教育王國

標題: 亞仔話好悶 [打印本頁]

作者: SZE_SZE 時間: 09-9-3 16:43 標題: 亞仔話好悶

開學幾日,昨晚亞仔話我知學校好悶,佢話得自己一個人,我叫佢去識下d新同學,點知今日佢話有d唔開心,身為亞媽都唔知點算好.

作者: maymayyu 時間: 09-9-3 16:52

我個女都話好悶......

我問佢上堂做過D咩?
佢話:[咪點名/派通告囉]
我再問仲有呢?
佢話:[冇啦!全部時間都坐喺個位度,冇野做~]

作者: SZE_SZE 時間: 09-9-3 16:54

亞仔都係咁講,但佢話小息自己一個仲悶.

作者: 小蜜蜂BB 時間: 09-9-3 18:58

剛剛上學係咁，遲Ｄ同Ｄ同學仔熟就會好鍾意返學

作者: SZE_SZE 時間: 09-9-3 21:57

希望係咁啦,所以我都成日安慰佢.

作者: 臣媽 時間: 09-9-4 08:35

我個仔就幾開心喎, 不嬲佢都係比較主動識朋友, 所以就冇話悶...

原來呢兩日喺學校會有d活動, 比老師認識一下小朋友, 以便第日教學作出準備, 例如, 今日就要交一張圖畫番去嘞

作者: 樂B媽媽 時間: 09-9-4 09:34

鼓勵佢哋試吓主動認識新朋友，大家都係小朋友好容易做到friend嫁

我嗰女話番學就好開心，因為佢好主動同埋唔怕醜，又識到新朋友，但係放學搭校車就比高年班D男同學蝦，連續兩曰啦，所以佢尋曰喊得好犀厲呀，

佢問點解幼稚園D小朋友細個仲乖過大個果D哥哥嫁???? 唉, 係唔係大個咗嘅小學生就鍾意"大蝦細"嫁呢?? 所以我叫校車姨姨幫我分隔呢班"大蝦細"

作者: SZE_SZE 時間: 09-9-4 09:40

我叫佢識下其他同學,最弊係尋日同個同學仔一齊,佢話同學仔個'朋友'叫佢走開,攪到佢唔開心.

作者: Emily_Wah 時間: 09-9-4 11:14

原帖由臣媽於 09-9-4 08:35 發表
我個仔就幾開心喎, 不嬲佢都係比較主動識朋友, 所以就冇話悶...

原來呢兩日喺學校會有d活動, 比老師認識一下小朋友, 以便第日教學作出準備, 例如, 今日就要交一張圖畫番去嘞 ...

臣媽~你仔仔好似同我女女一班?(1D)~乜要交圖畫咩?
點解我個女冇講~

仲有我想問你地小朋友呢2日有冇手冊?唔知係咪老師收起左???

作者: Emily_Wah 時間: 09-9-4 11:16

原帖由 SZE_SZE 於 09-9-4 09:40 發表
我叫佢識下其他同學,最弊係尋日同個同學仔一齊,佢話同學仔個'朋友'叫佢走開,攪到佢唔開心.

唔駛咁擔心~小朋友既圈子好得意~今日唔彩你~聽日又會同你玩~你仔仔一定好快識到新朋友~

作者: 小B媽咪 時間: 09-9-4 11:44

我仔仔都有咁ｏ既情況，上年開學，佢啲老友記分咗佢第二班，初初幾日佢小息都係自己一個人（例如食下小食，睇下人哋玩．．．）當老師分咗組後，佢自然就會有佢個圈子ｏ架啦！唔好咁担啦！

小朋友由幼稚園上到小學，係一個好大ｏ既轉變，你要比多啲正能量佢啦！"你今日Cheer咗未呀？”

原帖由 SZE_SZE 於 09-9-4 09:40 發表
我叫佢識下其他同學,最弊係尋日同個同學仔一齊,佢話同學仔個'朋友'叫佢走開,攪到佢唔開心.

作者: SZE_SZE 時間: 09-9-4 11:55

多謝你的鼓勵,希望今日會聽到佢話係學校好開心啦!

作者: tszkiuma 時間: 09-9-4 12:15

我仔都無講要交圖畫喎

手冊老師收左呀 , 好似要交俾校長檢閱喎 , 所以哩兩日都無手冊派返黎 ... 琴日新增左張體溫表放左係名卡後面, 你地有無留意呀 , 我仔無同我講 , 我都係八掛望下才知咋

原帖由 Emily_Wah 於 09-9-4 11:14 發表

臣媽~你仔仔好似同我女女一班?(1D)~乜要交圖畫咩?
點解我個女冇講~
仲有我想問你地小朋友呢2日有冇手冊?唔知係咪老師收起左???

作者: Emily_Wah 時間: 09-9-4 12:19

原帖由 tszkiuma 於 09-9-4 12:15 發表
我仔都無講要交圖畫喎
手冊老師收左呀 , 好似要交俾校長檢閱喎 , 所以哩兩日都無手冊派返黎 ... 琴日新增左張體溫表放左係名卡後面, 你地有無留意呀 , 我仔無同我講 , 我都係八掛望下才知咋
...

係呀~我女都有講體溫表係名卡後面~你仔仔搭幾號校車放學???唔知係咪同我女一架~4號~

作者: tszkiuma 時間: 09-9-4 12:22

臣媽 , 你個仔可唔可以主動識下我仔呀 , 我仔好中意埋女仔堆

, 我想佢多番D陽氣 , 唔好成個女仔咁嬌聲嬌氣

原帖由臣媽於 09-9-4 08:35 發表
我個仔就幾開心喎, 不嬲佢都係比較主動識朋友, 所以就冇話悶...

