教育王國
標題: 各位特殊障礙小朋友既媽咪,開學順利嘛? [打印本頁]
作者: ~仔仔媽咪~ 時間: 09-9-3 14:00 標題: 各位特殊障礙小朋友既媽咪,開學順利嘛?
我仔今年似乎又再次碰上惡魔班主任...暫時還未有機會同這位新班主任溝通傾談,但經今日一役後,我已'甘敗下風'...無言... 
作者: 我係女仔 時間: 09-9-3 14:02
原帖由 ~仔仔媽咪~ 於 09-9-3 14:00 發表 
我仔今年似乎又再次碰上惡魔班主任...暫時還未有機會同這位新班主任溝通傾談,但經今日一役後,我已'甘敗下風'...無言... ...
小朋友讀邊間呀
作者: kikiboy 時間: 09-9-3 15:56
原帖由 ~仔仔媽咪~ 於 09-9-3 14:00 發表
我仔今年似乎又再次碰上惡魔班主任...暫時還未有機會同這位新班主任溝通傾談,但經今日一役後,我已'甘敗下風'...無言... ...
我睇到你“呻”個TOPIC. 我個仔出年讀小學咯, 都有D擔心佢唔知適唔適應到, 呢排就煩緊同佢選小學D嘢.
作者: ~仔仔媽咪~ 時間: 09-9-3 15:59
原帖由 我係女仔 於 09-9-3 14:02 發表
小朋友讀邊間呀
讀邊間就唔方便講喇,咁講真間間學校都有好老師同唔太好既老師既...
作者: ~仔仔媽咪~ 時間: 09-9-3 16:00
原帖由 kikiboy 於 09-9-3 15:56 發表
我睇到你“呻”個TOPIC. 我個仔出年讀小學咯, 都有D擔心佢唔知適唔適應到, 呢排就煩緊同佢選小學D嘢.
查實揀咩學校都好,至緊要你囝囝無打人發脾氣呢d野,相信都會平安渡過...查實d學校最怕係俾人投訴啫.偏偏我仔就係成日俾人投訴嗰位黎...
作者: kikiboy 時間: 09-9-3 17:23
原帖由 ~仔仔媽咪~ 於 09-9-3 16:00 發表
查實揀咩學校都好,至緊要你囝囝無打人發脾氣呢d野,相信都會平安渡過...查實d學校最怕係俾人投訴啫.偏偏我仔就係成日俾人投訴嗰位黎...
就唔係太擔心打人發脾嘅, 不過我同幼稚園老師都擔心佢會比人蝦咋, 言語方面都仲係幾論盡.
作者: ~仔仔媽咪~ 時間: 09-9-3 18:06
原帖由 kikiboy 於 09-9-3 17:23 發表
就唔係太擔心打人發脾嘅, 不過我同幼稚園老師都擔心佢會比人蝦咋, 言語方面都仲係幾論盡.
查實幫我地班小朋友揀學校都係好睇間學校願唔願意去教去幫我地呢類小朋友囉.佢地有資源有心去幫去支援我地班仔,實情已經好夠,至緊要D老師同校長願意同家長去溝通去合作,咁就真係PERFECT,否則D老師下下一見到家長走埋黎就閃唔肯傾半句,就算間學校出名定係名校都係無用,就好似我朋友咁,佢仔間學校都唔差架(名聲),但個校長日日一見到個媽就再三強調佢間學校係唔歡迎亦唔願意教我地呢類小朋友,嗰句野真係好傷人囉.
作者: sharon26788 時間: 09-9-3 22:35
但個校長日日一見到個媽就再三強調佢間學校係唔歡迎亦唔願意教我地呢類小朋友
咁佢地點解要收呢類小朋友,浪費資源不特止,仲浪費左家長和小朋友既時間
作者: ~仔仔媽咪~ 時間: 09-9-3 23:22
原帖由 sharon26788 於 09-9-3 22:35 發表
但個校長日日一見到個媽就再三強調佢間學校係唔歡迎亦唔願意教我地呢類小朋友
咁佢地點解要收呢類小朋友,浪費資源不特止,仲浪費左家長和小朋友既時間 ...
佢派位派入去架...所以都好無計...
作者: 我係女仔 時間: 09-9-4 02:08
咩唔咪自己揀既咩?
作者: kikiboy 時間: 09-9-4 09:36
原帖由 我係女仔 於 09-9-4 02:08 發表
咩唔咪自己揀既咩?
你小朋友係咪仲細呢? 可能你未了解小學收生情況, 私立/直資自己考, 官校/津校攬珠派位.
作者: MARSTEN 時間: 09-9-4 12:47
唔係馬,咁有無叫個校長食蕉呀~
咩叫做有教無類呀,你問下佢ar....
原帖由 ~仔仔媽咪~ 於 09-9-3 18:06 發表
查實幫我地班小朋友揀學校都係好睇間學校願唔願意去教去幫我地呢類小朋友囉.佢地有資源有心去幫去支援我地班仔,實情已經好夠,至緊要D老師同校長願意同家長去溝通去合作,咁就真係PERFECT,否則D老師下下一見到家長走 ...
作者: MARSTEN 時間: 09-9-4 12:49
好想問下果位小朋友選校既時候有無選"特殊需要"果欄呀?如果有真係可以去告果間學校架
原帖由 sharon26788 於 09-9-3 22:35 發表
但個校長日日一見到個媽就再三強調佢間學校係唔歡迎亦唔願意教我地呢類小朋友
咁佢地點解要收呢類小朋友,浪費資源不特止,仲浪費左家長和小朋友既時間 ...
作者: MARSTEN 時間: 09-9-4 12:55
全部都係你自己揀既
第一輪你自己選一間第一想入既學校,自行入紙,全部係計分既,即係列如:你係咪教友....有無父母係度讀...同區...適齡..之類,收唔收視乎學校
第二輪都係你自己選,好似你細時選學校咁,第一志願...第二志願....然後你獲發一個no.要黎大抽獎
你入呢度了解多d啦
http://www.edb.gov.hk/index.aspx?nodeID=1497&langno=2
原帖由 我係女仔 於 09-9-4 02:08 發表
咩唔咪自己揀既咩?
作者: ~仔仔媽咪~ 時間: 09-9-4 15:13
原帖由 MARSTEN 於 09-9-4 12:49 發表
好想問下果位小朋友選校既時候有無選"特殊需要"果欄呀?如果有真係可以去告果間學校架
呢層我又無問到呀...等我有機會問問我朋友先.
作者: ~仔仔媽咪~ 時間: 09-9-4 15:47
今日終於有機會同我仔個新班主任傾偈喇~!佢同我講解番佢既教育理念,佢講到明佢會對我仔嚴格同有要求,同埋都解釋又講咗好多野令我明白,所以我都安心咗好多,我亦叫我仔要相信老師,今年要做番D成績出黎囉.
同埋之後都同另一位老師傾偈,佢都話我仔今年個班主任係個好老師,雖則真係出名嚴格,但佢係好肯好主動同家長溝通&合作架.聽埋呢位老師既評語,我都安心咗好多~~~希望今年順順利利,我同個仔都生生性性努力加油啦!!!
作者: 我係女仔 時間: 09-9-4 17:56
原帖由 MARSTEN 於 09-9-4 12:55 發表
全部都係你自己揀既
第一輪你自己選一間第一想入既學校,自行入紙,全部係計分既,即係列如:你係咪教友....有無父母係度讀...同區...適齡..之類,收唔收視乎學校
第二輪都係你自己選,好似你細時選學校咁,第一志願...第 ...
下, 咩揀學校都有呢d既咩? 咁似小一揀學位既, 我個仔而家17個月大
作者: MARSTEN 時間: 09-9-4 20:01
佢地講緊係小學呀~
幼稚園梗係自己考啦~不過而家好多都無咩野考,最緊要睇小朋友會唔會攪破壞同有攻擊性,果d通常都唔收
原帖由 我係女仔 於 09-9-4 17:56 發表
下, 咩揀學校都有呢d既咩? 咁似小一揀學位既, 我個仔而家17個月大
作者: ~仔仔媽咪~ 時間: 09-9-5 00:11
原帖由 MARSTEN 於 09-9-4 20:01 發表
佢地講緊係小學呀~
幼稚園梗係自己考啦~不過而家好多都無咩野考,最緊要睇小朋友會唔會攪破壞同有攻擊性,果d通常都唔收
我仔咪中哂囉...佢間學校仲無放棄佢,我已經執番身彩.
作者: 我係女仔 時間: 09-9-5 02:03
我個仔成日都會攪破壞, 掉野落地, 但佢唔識推人同撞人
我試過蚊佢耳仔, 打佢一野, 佢都無反應, 都唔知咩事
作者: MARSTEN 時間: 09-9-5 13:27
咁有無成日見家長俾壓力你呢?? 真係好難受架
原帖由 ~仔仔媽咪~ 於 09-9-5 00:11 發表
我仔咪中哂囉...佢間學校仲無放棄佢,我已經執番身彩.
作者: MARSTEN 時間: 09-9-5 13:30
我個仔以前俾表弟"拗"一啖都唔識反抗,而家好左好多啦,識發圍....haha
原帖由 我係女仔 於 09-9-5 02:03 發表
我個仔成日都會攪破壞, 掉野落地, 但佢唔識推人同撞人
我試過蚊佢耳仔, 打佢一野, 佢都無反應, 都唔知咩事
作者: ~仔仔媽咪~ 時間: 09-9-5 14:13
原帖由 MARSTEN 於 09-9-5 13:27 發表
咁有無成日見家長俾壓力你呢?? 真係好難受架
咁反而又無喎,我係同D班主任同老師幾啱傾,大家好似傾偈咁,就算小二嗰位衰班主任,雖則我同佢傾唔埋,但佢都係好似報告形式一輪咀UP完我仔嗰堆野,跟住就next(下一位),所以暫時都無俾咩壓力我既...可能就係噚日同我傾偈既MISS所言,學校老師好知我仔好緊張我,我講一句話更勝學校老師同我仔講百句話,所以佢地無形中唔敢打低我,點都俾我仲有意志去自己教好個仔啩.
