教育王國

標題: 下星期既家長會 [打印本頁]

作者: hcshiu 時間: 09-8-19 12:27 標題: 下星期既家長會

學校既家長會會係下星期分級舉行，剛收到通告有關家長會詳情，跟著我送囡囡番學既時候，再同係門口既老師問清楚。

以前既家長會，係地下打通幾個班房做個大禮堂黎舉行，家長要坐細路椅，坐得幾辛苦，而校長曾對我說，學校又要之前之後安排同善後個場地；所以我見今年既家長會會係又一村俱樂部（或會所）舉行，之後再回到學校分班由班主任處理班內事務，雖然有點舟車勞動，但我覺得係一個幾好既嘗試。另外，我囡囡K1同K2時，學校都有安排學生一年一兩次去會所玩，但係除非係住係又一村，其實家長都無機會入過去，所以除了參加家長會外，也可以順便看一看會所的環境。

作者: kuo1125 時間: 09-8-23 14:00

我都好想去吓, 小朋友可以一斉去嗎? 我的小朋友知道我們会去club house. 他都好excited, 他好想同我們一斉去.

作者: hcshiu 時間: 09-8-24 12:35

可以帶埋孩子去，但當然無時間比佢地玩，家長會時，老師話都要坐係家長身邊，之後番到自己課室再玩啦，家長亦可以親自去睇下自己孩子上課既地方。

原帖由 kuo1125 於 09-8-23 14:00 發表
我都好想去吓, 小朋友可以一斉去嗎? 我的小朋友知道我們会去club house. 他都好excited, 他好想同我們一斉去.

作者: ffeeii 時間: 09-8-25 16:43

我地都會一齊去,坐校車,到時見

作者: jojoplanet 時間: 09-8-26 14:12

今日出席完家長會, 係校長叫我地諗下mami個樣時..要記住...有d感動, 因為我媽媽過咗身10年,佢無見過我個仔..

作者: ffeeii 時間: 09-8-28 19:25

仲有kiss吓老婆呢???
校長喺咪想搞吓氣氛.....我覺得都幾多餘.....

作者: hcshiu 時間: 09-8-29 00:57

其實對於正常既家庭，好似好多餘，但係對有問題既家庭，校長係提醒我地做家長既，一個有愛既家庭，對孩子既成長先係最重要，就算孩子讀書有幾叻，如果心態同性格，因為成長家庭既環境有壞影響，咁仲慘過讀唔到書。

原帖由 ffeeii 於 09-8-28 19:25 發表
仲有kiss吓老婆呢???
校長喺咪想搞吓氣氛.....我覺得都幾多餘.....

作者: utopian 時間: 09-8-29 03:54

想問各位對於擴充校舍,有沒有甚麼意見?

作者: winwin815 時間: 09-8-29 11:19

兩睇啦, 小朋友有個更大既空間同埋新既校舍, 實係好事, 但係地方大左, 亦即會收更多學生, 怕學校兼顧唔到, 今年k1有8班, 聽到都幾嚇人

原帖由 utopian 於 09-8-29 03:54 發表
想問各位對於擴充校舍,有沒有甚麼意見?

作者: jojoplanet 時間: 09-8-29 11:40

原帖由 hcshiu 於 09-8-29 00:57 發表
其實對於正常既家庭，好似好多餘，但係對有問題既家庭，校長係提醒我地做家長既，一個有愛既家庭，對孩子既成長先係最重要，就算孩子讀書有幾叻，如果心態同性格，因為成長家庭既環境有壞影響，咁仲慘過讀唔到書。

...

請問你知唔知每班大約有多少人, 點解我個日見好多班都有3個先生, 我個仔K1G得2個?

作者: hcshiu 時間: 09-8-29 14:52

班多都唔係問題，最緊要係有幾多個老師照顧自己子女果班。好似根據規定，一個老師最多可以照顧十五個學生，所以高班兩位老師對廿多個學生。

依我所見，有某些班有三個老師，其實係負責一班上午班同埋一班下午班，但係我就唔知果班上午班同下午班確實有幾多人喇，但佢地三個老師應該最多照顧四十五個學生，分兩班，咁即係每班不能多個二十二個學生。

開學之後，問下小朋友有幾多個同學，又或者直接打電話番學校問下啦。

原帖由 winwin815 於 09-8-29 11:19 發表
兩睇啦, 小朋友有個更大既空間同埋新既校舍, 實係好事, 但係地方大左, 亦即會收更多學生, 怕學校兼顧唔到, 今年k1有8班, 聽到都幾嚇人

