教育王國

標題: 阿女確診ADHD，是時候放棄學琴嗎? [打印本頁]

作者: sunmoon 時間: 09-8-7 10:18 標題: 阿女確診ADHD，是時候放棄學琴嗎?

四歲時是阿女主動說要學琴，可是她實在專心不到，現在六歲了，每天叫她練琴如同作戰，她曾說要不學了，不過因為怕她常輕言放棄，一路都堅持，只是升了小一後，功課忙了，而且在學習方面亦見困難，加上曾看過一些文章說要過動兒學琴實在太難為了他們，但亦有姑娘說她彈得就讓她繼續，我當時亦希望借此多訓練她的左右腦，但想想她這麼拉牛上樹，遲些老師又要她考琴試，要她應付這些壓力，又要面對學業，彼此又要角力，是否真的要放低了，請大家給點意見，謝謝!

作者: 珀珀,慧慧媽 時間: 09-8-7 11:21

原帖由 sunmoon 於 09-8-7 10:18 發表
四歲時是阿女主動說要學琴，可是她實在專心不到，現在六歲了，每天叫她練琴如同作戰，她曾說要不學了，不過因為怕她常輕言放棄，一路都堅持，只是升了小一後，功課忙了，而且在學習方面亦見困難，加上曾看過一些文章說要過動兒學琴實在太 ...

個人覺得學琴唔一定要考試,如果唔得未學多幾年囉...
其實我個囡都在test這個(adha),她都在學琴,我的目的只係訓練她的左右腦無想過她要考試,不過如果老師說她可以便去如未得就唔考......
諄外活動只是為興趣而唔係為考試,如大家都覺太辛苦就唔好學...
這是個人意見,不喜可忘記去~~

作者: smilejackie 時間: 09-8-8 11:56

我個囡都是ADHD, 學琴是較幔, 因要佢埋位是幾難,

現在不迫佢, 反而好些少, 她本身都喜歡彈的, 只是不能管束自己專注,

故她的琴老師選取輕快活潑的歌曲給她學, 間中滲入悶歌, 希望她能吸收!

其實學琴有助ADHD 專注, 手眼要合一及重覆動作.

作者: clhmandy 時間: 09-8-8 12:15

[quote]原帖由 sunmoon 於 09-8-7 10:18 發表

四歲時是阿女主動說要學琴，可是她實在專心不到，現在六歲了，每天叫她練琴如同作戰，她曾說要不學了，不過因為怕她常輕言放棄，一路都堅持，只是升了小一後，功課忙了，而且在學習方面亦見困難，加上曾看過一些文章說要過動兒學琴實在太 ... [/quote我個仔仔都有e個問題,佢都學咗年幾琴了.一開始我就同教琴老師講明學習動機,其實我比佢學琴ge原因唔係為咗佢要考到幾多級試.我只係希望訓練佢的手眼協調,專注力同手指肌肉.由初初5音不全直到現在自發練琴...手眼協調大有進步...手指亦靈活了許多,這幾樣的進步已經係學琴的最大的得益
唔一定要考到琴試方為有成就

作者: ~仔仔媽咪~ 時間: 09-8-8 14:40

係啦,無謂因為個症而要佢放棄,就係佢有呢D專注力問題,佢仲需要呢方面既訓練,倒不如媽媽您試下先換下心態,佢學琴或者學其他野唔係志在佢學得叻或考到個試,而係志在訓練佢改善ADHD既問題.

有呢個症唔代表小朋友咩都無資格無能力去學去做囉,佢地一樣可以好似一般小朋友去學習,只係方法要另類D,要額外搵一些方法去幫佢地而已.

好似我仔都係ADHD,之前我都覺得我仔呢一世都無可能讀到書,因為到小二下學期,佢都至係勉強計到1至10以內既加減數,英文完全係無可能學到,但我仔去到小三,佢係中英文測驗默書都可以合格囉,我都係自己幫囝囝溫習,好睇得出佢係可以做到,只要俾多D耐性同時間佢,佢無野係學唔到,正如我仔個精神科醫生一樣,佢有次問番我仔學習情況,我嗰時都話佢英文唔得,好難教到佢明,跟住個醫生都係話,既然佢英文嗰方面專注唔到,咪諗多D方法去教佢教得有趣D囉!而唔係要我地放棄定係要個仔接受某一方面治療.

所以媽咪要加油,唔好俾呢個症打敗,好好把握小朋友既時間,等佢大個咗可以照顧到自己.呢D先最重要.始終我地唔能夠陪到小朋友一生一世.:)

作者: sunmoon 時間: 09-8-9 16:22

很多謝大家的意見，其實考不考試我真的不著意，只是老師說她也應該要面對的了雖然我已告知女兒的情況，由始至終我最認為是練琴的角力，因為每天她都要花一個小時，很時要分開兩次，因她真的不能專心，彈一次就搞好耐先彈到第二次，如果要做埋功課同溫書，每天就好似要打仗，也很傷和氣，而她做嘢時又不准阿妹自由活動，而她自己也沒有時間玩，因為玩對於她很重要，情緒又是一個很大的問題，學了差不多3年了，對她沒有要求，只是抱著訓練專注力和左右腦、手眼協調，還有學習要有恆心的信念去堅持，現在怕就怕在是作無謂的堅持，因為學習專注同提升大腦的活動也很多，重點在於她是否適合，如果她能投入必能事半功倍，因為她彈琴真係交行貨，如不彈琴可能更有其他空間，所以我真的怕行錯路反而誤她一生，因為因材施教是很重要的，因此我真係感到好迷茫。

作者: SandraLo 時間: 09-8-9 23:28

原帖由 sunmoon 於 09-8-9 16:22 發表
很多謝大家的意見，其實考不考試我真的不著意，只是老師說她也應該要面對的了雖然我已告知女兒的情況，由始至終我最認為是練琴的角力，因為每天她都要花一個小時，很時要分開兩次，因她真的不能專心，彈一次就搞好耐先彈到第二次，如 ...