如果係俾壓力,都係小二個班主任囉!我人生第一次抑鬱都係因為呢個女人作怪...玩針對我同我仔,又唔願同我溝通,佢日日打黎投訴完我仔就即刻CUT我線,唔理我响電話度仲講緊野...仲有好多玩野招數...嗰年我同個仔真係比死更難受.不過噚日個老師都同我講番,話學校已經處理咗我呢件事(小二個班主任),學校已經'通知'哂全校所有主任,叫佢地唔可以咁樣對家長同學生,,,唔怪之得上年我仔小三,我有時遇到佢小二個班主任,佢都可以忽然對我勁有禮貌啦!一見到我就主動打招呼點頭微笑...所以噚日聽完個MISS講,我咩委屈都散哂.至少都知學校都仲係公正,而唔係只識偏幫學校同老師啦.
作者: ~仔仔媽咪~ 時間: 09-9-5 14:16
原帖由 我係女仔 於 09-9-5 02:03 發表
我個仔成日都會攪破壞, 掉野落地, 但佢唔識推人同撞人
我試過蚊佢耳仔, 打佢一野, 佢都無反應, 都唔知咩事
你囝囝未夠兩歲,呢D行為又好平常噃,,,嗰時我睇育兒書話呢D成日推跌野整爛野既行為,實情係BB開始自我學習新知識既表現黎,佢推野掟野,實情係做實驗,聽下每件物件跌落地會有唔同既聲音同結果(爛成點...)...
咁當然呢D行為要阻止下啦,都要次次同佢講'no no'同佢講唔可以咁做,教埋佢應該點做,做多幾次應該會MIT得甩呢鋪癮架喇.
作者: ~仔仔媽咪~ 時間: 09-9-6 00:21
原帖由 77777 於 09-9-5 20:02 發表
仔仔媽咪,
好耐無同您傾計啦, 聽倒您今年個班主任係個好老師, 都登您開心呀....您爸爸有無好d呀?? 祝佢快d康復.....
我今年阿仔的班主任都係出名好好人架, 隔里班的同學仔都響度話我個仔好彩, 呢個係佢地舊年的 ...
大家咁話啦!都希望我地呢班仔今年番學個個都開開心心又順順利利.
我仔今年似乎都遇到好多好老師,噚日响教員室門外遇到我仔今年個數學亞sir,好似好NICE咁,勁鐘意佢既style,至少唔係嗰D板起塊面或者扮哂NICE嗰D黎啦!之後都聽另一位老師講話我仔今年除咗班主任係嚴格D外,其餘教我仔嗰D老師都係好NICE好識得同我地呢班仔相處既老師黎.所以我又信心大增.
不過班主任咁惡咁嚴(實情我唔太鐘意佢無笑容,勁COOL),我都有D壓力,我都怕我管個仔管得唔好,我仔又是欠功課或者其他,班主任又會覺得我唔教仔...希望我呢D壓力唔會搞到我反而仲做得差啦...希望我都可以做到成績出黎,個仔今年真係有大進步而唔係退步.
作者: siukei17 時間: 09-9-6 02:13
我仔仔今年都入k1啦...
好擔心....開學個朝緊張到又痾又嘔....
不過我同佢班主任講晒佢既問題...發展上既問題..行為上既問題....咁佢班主任話佢之前做過兼修老師...我唸佢handle到卦......
sofar到依家為止佢都係上堂大叫..訓地下....唔排隊...喱d問題....
希望老師幫到我教佢啦
作者: 12312 時間: 09-9-6 14:49
小兒小一都開學了, 暫時都算OK. 星期一就正正式式 返全日 & 在學校食飯了 , 1天有8堂課, 40分鐘1堂, 我好怕 阿仔都吾知掂吾掂.
仔仔媽咪 記吾記得我呀 ??
作者: ~仔仔媽咪~ 時間: 09-9-7 08:45
原帖由 siukei17 於 09-9-6 02:13 發表
我仔仔今年都入k1啦...
好擔心....開學個朝緊張到又痾又嘔....
不過我同佢班主任講晒佢既問題...發展上既問題..行為上既問題....咁佢班主任話佢之前做過兼修老師...我唸佢handle到卦......
sofar到依家為止佢都係 ...
慢慢黎啦,您囝囝咁細個而且又係啱啱番學,都需要多D時間俾佢慢慢適應架喇,至緊要佢學校老師同班主任肯主動幫/教佢,相信遲D佢會有改善.
嗰時我仔都係咁架,又尖叫又瞓地,我仔仲會打人,但又唔出聲唔講野又聽唔明人地講乜,日日番學都係坐响老師身邊,要老師好似看牛咁看實佢架.
作者: ~仔仔媽咪~ 時間: 09-9-7 08:54
原帖由 77777 於 09-9-6 14:03 發表
唔駛驚....有d老師雖然初時唔係太好笑容, 不過都要教落先知, 我初時都係好驚數學老師架, 佢初時都唔係成日笑, 不過原來佢係好鬼錫d學生唔罰人. 有時重好主動同我講個仔tim....呢d有時係要識落先知, 而其他人都話佢係 ...
都係既...頭先我打去學校搵班主任,佢係除咗講野COOL COOL地外,查實都幾有禮貌同幾幫我既...依家我自己個心都調節緊,將個班主任當成係我開中心嗰位朋友咁,因為我嗰位朋友响暑假度都對我仔好嚴格架,我諗我要先完全接受咗呢位班主任嗰一套,至可以同佢溝通到,否則我成日都凝住佢係我仔小二嗰個班主任style,我都好難同佢合作嘛.所以我都要先輔導一下自己先.
希望順利啦!
[ 本帖最後由 ~仔仔媽咪~ 於 09-9-7 10:55 編輯 ]
作者: ~仔仔媽咪~ 時間: 09-9-7 08:58
原帖由 12312 於 09-9-6 14:49 發表
小兒小一都開學了, 暫時都算OK. 星期一就正正式式 返全日 & 在學校食飯了 , 1天有8堂課, 40分鐘1堂, 我好怕 阿仔都吾知掂吾掂.
仔仔媽咪 記吾記得我呀 ?? ...
好耐無同你傾偈喇~~~近況如何?
諗番當年我仔升小一都係ON居居咁自己一個人坐咋...都係要多D時間俾佢適應囉...所以查實D小朋友都幾辛苦架,番學番咁耐時間,又同時要面對咁多人同事,我諗我地可以做既都係多D同佢地傾囉,得閒又醒番幾招做人道理俾佢地歎,等佢地覺得番學係理所當然既事,老師惡C都係因為鍚佢想佢變叻仔,所以先至咁嚴囉...同埋都係咁叫個仔一定要鍚住班老師,唔可以激親老師,我都係日日咁洗我仔腦咋...
作者: 12312 時間: 09-9-7 13:31 標題: 回覆 3# ~仔仔媽咪~ 的文章
阿仔在學校都已經開了file, 主任都見了2個, 暫時都算ok. 因阿仔還未有 讀書壓力, 遲些就吾知啦.
找個星期六 黎 tea 一tea 呀 ?
作者: 12312 時間: 09-9-7 13:32 標題: 回覆 3# ~仔仔媽咪~ 的文章
阿仔在學校都已經開了file, 主任都見了2個, 暫時都算ok. 因阿仔還未有 讀書壓力, 遲些就吾知啦.
找個星期六 黎 tea 一tea 呀 ?
作者: ~仔仔媽咪~ 時間: 09-9-7 13:45
原帖由 77777 於 09-9-7 11:32 發表
我個仔頭一個星期已經同我唔見一本書啦, 有時真係想打C佢, 我D EQ已經無晒啦.....激C我....
唔見咗學校D課本定係圖書館D圖書呀?我地呢班友仔個個都係失魂魚黎架!我仔都係成日唔見野架!><
作者: ~仔仔媽咪~ 時間: 09-9-7 13:46
原帖由 12312 於 09-9-7 13:32 發表
阿仔在學校都已經開了file, 主任都見了2個, 暫時都算ok. 因阿仔還未有 讀書壓力, 遲些就吾知啦.
找個星期六 黎 tea 一tea 呀 ?
係啦,慢慢黎啦~讀書呢家野真係唔急得...
好呀,搵個星期六tea吓啦~~^^
作者: 12312 時間: 09-9-7 13:47 標題: 回覆 4# ~仔仔媽咪~ 的文章
請問你屋企附近的 "社區中心"攪的興趣班 ok 嗎? 小兒只是玩過 暫托, 我想比佢玩下 興趣班 .(因近屋企呀)
作者: ~仔仔媽咪~ 時間: 09-9-7 14:51
原帖由 12312 於 09-9-7 13:47 發表
請問你屋企附近的 "社區中心"攪的興趣班 ok 嗎? 小兒只是玩過 暫托, 我想比佢玩下 興趣班 .(因近屋企呀)
你指我屋企樓下嗰間？我未參加過呀,但嗰間青少年中心平時都有好多小朋友去,暑假又有好多班開,我諗應該唔差既.
作者: ~仔仔媽咪~ 時間: 09-9-7 20:07
原帖由 77777 於 09-9-7 19:24 發表
係學校D課本.....我真係唔知重有成年讀點算......
呢幾日心情都真係麻麻咋.....好鬼忟....
relax~~~唔好咁炆啦,或者要個仔呢幾仔响屋企同學校搵番囉!我仔都係成日唔見書或者漏咗書本响學校度架,我次次都係兇佢要求佢一定要搵番出黎,我仔會驚到點都要搵番本書出黎俾我囉,同埋今年我都改咗方式要求佢,我日日都寫張紙貼响佢要黎夾通告既FILE面度,要求佢每日放學前要檢查同寫好手冊,同埋一定要清櫃筒,話唔可以留低任何野响學校,暫時我仔都OK,都肯做既...不如你又試下咁兇住佢,睇佢會唔會同你記响心度.
