教育王國

標題: 其實大家認為咁細個要bb讀n1, 會唔會早左d? 我朋友話 [打印本頁]

作者: jkj 時間: 09-8-9 23:37 標題: 其實大家認為咁細個要bb讀n1, 會唔會早左d? 我朋友話

第時有排讀啦, 所以佢只比佢個仔返playgroup, 咁細個就放佢係學校, 咩都唔知, 只不過大部份家長都做, 唔做又驚bb比人差, 我聽左都唔知點, 我bb依家就嚟2歲, 講野都未識, 點返學呀? 好擔心, 請問各mami有咩意見同經驗? 如果唔讀n1, 一讀就3歲k1, 會唔會唔好? pls help, thanks

作者: TAROPIG 時間: 09-8-11 21:15

返學可以學規矩﹑紀律，到佢兩歲之後佢會學得好快，返學可以學講野﹑學同人相處，培養良好習慣如清潔﹑戒片...

如果屋企有人教佢陪佢都好，無就梗係另願佢返學啦。

當人人都係咁做，就知道好處應該係比壞處多。個人意見。

作者: 小曳人 時間: 09-8-11 21:38

如果屋企有人教, 唔返N1都無所謂
0-6歲嘅小朋友學習1d都唔會辛苦
所以更加唔應該錯過呢個黃金"敏感期"
如果媽媽要返工就最好返N班
我地因為個豬流感搞到無插N班, 响屋企悶多咗幾個月都覺得浪費咗好多時間呀!

作者: jkj 時間: 09-8-11 23:30

thank you for your suggestion, 但我好擔心bb咁細一時睇唔緊會整親, 小事就無所為, 因為剛剛同bb打針, 順便問醫生睇法, 佢話佢個女剛剛係n1跌到個流血, 都唔知點好?

原帖由 TAROPIG 於 09-8-11 21:15 發表
返學可以學規矩﹑紀律，到佢兩歲之後佢會學得好快，返學可以學講野﹑學同人相處，培養良好習慣如清潔﹑戒片...

如果屋企有人教佢陪佢都好，無就梗係另願佢返學啦。

當人人都係咁做，就知道好處應該係比壞處多。個人意見。 ...

作者: pipi331 時間: 09-8-12 00:04

提示: 作者被禁止或刪除內容自動屏蔽

作者: Alvinchun 時間: 09-8-14 18:07

返學跌倒撞親一定有，你要預計在內，我同意之前個媽媽講，最重要是學校的市處理及善後

我個仔都唔識講野架，所以我覺得更加要早D返，可以與多D同齡小朋友相處，人都冇咁悶

(個人意見)人地嗰個返唔返同自己嗰個返唔返，根本就是兩件事

作者: leegap 時間: 09-8-18 15:06

唉, 我覺得個個媽咪都係心大心細...(本人都係) 可能因為而家太多學校選擇了, 都唔知邊間好d, 邊樣好d...

作者: joecrystal 時間: 09-8-18 15:18

我都係2歲就比亞囝返學，（ｄ人成日都話咁細個要返學咁慘，好辛苦姐），其實我囝囝返得好開心，又小朋友同佢玩，又有老師講故事，唱遊，大小肌肉活動，學校仲經常同佢地出外活動．囝囝返咗一年真係學咗我多野．

作者: stefi 時間: 09-8-26 23:49

我係因為驚婆婆湊佢會辛苦, 所以先諗緊報唔報n1

作者: sukilan 時間: 09-8-28 14:13

我都會比囝囝返N1，因為佢已26個月仲未識講野，未介到片，遲些仲要見醫生添，我希望囝囝返左N1後會有改善

作者: wendycyp 時間: 09-8-28 14:38

我都會比bb返n1, 我唔係想佢比其他冇讀n1的小朋友叻, 而係想佢學下守規矩, 自律同自理, 仲有就係多d機會同其他小朋友相處, 同埋希望快d識講嘢 (而家18個月都未識講單字)... 我唔會比佢上全日, 只會上半日, 唔想bb太辛苦...

有好多人都會有唔同原因, 例如要返工, 或者屋企太多小朋友要照顧, 又無人幫手, 都會比bb早d返學.

作者: MWFCHAN1 時間: 09-8-29 11:23

我身邊有些人都會認為小朋友點解要咁早返學, 但我的見解同之前的mami一樣, 在屋企都只得工人湊, 1對1很悶, 返學有小朋友同佢玩, 又可以學有規律些, 真是覺得不錯.

作者: siuocean 時間: 09-8-29 11:37

我都想比bb 返n1..
因為我唔想佢成日留喺屋企對住嫲嫲...
老人家又唔識得教bb..又唔識得同佢玩d有益o既玩具..
又怕佢會寵壞bb..如果乜都就哂bb,我怕佢好快會變成一個惡覇.....所以返學校..可以同d小朋友一齊上堂..學習自律..學習同人分享...禮讓...各樣各樣啦......
當然咁早返學都有佢唔好o既地方啦..講真.如果我可以全職湊b..我都未必會咁早比佢返學...因為我可以教佢好多野....但無奈要返工...所以學校係一個比bb學習o既最好地方~

作者: ML_Ngan 時間: 09-8-29 11:47

I also will send my daughter to study N1 becasue she can learn discipline and team spirit.

作者: BBBPigPig 時間: 09-8-29 22:22

I used to think of sending my boy to N1 when he's 2 yrs old next yr (now he's 1 yr old). Like the above moms, he may learn discipline in his schoollife.
Now i think of not sending him to N1 coz I'm a full-time mama & not as in need to send him to N1 as working mama. I agreee w/ the above mama that if only grandparents or maid taking care of the bb, it's better to send him to N1. I think i'll send him to playgroup instead (coz I can stay w/ him during playgroup time)!

作者: TAROPIG 時間: 09-8-29 22:48

就以我小朋友為例。他已上了一個月(17日)n1預備班, 從起初怕怕羞，到而家見人都識叫午安; 從起初分開時大喊，到後來笑著同你bye bye, 都可以見倒佢有進步。

我見佢有d同學，返左一個月都係喊，我就已經覺得自己個仔表現唔錯。回家佢又會唱歌比你聽，又會手舞足蹈，你就知佢返學係幾開心。

開頭學校會比你陪佢上堂，聽校長在家長會講：小朋友最好盡快比佢識得同你分開，所以只安排三日陪上課，時間長了反而更難離開。我相信佢地辦學多年都應該有d心得，而家亦証明了是對的。

其實我而家都係全職媽咪，每日帶仔返學放學都幾忙，下個月正式開學返三個鐘，都係一個新考驗，希望呀仔會enjoy 啦!

作者: cherry_bird 時間: 09-9-1 10:25

咁大家認為番全日班定半日好啊...???因為我想幫我仔仔報全日班..唔想佢係屋企對住個姐姐..

作者: MWFCHAN1 時間: 09-9-1 12:40

我會給我BB讀半日, 始終我覺得佢還細, 如果全日都在學好似會很累, 雖然下午在學校都會有午睡, 但我會覺得在家裡瞓得舒服D, 而我屋企的姐姐都ok, 應該都會有心機同佢玩吓.

歡迎光臨教育王國 (/)