仔又唔會餓親嘅(佢咁大隻) , 亞仔都係話佢嗰班都有人叫外賣食, 開頭我都唔明佢講咩, 而家就明啦~~~ 都係一個好辦法嚟不過嘜 ...

我就係送完佢返學,行過落咗order俾埋錢,佢地都熟哂,一講海壩街官小就知

我聽我仔講佢個班啲同學就自己返學既時候叫定俾埋錢.

作者: kimami 時間: 10-3-31 18:19

今日我都幫我仔退咗飯買"吉野家"俾佢食, 冇辦法啦, 亞仔好似好慘咁, 就叫我老公買一次俾佢啦, 咁妳會叫邊間架

等我去攞家d外賣紙先

不過長此下去唔掂個喎, 有乜方法可以叫學校轉供應商呀, 真係煩啦

原帖由 Lovely媽咪 於 10-3-31 10:19 AM 發表

我就係送完佢返學,行過落咗order俾埋錢,佢地都熟哂,一講海壩街官小就知我聽我仔講佢個班啲同學就自己返學既時候叫定俾埋錢.

作者: Lovely媽咪 時間: 10-4-1 11:29

原帖由 kimami 於 10-3-31 18:19 發表
今日我都幫我仔退咗飯買"吉野家"俾佢食, 冇辦法啦, 亞仔好似好慘咁, 就叫我老公買一次俾佢啦, 咁妳會叫邊間架等我去攞家d外賣紙先不過長此下去唔掂個喎, 有乜方法可以叫學校轉供應商呀, ...

個間嘢好細間,係對住停車場報紙檔隔離,叫漢都..
有同啲人提過,佢地話"冇辦法,忍吓啦,仲有2個月"

唯有自己諗計啦...我估係因為佢地多數都係帶飯俾小朋友,所以根本就唔知有幾難食

作者: Lovely媽咪 時間: 10-4-19 17:38

俾間死人飯商激死....上星期三我個仔攞唔到飯食,我打去問點解,有人解釋番俾我聽話因為我地學校好多人食霸王飯,又咁啱個日負責4樓既ee係新嚟,所以唔識處理,話5月補番俾我...本來我都算,但我個仔星期六傾開佢話個日落3樓搵到個ee,亦都見到有飯係到,但那個人唔俾佢,聽完我都有小小嬲

跟住上星期收到5月既飯單同退飯卷,一睇得6日,我睇番日曆mark住退咗7日,咁未打電話佢問吓.....個女仔一句「係電腦紀錄唔會架架woo」,吓咁即係口同鼻"au"啦,佢話"係呀,冇辦法....我即刻火都嚟,問佢有冇攪錯,一次食到我個仔發燒(醫生話有菌),一次就冇飯食(佢即刻話「我聽到有唔同版本」我話「唔理你聽到咩版本,總之冇理由俾咗錢預咗個仔係學校有飯食,但居然會冇得食」,退飯又退小,你間咩公司嚟架,我以後唔想再訂la,你退番哂啲錢俾我啦

佢停咗一陣就話:「冇問題丫...你係張退飯單上面寫退回現金就得,而呢個月就會係派6月飯單時再退回退飯卷,同樣係上面寫退回現金就得」
仲好,基本上佢都唔想再食學校啲飯,次次都話只係食咗小小飯就算,有啲同學就搵豉油撈飯食

再睇5月份餐單根本選唔落

作者: kimami 時間: 10-5-25 01:01

原帖由 Lovely媽咪 於 10-4-19 05:38 PM 發表
俾間死人飯商激死....上星期三我個仔攞唔到飯食,我打去問點解,有人解釋番俾我聽話因為我地學校好多人食霸王飯,又咁啱個日負責4樓既ee係新嚟,所以唔識處理,話5月補番俾我...本來我都算,但我個仔星期六傾開佢話個日落3 ...