作者: jena2468 時間: 09-9-9 08:58
今年小六, 唔知咩原因小五班主任冇一齊升, 不過接手嘅班主任係以前未教過亞仔, 最初都好擔心, 但係同佢見過面後感覺唔錯, 老師有一本簿會將每日亞仔係學校做過嘅好野+衰野都寫落去, 我地就要簽閱 ! 老師話e+已經係六年班大個仔要訓練佢對自己有承擔, 所有好/唔好嘅野落左簿, 我地三方就要有責任面對 ! 睇黎老師真係希望幫下佢 !
作者: ~仔仔媽咪~ 時間: 09-9-9 09:40
原帖由 77777 於 09-9-8 22:17 發表
今日都係搵唔倒, 其實都預左, 阿仔今日又唔見通告, 明日無得交, 網上又咁岩download唔倒個張....又要找老師....
阿仔呢兩日有時派左d工作紙, 佢又唔知要做mud, 又唔知要幾時交, 又要同佢搵老師問.....不過通常唔係 ...
我仔咪又係咁,噚日先至唔見咗張通告咋~!今年佢班主任又咁嚴,我都兇我仔話:"你俾班主任鬧同罰唔關我事呀!",最後我都係上網PRINT番張通告出黎咋.
暫時我仔呢兩日都無咩功課做,老師又無鬧佢D咩,暫時都叫做風平浪靜啦,今日我都叫個仔一定要寫好手冊同帶齊課本功課番屋企,唔准留低任何野响學校,同埋我仔又係寫上課時間表寫到亂哂,淨係今日,佢响時間表度寫咗一日有四堂中文堂...一睇就知無可能啦,同埋一星期得一堂體育課,,,所以我都叫我仔今日小息拿拿臨搵同學抄番個啱既番黎...我都嘔嘔地血...
作者: ~仔仔媽咪~ 時間: 09-9-9 09:43
原帖由 jena2468 於 09-9-9 08:58 發表
今年小六, 唔知咩原因小五班主任冇一齊升, 不過接手嘅班主任係以前未教過亞仔, 最初都好擔心, 但係同佢見過面後感覺唔錯, 老師有一本簿會將每日亞仔係學校做過嘅好野+衰野都寫落去, 我地就要簽閱 ! 老師話e+已經係六 ...
都係好方法黎喎~!唔知我咁提議我仔個班主任,佢會唔會反對呢...你囝囝今年小六班主任真係幾有心,至少唔會好似有D老師咁,下下用"老師工作好忙""全校唔係淨係睇住你仔一個"為由而唔肯付出/唔肯做任何事黎幫我地呢班仔啦.所以我諗你都可以放心,至緊要老師有個心想同家長一齊合作,已經好好架喇.
作者: 珀珀,慧慧媽 時間: 09-9-9 09:46
唔好意思呀,想問下各位如何同班主任講自己小朋友d障礙呀??
我開學第一日同老師講我小朋友有讀寫障礙,不過未有report(因我讀私校要自己同政府拿report給學校),但老師只係話每個小朋友都有唔同,要遲d睇下我個小朋友有無特別需要先作安排喎
其實我想問妳哋d老師係會點同家長合作架??
另我個小朋友現在轉介去精神科睇adha架(這個未同老師講) 加上小朋友左耳又有小小聽障 點解好似所有唔好的事都發生在他身上似的
作者: Skywan 時間: 09-9-9 12:18
你千萬不要這样唸, 小朋友都會感到吾開心, 對你兩個都吾好!
回想當初未正實小朋友是 ADHD時, 老師經常投訴佢大部份同學又吾鐘意佢,因為我都吾知佢系ADHD日日返來都罰佢又鬧佢, 大家都吾開心壓力緊有。
后來正實佢有ADHD 后, 立刻同老師講, 希望”家校合作” 幫佢改善有關情況....
當然啦! 你吾好期望咁高, 因老師都系人, 所以個個老師反應都吾同架啦!
有些老師知道后會體諒你同你合作, 有些當然…依然故我啦!
不過準之講左好過無講。
作者: ~仔仔媽咪~ 時間: 09-9-9 12:48
原帖由 珀珀,慧慧媽 於 09-9-9 09:46 發表
唔好意思呀,想問下各位如何同班主任講自己小朋友d障礙呀??
我開學第一日同老師講我小朋友有讀寫障礙,不過未有report(因我讀私校要自己同政府拿report給學校),但老師只係話每個小朋友都有唔同,要遲d睇下我個小朋友有 ...
咁又唔好咁灰心住~講多問題我仔都唔少野架~!我仔有自閉傾向、言語發展遲緩、動作協調障礙、學習障礙、ADHD...
可能我仔好細個已經有自閉傾向問題,同埋我仔D脾氣差又成日打人,基本上唔駛我開聲講,D學校老師已經好知我仔有問題囉,嗰時我都係照講,正如治療師所言,你講出黎順便睇下間學校/老師有無心想教我仔呢類小朋友囉.
查實我地又唔可以對老師期望太多,始終老師咪又係人一個,佢仲要一個對住卅幾個學生,而且我地呢D小朋友隻隻款都唔同,咁都需要時間俾老師慢慢去適應同諗方法去幫囉.
查實最緊要係老師肯主動同家長溝通,大家一齊諗方法幫小朋友,呢樣如果老師做到,已經算係成功咗同埋係家校合作囉.
至於支援,多數都係安排言語治療師俾小朋友(如果佢言語上有問題既話),佢有學障讀寫困難,學校多數會安排佢默書測驗考試時有多D時間考,同埋考試多數會獨立咁考,等佢有番多D專注,如果佢有ADHD同埋有聽障問題,試下要求老師安排小朋友坐响最前面個位,等佢無咁易受其他人影响,可以專心上堂,同埋老師又會易D睇住佢囉.
同埋老師管教你小朋友都要配合番佢特殊問題,要賞罰分明,教既方法亦要變通一下,呢D就係好需要家校合作去多D溝通囉.大致上都係咁.
唔好咁擔心啦,要加油~~~有咩心事或者疑難可以隨時黎呢樹大家一齊傾一齊呻下架~~~學似我仔上年小三班主任咁話,我地呢班家長都需要地方去抖下氣同得到勵勉同支持架~!
作者: 珀珀,慧慧媽 時間: 09-9-11 08:56
仔仔媽咪,
多謝妳的鼓勵,我都希望學校可以同我哋合作多d溝通,可能係剛開學老師對我小朋友未了解啦~~
另想問下妳個小朋友去那裡做治療架,我想找一些治療比私小朋友希望有所改善呀~~
我個小朋友一開學就唔見了本作業啦 妳小朋友會唔會有這情形架,時常都係唔見這唔見那,又唔緊張自己d物品,返來後我仲緊張過他,唔知幾時先好d呢,有無一些方法可以改善一下架~~
對唔住,太多問題了如妳覺得我很煩可以不理
作者: ~仔仔媽咪~ 時間: 09-9-11 10:38
原帖由 珀珀,慧慧媽 於 09-9-11 08:56 發表
仔仔媽咪,
多謝妳的鼓勵,我都希望學校可以同我哋合作多d溝通,可能係剛開學老師對我小朋友未了解啦~~
另想問下妳個小朋友去那裡做治療架,我想找一些治療比私小朋友希望有所改善呀~~
我個小朋友一開學就唔見了本作業啦 ...
傻啦~咪亂諗,我好鐘意同人傾囝囝呢D問題架...始終我地班小朋友係非一般細路,有時你同出面既人講,人地又唔會明囉.呢樣我都好理解.
我仔都係咁架!成日唔見野,同埋佢之前書包亂到好似個垃圾桶咁,永遠唔識得將D通告工作紙呢D一張張既紙擺好,D書又東歪西斜,D千年垃圾同通告又會藏哂响書包底同暗格度...又成日唔見哂D筆同擦膠,甚至連筆袋都唔見埋...
我今年開始硬性要求佢一定要執好書包,原本我早幾年都係用A4文件袋俾佢擺通告同工作紙,但發現佢真係唔識得好好地ZIP D紙入去,所以今年我都係買咗個file係用夾既形式黎擺文件既,仲要用F4 size嗰隻,等個仔唔會夾得唔好D通告會出哂界整爛囉.
同埋又係唔再俾佢用筆袋,因為佢真係跌咗都唔知,又好易扎咗响書包底,呢次我就買個大大個筆盒,四四方方又係硬盒黎,依家個仔總算無唔見個筆盒,開咗學咁耐,噚日至自首同我講話佢唔見咗舊擦膠...咋...
同埋我都要求個仔每日放學前一定要清櫃筒,唔可以留任何物品同書本响學校,要佢執靚個書包同埋寫齊手冊至準放學,呢幾日我放學都要同佢檢查手冊甚至的番佢上課室度double check多次寫齊手冊未,至准佢離開學校.暫時都可以控制到佢既...佢書包都仲整齊囉.
我仔依家係無去私家度做治療,始終我又無得番工,無咁既經濟能力俾到佢去學其他野或做任何出面既訓練,我都係自己DIY咁訓練個仔咋.以前我仔就有去一間治療師度做治療,如果你需要既,你可以PM你個EMAIL 俾我,我再send俾你啦.
作者: 珀珀,慧慧媽 時間: 09-9-11 11:24
仔仔媽咪,
妳都好是全職媽,我係在職媽來的,所以比較辛苦
想問下妳的DIY訓練是什麼來的,可否交流一下
作者: ~仔仔媽咪~ 時間: 09-9-11 13:40
原帖由 珀珀,慧慧媽 於 09-9-11 11:24 發表
仔仔媽咪,
妳都好是全職媽,我係在職媽來的,所以比較辛苦
想問下妳的DIY訓練是什麼來的,可否交流一下
我都係無番工一年左右,無計,都要自己親自睇實個仔囉,再加上我爸身體唔好,所以都無可能交個孫俾佢湊.