放開些吧, 如是她喜歡的, 每天精簡些練15 min便夠了！

作者: hinhinmummy 時間: 09-8-10 10:11

原帖由 sunmoon 於 09-8-9 16:22 發表
很多謝大家的意見，其實考不考試我真的不著意，只是老師說她也應該要面對的了雖然我已告知女兒的情況，由始至終我最認為是練琴的角力，因為每天她都要花一個小時，很時要分開兩次，因她真的不能專心，彈一次就搞好耐先彈到第二次，如 ...

吾好話adhd, 我個女正常的, 每日要佢坐係樹練一個鐘琴根本就無可能

我自己細個時, 都好鍾意彈琴, 但因為阿媽每日都迫我練一個鐘琴, 由鍾意變到抗拒, 最後放棄埋

如果個小朋友鍾意既, 做乜要set c 一個規則要佢去做

我個女依家都吾係日日練琴, 有時還要練得10零分鐘就走左去.............

只要個家長, 當係一種興趣, 課外活動比佢, 而吾係為左考試拿張cert 而去學就無壓力

作者: sunmoon 時間: 09-8-11 23:46

真的很感謝大家很支持小女繼續學下去，我想看看遲些接受了治療後的情況再作決定，當然最重要是小朋友的意願，如果她喜歡那有不學的道理，只是叫她彈琴她寧願做功課，我不是叫她彈一小時，是她彈了一分鐘就搞搞陣十分鐘，所以結果花了一小時，是花了不是彈了一小時，其實都唔知總共練了有冇15分鐘，我根本都唔敢set時，總之每首曲彈夠十次，不理好壞都照收貨，咁已經係要求好低，咁都唔止最慘仲係感受唔到學琴對她的專注力及協調有幫助，反之是一種負擔及壓力，剩係叫佢坐好都好似叫佢受刑，對她來說就是壓力，她那會享受到當中的樂趣呢?除非她要再隔耐啲先學一次琴，那她可多點時間和空間，因為老師起碼要彈熟之前教的東西，至於考試不考就吧了。

作者: hinhinmummy 時間: 09-8-12 10:17

原帖由 sunmoon 於 09-8-11 23:46 發表
真的很感謝大家很支持小女繼續學下去，我想看看遲些接受了治療後的情況再作決定，當然最重要是小朋友的意願，如果她喜歡那有不學的道理，只是叫她彈琴她寧願做功課，我不是叫她彈一小時，是她彈了一分鐘就搞搞陣十分鐘，所以結果花 ...

試下吾好set c 每首歌要彈幾多次
有時吾係要彈到某一個數量先叫收貨
我屋企個琴, 由朝早就會開, 到訓覺先會收
個女鍾意幾時行去彈兩彈又走開
每首歌吾會彈好多次, 因為佢d 歌都吾短

佢依家, d 歌, 都會彈幾個星期, 試過一次最經典係彈一個月

如果有晒規定set c 規則, 就會有壓力, 甘佢既興趣就會lost

我仔係a仔, 之前都有試過學琴
但又係好似你女甘
叫佢去練琴佢就好似要佢去c 甘
後尾連琴都吾掂
最後放棄左
我比佢學琴同你一樣, 係想佢左右腦可以運用, 左右手可以協調
但既然佢覺得係壓力, 吾想練就有佢
屋企有琴, 又長期開住
經過一年的冷靜期

依家佢居然有時得閒, 會搵d 舊琴書, 自己去彈下
又叫家姐作首故怪歌, 寫係五線譜兩姊弟自彈自唱怪歌.......

我已經心足..............係希望有朝一日, 阿仔提返起興趣, 叫家姐教佢

作者: mtkdc 時間: 09-8-15 15:25

我的兒子也是4歲時被評為ADHD，那時，我真的十分徬徨，不知怎樣幫他？後來我卻為他報名學琴，以提升他的專注力，直至今天6歲了，他依然學琴，今年年初更拿了校際音樂節鋼琴(一級)獨奏優良獎！一直以來，老師更安排了不少公開演奏予他嘗試。
看著他對學琴的興趣，我內心真的希望他那活躍的行為能有改善的一天......
所以，讓我們多些鼓勵他們，不要標籤他們，我相信他們也能跟常人一樣！
這是我的信念！

作者: SandraLo 時間: 09-8-16 23:19

原帖由 hinhinmummy 於 09-8-12 10:17 發表

試下吾好set c 每首歌要彈幾多次
有時吾係要彈到某一個數量先叫收貨
我屋企個琴, 由朝早就會開, 到訓覺先會收
個女鍾意幾時行去彈兩彈又走開
每首歌吾會彈好多次, 因為佢d 歌都吾短

佢依家, d 歌, 都會彈幾個星期 ...

hinhinmummy :

你又一次講哂我心中所想的.......
你save 起呢段文字啦..... 好多媽咪都好須要！
如個個都好似我地咁諗, 會有多好多人鍾意音樂！

歡迎光臨教育王國 (/)