咁我而家明點解6月份唔可以再退飯啦，可以太多家長打上去退飯，

攪到佢哋亂晒都唔定。咁好心佢哋就要反省下啦，d飯盒咁難食，仲話好多人食霸王餐，真係規佢講得出口呀

我仔不知幾想唔訂飯盒，餐餐想我幫佢叫外賣呀，但係我又唔係成日去嗰頭食早餐架嘛，好難日日咁同佢叫外賣架嘛，

唉....真係煩啦~~~
咁妳而家咪日日都要幫妳仔叫飯食囉

作者: Lovely媽咪 時間: 10-5-25 10:24

原帖由 kimami 於 10-5-25 01:01 發表

咁我而家明點解6月份唔可以再退飯啦，可以太多家長打上去退飯，攪到佢哋亂晒都唔定。咁好心佢哋就要反省下啦，d飯盒咁難食，仲話好多人食霸王餐，真係規佢講得出口呀我仔不知幾想唔訂飯盒，餐餐想我幫佢 ...

唉...呢間咁既死人飯商

上星期都有家長打俾我話佢地唔收佢個女張餐單,話唔係訂哂成個月唔收woo,咁個家長咪打去問囉,佢地話係老師開會覺得如果個個訂既日數唔同會好麻煩woo,所以決定6月開始一定要訂足先收,如果邊日唔食可以打去退飯.....都唔知關老師咩事,依家食飯都冇老師睇住架啦

跟住個家長話:「我已俾咗錢,同埋啲飯真係好難食,咁個小朋友真係唔肯食足咁多日,冇理由迫佢地日日食架!」跟住佢地就叫個家長照交

但最大問題係退飯只係靠我地朝早打電話去講,冇憑據,好似我3月明明退咗7日,但佢地一句話紀錄得6月,咁可以點:;pppp:
仲有最過份係今個月佢地退番4月既飯卷俾我,咁我係上面mark住"請退回現金"因之前已同佢地講好,但居然啲人唔肯收,話要9月先退woo,我同個仔講叫佢今日再交,如果唔收就同佢地講我會直接交俾校長,有冇攪錯,3月俾咗錢,要我等到9月先退錢,都痴痴地,嬲嬲地去消費者委員會投訴

依家一星期有2日就帶飯(只可以炒飯or炒粉麵),因為真係keep唔到咁耐,有一日就有個媽咪幫我買"痴"飯俾佢,另外2日就叫外賣....
如果下年都仲係呢間都唔知點捱,其實依家都辛苦,因為個飯壺都唔輕, 有時行行吓唔記得買飯又要行番轉頭

作者: kimami 時間: 10-5-25 16:02

原帖由 Lovely媽咪 於 10-5-25 10:24 AM 發表

唉...呢間咁既死人飯商上星期都有家長打俾我話佢地唔收佢個女張餐單,話唔係訂哂成個月唔收woo,咁個家長咪打去問囉,佢地話係老師開會覺得如果個個訂既日數唔同會好麻煩woo,所以決定6月開始一定要訂足先收, ...

即係仲可以退飯啦, 不過都已經訂咗6月飯喇, 因為真係冇可能日日咁同佢叫外賣, 而且6月份餐單冇5月份咁難頂, 起碼唔會兩款飯都係喬麥飯又或者紅飯之類。唉...都唔知幾時捱過呢年呢?

唔知d老師係咪會食呢d咁健康飯啦

作者: Lovely媽咪 時間: 10-5-28 15:09

噚日終於衰咗,唔記得叫外賣俾個仔

雖然最終都搵到人幫我買,但佢已經唔夠時間食lu

救命呀,究竟幾時先可以俾番一間啲飯食得落口/服務態度好既飯商呀

作者: kimami 時間: 10-5-28 16:51

原帖由 Lovely媽咪 於 10-5-28 03:09 PM 發表
噚日終於衰咗,唔記得叫外賣俾個仔雖然最終都搵到人幫我買,但佢已經唔夠時間食lu
救命呀,究竟幾時先可以俾番一間啲飯食得落口/服務態度好既飯商呀 ...