DIY意思係靠自己咁解,即係所有訓練所有方法都靠自己落手落腳去做去諗囉.
作者: MARSTEN 時間: 09-9-11 22:03
你地既小朋友係咪有file,入第一輪填埋有特殊需要架??咁學校第一輪收定大抽獎先入到呢?? 我而家煩緊仔仔選小一既野,因為佢global delay,而家都成日要人幫呢幫路,但係佢唔會打人亦唔會發脾氣
今日去開放日,有家長問佢地會唔會收呢類小朋友,而家d學校有d唔係好想俾其他家長知,一有呢類問題就草草答完就算,佢話:"政府派到黎我地無理由唔收",咁即係第一輪佢唔會收係咪?? 佢間每班得十幾人咋~ 不過我覺得呢間學校好好,但對佢地無咩支援呢類小朋友而有少少扣分
作者: ~仔仔媽咪~ 時間: 09-9-11 22:36
原帖由 MARSTEN 於 09-9-11 22:03 發表
你地既小朋友係咪有file,入第一輪填埋有特殊需要架??咁學校第一輪收定大抽獎先入到呢?? 我而家煩緊仔仔選小一既野,因為佢global delay,而家都成日要人幫呢幫路,但係佢唔會打人亦唔會發脾氣
今日去開放日,有家長問佢 ...
查實好坦白講句,基本上間間學校都無實質既支援俾到我地呢班小朋友囉.
佢地所謂既支援都只係每級有一班係特殊班,即係我地呢類小朋友同其他讀唔好書或者行為情緒有問題既小朋友group埋一班,嗰班有兩位班主任睇實,課程又淺D,功課又分幾次黎做(普通班可以一課書既作業係一次過交,但我地D仔就唔係,一日一頁).同埋考試咪一係個別咁考(甚少會咁做),一係俾多少少時間佢地完成.實情你話有無實際既支援,例如社交小組嗰D,真係微乎其微.
當年我仔小一派位,我係無填到'有特殊需要'架,當年我都係好似你依家咁,為此而煩惱,最後我老公叫我唔好'多手',所以我至唔填,但最後攪珠派咗嗰間北官我係無俾個仔讀,因為我一知道佢派咗嗰間之後,我都專登打電話去同佢學校既主任傾,我好坦白講我仔既問題,佢地只係一聽我仔有自閉傾向同講野唔叻,都仲未講我仔會打人呢點,個主任已經卻步,一輪咀話佢全校得一個特殊老師,係應付唔到咁多特殊小朋友,之後,我至自行叩門叩咗我仔依家讀嗰間.
實情之後教統局每年响依家開學差唔多既時候都會派位心理學家黎學校觀察小朋友,學校就會將佢地認為'有問題'既小朋友交俾呢位心理學家再進一步觀察,然後個心理學家會個別約見小朋友同家長,跟住有需要既話,會幫我地班仔去安排去排期見精神科醫生或者治療之類,實情我仔嗰時無填到'6'字(特殊需要),但見咗教統局個心理學家後就開咗file.
因為中間我係無再帶個仔去精神科度覆診,所以教統局個心理學家就幫我地去排番兒童精神科,之後學校都係無咩支援,只係某程度上會就番我仔既特殊需要囉.呢D都好額外.
作者: 12312 時間: 09-9-17 13:43
下星期 小一第一次正式中文默書啦.
作者: 常在坤 時間: 09-9-18 01:04
其實係咪最好睇睇個本全區小一本校網睇下D有特殊老師占主流老師幾多好?
作者: 珀珀,慧慧媽 時間: 09-9-18 08:43
原帖由 12312 於 09-9-17 13:43 發表
下星期 小一第一次正式中文默書啦.
我個囡下星期都有中文及英文默書,希望唔好又唔合格啦
作者: ~仔仔媽咪~ 時間: 09-9-18 08:58
原帖由 常在坤 於 09-9-18 01:04 發表
其實係咪最好睇睇個本全區小一本校網睇下D有特殊老師占主流老師幾多好?
查實無話最好既,但都會睇下囉,因為就算佢地標明特殊老師佔既人數幾多,都唔代表間學校真係咁support到我地呢班友仔,最好都係聽下D口碑,唔係話嚴定點,都係好睇佢地既教育理念同埋係咪真係咁有耐心去教養我地呢班小朋友囉.
基本上自己揀啱嗰幾間,逐間打去搵主任同校長傾兩句,坦坦白白講話囝囝有特殊問題,睇佢地叫你黎佢間學校度讀吖,定係往後退係咁間接直接叫你唔好送個仔黎佢度讀.
作者: ~仔仔媽咪~ 時間: 09-9-18 09:00
原帖由 珀珀,慧慧媽 於 09-9-18 08:43 發表
我個囡下星期都有中文及英文默書,希望唔好又唔合格啦
我仔下星期都中英文默書喇...呢幾日學校中文課都有中文預默,我仔預默咗幾次都肥佬番黎,無哂心機咁...希望到正式默書時能夠KEEP番住成績,可以合格啦.
作者: 12312 時間: 09-9-18 13:49
阿仔日日都在托管班預默一部份, 但 D 字好醜樣呀.
作者: Ruby_Lau 時間: 09-9-19 22:51
原帖由 ~仔仔媽咪~ 於 09-9-11 22:36 發表
查實好坦白講句,基本上間間學校都無實質既支援俾到我地呢班小朋友囉.
佢地所謂既支援都只係每級有一班係特殊班,即係我地呢類小朋友同其他讀唔好書或者行為情緒有問題既小朋友group埋一班,嗰班有兩位班主任睇實,課 ...
請問什麼途徑可以知道學校有特殊班呢? 在南區有沒有呢?
報小學時是否應填上"特殊需要"呢? thanks!
作者: ~仔仔媽咪~ 時間: 09-9-19 23:55
原帖由 12312 於 09-9-18 13:49 發表
阿仔日日都在托管班預默一部份, 但 D 字好醜樣呀.
佢依家仲有無做SI同訓練手眼協調呀?同佢做番啦,等佢對位對得好D,寫字又靚D.
作者: ~仔仔媽咪~ 時間: 09-9-20 00:00
原帖由 Ruby_Lau 於 09-9-19 22:51 發表
請問什麼途徑可以知道學校有特殊班呢? 在南區有沒有呢?
報小學時是否應填上"特殊需要"呢? thanks!
查實要知道間學校有無,都係好聽嗰間學校既家長講番出黎咋,通常如果間學校又係用成績黎編班,咁多數最差嗰班就做做特殊班囉,你又可以打去問學校了解,問佢地學校會唔會話編呢類小朋友去個別班/加強輔導班度上,千祈咪講話係特殊班,講真莫講話家長唔鐘意聽,學校都係麻麻地想聽到呢D字眼架咋,最好都係問佢地會有乜支援先,等你可以了解下.
查實報小學時填唔填'特殊需要'...填咗政府會每位特殊學生俾一萬蚊學校作為支援囉.但嗰一萬蚊間學校係咪真係用落個特殊學生度,就另作別論,我仔當年係無填呢項,個人感覺填唔填都分别不大囉.
作者: 12312 時間: 09-9-20 00:02 標題: 回覆 1# ~仔仔媽咪~ 的文章
無呀, 做邊d動作好呀?(我還返晒比 老師啦)
今日去學校開會, 順手問下小朋友在學校的情形. (老師話要做多些 "社交" ) 點攪好呢? (暫時在學業上都跟得上, 但好小出聲--無膽)
作者: ~仔仔媽咪~ 時間: 09-9-20 19:44
原帖由 12312 於 09-9-20 00:02 發表
無呀, 做邊d動作好呀?(我還返晒比 老師啦)
今日去學校開會, 順手問下小朋友在學校的情形. (老師話要做多些 "社交" ) 點攪好呢? (暫時在學業上都跟得上, 但好小出聲--無膽) ...
咁你囝囝依家寫字係無力至寫得唔靚吖,定係係咁飛格同D字上闊下窄?
至於社交方面,我覺得囝囝啱啱去到一個新學校新環境,我地班仔又要需要更多時間去適應環境同人,同埋佢地社交唔掂,佢地都好驚好不安囉,所以查實呢D又唔急得,你一急,囝囝又會好大壓力會亂哂籠架喇.
或者你試下放鬆心情,俾個態度俾你囝囝睇,原來番呢間學校係一個好開心既事,呢度係一個好開心既地方黎,媽咪又同老師friend又同同學friend,等佢少咗份戒備心先,得閒好似懶係唔覺意傾下閒偈咁問下亞仔响學校發生咗D咩開心有趣事,問下佢間學校有咩好野,例如D裝修呀、老師同學校工校長等既人點樣呀,試下氹下囝囝自自然然講少少出黎,唔講唔緊要,唔駛迫,等佢慢慢習慣適應下,等佢無咁怕同人社交時,佢自然會主動番D,不過到時都要輔導下,始終小學多咗咁多同學同老師,人際複雜咗,自然好容易有D唔好既社交經驗,呢D都要教下佢點面對點處理囉.往後呢D先至最重要.
作者: zater 時間: 09-9-20 23:23
同阿囡溫左接近 2hrs 英默, 大至課文生字都識串 
希望 TUE 唔好衰課文, UNSEEN 就由得佢喇 
作者: 12312 時間: 09-9-20 23:36
阿仔的字是 上闊下窄, 左大右小 .
原帖由 ~仔仔媽咪~ 於 09-9-20 19:44 發表
咁你囝囝依家寫字係無力至寫得唔靚吖,定係係咁飛格同D字上闊下窄?
至於社交方面,我覺得囝囝啱啱去到一個新學校新環境,我地班仔又要需要更多時間去適應環境同人,同埋佢地社交唔掂,佢地都好驚好不安囉,所以查實呢D ...
