教育王國

標題: 可否俾啲意見我 [打印本頁]

作者: venus.c 時間: 09-8-22 13:46 標題: 可否俾啲意見我

我個仔將升小三，但英文一般，家長日時老師都叫多看英文故事書，而家諗緊搵唔搵補習好，我唔想搵補習社，因我唔想這些做功課形式，唔識先問，想搵私人補習，大約$80/1小時，補星期六2小時左右，但我就諗：而家程度自己仲可以應付，仲可以教個仔，好似無須要俾錢人教，但我仲有個１５個月女女，又要照顧個女，放工後返到屋企睇埋功課後個仔就要趕住要瞓，根本無咩時間可溫習，但我教仔時講多幾次仲唔識就會發火，所以都唔知搵唔搵補習好，可否俾啲意見．

作者: happyvalley 時間: 09-8-22 23:07

原帖由 venus.c 於 09-8-22 13:46 發表
我個仔將升小三，但英文一般，家長日時老師都叫多看英文故事書，而家諗緊搵唔搵補習好，我唔想搵補習社，因我唔想這些做功課形式，唔識先問，想搵私人補習，大約$80/1小時，補星期六2小時左右，但我就諗：而家程度自己仲可以應付，仲可以教個 ...

大道理我就唔適講，不過如果睇英文故事書，應該由淺開始，圖書管裹有 Floppy (Oxford) 英文故事書，幾好。

作者: carama 時間: 09-8-23 14:47

如果就你的情況，我覺得請私人補習老師未嘗係一個好方法。因為問題唔係你可唔可以應付得到他現在課程的程度，而係你都無時間，加上你都發覺教仔時如果小朋友講多幾次仲唔識就會發火，咁點解唔找第三者協助自己。你可以請老師應你小朋友的程度而安排一些英文課外書與他一起閱讀，及安排平日可以看到的書本予小朋友。
如果可以的話，或者平時可以一d簡單的英語同小朋友溝通，推薦一本英文會話書"親子英語會話"，一般書局有得買，都幾好ka，睇落好似好淺，但幾實用，每日講d，好快入腦。
其實係你小朋友將快升小三，你亦得知佢而家最大的問題係英語，咁就要盡快協助他，否則日子過得越久，問題就越積越深。

作者: Yonniewong 時間: 09-8-24 01:10

如果錢不是太大問題, 我贊成外判, 因為發得太多火會攪壞同小朋友既關係. 同埋返到屋企可以有多O的親子時間.

原帖由 carama 於 09-8-23 14:47 發表
如果就你的情況，我覺得請私人補習老師未嘗係一個好方法。因為問題唔係你可唔可以應付得到他現在課程的程度，而係你都無時間，加上你都發覺教仔時如果小朋友講多幾次仲唔識就會發火，咁點解唔找第三者協助自己。你可以請老師 ...

作者: venus.c 時間: 09-8-24 10:02

其實都考慮緊補平日放學後或是星期六?如平日叫佢睇功課定補習呢?做得功課,睇得功課嚟都夠鐘啦,再加上就算幫你睇咗功課,我放工後都要睇睇,始終唔放心

作者: brian61950 時間: 09-8-24 13:28

補習社呢家野真係要試,唔好速換.

我個仔今年4月(二年級下學期)先開始返補習社,但已發現進步了很多和大家(小孩子和父母)都舒服了很多.
學業上已沒有鬧過,他亦沒有再苦着臉做功課.

兩公婆呻早知K3好去啦..

作者: 已刪除用戶 時間: 09-8-24 15:08

我同你同一情況
日日返到屋企, 金睛火眼趕趕趕
唔係自己唔識, 係無時間理(尢其是我個細既, 踢一踢至郁一郁, 佛都有火呀), 做完功課仲邊有時間/精神溫故知新丫
我都想外判...........

原帖由 venus.c 於 09-8-24 10:02 AM 發表
其實都考慮緊補平日放學後或是星期六?如平日叫佢睇功課定補習呢?做得功課,睇得功課嚟都夠鐘啦,再加上就算幫你睇咗功課,我放工後都要睇睇,始終唔放心 ...

歡迎光臨教育王國 (/)