其實聽妳講，應該唔少家長同學生唔滿意呢間飯商架，都應該好多家長都有同學校反映架，點解學校冇出通告回應嘅??? 我都好想快d有個我仔滿意嘅飯商，因為都係佢食嘅啫。唉.....

作者: Lovely媽咪 時間: 10-5-31 10:18

原帖由 kimami 於 10-5-28 16:51 發表

其實聽妳講，應該唔少家長同學生唔滿意呢間飯商架，都應該好多家長都有同學校反映架，點解學校冇出通告回應嘅??? 我都好想快d有個我仔滿意嘅飯商，因為都係佢食嘅啫。唉..... ...

唉...我都想知點解

有人話有午膳義工試食過話冇問題WOO.....又話叫我地唔好只係信小朋友講woo....又話其實我地都可以返學校試食,話中央咪成日都有叫小朋友如果家長想試食可登記,但我問咗好多小朋友都聽唔到囉........我話有眼睇都發覺越嚟越多外賣袋/吉野家外賣/亦多咗家長送飯,個飯商都唔會檢討吓究竟出咗咩問題,點知答案係:飯商話可能我地學校啲小朋友唔鐘意食紅米/糙米,所以話唔好食囉.....
算啦,我都真係無話可說,負責既人都話冇問題(佢地多數都係帶飯俾小朋友食,緊係冇問題啦:;pppp: ),我地呢啲小角色可以講咩丫...

作者: kimami 時間: 10-5-31 16:31

原帖由 Lovely媽咪 於 10-5-31 10:18 AM 發表

唉...我都想知點解有人話有午膳義工試食過話冇問題WOO.....又話叫我地唔好只係信小朋友講woo....又話其實我地都可以返學校試食,話中央咪成日都有叫小朋友如果家長想試食可登記,但我問咗好多小朋友都聽唔 ...

唔鐘意食紅米/糙米就一定架喇，而家好少小朋友屋企係食開呢d飯架嘛，而且我仔同我講唔只係d紅米/糙米難食，連d餸都好難食喎，不過我估可能d餸係淡口d，所以佢覺得難食卦。不過終之一句食飯嗰個係佢哋又唔係我哋d家長，其實係叫d學生投標好食定唔好食仲好啦，叫家長去試食把鬼咩。其實家教會可唔可以舉辦一個學生投標，跟住將個結果公開，如果真係大多數學生都係話唔好食，咁學校就冇嘢好講啦卦。

作者: queeniekwang 時間: 10-6-8 18:22

提示: 作者被禁止或刪除內容自動屏蔽

作者: queeniekwang 時間: 10-6-8 19:48

提示: 作者被禁止或刪除內容自動屏蔽

作者: solomon-mama 時間: 10-6-8 20:43

提示: 作者被禁止或刪除內容自動屏蔽

作者: solomon-mama 時間: 10-6-8 20:44

提示: 作者被禁止或刪除內容自動屏蔽

作者: Lovely媽咪 時間: 10-6-9 10:19

原帖由 solomon-mama 於 10-6-8 20:44 發表
試問做得午膳ee的,都是lunch得閒,為何要訂餐呢?
如果我得閒就帶飯俾小朋友食, 否則, 只有叫外賣．
我知d餸係淡口, 好清, 賣相不吸引, 勝在無味精, 保溫夠熱, 唔食的話, 星一三五訂餐的都有一個水果, 有得醫下肚好過無. ...
以我所知氣水, 飲品, 唔得, 後來, 連單單一個m包都話唔得,
提醒大家,叫外賣，最好用個環保袋再袋, 遮掩吓好