作者: ~仔仔媽咪~ 時間: 09-9-20 23:40
原帖由 zater 於 09-9-20 23:23 發表
同阿囡溫左接近 2hrs 英默, 大至課文生字都識串
希望 TUE 唔好衰課文, UNSEEN 就由得佢喇
佢掂既~~~俾多D信心佢!佢都好乖囡喎!肯溫咁耐英文!
作者: zater 時間: 09-9-20 23:40
原帖由 12312 於 09-9-20 23:36 發表
阿仔的字是 上闊下窄, 左大右小 .
同我阿囡 D 字一樣, 仲有間唔中飛出格
作者: ~仔仔媽咪~ 時間: 09-9-20 23:42
原帖由 zater 於 09-9-20 23:40 發表
同我阿囡 D 字一樣, 仲有間唔中飛出格
我隻肥貓仔咪又係咁~!睇黎呢D係我地呢班友仔既共通點黎.
我依家都train緊我仔寫字,一有時間我就額外print D練習紙,我坐响佢隔離教佢筆順,佢一寫得衰或者又黎畫字,我即刻擦咗佢!暫時都似乎有D改善,無之前咁亂黎.
作者: zater 時間: 09-9-20 23:42
原帖由 ~仔仔媽咪~ 於 09-9-20 23:40 發表
佢掂既~~~俾多D信心佢!佢都好乖囡喎!肯溫咁耐英文!
我氹左細佬瞓晏覺, 跟住同佢訓話一陣, 就開始溫, 間唔中搞下佢 (玩一陣) 再溫, 終於o係細佬瞓醒前搞掂
作者: ~仔仔媽咪~ 時間: 09-9-20 23:45
原帖由 zater 於 09-9-20 23:42 發表
我氹左細佬瞓晏覺, 跟住同佢訓話一陣, 就開始溫, 間唔中搞下佢 (玩一陣) 再溫, 終於o係細佬瞓醒前搞掂
係呀,咁都好D,如果唔係你又是一個VS兩個,相信囡囡都未必溫得咁掂.查實我地呢D小朋友真係做乜野之前要先同佢地約法三章架.如果唔係好難控制到佢地.
我仔如果唔一早同佢講到明要點,到時又係扭計係咁同我講數.好勞氣架.
作者: ~仔仔媽咪~ 時間: 09-9-20 23:49
原帖由 12312 於 09-9-20 23:36 發表
阿仔的字是 上闊下窄, 左大右小 .
你試下買本抄字簿俾佢練字,嗰D一格格,格裡面有十字虛線嗰D呢,之後你教佢幾次筆順要點樣寫,等佢寫多幾次就會好D架喇,佢地咁樣寫字都係睇位嗰方面有問題.
我自己就自己响電腦度畫D格同生字囉,一張工作紙叫我仔每日抄寫一頁,寫D字都係佢依家上課時學嗰D生字,又可以練字又可以順便溫默書...一舉兩得.
作者: llcathy2004 時間: 09-9-21 04:31
請問你地小朋友會唔會做做下功課發夢/攪第二樣野之類?我仔係咁,屋企就可以成日督住話住佢啫,第日考試測驗點算?學校可以點配合?原帖由 ~仔仔媽咪~ 於 09-9-20 23:49 發表
你試下買本抄字簿俾佢練字,嗰D一格格,格裡面有十字虛線嗰D呢,之後你教佢幾次筆順要點樣寫,等佢寫多幾次就會好D架喇,佢地咁樣寫字都係睇位嗰方面有問題.
我自己就自己响電腦度畫D格同生字囉,一張工作紙叫我仔每日 ...
作者: ~仔仔媽咪~ 時間: 09-9-21 09:54
原帖由 llcathy2004 於 09-9-21 04:31 發表
請問你地小朋友會唔會做做下功課發夢/攪第二樣野之類?我仔係咁,屋企就可以成日督住話住佢啫,第日考試測驗點算?學校可以點配合?
其實我仔都會架,我仔本身有ADHD,平時做功課我都要久唔久'叫醒'佢,提醒佢,佢至回一陣魂,同埋我都會set個target俾佢囉,等佢有個目標(例如:幾點鐘前做完功課溫完書就有得睇VCD,過咗時間就無得睇),等佢自己都有個動力同意志去努力專注;
學校嗰方面都無計,我都係靠食葯,同埋學校老師可以做到既都只係上堂久唔久敲敲我仔張枱,拍一拍佢膊頭'叫醒'佢,同埋都要求班主任盡量安排佢坐响老師講台前面,等老師好控制佢&佢無咁易受周圍環境影响專注力囉.
查實如果响屋企做功課同溫書,一定要清場先,枱上面絕對唔可以擺功課以外既物件,同埋搵一個固定位置係for佢做功課同溫書,咁樣都會改善到佢心散發夢既情況.
作者: 珀珀,慧慧媽 時間: 09-9-21 10:19
原帖由 ~仔仔媽咪~ 於 09-9-18 09:00 發表
我仔下星期都中英文默書喇...呢幾日學校中文課都有中文預默,我仔預默咗幾次都肥佬番黎,無哂心機咁...希望到正式默書時能夠KEEP番住成績,可以合格啦. ...
妳個囝都好緊張成績,我個係一D都唔緊張,合格與唔合格都唔會理
作者: ~仔仔媽咪~ 時間: 09-9-21 11:29
原帖由 珀珀,慧慧媽 於 09-9-21 10:19 發表
妳個囝都好緊張成績,我個係一D都唔緊張,合格與唔合格都唔會理
查實我仔真係好在意輸贏架~!我諗大概所有小朋友都會係咁,只係我地既小朋友可能响讀書、社交等呢D方面失敗例子多於成功,會令佢地無自信,所以至索性擺出一副"我滿不在乎"既樣子出黎,查實佢地只係為咗保護自己,免受傷害!(怕俾人取笑和睇低)
如果我仔上年小三都係無合格過無成績出黎,我仔都係同你小朋友一樣,仍然擺出滿不在乎既樣,甚至連學玩都無自信亦唔肯去學,下下都係得一句埋黎:"係得我至學唔識,其他小朋友會學得識,只有我至學極都唔會識",之前我次次聽佢咁講野,我真係好傷心,又嬲又失望又心痛同時覺得好迷惘,唔知點教佢至有番個心黎學野...學下玩都好吖...點知就係連玩都無信心去學.
所以查實要小朋友有番個心去學習,最先亦最重要既事就係俾番佢地多D成功既好例子,試下响某方面降低要求,俾多D位(機會)佢地可以嘗試到成功既滋味,俾佢地知道原來佢地都可以做到既,有番個目標,自然會有番個心去學野.
好似我仔學英文咁,升小三嗰年暑假我係咁心理輔導佢,亦同時心理輔導咗自己先,我親自再的起心肝去教我仔英文,响教我仔之前,我先同佢傾下偈,講番媽咪既想法,講解番如果佢學到英文會有咩好處(例如可以同美國人傾偈啦---呢樣我仔諗出黎的),再同佢一齊講之後既日子,我地學習英文既計畫同方式係點,亦都講明俾佢知,媽咪唔在乎成績,但只在乎佢真係試下鼓起勇氣去好好學習英文,至少有樣野可以威番俾老師同同學睇,一路傾咗幾日,又不斷同佢講,媽咪同佢係合作伙伴,係partner,我同佢係一齊比賽緊,
結果我仔一個暑假後係明顯信心大增,初頭小三第一次默書考到卅四分,我已經大讚佢叻仔!又奬勵佢,結果第二次默書又四十幾分,幾次默書後,終於合格!嗰晚,我囝囝係開心到差D喊埋出黎,臨瞓前同我pillow talk,佢好真誠咁同我講:"多謝媽咪!多謝媽咪教我英文!...我既目標係,要同美國人用英文傾偈!"查實成績真係好其次,係志在個仔有呢個HEART去學習啫!所以真係唔好放棄,試下同囝囝做咗PARTNER兼好朋友先!媽媽同囝囝一齊努力!力量幾時都會大D正面D.
作者: 珀珀,慧慧媽 時間: 09-9-21 13:14
原帖由 ~仔仔媽咪~ 於 09-9-21 11:29 發表
查實我仔真係好在意輸贏架~!我諗大概所有小朋友都會係咁,只係我地既小朋友可能响讀書、社交等呢D方面失敗例子多於成功,會令佢地無自信,所以至索性擺出一副"我滿不在乎"既樣子出黎,查實佢地只係為咗保護自己,免受傷 ...
睇完你們的努力真係
了出來,希望我個囡都只係無成績而令她唔在意啦,不過我都唔會放棄的,我現在都試緊一些方法令她可以容易記得d生字,不過仲係努力中,我只係希望她合格,我都係同她說只要合格就可以了,唔會要求她高分
作者: 12312 時間: 09-9-21 13:21
開學 3星期 , 蜜月期過去了, 今日在學校阿仔斯碎了托管紙, 比老師發現, 結果比 學校罰無得小息. 罰抄,
哎. 真是蜜月期過去了, 黎啦, 黎啦 .............
作者: rosewong 時間: 09-9-21 13:49
剛與老師聯絡，得知亞仔每天上課也不集中（專注力不足），欠缺學習動機，可能是腦部發展影響，建議我帶他看醫生．．．．．．
我問老師我可做些什麼，答案都是很含糊，唉！頭一兩星期還是挺不俗的，怎料又．．．．．．
除了訓練，我也問自己，我可以做些什麼？！
作者: ~仔仔媽咪~ 時間: 09-9-21 14:05
原帖由 珀珀,慧慧媽 於 09-9-21 13:14 發表
睇完你們的努力真係了出來,希望我個囡都只係無成績而令她唔在意啦,不過我都唔會放棄的,我現在都試緊一些方法令她可以容易記得d生字,不過仲係努力中,我只係希望她合格,我都係同她說只要合格就可以了,唔會要 ...