作者: hcshiu 時間: 09-8-29 15:02

其實學校擴充校舍，實質上係地方多左，將來家長會就唔洗要去到又一村會所，學生又有更多室內活動空間，而不只於自己的班房（現在户外地方很大，但時常因為太哂都用不著）第時仲有禮堂比佢地表演呀，畢業禮呀，係一件好事。

另外，校舍擴充係用辦學團體自己既錢，根據家長會校長講，佢地用貴而影響最小既方法來建，處處表現辦學團體係有心攪好間幼稚園，處處為學生著想；而最初我比個女黎讀，最怕既係佢地攪攪下要停辦起樓（因為果到地點真係又一村最後最好景既位置），而家佢擴建，即係唔會咁做，家長就放心喇。

原帖由 utopian 於 09-8-29 03:54 發表
想問各位對於擴充校舍,有沒有甚麼意見?

作者: teacherkg 時間: 09-8-29 20:22

原帖由 jojoplanet 於 09-8-29 11:40 發表

請問你知唔知每班大約有多少人, 點解我個日見好多班都有3個先生, 我個仔K1G得2個?

3個老師照顧一班是因為那班的學生人數超過了30人,政府規定1位老師只可負責15個小朋友,所以如果一班學生人數超過了30人,便要3位老師負責了!

作者: jojoplanet 時間: 09-8-30 16:32

原帖由 teacherkg 於 09-8-29 20:22 發表

3個老師照顧一班是因為那班的學生人數超過了30人,政府規定1位老師只可負責15個小朋友,所以如果一班學生人數超過了30人,便要3位老師負責了!

咁一個課室咪好多少朋友?同埋個時in完個老師話教處既規定係1:15但係佢係1:12...d幼稚園係唔係多數都係2x人一班呢

作者: teacherkg 時間: 09-8-30 23:47

原帖由 jojoplanet 於 09-8-30 16:32 發表

咁一個課室咪好多少朋友?同埋個時in完個老師話教處既規定係1:15但係佢係1:12...d幼稚園係唔係多數都係2x人一班呢

通常一個課室可容納40人,咁30幾個小朋友加3位老師當然好多人啦!

幼稚園基本上都係2位老師照顧一班的,雙班主任制!除非小朋友人數超過30人才需要3位老師!

1:12??下午班少人讀可能會吧,上午班就不會了!

作者: ffeeii 時間: 09-8-31 11:43

阿圯讀k1/k2時課室好大有多空間,家長會後到班房拿書時,發覺點解到k3個課室咁細....

作者: hcshiu 時間: 09-8-31 19:47

我就有點奇怪，K2已經係二樓，點解我個女K3反而係地面果層，當然，唔洗上落樓梯，少Ｄ擔心，但係個課室係原先個禮堂用板分開，所以隔聲差少少。無辦法，總有班要用果個課室，可能就係因為隔聲差少少，所以反而高班比低班合用。

原帖由 ffeeii 於 09-8-31 11:43 發表
阿圯讀k1/k2時課室好大有多空間,家長會後到班房拿書時,發覺點解到k3個課室咁細....

作者: kuo1125 時間: 09-8-31 20:54

我小朋友嗰班有34人, 似乎太多人, 唔知老師可唔可以handle. 而且大部份同学仔都唔識, 只得4個今年同班, 大部份佢識的都去咗第二班, 都唔知学校点分班, 不過咁都好, 去到小学反正全部唔識, 只是担心老師可唔可以handle34人.

原帖由 hcshiu 於 09-8-31 19:47 發表
我就有點奇怪，K2已經係二樓，點解我個女K3反而係地面果層，當然，唔洗上落樓梯，少Ｄ擔心，但係個課室係原先個禮堂用板分開，所以隔聲差少少。無辦法，總有班要用果個課室，可能就係因為隔聲差少少，所以反而高班比低班合用。

...

作者: jojoplanet 時間: 09-8-31 21:10

原帖由 kuo1125 於 09-8-31 20:54 發表
我小朋友嗰班有34人, 似乎太多人, 唔知老師可唔可以handle. 而且大部份同学仔都唔識, 只得4個今年同班, 大部份佢識的都去咗第二班, 都唔知学校点分班, 不過咁都好, 去到小学反正全部唔識, 只是担心老師可唔可以hand ...

小學好多都係咁架..等佢地識多d人, 其實咁都係好事..

今日遇著個好麻煩既家長...好鬼討厭...不過詳情唔想講因唔知係有無上 BK

歡迎光臨教育王國 (/)