汽水好早已講咗一定唔得,只可以飲水,呢樣絕對冇問題.M記就更加,因為真係唔應該食咁多..........生果就算你冇訂餐,如果有小朋友問都一定會俾,唔通明知佢根本唔會食盒飯或只用豉油送飯(啲餸唔食),為咗可以有生果食就訂,咁個生果就貴la...........
"提醒大家,叫外賣，最好用個環保袋再袋, 遮掩吓好"---點解要遮掩?如果啲飯食得落邊個想叫外賣

或者啲飯真係冇問題,只係啲小朋友食厭咗,所以話唔好食

但既然明知有呢個問題,仲係由2月已開始,點解仲一定要捱到學期尾,要等到下年先可以轉款?唔通一開學已set哂一年既餐單?又可能有人覺得唔可以就佢地,食呢啲先健康,但健康有營養都可以整得好食,唔落味精唔代表冇味道?間唔中食一次半次緊係覺得好味,但問心自己有時lunch都唔想食飯,想食吓粉麵之類,但佢地就冇得選擇,一定要食飯?俾$16.5只食2啖白飯的人多的是,因為佢地知道一放學媽咪會買嘢俾佢食,返到屋企可以搵嘢食

既然唔改,咪自己改囉,有時朝早整飯俾佢帶,個飯壺係會重啲,但真係會食得哂.有時就返工前叫定粉麵外賣.
依家只希望下年真係會好啲,因為長遠咁樣都真係好辛苦,特別我地要返工既,有時好驚唔記得幫佢叫定外賣,攪到佢冇得食

作者: solomon-mama 時間: 10-6-9 10:42

提示: 作者被禁止或刪除內容自動屏蔽

作者: forever_mum 時間: 10-6-9 23:32

家教會主席的小朋友都唔食.

一個星期有三,四日都是食紅米/糙米/喬麥/粟米，而且我做睇飯ee,我都覺得好難食，
其實好浪費,小朋友跟本唔吃.
只是大人(家長)認為健康.但唔吃何來健康呢?

家教會主席

要好想一想.

作者: kimami 時間: 10-6-10 01:43

原帖由 forever_mum 於 10-6-9 11:32 PM 發表
家教會主席的小朋友都唔食.

一個星期有三,四日都是食紅米/糙米/喬麥/粟米，而且我做睇飯ee,我都覺得好難食，
其實好浪費,小朋友跟本唔吃.
只是大人(家長)認為健康.但唔吃何來健康呢?

家教會主席要 ...

我認同妳講嗰句"唔吃何來健康呢?"

我都認同紅米飯/糙米飯/喬麥飯/粟米飯係健康飯, 不過講真句我除咗粟米飯我會食之外, 其他飯我一定唔會食囉, 咁試想下我仔又點會食呀???我知學校想d學生做個健康嘅學生, 所以就同d學生安排呢d飯餐, 不過我覺得轉變得太大啦, 一轉就轉普通白米飯改紅米飯/糙米飯/喬麥飯/粟米飯, d學生真係好難去適應架嘛, 漸少去變係咪會好d呢???

作者: Lovely媽咪 時間: 10-6-11 10:49

原帖由 forever_mum 於 10-6-9 23:32 發表
家教會主席的小朋友都唔食.

一個星期有三,四日都是食紅米/糙米/喬麥/粟米，而且我做睇飯ee,我都覺得好難食，
其實好浪費,小朋友跟本唔吃.
只是大人(家長)認為健康.但唔吃何來健康呢?

家教會主席要 ...

所以下年都要繼續食呢間囉

睇完張通告就更加"無話可說"...因為佢地話會改善WOO(改為1款飯+1款粉/麵選擇)...因為佢地服務態度好(對住負責既老師同家長咪好囉).....因為佢地有營養師監督(但就冇監督啲味道同配搭).....因為佢地唔加價(荃灣區間間既午膳都係呢個價錢,佢地可以加咩?)
算啦,希望下年真係會有改善

,鬼叫要返工又冇工人可以日日攞飯俾佢咩...

歡迎光臨教育王國 (/)