大家都係邊學邊做人媽媽，各人都很努力，只係我地所解決既問題各有不同啫～我都遇過唔少比我勤力百倍既好媽媽，佢地既付出真係更激發我要求自己要更努力。都是一種推動力黎架～！
慢慢黎啦,唔好心急,有時都要等小朋友成長到某一階段,達到LEVEL,至會進步,好似我仔咁,咩都慢人一步,講野幾乎小一下學期至開金口講野,升小二前個暑假至跟我有談話交流,小二下學期至開始執到支筆寫到字同埋勉強計到10以內既加減數,升小三暑假至記到英文生字同學到英文...查實驟眼睇可能會覺得我仔真係咩都遲...但細心睇下,我仔又不負眾望,一路都有進步喎!仲要嗰D進步都唔少,每個階段都俾到我地好大既驚喜!所以查實小朋友係努力緊,所以媽媽都要努力,拖實孩子對手一齊行呢段漫長人生.
又俾番個金句大家啦!呢句金句係响剛啱開學前,朋友中心搞既分享會,有一位超級勤力勁有耐心愛心既好媽咪分享出黎!我可能本身又係基督徒,一睇到句金句,我D眼淚差D滾落黎!
"你的話是我腳前的燈，是我路上的光。" (詩篇119:105)
天父既話係我腳前的燈、路上的光,
我地作為父母,天父賜咗個咁特別既孩子俾我地,
就係因為天父知道我地都係一個好爸爸/好媽媽,
所以先至咁放心將呢班特別既孩子賜俾我地,
由我地照顧看顧。
所以，我地都要做孩子腳前的燈、路上的光。
所以各位媽媽！我地要努力加油呀！
作者: ~仔仔媽咪~ 時間: 09-9-21 14:15
原帖由 rosewong 於 09-9-21 13:49 發表
剛與老師聯絡，得知亞仔每天上課也不集中（專注力不足），欠缺學習動機，可能是腦部發展影響，建議我帶他看醫生．．．．．．
我問老師我可做些什麼，答案都是很含糊，唉！頭一兩星期還是挺不俗的，怎料又．．．．．．
除了訓練，我也問自己，我可以做些什麼？！
...
冷靜D~定D黎,查實依家最重要既一步就係盡早帶小朋友去做次全面性評估先,你可以要求學校向教統局心理學家做轉介,你試下問番學校老師,教統局會唔會派心理學家黎學校觀察呢D老師認為需要評估既學生,如果有既,請學校代為安排,如果無既,你可以搵出面一般既西醫,寫封醫生信俾你囝囝去政府兒童智力測驗中心度做評估,你同姑娘講番囝囝既情況同學校要求你囝囝要做評估見醫生.咁姑娘知道個情況同問咗一些基本資料後,就會轉介俾社工再幫你排期去等做評估.
响等排期期間,你可以嘗試去搵出面一些訓練俾囝囝,及早做番一D相關既訓練,可以改善佢專注力不足既問題,,,如果你想參考下係邊類型訓練,你都可以睇下我個BLOG,我都有個BLOG係專係寫特殊教育,裡面亦有講一D相關既訓練,有唔明可以再問吓我地咁多位媽咪啦. 唔好太擔心,要積極面對!解決問題係最主要既目標!所以我地要加油!
(因為怕誤以為係賣廣告做生意,所以或者如果媽媽想攞相關訓練同評估資料,你留email address俾我啦,我到時send俾你(因為我PM功能有問題..PM唔到).
[ 本帖最後由 ~仔仔媽咪~ 於 09-9-21 14:28 編輯 ]
作者: ~仔仔媽咪~ 時間: 09-9-21 14:26
原帖由 12312 於 09-9-21 13:21 發表
開學 3星期 , 蜜月期過去了, 今日在學校阿仔斯碎了托管紙, 比老師發現, 結果比 學校罰無得小息. 罰抄,
哎. 真是蜜月期過去了, 黎啦, 黎啦 .............
唔駛咁驚住...定D嚟~!始終都只係剛啱開始,都係睇定D先,同埋多嘗試同老師、班主任傾下閒偈,傾多少少關於囝囝在校內既表現同問題,同咗老師建立番個良好溝通關係,咁樣至容易D去教好囝囝大個仔,又可以避免再有投訴.
總之俾自己同老師一個明確既訊息係:家校係要合作,家長同學校老師永遠都係合作伙伴,要一齊合作教好囝囝,幫囝囝衝破障礙.否則如果你少同學校溝通,老師都會好容易誤解咗囝囝,到時仲頭痕呀.始終老師一個對卅個學生,無可能有咁多時間去了解其中一兩位學生囉.所以,我地做家長一定要主動.
唔好太擔心!有咩再上黎傾,等我地一齊研究.
作者: rosewong 時間: 09-9-21 15:51
Hi! 仔仔媽咪，多謝您的回應及鼓勵！
其實我亞仔已見了CAC的醫生，知道他有Speech Dealy & developmental delay，現正排期政府服務（但唔知等到幾時），故這段時間我就自費安排overall training及speech training予他，平常在家亦有替他練習，個人及trainer都覺得他進步了，奈何仍未能配合主流學校的要求（雖則謂現時學前教育沒有特定標準，但我對於老師們的負面意見始終介懷）；所以我問自己：究竟仲有咩可以做？？
原帖由 ~仔仔媽咪~ 於 09-9-21 14:15 發表
冷靜D~定D黎,查實依家最重要既一步就係盡早帶小朋友去做次全面性評估先,你可以要求學校向教統局心理學家做轉介,你試下問番學校老師,教統局會唔會派心理學家黎學校觀察呢D老師認為需要評估既學生,如果有既,請學校代 ...
[ 本帖最後由 rosewong 於 09-9-21 15:52 編輯 ]
作者: ~仔仔媽咪~ 時間: 09-9-21 16:55
原帖由 rosewong 於 09-9-21 15:51 發表
Hi! 仔仔媽咪，多謝您的回應及鼓勵！
其實我亞仔已見了CAC的醫生，知道他有Speech Dealy & developmental delay，現正排期政府服務（但唔知等到幾時），故這段時間我就自費安排overall training及speech training予他，平常在家亦有 ...
明白...咁學校方面多數俾既係D咩既負面評語?
查實首先我地做父母真係要自己接受咗一D'善意'既批評,如果學校只係話佢上堂心散,無負面到成日淨係識得話佢曳,查實都要先催眠一下自己,同自己講,我係黎實在地同老師去傾去尋求解決問題方法,盡量都先減少同學校老師既磨擦,因為都係剛啱開始第一個學期,老師同家長之間真係好需要建立良好既溝通關係,否則,往後日子囝囝同您都會好難捱,老師亦然,始終要幫到囝囝去改善去進步,都好靠我地點好好維繫呢一段'三角'關係(老師、囝囝、家長).
學校嗰方面真係暫時都做唔到D咩,只可以做既事就係先KEEP住家校合作既良好關係.當老師態度放軟番少少,可以試下盡量同佢地解釋番,查實囝囝係一路有做訓練去改善問題,同埋囝囝確實一路有進步緊,希望校方可以俾番多少少時間同包容囝囝,等囝囝可以進步得更好,迫得太緊,令小朋友太大壓力反而會進步得唔理想,試下大概咁講下呢樣野,又分享下平日媽媽您响屋企點樣訓練囝囝,等老師都有個印象係:媽媽都唔係無理到囝囝,媽媽都好肯教養囝囝同埋好肯跟學校合作,等老師都放一放下成見,嘗試配合家長,一齊合作.
始終最主要既問題都係學校接唔接受嗰方面,所以响以上既功夫,媽媽真係要俾多少少耐性去建立家校合作既關係.我同我仔都俾人誤解同惡意批評咗好多年,所以我都好明白你既感受,但真係需要自己調節咗自己既諗法先囉,當自己開始調節到,喊又喊少咗,自己自自然然會開始識得去PLAN 多D實際方法去幫囝囝,查實你依家做既都好足夠,你肯努力付出時間精神同囝囝做訓練,呢D先係囝囝最需要囉!外人不了解我地同兒子,係正常既事,始終佢地唔係我地同囝囝,又好難要佢地第一時間接受到體諒我地呢班父母同小朋友既難處同感受囉.自己心知自己一路有幫緊個仔,個仔係一路進步緊,咁樣已經足夠,唔需要將別人無心之言擺响心度.
暫時繼續KEEP住同囝囝做多D訓練就OK架喇.加油!
作者: MARSTEN 時間: 09-9-21 19:40
我睇完你寫既野真係好感慨,因為我仔仔都係delay
講野都唔係遲得太多,而家6歲都識駁咀,但係因為佢4歲尾先開始寫字,而家6歲都無寫緊簡單既中文字
記性好好,但係唔專心,用耳多過用眼,砌圖時除外
佢而家可以砌到70幾塊既砌圖,玩耐左一拎起就知係邊度,我都唔知...所以佢地其實真係有某方面係強的
我都係最初好緊張佢,教極佢都唔識,自己好灰心,點解生個仔咁樣,寫未都唔識,又坐唔定....
出年升小一啦~大大下老師都話佢上堂坐得定,佢有時都番黎"八"d野俾我聽,話邊個唔識做咩之類....haha...
不過佢仍然係delay同寫字弱,所以我都好擔心上小一會唔會應付到,所以選學校要好小心
你小朋友讀咩學校咁包容既???
原帖由 ~仔仔媽咪~ 於 09-9-21 14:05 發表
大家都係邊學邊做人媽媽，各人都很努力，只係我地所解決既問題各有不同啫～我都遇過唔少比我勤力百倍既好媽媽，佢地既付出真係更激發我要求自己要更努力。都是一種推動力黎架～！
慢慢黎啦,唔好心急,有時都要等小朋友成長到某 ...
