教育王國

標題: 你地小朋友幾大& 點樣發現有自閉傾向呢? [打印本頁]

作者: SiuBay 時間: 09-8-20 16:18 標題: 你地小朋友幾大& 點樣發現有自閉傾向呢?

你地小朋友幾大& 點樣發現有自閉傾向呢? 可以去邊度做test?...阿仔成22個月, 覺得佢既發展比大女慢好多, 而且又成日發皮氣...好擔心

作者: billman 時間: 09-8-20 17:38

你可以去健康院約姑娘睇下,如果真係有問題,佢地會轉介你去醫院睇專科醫生,不用太擔心,最緊要搵到小朋友有什麼問題,然後對正下藥,或者考慮比小朋友2歲返學,比d外界環境激發下佢!

作者: 豆Dan 時間: 09-8-20 22:18

我亞仔歲半開始行為有異, 去健康院見姑娘後, 便約見醫生, 再約兒童體檢做評估.

作者: ktv 時間: 09-8-20 23:42

我小朋友而家21個月, 19個月時佢都唔講嘢, 又唔會指手, 又唔多望人等, 網上search發現o既自閉特徵佢好多都有。就唔等再返去健康院, 直接找普通科私家醫生做轉介, 去排政府評估中心等做評估, 又另外找私人兒科專科醫生做評估, 原來真係自閉傾向, 跟著就直接排政府的服務, 但有排等, 而家未排到, 就在私人的兒童發展中心做密集訓練 (私人特殊位), 小朋友都有進步。我諗住俾佢讀這些私人特殊位, 直到返幼稚園。我有朋友俾佢自閉傾向的小朋友讀普通的2歲班, 但冇乜進步, 因唔係針對性訓練。(佢冇俾佢另外有個別訓練,只係返2歲班) (不過私人特殊位就貴好多, $7500一個月)

原帖由 豆Dan 於 09-8-20 22:18 發表
我亞仔歲半開始行為有異, 去健康院見姑娘後, 便約見醫生, 再約兒童體檢做評估.

作者: SiuBay 時間: 09-8-21 14:16

我就係覺得健康院既姑娘檢查好似好求其甘...所以想睇下有冇d私家既test可以做下...我都諗住比佢返2歲班...but 好怕佢坐唔定...自閉既小朋友會唔會好坐唔定既呢?...我都唔知佢係百厭定乜.....而佢仲係講好多bb話..識講好少單字...

歡迎光臨教育王國 (/)