教育王國

標題: 入特殊學校 [打印本頁]

作者: 我係女仔 時間: 09-8-29 00:21 標題: 入特殊學校

如果一個2歲只係發展遲少少既小朋友入特殊學校讀一年, 咁係咪會密集式訓練架?訓練咩架?
跟住可唔可以讀一般幼稚園架?
有無小朋友讀完去考K1無問題呢?

[ 本帖最後由我係女仔於 09-8-29 00:35 編輯 ]

作者: urme1997 時間: 09-8-29 11:41

原帖由 我係女仔 於 09-8-29 00:21 發表
如果一個2歲只係發展遲少少既小朋友入特殊學校讀一年, 咁係咪會密集式訓練架?訓練咩架?
跟住可唔可以讀一般幼稚園架?
有無小朋友讀完去考K1無問題呢? ...

只係遲少少唔需要入S位啦 , 你都係等醫生評估左個小朋友先, 按小朋友需要排E, I OR S位, OR 你去搵D私人訓練比小朋友練習下

作者: 我係女仔 時間: 09-8-29 11:51

咁讀S位係咪真係會叻好多架, 因為我想比小朋友入一般幼稚園, 但我又驚讀唔到喎, 所以真係有少少想比佢入一年密集訓練出黎先讀一般幼稚園
S位排幾耐架?
我就黎返健康院啦, 唔知幾時可以醫生, 因為我個仔成日做駝鳥, 同埋, 佢叫都唔應人架, 好驚佢有問題

作者: urme1997 時間: 09-8-29 12:07

原帖由 我係女仔 於 09-8-29 11:51 發表
咁讀S位係咪真係會叻好多架, 因為我想比小朋友入一般幼稚園, 但我又驚讀唔到喎, 所以真係有少少想比佢入一年密集訓練出黎先讀一般幼稚園
S位排幾耐架?
我就黎返健康院啦, 唔知幾時可以醫生, 因為我個仔成日做駝鳥, ...

有無需要讀S位係要醫生安排, 我就排左8個月,今年10月返S位, S位就密習訓練, 內有職業治療, 物理治療及語言治療師

排見醫生做評估需要半年

你有無帶小朋友去玩PLAYGROUP,等佢見多D人

如果金錢許可, 不如搵私人幫佢做評估啦

[ 本帖最後由 urme1997 於 09-8-29 12:10 編輯 ]

作者: ktv 時間: 09-8-29 16:35

我都諗住俾我小朋友讀一年私人s位再去讀一般幼稚園, 佢都係就快2歲。我搵咗私家醫生做評估, 佢話佢都可以將來k1唔駛讀特殊學校, 不過入學前讀私人s位佢都贊成, 幫小朋友打好基礎。我等政府兼收位, 唔可以同時排政府s位, 我o個區等兼收要等一年,等得來小朋友都k1。所以我俾我小朋友去協康會上私人s位 (課程叫伴我童樂), 每月$7500. 其他一般私人機構都係這個價錢 (耀能私人s位$7000)。我小朋友上過一般playgroup, 對佢完全冇用, d老師唔識針對佢o既問題, 返私人s位進步大好多。貴, 不過都值得。如果你等政府s位, 一般要等好耐, 就算你搬去d快o既區都搞成個幾2個月, 等到之前, 最好都讀住私人s位先 (如果經濟容許的話)

原帖由 我係女仔 於 09-8-29 11:51 發表
咁讀S位係咪真係會叻好多架, 因為我想比小朋友入一般幼稚園, 但我又驚讀唔到喎, 所以真係有少少想比佢入一年密集訓練出黎先讀一般幼稚園
S位排幾耐架?
我就黎返健康院啦, 唔知幾時可以醫生, 因為我個仔成日做駝鳥, ...

[ 本帖最後由 ktv 於 09-8-29 16:41 編輯 ]

作者: 我係女仔 時間: 09-8-30 01:05

我個仔17個月咋, 都唔知比咩學校佢讀好

作者: 我係女仔 時間: 09-8-30 01:57

咁其實比佢讀PN1幾個月先睇下情況點先決定咁好唔好呢?

作者: ktv 時間: 09-8-30 18:29

N1 要兩歲先可以入學, 咁這幾個月可以俾佢做d個別訓練先, 如OT, 幼兒導師綜合訓練等, 不過都幾百蚊一個鐘。領思兒童發展中心的學習基礎小組, 18個月都可讀了($7500)。另外你帶多D小朋友去見其他小朋友, 你就知道佢同其他小朋友有冇咩唔同。

好似我個仔, 一早就覺得佢同其他小朋友唔同, 其他小朋友好叻, 又會聽人講, 我個仔就成日唔聽人講。上網睇吓自閉的特徵, 就發覺和我個仔的特徵好似, 即刻1歲8個月時俾佢做訓練。和找人評估, 果然係自閉傾向。

如經濟許可, 這幾個月你可一路觀察一路俾佢訓練, 訓練係改進佢O既弱項, 唔會有害。假如到2歲時比其他人只落後少少, 可以俾佢讀N1另加下課後個別訓練, 如落後許多, 私人S位可能較適合。

你有冇找普通醫生寫轉介信去政府兒童體力及智力測驗中心排評估呀? 評估後有需要可排政府服務。無論你會唔會做私人評估, 都排政府啦, 公民權利。

原帖由 我係女仔 於 09-8-30 01:57 發表
咁其實比佢讀PN1幾個月先睇下情況點先決定咁好唔好呢?

歡迎光臨教育王國 (/)