作者: ~仔仔媽咪~ 時間: 09-9-21 20:00
原帖由 MARSTEN 於 09-9-21 19:40 發表
我睇完你寫既野真係好感慨,因為我仔仔都係delay
講野都唔係遲得太多,而家6歲都識駁咀,但係因為佢4歲尾先開始寫字,而家6歲都無寫緊簡單既中文字
記性好好,但係唔專心,用耳多過用眼,砌圖時除外
佢而家可以砌到70幾塊 ...
我仔讀嗰間學校其實係出名好肯收我地呢類小朋友囉!依家就唔知,不過可能間學校實在太多唔同問題既小朋友,可能老師都接受咗.
同埋我覺得真係要自己好主動同學校老師溝通囉.我都係上年我仔小三至開始完全被學校老師接受同認同我係一個真係好肯教仔既亞媽,小二之前我咪又係成日俾人話我唔教仔,又話我縱容個仔去曳去打人,果時小二老師唔肯同我溝通,下下用避既方式黎對我,真係擺到明聽多我講半句已經嫌我煩.但嗰D有份教我仔既老師响教我仔方面遇到問題又唔願走埋黎同我傾,下下都只係投訴甚至玩野,結果我仔小二嗰年係仲慘過落地獄.
都係之後我同協康會社工傾(嗰時學校同協康會有合辦社交小組同家長小組),個社工先至知大鑊,响同學校開會時咪反映呢個問題,之後學校有份教我仔既老師同主任至同我溝通番.我都係啱啱今年開學時聽番其中一位好關心我同我仔既老師講,原來嗰次小二單野發生後,校長通知哂全校所有主任,講到明唔可以再係用咁既態度同方式黎對待學生同家長.
今年轉咗新校長,唔知係咪唔同咗方針定未上手呢,今年個個老師都好主動好肯同我溝通,呢樣係我最開心,暫時我仔由開學到依家,除咗LIU過同學女條頭髮俾人投訴外,就真係零投訴,希望真係以後可以KEEP住咁好就好喇.
我諗可能我仔嗰間唔係名校,要求無咁高,所以至無咁迫到D學生咁行啩.但我始終都係覺得,學校老師包唔包容,都係重點係要家校合作,KEEP住溝通囉.
作者: ~仔仔媽咪~ 時間: 09-9-21 20:02
聽日我仔英文默書...今日睇番個默書範圍原來要佢地背默七句英文課文...唔知我仔呢下掂唔掂...頭先同佢溫又似乎得得地,但未知聽日真正上戰場時,亞仔會唔會緊張到亞媽都唔記得呢...希望大步欖過啦!
作者: MARSTEN 時間: 09-9-21 21:53
間學校係邊區架??
原帖由 ~仔仔媽咪~ 於 09-9-21 20:00 發表
我仔讀嗰間學校其實係出名好肯收我地呢類小朋友囉!依家就唔知,不過可能間學校實在太多唔同問題既小朋友,可能老師都接受咗.
同埋我覺得真係要自己好主動同學校老師溝通囉.我都係上年我仔小三至開始完全被學校老師 ...
作者: 12312 時間: 09-9-21 23:17
班主任罰阿仔, 阿仔都知吾應該< 重話下次再係咁就罰留堂, 希望佢記得啦.
我返到家同佢一起張些碎紙 , 好似切圖咁切返一半, 因另一半吾見了, 佢今次知道有些東西未必能完整咁切返.
哎
原帖由 ~仔仔媽咪~ 於 09-9-21 14:26 發表
唔駛咁驚住...定D嚟~!始終都只係剛啱開始,都係睇定D先,同埋多嘗試同老師、班主任傾下閒偈,傾多少少關於囝囝在校內既表現同問題,同咗老師建立番個良好溝通關係,咁樣至容易D去教好囝囝大個仔,又可以避免再有投訴.
...
[ 本帖最後由 12312 於 09-9-22 13:18 編輯 ]
作者: zater 時間: 09-9-22 02:03
原帖由 ~仔仔媽咪~ 於 09-9-21 20:02 發表
聽日我仔英文默書...今日睇番個默書範圍原來要佢地背默七句英文課文...唔知我仔呢下掂唔掂...頭先同佢溫又似乎得得地,但未知聽日真正上戰場時,亞仔會唔會緊張到亞媽都唔記得呢...希望大步欖過啦! ...
咦 ~ 哥哥咪同阿囡同一日默英文
今晚無特別同阿囡再溫, 只抽幾個生字問下佢仲記唔記得點串咋, 希望聽日唔好失手, 等佢有返 d 自信就好喇
作者: rosewong 時間: 09-9-22 09:34
Hi! 仔仔媽咪,
...咁學校方面多數俾既係D咩既負面評語?
就昨天的電話內容大致為：專注力不足，欠缺學習動機；可能由於腦部影響，引致大小肌發展欠佳，令執筆無力及行動較”論進”，未能回答老師提問，說話句子較短，社交能力欠佳以致未結識到朋友（因升班後所有同學都調配班別），整體能力未達．．．．．．建議我帶他看醫生云云；之前亦曾向我表示亞仔坐在椅上”扇晒個身落嚟”，後經老師提點後始修正。
亞仔今年K2，之前學校曾建議我repeat K1，但我和老公都不同意，原本想幫亞仔轉校，但又恐怕他要重新適應環境，後來原校准予升班，故就繼續留校升讀。
．．．始終最主要既問題都係學校接唔接受嗰方面．．．
唉！我真係唔知，現在我最怕學校開口提出要我讀返K1甚或被踢出校；不過我都作了最壞打算，屆時頂多轉校囉！
其實，我亞仔上堂係發夢，但暫時他的行為沒有影響課堂秩序（舊年試過上堂大聲講嘢，人地全班祈禱佢就响處拍手掌），他亦沒有欺負其他同學（可能係佢根本無能力），我自問不太介懷他上堂是否專心，說到底現時幼稚園的課程都是非強迫性的學前教育；但學校的看法是怎樣，我真的不知道？！
『有教無類』？！
原帖由 ~仔仔媽咪~ 於 09-9-21 16:55 發表
明白...咁學校方面多數俾既係D咩既負面評語?
查實首先我地做父母真係要自己接受咗一D'善意'既批評,如果學校只係話佢上堂心散,無負面到成日淨係識得話佢曳,查實都要先催眠一下自己,同自己講,我係黎實在地同老師去 ...
[ 本帖最後由 rosewong 於 09-9-22 09:38 編輯 ]
作者: ~仔仔媽咪~ 時間: 09-9-22 14:44
原帖由 MARSTEN 於 09-9-21 21:53 發表
間學校係邊區架??
我囝囝間學校响油麻地,果欄隔離.(因為响呢樹唔方便咁公開學校名,如果您有興趣想轉我囝囝呢間學校,可以PM問我既~ )
作者: ~仔仔媽咪~ 時間: 09-9-22 14:46
原帖由 12312 於 09-9-21 23:17 發表
班主任罰阿仔, 阿仔都知吾應該< 重話下次再係咁就罰留堂, 希望佢記得啦.
我返到家同佢一起張些碎紙 , 好似切圖咁切返一半, 因另一半吾見了, 佢今次知道有些東西未必能完整咁切返.
哎
...
我囝小一嗰陣時都係咁架!都係係咁無啦啦撕碎哂D通告同工作紙黎玩,激到老師扎扎跳,都教咗佢一輪,佢至開始無再撕紙囉...慢慢教啦,始終我地班仔心智比較亞B咗D,D行為同情緒都需要一段時間去改去適應.
作者: ~仔仔媽咪~ 時間: 09-9-22 14:48
原帖由 zater 於 09-9-22 02:03 發表
咦 ~ 哥哥咪同阿囡同一日默英文
今晚無特別同阿囡再溫, 只抽幾個生字問下佢仲記唔記得點串咋, 希望聽日唔好失手, 等佢有返 d 自信就好喇 ...
我仔今日默完英文,聽日又要默中文... 都唔知佢做乜鬼定係學校要求高咗,呢幾日學校預默咗幾次中文俾佢地溫習,我仔默咗N咁多次都照肥,佢都好唔甘心,睇黎我都要改改策略同佢溫中英文,今晚又係要同佢打仗... 希望幫到佢記到D字點寫啦.
作者: ~仔仔媽咪~ 時間: 09-9-22 15:06
原帖由 rosewong 於 09-9-22 09:34 發表
Hi! 仔仔媽咪,
...咁學校方面多數俾既係D咩既負面評語?
就昨天的電話內容大致為：專注力不足，欠缺學習動機；可能由於腦部影響，引致大小肌發展欠佳，令執筆無力及行動較”論進”，未能回答老師提問，說話句子較短，社交能力欠佳以 ...
查實我都幾明你感受既,,,想當年我都係好唔鐘意聽到人地話我仔話到咁差咁weak,但係依家調番轉頭再諗,查實老師講既說話同意見又唔係全部都真係咁惡劣囉!
好似您講學校噚日打電話俾您講既野,查實我又覺得都幾正面吖...至少佢地唔係好RUDE咁淨係話你仔曳或者唔肯寫字啦,至少佢地都好正面指出囝囝既問題所在,我個人覺得學校又唔係唔接受囝囝既,都係想講出個問題,等大家可以及時幫到囝囝.佢地肯同你傾番,又講得咁詳細,我覺得佢地都唔差.
或者媽媽您試下咁睇啦,依家學校講出囝囝既'弱項'响邊度,查實以上呢D問題都係動作協調障礙同專注力缺乏既問題,查實真係好緊要架,真係要趁小朋友仲細個既時候要及早做訓練去改善,否則,去到小朋友五六歲至去做訓練,小朋友好難會改善到亦好難追得番同年紀小朋友囉.你都好好彩架喇,囝囝K2已經有老師察覺到呢個問題又肯同你講,嗰時我仔就係無,佢間幼稚園老師下下都話我仔無問題,但一去到幼稚園畢業,我去攞証書時,佢地至一輪咀咁好似投訴咁話我仔乜字都寫唔到,又話我仔有暴力傾向有攻擊性...嗰刻我都無言,點解呢堆問題响之前三年幼稚園生涯你地唔講又死話我仔乜問題都無,但到我仔離間你間學校,你至話俾我知我仔寫唔到字同埋你地都仲係教緊佢幼兒班程度既課程???
