教育王國

標題: 阿仔今日評估為有自閉証傾向, 請比意見! [打印本頁]

作者: Torres 時間: 09-9-2 21:28 標題: 阿仔今日評估為有自閉証傾向, 請比意見!

名位mami,

今日終如去做了私人自閉証評估, 心情比想像中冷靜, 可能之前已經有心理準備, 而且在這得到好多mami支持鼓勵! 而最終答案只是傾向, 感覺上好似有d放了一口氣咁! 另外阿仔今天表現都可以接受, 同幾位姑娘玩遊戲時都有眼睛交流, 仲成笑到kaka聲! 叫佢個名時, 又有回應, 真係比起平時嘅佢,有所不同! 可能係環境有變, 玩具有新, 人物佢又喜歡. 姑娘都話佢如果加以訓練, 應該會有進步!

但我希望大家比些意見我, 我現在應該排E+S位 or E+I位好呢? 請大家幫幫啦!

作者: 我係女仔 時間: 09-9-2 22:38

咩可以排2個位既咩?
你係邊間做架? 做左幾多錢呀?

[ 本帖最後由我係女仔於 09-9-2 23:10 編輯 ]

作者: yeeyeemum 時間: 09-9-3 00:14

其實由06年起一般只可以排一條隊嘅服務，如果社工肯幫你排2種服務只係佢好人，而又排i+e位或是排s+e位，這是當你未排到s/i位是，但又排到e位時，可以用住e位的服務，此乃過度期，當排到有s/i位時你就要選擇放棄e位服務，轉去s/i位服務，相反你到時都可以繼續選擇e位，但這代表你要放棄s/i位服務，日後想再要s/i位服務時，就要重新排過啦！到時或會擔誤小朋友的進展添！所以，當你要排兩種服務時，要考慮清楚，最重要考慮小朋友的真正需要，一揀錯服務，又要重頭來排過隊，再要等多1-2年時間，除非係urgent case就會快啲啦！

原帖由 Torres 於 09-9-2 21:28 發表
名位mami,

今日終如去做了私人自閉証評估, 心情比想像中冷靜, 可能之前已經有心理準備, 而且在這得到好多mami支持鼓勵! 而最終答案只是傾向, 感覺上好似有d放了一口氣咁! 另外阿仔今天表現都可以接受, 同幾位姑娘玩 ...

作者: 我係女仔 時間: 09-9-3 01:40

邊度搵社工

作者: owl_2046 時間: 09-9-3 10:11

程序係:
係政府醫生做好評估後, 醫生會建議你小朋友入讀s/e/i 位, 而選位事項就由醫務社工跟進.
我亞仔都係傾向, 之前返開e位, 但幫助唔大, 同埋好多時係須要家長係屋企親自教授...亞仔係屋企唔聽話, 所以我都轉返e位比佢讀.

作者: 我係女仔 時間: 09-9-3 13:19

原帖由 owl_2046 於 09-9-3 10:11 發表
程序係:
係政府醫生做好評估後, 醫生會建議你小朋友入讀s/e/i 位, 而選位事項就由醫務社工跟進.
我亞仔都係傾向, 之前返開e位, 但幫助唔大, 同埋好多時係須要家長係屋企親自教授...亞仔係屋企唔聽話, 所以我都轉返e ...

我今日見左健康院姑娘, 下星期見醫生...
咁係咪見完醫生即刻排位架? 定係要再等做評估跟住先排位

咁e位係幾時返架? 點解個姑娘無叫我返既?

作者: scholar 時間: 09-9-3 15:10

見完健康院姑娘->見醫生->去評估中心第1次評估(3星期內)->去評估中心再評估(要排)->有需要再排服務

成個過程可以係1-2年.

作者: ec_cheung 時間: 09-9-3 16:33

唔好意思, 我想知E+S / E+I 係咩?

原帖由 owl_2046 於 09-9-3 10:11 發表
程序係:
係政府醫生做好評估後, 醫生會建議你小朋友入讀s/e/i 位, 而選位事項就由醫務社工跟進.
我亞仔都係傾向, 之前返開e位, 但幫助唔大, 同埋好多時係須要家長係屋企親自教授...亞仔係屋企唔聽話, 所以我都轉返e ...

作者: owl_2046 時間: 09-9-3 17:50

係呀, 我亞仔成過流程都排左16個月, 算快啦!

原帖由 scholar 於 09-9-3 15:10 發表
見完健康院姑娘->見醫生->去評估中心第1次評估(3星期內)->去評估中心再評估(要排)->有需要再排服務

成個過程可以係1-2年.

作者: owl_2046 時間: 09-9-3 17:55

S位 - 特殊學校
全日制, 全天侯訓練, 有齊3T, 小班教學.

