教育王國

標題: 蒙特梭利與英文教材 ~ 共存？ [打印本頁]

作者: 1511 時間: 09-8-27 11:34 標題: 蒙特梭利與英文教材 ~ 共存？

請問蒙特梭利既媽媽有沒有用其它教材
（英文）呢？兩樣一齊用有衝突嗎？
因据我所知蒙特梭利是不認同光碟教學的，但現今社會很難避免使用電視/光碟教學。兩者理論基本上是背道而馳，但我覺得各有好処。大家有可看法。。

作者: 小曳人 時間: 09-8-27 18:02

我會取各種學說所長.. 做我覺得啱嘅嘢..
我相信每個小朋友/家長/家庭環境都會唔同, 有d嘢係要微調嘅

作者: GUB 時間: 09-8-27 23:32

我覺得是要睇家長的大方向想點, 同埋有幾大程度去行一套方法. 沒有一套方法是十全十美, 家長可以跟據自己的需要互相補足, 不過, 我個人覺得最好唔好有矛盾, 否則小朋友會混亂.

例如montessori, 有人喜歡她教數的概念, 有人喜歡她的materials, 我個人就喜歡她看待小孩子的方法, 如要尊重孩子個人的成長進度和敏感期, 與及學習以小朋友主動為首. 所以我沒有給我小朋友比較passive單向的學習模式如電視/DVD/電腦的教材, 我教小孩子多取材自生活和書本, 與及多花時間跟她一起去發掘真實的世界.

當然這不是行蒙的唯一方法, 只是我個人傾向蒙這方面, 所以盡量不做相反的事.

至於是否很難避免電視教學, 我又不認同, 只是看家長有幾大決心.

作者: 1511 時間: 09-8-28 15:14

其實我對蒙特梭利只是一知半解的，這學說實在太博大，要實行真的不易。

吸引我的是她教數的概念, 和教具（很實際，不花巧，每樣教具有明確教育目的）。至於發掘真實的世界呢個concept...以前真的無留意但現在我是認同的。

但蒙氏有的理論都幾脫離現實，如不可玩入電既玩具，但在電子化既世界，可以嗎？如bb取了手提電話或數碼相機玩，又點計呢？

VCD教學的確很被動，但很快見到成果，或者呢的就是香港人‘急’既心態。（我也是）
要BB主動學習，基本上BB一出世就在不斷學習，視乎你比甚麽環境他，VCD可現成地比BB英語教學的環境。。。

正如小曳人所講 ‘有d嘢係要微調嘅’但我俳佪於兩者中。。:sigh:

p.s. 我對蒙氏認識不深，如有誤解，請指教

作者: elmolly 時間: 09-8-28 23:58

我覺得真係好睇家長想要d咩. 我其實有成套disney教材, 不過由我接觸montessori之後就無比我個女睇過. 但我有比佢聽, 一邊聽一路同個女跟住做(你可以自己睇一之再示範). 有幾隻cd係可以一邊讀一邊睇書既, 我就比佢睇同聽. 如果你要好似一舨香港人咁乜都要快既, 都無所謂既, 你咪淨係買你覺得蒙有用既教具去比你小朋友學數再加埋英文教材學英文.

唔好話蒙唔蒙, 你起internet都可以search到睇太多電視對小朋友係有好多負面既影響. 係真係好快見成效, 不過最好了解下negative effects.

作者: GUB 時間: 09-8-29 17:11

我好認同, 最主要睇家長想要什麼.

蒙, 有些人會著眼教具, 有些人, 會睇蒙是一套育兒的理念同方法. 所以唔同人有唔同著眼點, 真係好睇家長想要什麼.

作者: GUB 時間: 09-8-29 17:16

原帖由 1511 於 09-8-28 15:14 發表
要BB主動學習，基本上BB一出世就在不斷學習，視乎你比甚麽環境他，VCD可現成地比BB英語教學的環境。。。...

每個幼兒都是天生的學習者, 家長要做的, 就是不要令這種天生的學習熱情退卻.

歡迎光臨教育王國 (/)