結果,去到升小一,我囝再去政府嗰邊再做評估,個治療師又話俾我知我仔有動作協調障礙問題...仲要打擊埋我,話我仔咁就一世,就算點做訓練都改善唔到又追唔上同年紀小朋友,結果我嗰日係癲咗咁响條街度喊出黎.幸好,我無因為治療師講一句'咁就一世'而唔同個仔及早做訓練,依家我仔係寫到字,同埋唔再成日跌,查實,如果依家您囝囝學校提出呢個問題同建議,我覺得都可以值得去聽去跟去做囉(指老師要求囝囝見醫生做訓練同埋K1留一年).
留班嗰度查實又唔係唔好既,講真如果小朋友暫時未有咁既能力去應付高年班既進度,留一年K1,等佢有時間去進步追番D進度,咁佢之後讀書都無咁辛苦.實情媽媽您又可以咁樣睇既,讀書都係志在小朋友學到野同吸收知識,最緊要係佢學到啫,我都有幾個朋友又係無留班,夾硬照俾仔女去升班,結果佢地既小朋友升到小一二已經讀書讀得好吃力同辛苦,查實留一年等佢地心智成長到嗰個level至升班讀,咁樣對小朋友反而更有好處.
希望您唔好介意我咁講啦,我明白媽媽聽到人地話囝囝能力上有問題會好唔開心(我都經历過),但係最重要都係大家一齊搵方法去幫輕小朋友啫,我仔都留過班架,仲要係我自己要求咁做,我仔高班同小一都各repeat咗兩年,查實對我仔都有好處,至少唔會迫得佢太緊,佢亦追得無咁辛苦囉.查實真係幫到佢.
或者有咩心事或者疑問,你都可以同我傾,我原本想PM我個聯絡電話俾您,想同你傾下偈,但係我响教育王國個PM功能有問題,只能覆PM,不能出PM,或者您有興趣同我傾下電話既,你PM我,我俾我個聯絡電話或MSN俾您,我地再詳談啦.
唔好灰心!呢度有好多媽咪都支持您!為咗囝囝,媽媽要堅強地去面對~~~!!加油~!
作者: MARSTEN 時間: 09-9-22 15:25
話你知,如果小朋友真係遲,你就俾佢repeat k2啦~ 因為升上k3都無意思, k3重要學埋P1既野,佢會好吃力
我仔仔k1果時讀所謂既出名幼稚園,又係攪事果隻,佢有一次開心得滯衝埋果老師到老師都跌親,跟住就成日見我家長,目的你都知咩事,我果時自動要求repeat k1,佢學校唔俾,上到k2都係遊下遊下,因為果間學校既老師無呢方面既經驗,唔識引導同教佢,所以白白浪費左兩年,咩字都唔識寫
最終同佢轉校,去一間全日幼稚園讀k2,一入去就開始識寫字,同日日都好開心好想番學,唔同之前果間日日落校車都掉書包落地,唔開心,攪到佢信心好差,成日講:"我咩都做唔到架啦"...
而家改善左好多,因為佢上左3年早期訓練同番全日,多左好多野講,有時重唔停口添
如果你唔接受老師叫你repeat,第日你一定後悔,越上高班,見到人地做到自己又唔得,好影響佢唔想再向前既心態,咁一路大條路重難行,重會引發好多情緒問題添
原帖由 rosewong 於 09-9-22 09:34 發表
Hi! 仔仔媽咪,
...咁學校方面多數俾既係D咩既負面評語?
就昨天的電話內容大致為：專注力不足，欠缺學習動機；可能由於腦部影響，引致大小肌發展欠佳，令執筆無力及行動較”論進”，未能回答老師提問，說話句子較短，社交能力欠佳以 ...
作者: zater 時間: 09-9-22 17:45
原帖由 ~仔仔媽咪~ 於 09-9-22 14:48 發表
我仔今日默完英文,聽日又要默中文... 都唔知佢做乜鬼定係學校要求高咗,呢幾日學校預默咗幾次中文俾佢地溫習,我仔默咗N咁多次都照肥,佢都好唔甘心,睇黎我都要改改策略同佢溫中英文,今晚又係要同佢打仗...:sig ...
嘩~痴埋一齊默, 玩 c 人咩, 點搞呀 
阿囡今日派左中默喇, pass 呀, 其實睇返佢寫錯果 d 字, 課文果 part, 有一個字寫漏左, 另外 2 個字寫啱, 但錯筆順, 課文 total 錯 3 個字, 扣得多分都係 unseen 果 part, 錯左 n 貢多個字, 所以扣扣埋埋都係 pass 多少少, 不過我已經巧高興 
作者: ~仔仔媽咪~ 時間: 09-9-22 18:15
原帖由 zater 於 09-9-22 17:45 發表
嘩~痴埋一齊默, 玩 c 人咩, 點搞呀 mouth:" />
阿囡今日派左中默喇, pass 呀, 其實睇返佢寫錯果 d 字, 課文果 part, 有一個字寫漏左, 另外 2 個字寫啱, 但錯筆順, 課文 total 錯 3 個字, 扣得多分都係 unseen 果 p ...
啱啱又接到新消息,原來聽日又有英默~!今日默頭七句,聽日默後七句呀~~~!!!仲要聽日默中文,...我仔今日好唔開心呀,因為今日中文預默佢食咗蛋!佢中文老師好嚴呀,係咁捉佢筆順同字體,全部分都扣哂响呢度,我仔嬲到喊埋出黎~~!!所以我仔都話今晚要溫好佢!希望得啦,,,一溫要溫中英兩科....慘!!!
作者: zater 時間: 09-9-22 18:31
原帖由 ~仔仔媽咪~ 於 09-9-22 18:15 發表
啱啱又接到新消息,原來聽日又有英默~!今日默頭七句,聽日默後七句呀~~~!!!仲要聽日默中文,...我仔今日好唔開心呀,因為今日中文預默佢食咗蛋!佢中文老師好嚴呀,係咁捉佢筆順同字體,全部分都扣哂响呢度,我仔嬲到喊埋 ...
哥哥加油呀!! 化悲憤為力量, 今晚一定可以溫熟晒.
媽咪加油呀!!
作者: ~仔仔媽咪~ 時間: 09-9-22 18:32
呢次輪到我有煩惱...
實情好無又叫今年我仔既中文科老師俾默書分唔好執得咁嚴呢?查實我本身好鐘意呢位老師執我仔D筆順同字體咁嚴架!始終都唔想由得個仔鬼畫符咁畫字同寫得醜樣求其,但係又怕呢期係咁俾老師扣到默書唔合格,個仔係咁食蛋,會打擊佢既自信,怕佢日後會本PEA唔考好D默書佢...但自己又唔想就得個仔咁緊要,始終都小四,都想佢大個仔,,,真係好矛盾,唔知點好...
你地點睇?比着大家會點做?同老師講好,定係維持現狀,盡地一鋪由個仔去面對挑戰同壓力好????
作者: ~仔仔媽咪~ 時間: 09-9-22 18:33
原帖由 zater 於 09-9-22 18:31 發表
哥哥加油呀!! 化悲憤為力量, 今晚一定可以溫熟晒.
媽咪加油呀!!
我會架喇~!希望今晚溫習得順順利利啦.
作者: zater 時間: 09-9-22 19:17
原帖由 ~仔仔媽咪~ 於 09-9-22 18:32 發表
呢次輪到我有煩惱...
實情好無又叫今年我仔既中文科老師俾默書分唔好執得咁嚴呢?查實我本身好鐘意呢位老師執我仔D筆順同字體咁嚴架!始終都唔想由得個仔鬼畫符咁畫字同寫得醜樣求其,但係又怕呢期係咁俾老師扣 ...
我覺得由得佢, 但一定要同哥哥解釋清楚咁樣做係對佢好, 唔係老師挑剔, 因為佢大個仔喇, 要自己嘗試克服問題, 如果佢明白, 相信唔會打擊到佢信心.
作者: ~仔仔媽咪~ 時間: 09-9-22 20:15
原帖由 zater 於 09-9-22 19:17 發表
我覺得由得佢, 但一定要同哥哥解釋清楚咁樣做係對佢好, 唔係老師挑剔, 因為佢大個仔喇, 要自己嘗試克服問題, 如果佢明白, 相信唔會打擊到佢信心.
咁都係既,始終都要硬起心腸放手俾佢大個仔,頭先我陪佢溫默書,佢又係炆住嬲住急住咁係咁打頭又打手黎溫默書,跟住又係咁問寫得靚唔靚,結果我係全程係咁讚佢鼓勵佢,佢至完成咗一版我PRINT俾佢既溫習生字紙,依家仲有兩張未寫未溫,頭先佢寫到激氣到又話自己隻手都痛埋震埋,所以依家俾佢休息下,食完飯再溫過.
作者: rosewong 時間: 09-9-22 21:09
唔．．．．．．如果有信心中文老師可以配合“手鬆D”，我會嘗試提出，因我清楚自己的出發點純粹希望仔仔可從中得到自信；儘管我也明白這樣做是不太好，但自信心被長期的挫折打擊亦不是好事。
可能我都是「慈母多敗兒」啦！（純粹個人愚見）
原帖由 ~仔仔媽咪~ 於 09-9-22 18:32 發表
呢次輪到我有煩惱...
實情好無又叫今年我仔既中文科老師俾默書分唔好執得咁嚴呢?查實我本身好鐘意呢位老師執我仔D筆順同字體咁嚴架!始終都唔想由得個仔鬼畫符咁畫字同寫得醜樣求其,但係又怕呢期係咁俾老師扣 ...
| 歡迎光臨 教育王國 (/) |
Powered by Discuz! X1.5 |