E位 - 早期訓練
約一星期一次個別, 主要由導師教家長點在家訓練小朋友, 另有3T, 但一個月有幾多堂上就要睇中心安排.

I位 - 有兼收位幼稚園

原帖由 ec_cheung 於 09-9-3 16:33 發表
唔好意思, 我想知E+S / E+I 係咩?

作者: tszzzzz 時間: 09-9-3 23:41

提示: 作者被禁止或刪除內容自動屏蔽

作者: 殷!! 時間: 09-9-4 00:48

你可以一邊等I位/E位, 一邊於私人機構做"感覺統合"訓練,
別錯過6歲前的黃金時間.....http://prc.sahk1963.org.hk/

自閉症傾向是可以好大機會好返, 不過, 一定一定一定須要家長勤力跟小朋友做訓練....不可只靠I/E/S, 小朋友須要家長的愛, 才可慢慢成長....

我亞仔的同學2年前是自閉症傾向而讀兼收位(N1),他的家長積極幫助, 我看著他進步.....
另外, 我的好朋友的仔仔2歲時, 被評為自閉症傾向, 但我的好友懶懶閒, 本來只須讀E位, 現已轉到S位.....(我有啲心痛)

記住, 唔好錯過日子, 孩子須要愛!!

[ 本帖最後由殷!! 於 09-9-4 00:51 編輯 ]

作者: Torres 時間: 09-9-4 09:34

殷, yeeyeemum ,owl_2046, 我係女仔

多謝妳地回應, 正如"殷"所講, 我地都係決定去排e+i位, 再會出去做私人訓練or小組訓練! ,再會加倍努力同阿仔做家居訓練, 有大家的經驗, 我一定要同老公比心機!

作者: eat 時間: 09-9-4 11:14

原帖由 owl_2046 於 09-9-3 10:11 發表
程序係:
係政府醫生做好評估後, 醫生會建議你小朋友入讀s/e/i 位, 而選位事項就由醫務社工跟進.
我亞仔都係傾向, 之前返開e位, 但幫助唔大, 同埋好多時係須要家長係屋企親自教授...亞仔係屋企唔聽話, 所以我都轉返e ...

我想請問在政府醫生評估後是否要轉介睇兒童精神科?
我囝囝剛剛完成評估,話佢係自痺徵狀?但囝囝已經5歲半,社工話排得嚟都六歲,叫我自己出去搵其他訓練,是否過咗六歲就全部停冇得做訓練

作者: ktv 時間: 09-9-4 21:02

唔係好唔好人問題, 佢地有政策, 請看社署網頁

未夠2歲﹕
可E 和 I位一齊排, 因未夠2歲時, 只可入讀E位, 夠2歲先可讀I位, 所以政府俾2條隊一齊排。E位算過度性質, 未排到I位時而E位排到, 可讀住E位先, 排到I位就棄E。但要注意，社工話，如到2歲時, 如仲未排到過度性E位的話, 就會在此過度性E位waiting list 上自動除名。即2歲後就自動只係排I位了。即使2歲前排到E位, 但只可使用服務到2歲, 到2歲就不可使用此過度性E位的服務了。(如一開初就只排E位, 即是長期性E位, 咁就緊係可用服務到6歲了)

如2歲以上﹕
不可排I位又同時排E位。只可排其中一條隊。

任何年齡﹕
排S位時可同時排E位, E位又係過度性質, 未排到S位時而E位排到, 可讀住E位先, 排到S位就棄E。

政府評估中心醫生評估後已可排服務, 不用特別轉介去精神科。E/I/S 到了6歲就停止, 小朋友另找服務了。

原帖由 yeeyeemum 於 09-9-3 00:14 發表
其實由06年起一般只可以排一條隊嘅服務，如果社工肯幫你排2種服務只係佢好人，而又排i+e位或是排s+e位，這是當你未排到s/i位是，但又排到e位時，可以用住e位的服務，此乃過度期，當排到有s/i位時你就要選擇放棄e位服務，轉去s/i位服 ...

作者: 我係女仔 時間: 09-9-5 02:16

咁評估要等幾耐

作者: ktv 時間: 09-9-5 13:25

當健康院轉介咗你去評估中心, 你打去約, 大約三星期見姑娘, 但姑娘只係向你拿資料, 問吓問題, , 俾吓資料你, 唔係做評估。評估係要醫生做, 起碼等半年, 有D人等8至9個月, 什至聽過有人等咗13個月, 先見醫生做評估。評估完就可見社工排政府服務了。

原帖由 我係女仔 於 09-9-5 02:16 發表
咁評估要等幾耐

歡迎光臨教育王國 (/)