教育王國

標題: 3-4YRS 小朋友學緊乜課程 [打印本頁]

作者: Minniechung 時間: 09-8-1 01:34 標題: 3-4YRS 小朋友學緊乜課程

各位媽咪依家俾緊乜野課程小朋友讀, FOR 佢地見小學时有用, 聽有D媽咪講, 如要考入名校. 要有兩個音樂和一個運動的證書. 係咪真的. 我都唔知俾乜個女讀好

作者: Minniechung 時間: 09-8-3 19:23

SHARE 大家小朋支讀乜課程, 真係甘難. 唔通有D家長唔想俾人知.

作者: Rainky 時間: 09-8-3 19:38

音樂方面,可以考慮學樂器
普遍黎講小提琴,鋼琴呢D
又或者其他有音樂試都已經不錯啦
起碼有試考,有証書
最緊要有興趣,學得好,成績考得好
睇小朋友興趣去揀啦
因為學樂器唔係一年半年o既事
冇興趣都可能幾辛苦

又或者參加一d合唱團
有d地區合唱團都好幾ga
上網搵下都有唔少

其實學一d長期課程
小朋友亦可能有機會參加比賽或考試
如果只係短期課程
未必會有比賽或者考試
可能只係得出席證書,又或者課程畢業證書

又或學跳芭蕾舞/中國舞/jazz
呢類舞都會有考試,合格就有證書啦

作者: Rainky 時間: 09-8-3 19:42

體操總會o既課程都有證書,不過當然要考試合格啦
http://www.gahk.org.hk/right01.htm

不如你睇下囡囡鍾意咩體育活動,先幫佢搵下啦
有d體育機構(總會)o既課程都有證書ga,可以上網搵下

作者: Minniechung 時間: 09-8-3 21:30

RAINKY 真係多謝你既回覆.
我女女依家只係學緊柏斯音樂, 我諗住同佢報BALLET, DRAWING, MATH, PHONICS, 普通話等. 但係樣樣都報真係好金. 所以要集中甘報. 邊D幫到小學先報.

作者: Radiomama 時間: 09-8-3 22:35

3-4歲的小朋友, 可以學好多課程or活動, 不過也可以集中火力, 不是指金錢而是精神!

我最近幫仔仔做portfolio, 就不停思考, 要放什麼在當中? 如果樣樣活動都放入去, 會否令人覺得小朋友的生活好辛苦?  再細想, 咁我咪曾經令阿仔好辛苦呢?

柏斯的音樂課程是一個好的開始, 那就不如集中音樂去發展吧!

體育方面, 女女有何需要或興趣呢?  我仔氣管敏感, 所以我們聽醫生吩咐去游水, 由3.5歲開始游, 不經不覺已一年, 今個暑假一星期游三日.  不是為考小學, 而是為健康.

畫畫, drama也曾參加, 過後發現其實不會用果d證書, 因他只屬起步階段, 不提也罷!

k2這一年, 不少同學集中火力參加朗誦班, 朗誦比賽, 時間和金錢的投入都不少, 這視乎孩子的能力和興趣, 一試無妨, 但坊間太多呃錢比賽, 有些是參加了也不想放入portfolio的!

英文數學等"補充"班, 要看你打算考哪一類小學, 有些學校不喜歡小朋友咁細個就去補底, 也有些家長幫孩子補了又會選擇不透露, 所以可以三思, 不要人報你報!

不要只想著報小學, 也要想一想你希望女女怎樣呢?  升小學之後仍會學音樂, 芭蕾舞, 畫畫嗎?  會否有些留待上小學才學呢?

有感而發, 請恕我多口.

作者: sunflowersg 時間: 09-8-3 23:25

很赞同你的意见。
不知道你是否熟悉黄埔附近的音乐和绘画中心？哪间比较好？好像有“刘诗昆钢琴中心”，不知道老师如何？
谢谢！

原帖由 Radiomama 於 09-8-3 22:35 發表
3-4歲的小朋友, 可以學好多課程or活動, 不過也可以集中火力, 不是指金錢而是精神!

我最近幫仔仔做portfolio, 就不停思考, 要放什麼在當中? 如果樣樣活動都放入去, 會否令人覺得小朋友的生活好辛苦? 再細想, 咁我咪 ...

作者: Minniechung 時間: 09-8-4 00:05

[quote]原帖由 Radiomama 於 09-8-3 22:35 發表

3-4歲的小朋友, 可以學好多課程or活動, 不過也可以集中火力, 不是指金錢而是精神!

我最近幫仔仔做portfolio, 就不停思考, 要放什麼在當中? 如果樣樣活動都放入去, 會否令人覺O

多謝你Radiomama, 我唔會覺得人地俾意見你係多口. 我反而好多謝你的分享. 你講得, 真係唔好為左報小學而報, 但哩樣又係好現實既野, 你無的, 人地就唔收. 所以個個課程我都要聽左TALK和理解左先決定俾個女去報, 有D課程我都唔知岩唔岩佢的, 所以我會俾幾個月時間佢試, 一唔得或佢唔鐘意我就會stop.

作者: wootaitai 時間: 09-8-4 02:11

提示: 作者被禁止或刪除內容自動屏蔽

作者: Radiomama 時間: 09-8-4 13:46

I have no idea at all!

不過"朗誦"、上台的經驗也許可以幫小孩大膽一點，對面試有好處吧!

原帖由 wootaitai 於 09-8-4 02:11 發表
其實拿好多朗誦獎是否對小一有用？
幾多才夠？

作者: Rainky 時間: 09-8-4 20:47

若果你真係唔知揀咩活動好
不如睇下你心儀o既小學有咩校隊
不妨從中參考一下揀咩課外活動!
因為將來係小學可以入返校隊,代表學校比賽ma!
亦有機會成為間小學想搵o既"人才"

最緊要的都係小朋友o既興趣!
小朋友有興趣,肯成日練習,又有心機上堂
無論對小朋友,老師,家長都係好事
不但唔使晒學費,勤練習又會進步得快d

其實除左聽talk了解課程
有d機構仲設有試堂(有d免費有d收費)
報名參加活動時不妨先行查詢!
而且報課外活動唔一定要揀d機構名氣大
有d機構雖然冇咩名氣,
但一樣亦都質素好,師資好,老師仲好有心機教!
而且學費平一截呢!

作者: Minniechung 時間: 09-8-5 02:08

原帖由 Rainky 於 09-8-4 20:47 發表
若果你真係唔知揀咩活動好
不如睇下你心儀o既小學有咩校隊
不妨從中參考一下揀咩課外活動!
因為將來係小學可以入返校隊,代表學校比賽ma!
亦有機會成為間小學想搵o既"人才"

最緊要的都係小朋友o既興趣!
小朋友有興趣 ...

你真係一個最足功課既媽咪, 勁. 真係無諗到從校隊著手.
真多謝你提點, 感激.

歡迎光臨教育王國 (/)