原來呢兩日喺學校會有d活動, 比老師認識一下小朋友, 以便第日教學作出準備, 例如, 今日就要交一張圖畫番去嘞 ...

作者: lotto 時間: 09-9-4 22:47

原帖由 樂B媽媽 於 09-9-4 09:34 發表
鼓勵佢哋試吓主動認識新朋友，大家都係小朋友好容易做到friend嫁

我嗰女話番學就好開心，因為佢好主動同埋唔怕醜，又識到新朋友，但係放學搭校車就比高年班D男同學蝦，連續兩曰啦，所以佢尋曰喊得好犀厲呀，佢問點解幼稚 ...

佢搭幾多號校巴? 點蝦你個女? 亞女話見到校車內/在校等上校車前有男同學打架....

作者: tinbaby 時間: 09-9-5 09:18

Hi 我仔1E班架，３／９果日佢話老師派ｏ左張圖（海豚）比佢地在上堂時塗色，然後交番比老師，唔知你果班係咪一樣︿︿

至於手冊就有Ｄ唔同，仔仔連續３日都有帶番黎叫我地睇，３日都寫Ｏ左要做ｏ既野如體溫要寫在體溫卡、交回條、通告、下星期３：３０放學、朗誦比賽報名表、填色比賽等等，不過我唔係好明佢寫＂不用帶書本＂係指下星期一一日定係全個星期？？

原帖由 tszkiuma 於 09-9-4 12:15 發表
我仔都無講要交圖畫喎
手冊老師收左呀 , 好似要交俾校長檢閱喎 , 所以哩兩日都無手冊派返黎 ... 琴日新增左張體溫表放左係名卡後面, 你地有無留意呀 , 我仔無同我講 , 我都係八掛望下才知咋
...

作者: budbud1 時間: 09-9-5 10:26

tinbaby,

我仔也是E班﹐ 和妳仔一樣。

而不用帶書是指[中文]課本。呀仔重話老師講[十月]前都不用帶(這個我就唔知是不是)。下次放學都要自己問問老師了。

原帖由 tinbaby 於 09-9-5 09:18 發表
Hi 我仔1E班架，３／９果日佢話老師派ｏ左張圖（海豚）比佢地在上堂時塗色，然後交番比老師，唔知你果班係咪一樣︿︿

至於手冊就有Ｄ唔同，仔仔連續３日都有帶番黎叫我地睇，３日都寫Ｏ左要做ｏ既野如體溫要寫在體溫卡、交回條、通告、下星期３：３０放學、朗誦 ...

作者: 臣媽 時間: 09-9-5 11:21

佢地喺學校已經畫緊, 可能佢一早畫好咗咪收咗囉

本手册琴日放學派番嘞, 仲見到校長同班主任的簽名添

你見唔見佢地學寫家課日誌呀, 不過冇功課...

原帖由 Emily_Wah 於 09-9-4 11:14 發表

臣媽~你仔仔好似同我女女一班?(1D)~乜要交圖畫咩?
點解我個女冇講~
仲有我想問你地小朋友呢2日有冇手冊?唔知係咪老師收起左???

作者: 臣媽 時間: 09-9-5 11:24

咁你個仔叫乜野名呀, 佢地可能喺學校做英文名喎, 我個仔叫Addison呀, 全班最細粒果個

原帖由 tszkiuma 於 09-9-4 12:22 發表
臣媽 , 你個仔可唔可以主動識下我仔呀 , 我仔好中意埋女仔堆 , 我想佢多番D陽氣 , 唔好成個女仔咁嬌聲嬌氣

作者: tszkiuma 時間: 09-9-5 11:48

我仔頭兩日放學係4A車 , 之後車公司打俾我話改為5號車 ...

原帖由 Emily_Wah 於 09-9-4 12:19 發表

係呀~我女都有講體溫表係名卡後面~你仔仔搭幾號校車放學???唔知係咪同我女一架~4號~

作者: tszkiuma 時間: 09-9-5 11:54

琴晚終於拎左圖畫返黎啦 , 共有兩幅 , 海豚仲未塗完色 , 另一張有士多卑梨的就塗完 ... 手冊都帶埋番黎 , 我都聽阿仔話有朗誦比賽 , 不過佢話佢唔參加喎

, 知唔知係中文定英文朗誦 ? 幾時比賽 ? 我又唔見有通告講哩件事喎

原帖由 tinbaby 於 09-9-5 09:18 發表
Hi 我仔1E班架，３／９果日佢話老師派ｏ左張圖（海豚）比佢地在上堂時塗色，然後交番比老師，唔知你果班係咪一樣︿︿

至於手冊就有Ｄ唔同，仔仔連續３日都有帶番黎叫我地睇，３日都寫Ｏ左要做ｏ既野如體溫要寫在體溫卡、交回條、通告、下星期３：３０放學、朗誦 ...

作者: tszkiuma 時間: 09-9-5 11:58

我仔叫 Zeki 呀 , 佢係男仔隊伍好似排倒數第二/三 , 算係比較高果個 , 我問下阿仔知唔知邊個係Addison 先

原帖由臣媽於 09-9-5 11:24 發表
咁你個仔叫乜野名呀, 佢地可能喺學校做英文名喎, 我個仔叫Addison呀, 全班最細粒果個

作者: Emily_Wah 時間: 09-9-5 16:01

我女知道邊個係Addison呀~

個朗誦比賽係咪就咁話比老師聽參唔參加???

定寫係手冊度等老師知道?

歡迎光臨教育王國 (/)